أبيات في وصف الخيل ،،،، شاركونا لو سمحتم

أخواني في منتديات المرقاب


السلام عليكم ورحمة الله وبركاته

اخواني

ساعدوني على هذا الموضوع ، نحاول نجمع اكبر عدد من الأبيات التي قيلت في وصف الخيل ،
وفي اعتقادي ان القصائد التي قيلت لوصف الخيل فقط قصائد نادرة جدا ، ولا كن الشعراء يتطرقون في قصائدهم لوصف الخيل مثل القصائد الغزلية او المدح او غيرها نحاول هنا أن نجتزئ تلك النصوص التي بها وصف جميل للخيل اتمنى مشاركة الجميع والله الموفق :

سوف ضع هنا بع النصوص أتمنى ان تعجبكم :
يقول عبد الله بن زويبن الحربي :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا وجودي وجد مجروح الفوادي = من هنوف ثوبها يجرح نهدها
شافها بالملعبة يوم العيادي = طشت الشيلة وماحت في جعدها
كنها بالمعلبة صفراً اترادي = بالحبال اللي ملواتٍ عقدها
سمعت اصوات العزاوي والهنادي = من عياطير السطر يطفر زبدها
تحتري شيخٍ يقود ولا يقادي = منكفٍ بطماعةٍ لحقوا طردها
لحقوا الفرسان بظهور الجيادي = كل راعي مهرةٍ ركب ولكدها [/poem]

وكذلك قوله في إحدى قصائد المدح :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وإلى غزتهم خيل قومٍ مفاجاه = وفادت وعادت مع طريق أمغزاها
لحقوا على شهبٍ تنازى منازاه = أصايلٍ در العشاير غذاها
وتعاقبن سهوم فرسان ورماه = وبيعت جلايبها بحومة وغاها
وفادوا وردوا بوشهم يم مفلاه = وشرايد العدوان بس امنعاها[/poem]


وسوف اعود لكتابة بعض النماذج

انتظر مشاركاتكم
وشكرا لكم

بارك الله فيك يا محمد على ما اوردت من موضوع
سرني قراءة القصائد الجميلة لا عدمناك
وننتظر المزيد المزيد منك


كل التقدير لك اخيك

هذا القصيدة لمضحي عايد الشبرالعنزي
يقول فيها ,,,,,

جتكم وصوف المسرجات السريعات
يالله عسا مااقول بالوصف زلّه

اللون وجه اللي غدا شمله اشتات
ولاّ كما بنّ اليمن وسط دلّه

والراس حجمه معتدل بالقياسات
لاهو صغير ولا كبير ٍ تملّه

وآذانها ارقاقه وملس ٍلطيفات
اقلام منتصبات مثل الاخلّه

واعيونها برّاقه ومستطيلات
عين الفتاه اللي لحقها مملّه

والناصيه فوق العيون الكحيلات
مثل السعف ومن الحراره تضّله

والجبهه تشابه ليوم البشارات
تزفّ للمحزون فرقا المذلّه

ومناخره متباعدات ووسيعات
وامدوّرات وللنفس سهّل ٍ له

والفم واشدوقه وساع وطويلات
تحت اللجام شدوقه ايمهل ٍ له

واعناقها ماهن عراض وقصيرات
طويلة ٍ والكتف مالصّقن ٍ له

والعرف مسترسل كما شعور خفرات
والجذع صلب ومشرف ٍ غاربٍ له

واصدورها متنهّضات ورحيبات
والظهر فوق الكاهل مناسبٍ له

والبطن كنز اهل الخيول الاصيلات
رحيب بالأنثى وضامر بخلّه

واقطيّها متشبّعات وعريضات
صلبة قوايم مابها كلّ علّه

والذيل شعر الفاتنات الجميلات
اللي لهن بالقلب عهد وسجلّه

هذي وصوف الخيل ياهل البطولات
ويالله عسا بالوصف مافيه زلّه

هذي قصيده للفارس شالح بن هدلان في فرسه
//
يا سابقي كثرت علوم العرب فيك
علوم الملوك من أول ثم تالي

لا نيب لا بايع ولاني بمهديك
وأنا اللي استاهل هدو كل غالي

وأنتي من الثلث المحرم ولا اعطيك
وانتي بهالدنيا شريدة حلالي

يا ما حلا خطوى القلاعه تباريك
أفرح بها قلب الصديق الموالي

ويا حلو شمشول من البدو يتليك
بقفر به الجازي تربي الغزالي

الخير كلّه نابت في نواصيك
وأدله ليا راعيت زولك قبالي

حقك عليّ إني من البر ابدّيك
وعلى بدنك الخوج أحطه جلالي

أبيه عن برد المشاتي يدفيك
وبالقيظ أحطك في نعيم الظلالي

أنافدا من حصلك من مجانيك
جابك عقاب الخيل ذيب العيالي

جابك صبّي الود من كف راعيك
في ساعة تذهل عقول الرجالي

ياسابقي نبي نبعّد مشاحيك
والبعد سلم مكرمّين الرجالي

يم الجنوب وديرته ننتحي فيك
لربع من الآوناس قفر وخالي

متصفح جميل واصيل

شكرا لكل من يسعى لتقعيله ،

..

ملحمة الإبل لبن بلال
7
7
http://www.montada.mergab.com/showthread.php?t=29932

ماجد المنهالي
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

الإبل غـلاها غير وحسابها غير=ما هي بحي الله مـن الله خلقها
جرد الرقاب المكرمات المضاهير=فج النحور اللي بعيداً شبقها
سند البكار مفهـقات المواخير=ما كل من يبغي قناهـا لحقها
في شانهـا نرعى السيوح المزاهير=ونرعى الديار اللي كثيراً وهقها
ومن دونهـا حد السيوف البواتير=ورجـــال لدروب المعالي سوقها
ولا جابها إلا نـادراً بـيده الخير=في حقهــا من حقها ما فهقها
تستـاهـل الناموس يا فارق السير=والمقبـلات أبشــرك فـي رفقها
دام النوادر في حراويكم أتسير=سقها على الناموس لا هنت سقها
أمسـكته ووحـيدة بـأول الذير=والنادرات اللـي ينومس عمقها
عــزمـت والخيـرة مـع وردة البير=وتنومســت ذودك وبيــن فرقها
والحـمد لله سـاقها بالمقـاديـر=وبانت مشاوير الشجاع وطرقها
برزت من بيـن الرجال المشاهير=يوم يتخالط دمعها مع عرقها
يا عشيـر المقدام هزت الطوابير=وبان الخلال ونلتهـا يا سبقها
مبــروك فوزك يا عشير الصقاقير=يا من تعلى للعلوم وصفقها[/poem]

[poem=font="Simplified Arabic,6,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

بدعت المثايل والمثايل لها بيبان =إلى فتحت بيبانها جاك مافيها
على القصد والمقصود بعدل القيفان=عسى راع البل عند ذوده يغنيها
يغني بها في خايعٍ عله الودان =بذيك النفود اللي عسى الغيث يسقيها
تهشم ربابه من طريف إلى نجران=مداهيل عوج السوق ربي رضا فيها
تشوف الخزامى و الشقارى مع المكنان =تخالف زهرها ساكناتٍ ذواريها
تكبر قياع الرمث من زاهر الحوذان=كساها ولي العرش وأحسن كساويها
مداهيل حلوات اللبن خلقة الرحمان = مجاهيم سود خالق الكون مسويها
مجاهيم جاذبها الفحل والوجيه زيان = وساعٍ مرافقها طوالٍ خطاويها
جليلات عظم الساق مرفوعة الحجان = طوال الرقاب مشرهفات أذانيها
عراض الخدود اللي تماري بها البدوان =كبار الفقار موسعة صدر راعيها
مجاهيم رمليات لخشومها نيشان=ترافض بلا دمها حدادٍ نواصيها
هوى القلب خطوى نايفة والضلوع متان=تجي بالحلا والزين وترد به فيها
كبيرة مزر الورك فجحا من السيقان = تخنطل قوايمها كبارٍ مواطيها
تمايح بذبلٍ مثل دراهة القران=نهار الطرب هذا لهذا يوديها
لها غاربٍ متقدمٍ شامخٍ مليان = يدافر حباك العيز والعيز حاليها
وساع منادغها من الزور للكعيان = بها كل شيٍ زين والملح غاشيها
طموحٍ تحذف أشناقها واسعة بيعان = فروعٍ فتون البيد عسمٍ أياديها
ولا رايعت كن المعنق على رمان =تعوجه من العاتق خفوقٍ لواحيها
سنودٍ من الغارب فسيحة من الذرعان =عسى ربنا من شر خلقه ينجيها
البل تراها السود والصهب يالظفران =وشقحٍ سواد اذيالها فاصلٍ فيها
أنا احب شوف الوضح وضاحة الألوان = مغاتير من جلد الوضيحي تحاليها
مغاتير جذابات ومكحلات أعيان=جميع الوصايف كلها كاملة فيها
مغاتير فنس خشوم فيها الدريعي بان =عرانينها وشعوفها فاصلة فيها
مغاتير معروفات وطبوعهن زيان =على الصوت ماتبغي راعي الصوت يتليها
الى شفتهن رتوع في خاطي الجيان =تشادي القنوف المرسية بامر واليها
مغاتير لامن سمعت الصوت والدندان =لاكن الذيابة تهتوش عند تاليها
مغاتير لاغنى المغني على عليان =ضربها السطر لا صاح بالصوت راعيها
الى جلعت لاكنها شرد الغزلان =وراها المفرد يابساتٍ علابيها
الى من ذعرها الصوت واستولت الميدان =يقوس ذرايب عجها من سماريها
ركد عجها من سجها والجرس رنان =تجي ذي مع هاذي وهاذي تباريها
ترى البل فرح وسرور من خلقة الإنسان =عسى الله يبور بواحدٍ بايرٍ فيها
كنوز البداوة منقذه راعي البستان =مواريث جدود باشهب الملح تحميها
مداخيلها عسرة على بايع الرمان =ولا تصلح البل كون في مرّح اهاليها
حلا ما حلا مرواحها تجذب الحيران = الى أقبل غروب الشمس والليل ضاويها
على بيت منهو يكرم الضيف والجيران= عشير النشامى كل ماحل طاريها
عسى من يسوق المال في غالية الأثمان= يبارك له الرحمان فيها ويذريها
أنا قلتها وادخل على الله من النسيان =مع الناس صفر وزرق ماني بناسيها
وحمر وشعل تختلف بينها الألوان =إلى تاه فيها الوصف تعرف باساميها
ترى البل تعز الرجل تكفون يالجذعان=حرامٍ عليكم تركها والطمع فيها
وصلاة ربي عد مالاح برق وبان=بسود القنوف اللي غلاظ مثانيها
على الهادي المبعوث بسنة من الرحمان = شفيع أمته لا نوديت بامر واليها[/poem]

شلعان بن ظافر الدوسري

كل الشكر لك يا بدر

مجهود مميز

على قولة البدو / الخيل عز ٍ للرجال وهيبه

ومشاركتي أبيات للفارس الشيخ / مطلق بن الجبعاء الدويش .. في إحدى المعارك بعد ما عقرت فرسه



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا واحسايف سابقي يا هل الخيل = يازينها لا جات تبار المطيه

مسلوبة الذرعان مركوزة الذيل = باغ عليها فك راع الرديه

حذفتها في هيّة ٍ كنها الليل = كله لعينا صيحة الدحمليه [/poem]




وهذه أبيات للشاعر / عبدالله بن زويبن الحربي من سياق أحدى قصائده :


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
صفـرا وهـي بعذارهـا سمـعـت الخـيـل=اشـد مــن ضــرب الـدفـوف أرجفتـهـا
وقامـت تشيـل بنفسهـا بالسمـاء شـيـل=وصـاح النـذيـر وسـبـق الخـيـل جتـهـا
خيالـهـا دايــم عـلـى خـصـمـه الـمـيـل=إلــى فـــرق رجـلـيـه عـــن معرقـتـهـا [/poem]





وكل الشكر لك يابدر مجددا ً

تحيتي وتقديري لك

متصفح جميل واصيل

شكرا لكل من يسعى لتقعيله ،

اخوي الغالي محمد البيضاني

موضوع يستحق المتابعة والمشاركة ايضا

والشكر موصول للاخ بدر العجمي

ونأمل المشاركة من الجميع

لي عودة باذن الله

تحياتي

صحت السنتهم جميع


ولا هنت على هذا المتصفّح


تحياتي

..