حرب الرسائل المجانية

جاءتني هذه الأبيات الجميلة عن طريق الجوال ويبدو والله أعلم أنها للشاعر : عبدالله الغيث‏​
يوم الرسايل صارت اليوم ببلاش
‎كبت من اللي قاطعين الرسايل
قامت تجيني مثل طلقات رشاش
‎وإلا كما سيل من المزن سايل
حتى عيوني ما الحقت ترمش إرماش
‎ماهن على وحدة يجنك جمايل
اثر القطيعه خوف من دفعة الكاش
‎وانا احسب اللي صد بالقلب شايل
معقوله إن الناس ما عاد تعتاش
معقوله ربع ريال سوا هوايل
الشاعر/ عبدالله الغيث
[وكان الرد مني]
لا والله ألا جاهم جنان وخراش
‎وياليتها بعلوم طيب وجزايل
لا شك فاكثرها رسايل على ماش
‎كلام ما ينفع وسب القبايل
منها رشيد العقل يتعب وينداش
‎وش فيه حال الناس بالحيل مايل؟‏!‏
ولو يقدر الجوال من كفي انحاش
‎‏وين الشهامة يا عيال الحمايل؟‏!‏
الوعي والتفكير في حالة انعاش
‎على تخلفنا يا كثر الدلايل
عايض بن مساعد
ثم أرسل لي الشاعر القدير : عويّد المطرفي بهذه الأبيات :
اللي تعاني منه يا رابط الجاش
حنا نعاني منه والعلم هايل
صارت رسايل ربعنا طاش ما طاش
نكت وهمز ولمز و السيل سايل
وين النوادر والطرايف والإنعاش
اللي تبادلها عراب السلايل
وين القلوب اللي تلالا كما الشاش
وين الوناسه والوفا والجمايل
راحت بها الأيام ما عاد تناش
أبعد من اليابان عن شرق حايل

تحياتي للجميع

الله الله


صحت اللسنتكم جميع ..

راحت بها الأيام ما عاد تناش
أبعد من اليابان عن شرق حايل

وبالفعل هذا شي من الواقع .. للأسف ..


وتقبل التحيه والمرور المتواضع ..

الله الله

عسى الله يصلح الحال

ياعنك ماصكت جوالي له مده طوططوطوطوط

لكنكم ناقشتوا الوضع بكل شفافيه وحكمه ...وإبدااااااااااع


صح الله ألسنتكم جميعا ياعايض مساعد


محبتي

ابوشاهر

صح الله ألسنتكم ولا هنت على نقلها لنا

لك التقدير

الله الله


صحت السنتكم جميع ..

صح الله السنتكم جميع ابداع في غائة الروعه

صح لسانك

وعتلاشانك

تحيتي وتقديري

أمتعتنا يا عايض بتلك النصوص
والله يعين على الرسايل المجانية التي جلبت لنا الغثّ والسمين


صح لسانك مدد .. ولا هنت
ولا هان الشعراء الذين أوردت قصائدهم



تحياتي يا مبدع


..