للغالين من سكـــــان طيبة

السلام عليكم


تقبلوا هذه المشاركة العادية مع التحية والاحترام



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياخويٍ لي بوقتٍ فات في سجّ الدروبي=صاحبٍ ما أنساه لا جت حاجتي قمت أعتزي به
كان يوعدني بثوب ليا كبرت وباد ثوبي=كيف يوعدني ويخلف موعده والله حسيبه
من طلوع الفجر لين الشمس مالت للغروبي=صادقٍ مع صاحبي وليا دعاني قمت أجيبه
كلما قال الطريق يمين هبّت له هبوبي=واحتزمت وصرت أنا وأياه أبو زيد وقريبه
وتالي الأيام صارت رفقته فيها عجوبي=ضاف بي عودٍ كبير وخوته خيبه وسيبه
شايبٍ ماكنت أبيه وصوبه الأيام جوبي=مارضيت إنه يرافقني ورافقني غصيبه
رفقته تفرح خبول الناس سودان القلوبي=يالله افزع لي بفزعاتك على اللي يندعي به
أستعينك وأستعيذك لا توليني ذنوبي=لاتصلطها توريني عدوٍ مادري به
ياعليمٍ بالبواين ياعليمٍ بالغيوبي=يامكافي شر مابالغيب تكفي شر غيبه
جيت في دار السروق ورحت من دار الكذوبي=طرقةٍ فيها بلاوي من مصيبه في مصيبه
جاب له بنتٍ عجوز وجاب له طفلٍ يحوبي=مارحم ضعف البنيه والولد ولّع بشيبه
لو أورّد قصّته بعض الأوادم كذبوبي=بس أبا أنذر ربعي الغالين من سكان طيبه[/poem]

أخوكم / هادي بن عايض بن شنيف


..

صح لسانك يابن شنيف ..


لاهنت ..


تحيتي

صح ابدنك يالذويبي

صح لسانك مدد ولا هنت



تحياتي


..

صح ابدنك يامحمد

جاب له بنتٍ عجوز وجاب له طفـلٍ يحوبـي
مارحم ضعف البنيـه والولـد ولّـع بشيبـه
لـو أورّد قصّتـه بعـض الأوادم كذبـوبـي
بس أبا أنذر ربعي الغالين من سكـان طيبـه






صح لسانك ولاهنت يا بن شنيف ، ابيات عجيبه ، وفيها علوم


صح لسانك ولاهنت



اصدق التحايا

القدير / هادي


صح لساااانك يا مبدع


نص جميل وحضور اجمل


مودتي لك ...

الله الله الله

هادي بن شنيف

صح السانك على هذه الشاعريه

قصيده مليانه جزاله

دمت بخير

يا هلا ومرحبا يا هادي

حضور غير عادي من موضوع ومن طرق ومن بدع الله يزيدك

جيت في دار السروق ورحت من دار الكذوبي
طرقةٍ فيها بلاوي من مصيبـه فـي مصيبـه

الله يبعدنا ويبعدك من هالدارين واهلها

صح لسانك مدد وسلمت

صح بدنك ياخالد السيحاني ولاهنت