قصيدة اعجبتني .. !!

السلام عليكم ورحمة الله وبركاته


إحدى درر ذلك البحر .. بندر بن سرور .. .



,‘،

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
سر ياقلم مالي على الصبـر طاقـه=صبري تعدى الحد ماعـاد ينطـاق
أكتـب لمثلـي قصتـه واشتياقـه=في خطك الواضح على بيض الأوراق
قصة حزينٍ .. صافـي الحـر ذاقـه=انا بذكره ماصله خاطـري ضـاق
باقوا به الأصحـاب والوقـت باقـه=وصار الضحيه بيـن بايـر وبـواق‏
يمشي وهو ماحس في كسر ساقـه=امسى على ساقين واصبح على ساق
هذي سواة الوقت شيـن اصطفاقـه=الوقت لو يصفـى لـك ايـام دراق
لاشك يامـن معـك عقـل ولباقـه=ابا أنصحك كانك للأمثـال تشتـاق
صـادق رجـالٍ يعرفـون الصداقـه=يقفون صفك يوم يبسـات الأريـاق
ومن يرغب فراقـك فعجـل فراقـه=جاز الذي يجزيـك أفـراق بفـراق
يقوله اللـي جايـر الوقـت عاقـه=ولازال في غيبوبـة الهـم مافـاق
حظه على اقشر شي للنفس ساقـه=بقبور الاحياء ينتظر يوم الأطلاق‏ .. [/poem]


,‘،

لاشك يامن معك عقل ولباقه
ابانصحك كان انك للأمثال تشتاق

صادق رجال يعرفون الصداقه
يقفون صفك يوم يبسات الأرياق




ابنصحك كانك للأمثال تشتاق




رحم الله الشاعر الكبير / بندر بن سرور

شعر وحكمه وهذه دره من درره




سلمت يا ماجد على هالاختيار الجميل

لا هنت يا ماجد

على هـ الدره :

تقديري !

..

لبّا قليبك ياماجد ،،

ياخوي هذه القصيده اختلف في نسبتها لبن سرور ..
وقد نشرت بالمختلف قبل اربع سنين ،
وفي العدد التالي من المجله اذكر ان ورد تعقيب يوضّح بأن هذه القصيده ليست لبندر !!
وبيني وبينك يوم تدقّق فيها وتمعّن زين تشوف فيه فرق كبير عن اسلوب بندر المعرووووف ..
مدري عاد من يفيدنا أكثـر ,,,


سلام’ عليكم

السلام عليكم ورحمة الله وبركاته







القصيدة كما نعرف للشاعر عبد الله بن باتل الرشيدي .. البحر الميت .. وذكرت ذلك المختلف في تعقيبها الأخير ..



[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سر يا قلم مالي على الصبر طاقه = صبرا تعدى الحد ما عاد ينطاق
اكتب لمثلي قصته وأشتياقه = في خطك الواضح على بيض الاوراق
قصة حزينٍ صافي المر ذاقه = وإليا ذكر ما صار له خاطره ضاق
باقو به الأصحاب و الوقت باقه = وأصبح ضحيه بين بايق وبواق
يمشي وهو ما حس في كسر ساقه = أمسى على ساقين و أصبح على ساق
وهذي سوات الوقت شين إصطفاقه = الوقت لو يصفيلك أيام دراق
إن شان قطّع معك كل العلاقه = وإن زان خلى لك مع الناس عشّاق
ومن شان معه الوقت قلوا رفاقه = وراحت حياته كلها هم و اقلاق
والله خلّق خلقٍ تحب اللباقه = كما خلّق له خلق ما عندها أخلاق
أحدٍ يعيش بخير وأحد بنفاقه = وأحدٍ يعيق أيام و أيام ينعاق
وأحدٍ معه حكمه وصبر ورواقه = سبحان منهو للمخاليق خلاق
لكن يا من معك عقل و وثاقه = أبنصحك كانك للأمثال تشتاق
لا تنخدع بأهل العلوم الدقاقه = اللي سوالفهم توهق توهاق
صادق رجالٍ يعرفون الصداقه = يقفون صفك يوم يبسات الارياق
و منهو رغب فرقاك فأرّغب فراقه = جاز الذي يجزيك بفراق و افراق
و رزقك يجيك بدون تحضر بطاقه = عند الله المعبود تقسيم الارزاق
يقولها اللي جاير الوقت عاقه = و لا زال في غيبوبة الهم ما فاق
و من انعزاقه عايشٍ بإنعزاقه = و اللي يوده صار شوفه بالأشفاق
و لا قال هذا القول قصده طفاقه = ما قال هذا غير من نار الأشواق[/poem]





لاهنت على النقل .. مع التقدير ..اخوكم ابو نايف

شكراً ياشامخ على التوضيح

وفعلاً ان القصيدة ليست للشاعر الكبير / بندر بن سرور القسامي
وابصط دليل كلمة اشتياقه وغيرها من الكلمات ماقد عرفت عنه رحمه الله


والبحرالميت معروف بسيره المنفرد في شعر المعاناه ايضا

ولكم تحياتي
أخوكم / حامد العازمي

حتى لو اختلف في نسب القصيده

فالاكييييييييييد انها من درر الشعر ,,

كل الشكر لك ياماجد ,,

تحياتي ,,

..

مشكور ياماجد

على اختيارك للقصائد

الجيده

اما هذي القصيده ليست لشاعر بندر بن سرور

اطلاقا
بحكم اني احفض جميع قصائده

مشكور ياماجد

:

يالله خلوا المشرفين يعدّلون عنوانها أجل


تسلم ياشامخ ويامطـر ، والله لايهينكم على إضاحاتكم



سلام’ عليكم

للمارًين أعلاه .. .

ألف شكر لكم على هذا التوضيح .. .

فعلا ُ من يقرأ كثيرا ُ لبندر يلاحظ ان به فرق .. .

ولقد وضعت العنوان بهذا الشكل وختمته بعلامتين تعجب .. .

شكي كان بمحله .. .

والنص نقلته كما رأيته بأكثر من موقع على الشبكه العنكبوتيه بإن القصيده من درر أبن سرور .. .

لاخلا ولا عَدم عالتوضيح

ماجد المقاطي

في البدايه أشكرك على إختيارك الموّفق الجميل ,,,
وأشكرك على تعاملك الراقي مع الإخوان الذين
أبدوا ملاحظاتهم على أسم الشاعر .
سواء كانت القصيده للشاعر الكبير بندر بن سرور
أو لغيره فقد أحسنت الإختيار والله لايهينك .

ماشاء الله على (( عبدربه )) ما يطوفه شي جزاه الله خير .

تقبلوا تقديري وإحترامي ,,,

[align=center].

:

لقصائد الشاعر / بندر بن سرور نكهه خاصة .. .
يعطيكـ العافية أخوي / ماجد .. .

:

.[/align]

^

ليست لبندر

نقل موفق ياماجد

فعلا دره هذه القصيده

اما بالنسبه لنسبتها لبندر بن سرور

فالغريب في الامر ان هذه القصيده ادرجت ضمن

شريط ((بندريات )) الجزء الثاني وهو عباره عن قصائد

منشده للشاعر بندر بن سرور ..مع ان الاخوان يؤكدون انها ليست له

وانا مع من يقول انها ليست له للأختلاف الواضح في الاسلوب

شكرا لك ياماجد

نقل موفق ياماجد

ولاهنت

تقبل مروري وتقديري

ماجد المقاطي


قصيدة جميلة سبق وان قريتها في وسم في المختلف


وانا من هنا اشكرك على النقل الرااائع ,,

سلمت يمناك ياماجد

تحياتي لك

سلمت ودمت

ولاهنت يالغالي


لك تحياتي

الاكيد انها تستاهل القراءة اكثر من مره


لا هنت لا هنت

نشكر لك حسن الاختيار

بندر بن سرور يبقى الرمز في عهد السوالف وعهد النقد لا الشعرر

بحكم معرفتي لقصائد بندر بن سرور .......... قبل نزولها في المجلات او في الأصدارات الصوتيه وقبل الأنترنت.. كان له اوراق مطبوعه متداوله بين الناس ... ثم وجود شريطين كاسيت له ربما عدم وضوح الصوت في بعض قصائده يجعلك لاتميز البيت ولكن للذين لديهم قرأه سابقه في تلك الأوراق يسهل عليهم معرفتها

وبعيداً عن الكاسيت والأوراق , فالأسلوب والمنهجيه مغاير لأسلوب بندر بن سرور ومنها بعض الكلمات التي لم توجد في شعر القسامي على الإطلاق ومنها

اشتياقه - الباقه - غيبوبة الهم

ومنها بعض الصور الخياليه التي لم تكن في شعر ابن سرور مثل

بقبور الأحيا ينتظر يوم الإطلاق

اشكرك على هذه النقله اخوي ماجد

كما اشكر اعضاء هذا الصرح

على وعيهم حفظ حقوق الاخرين

القصيده واضحه انها ليست لبندر

تحياتي للجميع