إلى جاهل بدون تحية !

[poem=font="Simplified Arabic,7,white,normal,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black""]
الخبل لو هو خوك لا تعتزي به =والكفو خاوه لو من أقصى القبايل
أنا اشهد إن بعض القرايب مصيبة=لا نافعك قربه ولا هوب حايل
لو كنت ما تطمع بخيرٍ يجيبه=ما كف شره عنك شين العمايل
لا واعذاب اللي حريبه ... قريبه=وش حيلته لاجاه مخطي وعايل؟!
الحلم: يحسبه المغفل غليبه=والجهل: يلحقك العتب والعذايل
ولا يهمه جود فعلك وطيبه=ينسى معاريفك وكل الجمايل
مغرور يبغى يستر الكبر عيبه=هو مادرى إن الكبر راس الفشايل؟
يا ( هيه ) هذا عار والكذب خيبه=عطنا على مدحك لنفسك دلايل
وش تفتخر به غير نمّه وغيبه=ولسانك العقرب وشين الرسايل؟!
وكلٍ يسده يابن الاجواد جيبه=والزين مارجَّل بنات الحمايل!!
ما عاد تاسعك الصدور الرحيبة=في كل يوم نشوف منك الهوايل
لا بد للمخلوق ياخذ نصيبه=يا ليت عن بعض القرايب بدايل
[/poem]