أخوان الجهاله .. !!

السلام عليكم ..








[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شاعرٍ غنّا من الحزن عصرٍ من نهار = إقتفاه الليل والصبح عيّا يقتفيه
دار ظهره للمدينه و سولف للجدار = بعض ماعند اصدقاه وبعض مما لديه !!
( العداله ) مأرتكب من مواجهها الفرار = غير عباد الدراهم وعباد الوجيه
كم وجه ٍ( فيه سجده ويعلوه الوقار ) = ويتورا خلفه الخبث والخلق الكريه
وكم وجه ٍ( يفتقر للخصوبه والخضار ) = ويتواجد تحت ضلعه مية شخص ٍ نزيه
و (الطبايع ) في المخاليق ماهيب إختيار = كم من إنسان ٍ خلق فيه طبع ٍ مايبيه !!
كل واحد في ضميره ( ضميرٍ مستعار ) = وكل واحد يحمل يدين ( ماتشبه يديه )
والدليل ان الصغاير عواقبها كبار : = ( فار ) حوّل ( سد مارب ) وهو كبر الجنيه
ياكبيرين الاسامي طويلين العمار = الرخيصه ليه ؟؟ والغاليه من غير ليه !!
( العمر ) ثوب ٍ يجي للكبار وللصغار = والبشر واحد يحطه وواحد يرتديه
و (السنين ) أسرع من البرق و ( الموت ) قطار = ركبوا اللي قبلنا فيه وأنا نحتريه
من تعداه ويحطّه على يده اليسار = يعتذر منّه وعز الله ان عذره وجيه
يحرم : ( أن داس الحرام ) و ( هتك لله ستار ) = ويرزق : ( أن أدا صلاته ) و ( بر بوالديه )
و ( اللوازم ) قضي حاجه وقاعات اختبار = يعرف الرجال ماله ويعرف ماعليه
ان تعامل بأريحيه فمن حسن المسار = وأن تكلف في فضيله ترا ماهيب فيه
و ( الفضيله ) ماتطلب حكيم ومستشار = و ( القوي ) من يحرم النفس شي تشتهيه !!
تركض اخوان الجهاله ورا ذات الخمار = و ( النبيه ) اللي يدلك عليه انه نبيه :
عن دخوله في ( التجادل ) و ( خوضه في الغمار ) = ( لبس مايحلو لغيره ) و ( أكل ممايليه )
ان تخلف عن مهمه تخلف بإعتذار = وان تولى ناصيتها تحمل مايجيه
ومن عطى الاقصين حسن الأخوّه والجوار = سلموا اهله من لسانه وسلموا من يديه !![/poem]








وسلامتــــــــكم