ياشعب هتلر

السلام عليكم وحمة الله وبركاته

الشاعر الكبير/ حمد الضحيان الاسعدي يتواجد منذ فتره فى المانيا فى رحله علاجيه على نفقة صاحب السمو الملكي الامير/ نايف بن عبدالعزيز النائب الثاني لرئيس مجلس الوزراء ووزير الداخليه حفظه الله ورعاه واجزل له الاجر والمثوبه.
وشاعرنا القدير فى حاله صحيه جيده وفى تحسن مستمر والحمدلله. وقد ارسلت له هذه الابيات الابتهاليه والتى اضعها امامكم راجيا ان تشاركوننى فى الدعاء له بالشفاء التام والعوده سالما الى ارض الوطن.


[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]

ياشعب هتلر حل فى داركم ضيف = دكتور طيب وجاكم تعالجونه

الشيخ ابو ماجد عديم التواصيف = ماتعرفونه زين ماتعرفونه

كبير لوكبرت عليه المواقيف = ياطيب راس ينقلنه متونه

محبته تحييى قلوب المواليف = نعيشها ذكرى لو البعد دونه

حلو النبا بالشعر والا السواليف = ديوان مجد اجيالنا يحفظونه

عساه مايشكى من الظيم والحيف = ونشوف نظرات السعد فى عيونه

غيره يغيب ولا لحقته تحاسيف = والا حمد جعل السلامه ردونه

عساه سالم من جميع الصواديف = لاهان رجل مارضى بالمهونه

يالله يامنشى سحاب مراديف = تسقي دياره من حقايق مزونه

وانك ترده يمنا باول الصيف = قبيلة الهيلا هنا يحترونه
[/poem]

الشاعر الكبير والمبدع .. مطر الروقي

عليكم السلام ورحمة الله بوركاته

مرحبا مليون ونوّرت مرقابك


تجمع وفاء الرجال وقريحة المبدعين .. وهذه قل ما اجتمعت

لله درك من شاعر فذ ورجل اصيل


عساه سالم من جميع الصواديـف
لاهان رجل مارضى بالمهونـه


لاهان ولاهنت

ونسأل الله الشفاء العاجل والتام للشاعر القدير / حمد الأسعدي

وبيض الله وجهك يا شاعرنا الحبيب ،

..

هلا يا صديقي

صح لسانك مدد
وماهو مستغرب الوفا من رجل شرواك
وعسى أبو ماجد ما يشوف الشر والحمد لله على سلامته

تحيتي / مودتي ..!

دكتور الشعر واستاذنا القدير/ سداح

الله يبقيك ويديمك والمرقاب منّور باابداعاتك ولا عليك زود

شرفتنى بكلماتك واسعدتنى بمرورك.

وافى وعزيز وغالي.

دمت بخير وشكرا اخي النبيل.

سلطان العطاوى

هلا وغلا وصح بدنك

شكرا لرايك وتقديري لك.

وجزاك الله خير.

.


الله يشافيه ويرده سالم غانم دكتور شعر ومرجله

مطر الروقي
الاعجاب مرمس يالغانم والتواجد للتجديدة والسلام عليك
صح فكرك ياشعر

تحياااتي لك


.

الله يشفي ابو ماجد ويرجع بالسلامة

وصح لسانك يابو صالح

الله يرده سالم وغانم ..

تغيب وتجيب من الشعر أجزله يامطر ..

وافي ولاهي غريبه منك

محبتي لكـــ

الله يشفيه كل مسلم

صح لسانك ولا هنت

وانك ترده يمنا بـاول الصيـف قبيلـة الهيـلا هنـا يحترونـه


اللهم آمين

الله يشفي جميع مرضى المسلمين

وصح لسانك يامطر

ولك مني التقدير

الله الله يامطر

آمين . آمين . آمين

صح لسانك بحجم شاعريتك الفذة يابو صالح

وفاء غير مستغرب .. في رجل كلنا نحبه عسى الله يتمم عليه العافية ويرده ساااالم

ووداعتك السلام عليه تكفى يامطر ..

وعساك انت وياه سالمين وغانمين

وكلنا في انتظار رجعته سالم معافى

عواض عبدالرحمن الشهيب

هلا وغلا وجزاك الله خير ولا عليك زود...وافى لاعدمتك


ناصر النفيعي

ص بدنك وجزاك الله خير..ودمت بخير

الله عليك

والله يبيض وجهك هذا يدل على وفاك اللي ماستغرب عليك على قبيلتك

والله يشفيه ويرده لربعه سالم معافى بمشيئة الله


صح لسانك

تحياتي

مستور الذويبي

هلا وغلا ولا عليك زود ابو الروائع

لاعدمتك شرفتنى

بدر ناصر العجمي

هلا بك وجزيت خير وصح بدنك

اسعدنى مرورك

..

نطلب الله أن يمتّعه بالصحة والعافية التي لاتفارقه أبداً ,

وصحّ لسانك ع هذه الأبيات التي وقعت في النفس وإتخذت موقعها ’

..

فارس عبدالمحسن

هلا بك وصح بدنك وجزاك الله خير

وتقبل التقدير.


صالح بن هريس

هلا وحياك ياصالح ولا عليك زود وافى ومبدع وسلامك يبلغ ان شاالله

وجزاك الله خيرا.