من ( القائل ) ؟

السلام عليكم ورحمة الله وبركاته ..

اخواني واخواتي .. اعضاء وزوار هذا الصرح الشامخ
سوف نترك لكم مجال التصنيف لكل من الشعراء والقصايد الاتية ..
بحسب ما ترونه مناسب من خلال متابعتكم لــ . هؤلاء المبدعين .

على بركة الله ..
(1)
[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
طال انتظاري لصبح ٍمابدى نوره = ياطول بالي وياقوي وياصبري !
اعدّ دورة سنين العمر وشهوره = ولاجف دمعي ولا دميّ ولاحبري !
ولالان راسي لوقت ٍ كاثر ٍ جوره = وعن كل طاله وعليا ماقصر شبري !
اشيل حمل الزمان بنفس مجبوره=لو عزت النفس قادتني على قبري !!
واسج الاقدام والاحوال مستوره = كبير واحلام عمري كلها كبري !
لو ان روحي من الايام مقهوره = ماني على خبرها لو هي على خبري !
وان جيت اغير ملامح مجمل الصوره =تشتت الحلم داخل حالي المبري !
و من واقع ٍ يظهر الرجال عن طوره =شيّدت للعذر واصحاب الرخاء كبري !!
كل ٍ على حسب مجهوده ومقدوره = مريت عبري وابا غادر وانا عبري !!
العمر مع غبة الامواج بابوره = يسبح والاحلام لاتتهم ولاتبري !!
ومن الله الناس منهيّه وماموره = واما جبر كسري الله / مانفع جبري !!
وان كان صبح السعاده مابدا نوره = الله يعوّض عليّ ابخير في صبري !!
[/poem]


(2)
[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
مانيب من ياتي ولا يدرابه=شطر ٍ عشقته وانجبرت ابدابه
شطر ٍ موجه لك ماهوب لغيرك=ياللي جميع اللي حصل بـ.. اسبابه
صحيح كنت اغلى علي من روحي=والقلب عن غيرك مقفّل بابه
وكنت اتحرى منك لو هي كلمه=يرتاح منها القلب ياسلابه
لكن بعد ما ارخصت قلب ٍ صانك=احساس قلبك ماحسبت حسابه
ياخي لاتعشقني ولكن حشّم =قلب ٍ صناديد الرجال تهابه
بدري على مثلك ينزل قدري=ومني تعلمت النحو واعرابه
ارجع على وضعك هذاك الغابر=واصبر على ضرس الزمان ونابه
هذاك مبطي يوم ادور قربك=ترى الوضع ياهيه مايتشابه
وان جيتني تنشد وشنهو قدرك=تراك ما تسوى جناح ذبابه
[/poem]


(3)
[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
واحد وعشرين ليل اكملتها بالتمام=من ليلة موادعك ربي يجيبك لجل
تشوف جسم ٍ ماباق ٍ منه غيرالحطام=ولاعاد به حيل للممشى ولو له رجل
في كل ليله يشوف الموت برد وسلام=خصوصا ليا لمح طيف العيون النجل
يجي للاشواق من بين الضلوع احتدام=لشوف وجهٍ كساه مع الجمال الخجل
من غبت عمري على اول ليل بالشهر دام=تكفى عشان الغلا يابدر عمري تجل
شوفتك تحيي هشيم الروح مثل الغمام=وفرقاك وبقدره القادر تجيب الاجل
حظي تهاون بسومك لكن البعد سام=وانته على ادناة سومه بعت له بالعجل
كسرتني بالتجافي والتجافي حرام=وسمعت فيني كلام اعداء وكذب ودجل
لاتحسبني بعد فرقاك حالي تمام=مشاعري فالغياب اطبق عليها الوجل
العام فاقوى مواجه مااعرف الانهزام=واليوم فأدنى مواجه انهزامي عجل
[/poem]


(4)
[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
وش اكتب لك ؟ وأنا كلي كتاب دوم تقرينه..= ليا شفتي حروف الضيم : لا بدّك .. تشوفيني
أعانق لهفتي / والريب تجرحني.. سكاكينه=] ورزنامة[ حياتي ذرّهــا الحرمان / في عيني
شتاتي : واقف ببابك ، لعلك لو تشوفينه= ينزّل هامتك ..صوت الحنين الغرّ ؛ وتأتيني
( بقايا إنسان ) لازمه ..الشعور البكر من حينه= يصارع موجه العاتي \ على دفّة.. عناويني
أمانه .. والرحيل أشباح / تسكن في شرايينه!!= يشوف .( الموت ). بعيون الضحايا ، والمساجيني
أمانه .. والوفاء : مقياس ؛ والتحنان : تدوينه = زهور الريف ، ,تشرح بال.. [ مكسور ] الجناحيني
تواجهنا على سفح الغرام \..الهش تكوينه= على نسمة غلا ، وطيور ..تسجع بالبساتيني
وتوارى طيفك المغرور .. في لحظة براكينه= وداعية .. بصمت الخوف ؟ تزرع.. غيضها | فيني |
إذا ما كان لك قلبٍ ؛ يشيل (الجرح) ويعينه= تدور. الدائرة . بكره / على جور.. السلاطيني
[/poem]


(5)
[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
كل وقـت وكـل يـوم وكـل ساعـه=تنوي غيابك وانا طبعـي جزوعـي !!

المحبـه يالغضـي مـاهـي لكـاعـه=واللكاعه طبـع مايناسـب طبوعـي !!

قلبـي المشتـاق ماتـلـوي ذراعــه=صدك قهوتـي وتلويحـك قدوعـي !!

منـت لـي زادٍ ولا حتـى بضـاعـه=لجل اجي واروح ماسديـت جوعـي !!

للمكابـر والجفـا عـنـدي منـاعـه=( ومرحبا واهلين ) تعشقها سموعـي !!

بالسلامـه روح بعتـبـرك اشـاعـه=وليلة فراقـك ابـا ولّـع شموعـي !!

مايخضعـنـي التغـنّـج والميـاعـه=وانت تدري : وللولي وحده خضوعي !!

بــدويٍ مايـشـوف الا ارتـفـاعـه=لو شموخي زاد من حـرّي ولوعـي !!

المهـم القلـب ماتسـبّـب ضيـاعـه=الغمـام اخـوي والعـزّه ربوعـي !!

حلمك شـوف الدمـوع بكـل ساعـه=وولدي مـرّات مايسـاوي دموعـي !!

كان قصـدك دمعتـي يابـو القطاعـه=دمعتي اصعب علي من حب كوعـي !!
[/poem]


(6)
[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
كان اللقاء للفراق وتطلب فراقي = إرحل وعند الموادع لا تناديني
رغم إن قلبي على لقياك يشتاقي = لكنّ ، إذا للموادع حيل يشقيني
إن جيت ما آظن يقواني عظم ساقي= أطيح وإن طحت تكفى لاتخليني
إجمع بقايا الغرام وباقي آشواقي = خذها وخل الجسد يمكن يكفيني
أعيش عمري وأكمل وحدي الباقي = ومع غيرك الحب لا يمكن يخاويني
مع طيفك أسهر من المغرب للأشراقي = وليا آشرق النور أشوفه منك يأتيني
الحب له وردةٍ في مدرج الساقي = ماهيب ورده من ورود البساتيني
تحيا ليا صار بين أرواحنا عناقي= وتموت عند الجفاء بين المحبيني
ومادام نيّة ضميرك صارت فراقي = إرحل وكفّ الرسائل بينك وبيني
لو دمعة العين تاقف داخل أحداقي = أرخي لها الرمش لين تذوب في عيني
لعلها تنسكب في داخل أعماقي = وتروي جفاف العواطف والشراييني
ولو أثرت لوعة الفرقا على أخلاقي = الصبر ابا أنادمه والله يعافيني
لو كان غيرك يدينه تملك وثاقي = ماكان صاحت على شانك مساجيني
وإن كان ودك ترتب باقي أوراقي = تعرف مدى حبّك وتعرف عناويني

[/poem]


الشعراء
1) محمد مشوط
2) تركي الديحاني
3) ناصر تراحيب
4) مشعان البراق
5) ياسر العتيبي
6) محمد السواط
7) محمد بن رشيد
8) وجد
9) عيوف

ولكم الاختيار

ملاحظة // وهذا مسك الختام لــ موضوعنا من ( القائل ) . !

ونشكركم على تفاعلكم معنا .. والشكر موصول لصاحب الفكره . المبدع /عفاس

تقديري

.......

^
^
^

يا مرحبا والله يابو محارب

لا تنكب المتابعين وتسوي حركات وتمويه يكفي تمويهك في الاسلوب

^
^
^

ابشر بـــ الحق وما يلحق ..

وترى الربع يبا يشرهون علاك بكره اذا طلعت النتائج وحصلو قصيدتك . وش عذرك ؟

تكتب قصيده وتغير اسلوبك . و لا كفتك بعد تجي وتصرح وانت قايلي ماني قايل شي مره مره

اما بنسبه للوعد يمكن اكون ماني موجود <<< لين يتغير الوعد

واسمي يمكن يدخل به واحد من الربع لا تقول له شي لين اجي

مرحبا يا عيسى


طيب ؛
طيب ؛


حجز ولا ادري ..!

مشعان شوش افكاري

كأني عرفت القصيده

اللي فيها لكاعه

إن ماخاب ظنّي إنها ، لواحد من المحاميد

لكنّ لازم اتأكد ، علشان ماتصير مثل كل مره : (( حاول مرة أخرى وشكراً ))

المشاركة الأصلية كتبت بواسطة طلال الجميلي

مرحبا يا عيسى


طيب ؛
طيب ؛


حجز ولا ادري ..!

مشعان شوش افكاري

هلا هلا يا صديقي

الحجز ok

انا قايله الله يهديه

بس على العموم لا يهمك

تقديري

المشاركة الأصلية كتبت بواسطة ناصر تراحيب

كأني عرفت القصيده

اللي فيها لكاعه

إن ماخاب ظنّي إنها ، لواحد من المحاميد

لكنّ لازم اتأكد ، علشان ماتصير مثل كل مره : (( حاول مرة أخرى وشكراً ))

يا مرحبا والله

ولا زلت في نفس المشكله (( حاول مره اخرى وشكراً ))

وانت اختار الشاعر وحط رقم القصيده قدامه بس .. الا اسمك <<< لأن مالك قصيده

تقديري

اقول /

أنا اعلمكم من هالحين .. مالي شي فيها ابد ابد ابد ..!!
لايغركم ابو محمد ..

,

ولا انا

الصراحه يبيله قعده مطوله

لي عوده مكلله بالرمعات يا ابو محمد

وبيض وجيهكم انت وعفاس والاخوان كلهم

ولو ان كان ودنا الموضوع هذا يستمر لكن الله يسامحكم
<<<<<<<<<< من زين رمعاتك عاد

المشاركة الأصلية كتبت بواسطة محمد السواط

اقول /

أنا اعلمكم من هالحين .. مالي شي فيها ابد ابد ابد ..!!
لايغركم ابو محمد ..

,

هلا هلا

وفكونا من حركاتكم النص كم

تقديري

المشاركة الأصلية كتبت بواسطة عبداللطيف الغامدي

ولا انا

الصراحه يبيله قعده مطوله

لي عوده مكلله بالرمعات يا ابو محمد

وبيض وجيهكم انت وعفاس والاخوان كلهم

ولو ان كان ودنا الموضوع هذا يستمر لكن الله يسامحكم
<<<<<<<<<< من زين رمعاتك عاد

يا مرحبا والله

وحنا بعد ودنا انه يستمر

وفي انتظار رمعاتك

تقديري

افاااا اثررره مسك الختام يابو محمد ,


اجل سامحني وانت ادرى ليش ههههههههههههههه

المشاركة الأصلية كتبت بواسطة محمد السواط

اقول /

أنا اعلمكم من هالحين .. مالي شي فيها ابد ابد ابد ..!!
لايغركم ابو محمد ..

,

شرحك سرا واتمنى انك تلاحق عيسى قانونيا

+

المشاركة الأصلية كتبت بواسطة فالح المصعوك

افاااا اثررره مسك الختام يابو محمد ,


اجل سامحني وانت ادرى ليش ههههههههههههههه

يا مرحبا والله


الا انت سامحني وانت تدري ليش

المشاركة الأصلية كتبت بواسطة ياسر العتيبي

شرحك سرا واتمنى انك تلاحق عيسى قانونيا

+

هلا وغلا

وشكل اللي يبا يتلاحق قانونيا انت ومشعان والسواط

سجّل عندك :

أول رمعه ،

1- محمّد السواط
2- عيوف
3- تركي الديحاني
4- ياسر العتيبي
5-
6-


لابد أن أعود ،
إن شاء الله

يا الربع ترا اللي قصيده بس عيسى الله يسامحه نسي اسمي


عمومااا اتحدى وحد يجيبهاااا


والقصايد والشعراء لي عوده

:

مرحبـا بالجميع

لاهنت يالشاطري والشكر لصاحب الفكره / عفاس

أشك بـ أن القصيده رقم 4 لـ بن تراحيب .. ورقم 3 للسواط

أما مشعان ماله لاناقه ولا جمل << الله الله

المشاركة الأصلية كتبت بواسطة ناصر تراحيب

سجّل عندك :

أول رمعه ،

1- محمّد السواط
2- عيوف
3- تركي الديحاني
4- ياسر العتيبي
5-
6-


لابد أن أعود ،
إن شاء الله

هلا وغلا

واللي عندك صح رمعه وحد

لا تقول ايات

ننتظر عودتك

تقديري

المشاركة الأصلية كتبت بواسطة عواض العازمي

يا الربع ترا اللي قصيده بس عيسى الله يسامحه نسي اسمي


عمومااا اتحدى وحد يجيبهاااا


والقصايد والشعراء لي عوده

ههههههههههههه

يا مرحبا والله

هاذا الكلام .. ماهو الناس اللي تجحد

في انتظار عودتك

تقديري

المشاركة الأصلية كتبت بواسطة مشعان البراق

,

أول قصيده : لـ محمد بن رشيد ,
القصيده الثانيه لـ محمد مشوط ,
القصيده الثالثه : ياسر العتيبي ,
القصيده الرابعه : محمد السواط ,
القصيده الخامسه : تركي الديحاني ,
القصيده السادسه : عيوف .. ,

هذي أول محاوله .. ,

وفكنا من مشاريه الربع يابو محمد , تراهم عندك / ولا بيينا لا وعد ولا غيره ( انتهى الموضوع ) ,

عند اجابتين صحيحه وانا متاكد انك منت مركز

وما زلت عند كلامي افتك من المشاريه

اما الوعد يمكن اسافر

المشاركة الأصلية كتبت بواسطة عيد الهاجري

:

مرحبـا بالجميع

لاهنت يالشاطري والشكر لصاحب الفكره / عفاس

أشك بـ أن القصيده رقم 4 لـ بن تراحيب .. ورقم 3 للسواط

أما مشعان ماله لاناقه ولا جمل << الله الله

يا مرحبا والله

ولا تهون

مشعان مرسلك تموّه بعد

بس له قصيده <<< داهيه ما يمشي عليه شي