محمل الشام

السلام عليكم ورحمة الله وبركاته
اسعد الله اوقاتكم بكل خير

اضع بين أياديكم هذه المتواضعه واتمنى لها القبول

وراجو منكم المعذره عن الغياب الغير مقصود لظروفي الخاصه


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا محمل الشام خل النفـس مرتاحـه=من جور الأيام لا تشكي لي أبكي لـك
ضيق الخواطر وهم الوقـت وجراحـه=هذي مواويلنـا مـا هـي مواويلـك
نفسك مع الليل والتمويـل منساحـه=وتقول ذقت العنا والهـم يـا حليلـك
حمامة الدوح فـوق الغضـن نواحـه=تبكي على خيبة أمك مـا تغنـي لـك
عزي لك وعزي إلمن هـذي أرباحـه=يرضيك وإلاّ عسى ما هوب راضي لك
ما جيتك أذوق لـي خوخـه وتفاحـه=جيت أنثر هموم ليلي في دجـا ليلـك
ماهو غلاً فيـك جيـت أدوّر الراحـه=من كثر ما اسمع علومك من مهابيلك
أسوق لك خاطري والحـزن يجتاحـه=وأقول يمكن يخف الخزن وأدعي لـك
وأثريـك فـلاح وتغـنـي لفـلاحـه=الحمـد للـي مكرّهـنـي تعاليـلـك
دارك لـو ورودهـا بالعطـر فوّاحـه=أشره عليه بعدهـا كـان أبَجـي لـك
مانيب يمّك لـو الأصـوات صداحـه=مزعوج وأزعجتني في كثـر تطبيلـك
أتابع امتابـع أهـل الـذوق للساحـه=عيني تشوفك لكن سمعي ما يصغي لك
لوكـان فيهـا درر وزنـود قـداحـه=العيب فيها تسوي لـي وسـوي لـك
ناسٍ تبي الشعـر صبـوره ومسّاحـه=يا عصر الإعلام يـا مكثـر تهاويلـك
مير الحقايق على مـا قيـل فضّاحـه=يالفارس اللي محد ياصـل مواصيلـك
أنا أستحي والليالي غبـر وشحاحـه=وإلا أنت يفضحـك تلميعـك وتبجيلـك
روّق وسوّق وجر الصـوت بالراحـه=يا كوكب الشرق نعرف سـر منديلـك
سوّاح دنيا وغيـرك نـاس سوّاحـه=ما هي على الكيف هذي لي وهذي لك
الكنز دونـه قـوي القلـب بسلاحـه=وأنتـه بليـا سـلاح وفاتـرٍ حيلـك
وإن غرك اللي يومي لـك بمسباحـه=مهبل الخلق من جيلي ومـن جيلـك
ناسٍ على الدبـك مزّاحـه ورزّاحـه=تضحك بوجهك وتفرح فـي غرابيلـك
أقول خـل الضميـر إيلملـم جراحـه=كم من غثا الوقت باقي لي وباقي لـك
وكم غيرك أنصحت له وأهداني ارماحه=رويان قبل أتقهـوى مـن معاميلـك
نصوح وأحسب قلوب الناس نصّاحـه=أحيان تصنع لـك إيدينـك محابيلـك
[/poem]