الأرزاق زهبة مدفعٍ كل صبح يثور

المسعودي:ـ

هلا مرحبا يامسهلا واكثر الترحيب
,,,,,,,,,,,,,,,,,,,,,,,,,, وانا من هل الديرة ولاني بها منكور

أباخذ علوم الطرقي اللي يجي ويغيب
,,,,,,,,,,,,,,,,,,,,,,,,,, لعله بعد عيش البداوة طلع دكتور

مطلق:ـ
يدوم البقاء ياذيب ياللي زهمت الذيب
,,,,,,,,,,,,,,,,,,,,,,,,, عيونك كهارب نور والوجه فوقه نور

تدور الليال وتابع المقفيات يشيب
,,,,,,,,,,,,,,,,,,,,,,,,, وفاح البحر ياصاحبي واغرق البابور

المسعودي:ـ
ابا انشدك ياللي دارس الطب والتطبيب
,,,,,,,,,,,,,,,,,,,,,,,,, أخير الدهر ولا هل الوادي المخضور
يقول البديوي جاء على شبرة التلبيب
,,,,,,,,,,,,,,,,,,,,,,,,, واخذ لقمة جرت وكرت مع الحنجور

مطلق:ـ
أخير الدهر للي مصخن وفاضي جيب
,,,,,,,,,,,,,,,,,,,,,,,,, ونبت الحياء للي يرد الورود صدور
انا ماعرف القصة ولاني بعالم غيب
,,,,,,,,,,,,,,,,,,,,,,,,,,, وانا عارف الجنة مرابي بنات الحور

المسعودي:ـ
طلبت الله اللي طالبه ماهقيت يخيب
,,,,,,,,,,,,,,,,,,,,,,,,, مادام انه ادخل راعي الجيب والزبزور
علامك تلد العين ياراعي التهذيب
,,,,,,,,,,,,,,,,,,,,,,,,, وانا لو يطول الليل ماقلتلك معذور

مطلق:ـ
ترا الرزق ماله لانظام ولا ترتيب
,,,,,,,,,,,,,,,,,,,,,,,,, الأرزاق زهبة مدفع كل صبح يثور

بسم الله الرحمن الرحيم


ابو سعود السلام عليكم ورحمة الله وبركاته

ما قصرت ولك الشكر مقرون بالاحترام على ها الاختيار

رجائي ان تشعلللللللل المرقاب بمثل هذه الاختيارت الجميله

التي تبيض وجه من يختارها وانت خير من يختار مثل هذه

المحاورات التي سوف تبقى للتاريخ


وفقك الله يا حامددددددددددددد

تحيات اخوك ابو تركيييييييييييييييييييييييييييييييي

ابو سعود



نقل مميز وهذا اللي محليك والا عيال الناس واجد لبى قلبك ..



وبيض الله وجه ابو حمد واحكامه اللي خلتنا نشوف المستخبى ..



وتراني مدااااانيك


لك فائق احترامي وتقديري ...!!