دوبك على قلبي المليان بجروحه :؛,

السلام عليكم ورحمة الله وبركاته ,,

اليكم هذه الابيات ,, تقبلوها كما هــي ,, واسمحـوو لها بالمرور ,,,

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دوبك على قلبي المليان بجروحه=لا تلحقه من طعون الوقت سكينك
خــلـه ,, ترا زلة العشاق مدموحه=وكم زلـةٍ ما حسبها كلها لـعينك
جيتك و الاسباب معروفه ومشروحه=وهمي كفوفي تضم اليوم كفينك
شوف المحاجر من الهجران مفضوحه=يمكن على الله تلد اليوم في دينك
لو كانت النفس من فرقاك مذبوحه=لا تخلي الذنب يمشي في شرايينك
تغيب عني وترجع لي بعد روحه=واجيك مشتاقلك واقول لك وينك
أبطيت عني وعين الشوق مفتوحه=ترجي وصالك وضاعت في عناوينك
بنات فكري على الاحزان مسموحه=دام المشاعر عليها بصمـة يدينك
تقول عين الهوى عذبه ومملوحه=وشلون لو ضاعت أحلامك من سنينك
يا صاحبي و الغلا ما طاحت صروحه=باقي على كلمةٍ مابيني و بينك
أمـا تجيني وقلبـي تبري جروحه=ولا توكل و رووح الله لا يهينك [/poem]
وسلاامتكــم