المنام

[poem=font="Simplified Arabic,5,black,bold,normal" bkcolor="transparent" bkimage="" border="solid,2,skyblue" type=1 line=0 align=center use=ex num="0,black""]
بوقت من البطا وبليل تتراقص شياطينه= بعد شفت الضيا ينزع من ثياب المسا الثلثين
تحايلت المنام اللي مثل بيتج تمرينه= وأنا اللي من تفارقنا وانا ما غمضت لي عين
غريبه كل حلم يمر في رقادي تزورينه= والأغرب كيف احلم الحلم وارجع واحلمه بعدين
قبل يومين شفتج في المنام وقمت من حينه= ونمت أمس ورجع نفس المنام اللي قبل يومين
أنا اللي قبل اسافر شلت قلبي من شرايينه= تركته في إيدج مثل الأمانه واحفظيها زين
ترى حفظ الأمانه دين ومجبورة تردينه= أجل ما فيه أحد جد قالج حفظ الأمانه دين
مرد المقفي بيلفي ويستوفي وتوفينه= بعد ليله ثلاثه أربعه عشره شهر شهرين
إذا منتي بقد الكلام اللي تقولينه= حرام استامنج حاجه وإذا جيت اطلبج تنسين
تخونيني وتبين أرضى ! واحد يرضى تخونينه= أنا لا جيت أخونج مع حبيبه ثانيه ترضين
من اول ما رجعت من السفر ما شفت لج بينه= وانا اللي كنت احسبج قبل لا ادوس ارض المطار تجين
تكونين انتي اول شخص عيني تحتضن عينه= وقمت أتخيلج من زود فرحة رجعتي تبكين
واشوف بدمعتج حكيج واعرفه قبل تحكينه= واجيب أحلى من اللي بتحكينه واتركج تحكين
تقولين الوطن نور , واقول بنور مضوينه= تقولي لي غديت أحلى واقول عيونج الحلوين
كلام نام بشفاهج وخفتي لا تصحينه= ذخرتيه للغرام اللي ينام ويتركج تصحين
تغانمتي غيابي لين رجحتي موازينه= تعلم من ايدج لمس للكفوف وعلمج تجفين
وليتج لا كاتبه شي فيني ما تلاقينه= ماهو بغرور لكن خابرج ما لج أمل تلقين
تغافلتي بغلا وإلا الحلا ما هو من زينه= تزينه الصور وإلا الصحيح ابن الحلال ازوين
وانا ماني بناقص عنه يوم إنج تبدينه= نصيبي هو نصيبي لو يسددها من الصوبين
قنوع بمظهري والسم ما يذبح ثعابينه= على قول المثل ماني حلو لكني ماني شين
إذا اهداج الزهر مره , فانا اهديتج بساتينه= وإذا الهاج بفرح ليله , فانا تهت لبكاج سنين
إذا استضعفتج أملاكه وشتتج ملايينه= أنا حتى فتات الخبزه أقسمها معج نصين
طموحي بس أجي واظفر بشي تستحقينه= تدينته , تسلفته ,سرقته مو مهم منين
كأني بكثر ما ارضى بكل اللي اتمنينه= لو إنج تطلبين الله يعنيني بقول آمين
انا مالعب على الحبلين وقت الطيش وسنينه= تبين ألحين يوم إني كبرت ألعب على الحبلين !
ترى عند البدو بالذات عيب اللي تسوينه= حلاتج لا عشقتيني تعشقيني ليوم الدين
غرام نسكن اظلوعه حشيمه من مجانينه= جفا يجمع معزتنا .. ولا عشق يذل اثنين
إكثار اللي تحدوني وقالوا لي تحبينه= أمانه لا تخليني صغير في عينهم تكفين
لاني كلما قالوا تخون اقول مسكينه= عليج الله وأمانه علميهم منهو المسكين
أنا خايف لا طاح الجمل تكثر سكاكينه= وأنا ما عادت اضلوعي تحمل طعنة السكين
مثل ما قالوا المكتوب واضح من عناوينه= لو ارحل منج للغربه بسافر من ظلامج وين
كفايه كل حلم يمر فرقادي تزورينه= كفايه من تفارقنا وانا ما غمضت لي عين
قبل يومين شفتج في المنام وقمت من حينه= ونمت أمس ورجع نفس المنام اللي قبل يومين[/poem]


لــ / حامد زيد

ابو ليان

الله لا يهينك على الإيراد المتميّز

وصح لسان حامد

تقديري لك ،،

نقل مميز يابو ليان,,

لا هنت ياغالي..

صح لسآن حآمد زيد
ولآهنت يآ"بو ليآن" على ايرآد القصيدة,,
كل الشكر!

ابو بلال

دائما مشاركاتك واختياراتك رائعه

عسى يمينك ماتعطب

غيمار

لا هنت على النقل يا محمد
وصح لسان حامد

*

غـرام نسكـن اظلوعـه حشيمـه مـن مجانيـنـه
جفـا يجمـع معزتنـا .. ولا عشـق يـذل اثنـيـن

الله
الله
الله
إبداع لا حدود له

صح لسان الشاعر المبدع / حامد زيد
وألف شكر يامحمد على اختيارك الرائع

ابو بلال



لاهنت على ايراد القصيده



صح لسان حامد زيد ..



لك فائق احترامي وتقديري ...!!

صح لسان / حامد زيد

مشكور يا محمد على الايراد

المشاركة الأصلية كتبت بواسطة سلطان بن حامد

ابو ليان
الله لا يهينك على الإيراد المتميّز
وصح لسان حامد
تقديري لك ،،

لا هنت يبو حامد

على مرورك العطِر


تقديري

..

المشاركة الأصلية كتبت بواسطة نادر العنزي

نقل مميز يابو ليان,,

لا هنت ياغالي..

هلا بك يا نادر


لا هنت على مرورك

..

المشاركة الأصلية كتبت بواسطة ريمانا

صح لسآن حآمد زيد
ولآهنت يآ"بو ليآن" على ايرآد القصيدة,,
كل الشكر!

لا هنتِ على مرورك العذب يا ريمانا

المشاركة الأصلية كتبت بواسطة نايف المقاطي

ابو بلال
دائما مشاركاتك واختياراتك رائعه
عسى يمينك ماتعطب
غيمار

ولا يمناك يـ الامير


مرورك يسعدني .. لا هنت

المشاركة الأصلية كتبت بواسطة مخايل

لا هنت على النقل يا محمد
وصح لسان حامد

ولا هنتِ على مرورك .. وتعليقك

المشاركة الأصلية كتبت بواسطة النيره

*

غـرام نسكـن اظلوعـه حشيمـه مـن مجانيـنـه
جفـا يجمـع معزتنـا .. ولا عشـق يـذل اثنـيـن

الله
الله
الله
إبداع لا حدود له

صح لسان الشاعر المبدع / حامد زيد
وألف شكر يامحمد على اختيارك الرائع

الشكر لمرورك الراقي


..