مســـــــرح ســـــراجيـــفــــي

[poem=font="Simplified Arabic,6,darkblue,bold,normal" bkcolor="transparent" bkimage="backgrounds/18.gif" border="double,4,darkblue" type=1 line=0 align=center use=ex num="0,black"]


على مسرح سراجيفي هلا بك ياغـلاي الجـم=تصفق لك جماهيـر الولـع والفرحـه تعمـه
تربّع مانبي غيرك على عـرش القصيـد ودم=‍ولاتجـزع لغيـري لابكـاك وتلتفـت يـمّـه
تراك انت الوحيد الـي بقلبـي ماطلبتـه تـم= ‍وقلبٍ تستبيحـه ماحـد مطالبـك فـي دمّـه
هذا قلبي بمفتاحه تفضل طـال عمـرك سـم=تسلّم .. لك مقاليد الحكم فـي كـل ماضمـه
يقولون العرب يومي حسيتك محتسي لك سـم= ‍وانا اقول العوافي كلهـا فيـك انـت ياسمـه
ولجتك لين في غمرة غرامك صرت اشمك شم= ‍ عبق ريحك يرد ارواح مـن فرقـاك مغتمـه
تلفت لك كلامي فلسفة عشـق ٍ بـراه الهـم=ضماه انتي ومروية العطش وسـروره وغمـه
‍صغير فج في صدر القصيـد بحربـة الملهـم=سلب منه النفيس وماحوى المكنون في جمّـه
وعلّقها على الضلع القصيـر وقتّـق الملتـم=ورماها بين منثور الشعـر واقفـى ولاهمـه
جمال يستحـي منـه القمـر لامـرّه وسلـم=وخدٍ يكسر شعاعه شعـاع الشمـس ويزمـه
تسنجني سواليفه ليا من قـام لـي يتـم تـم=يخاف تجرّ ح شفـاه اكلـة القاتـوه وبفمّـه
كثر ماقمت اعاني من فراقٍ في حشاي اجـرم=لعـب فـيّ السهـر والهـم لا فرّقتـه يلمّـه
هلابك فلّ مجدول السوالـف وانثـره واسلـم=تحت غيم الوصال ابدا هيامـي فيـك واتمـه
على جال القصيد اضوي كلامي و اشرح المبهم=لعينك بـس ياتـوم القصيـد وخالـه وعمـه
كتبتك لو طغى حبر القلم موج وغموض اليـم=قصيدي فيك مايوفـي ولاتبـرى بـه الذمـه [/poem]