الله لايعيد الهيبه

السلام عليكم ورحمة الله وبركاته

عدة ابيات لعلها تنال القليل من اعجابكم


ياصالح الله لايعيد الهيبة
مهيب طبع(ن)لي ولا لاسلافي


العز طبعي والفخر والطيبة
اقدم واخل المرجفين خلافــــي



والقاف لامن زان لي ترتيبة
ارد على العد القراح الصــافــي



اودي المعنى كذا واجيبة
مثل الذهب من عملة الصرافــي



ابيع به قاف الغلا واشريبه
والعارفة تشهد لها العرافـــــــي



حتى الهدف لامن رميتة اصيبة
والعز والناموس ضمن اهدافـي



والمرجلة مهي علي صعيبة
الحلم فرشي والشموخ لحافــــي



وان جاتني زلت رفيق امريبة
اصد واتركها تروح انصافـــي



لو كان غناها الولد والشيبة
زلت رفيق الجنب ماتنشافـــــــي



يجيه غيري واحد(ن) يلويبة
غشيم واللي قابله متعافــــــــي


يعلمه طيب الرجال وعيبه
والبين اللي ضيعه والخافـــــي



اما يفيق لواقع(ن) يمشي به
والا يبا يبني عليه السافـــــي



كم واحد(ن) غشامته توميبه
يمشي على جمر الندامة حافي



مايتعض حتى تجيه مصيبة
واصير مثل معمر الــقــذافـــــي


اللي قضى عمره نفاق وغيبه
واصبح ضحية عيد للاحـــــلافــي



كل(ن) بعينه شاف وش سويبه
يــاالله تكفينا البلا يــــاكــــافـــــي



هذي نهاية كل من غوي به
اغوته نفسه والليال اعجافي



على الخطأ لين القدر يرمي به
وايذوق من مر العذاب اصنــافي



لاجل السنع والعلم مايدري به
حتى يشوف امن الزمن مـــاعافي



يشوف بعيونه وانا مالي به
مالي ومال امضيع المــيــقـــافـــي



بعيد عن شك الملا والريبه
ابدي بعيد بعالي المــــشــــرافـــي



ما اخاوي الا فارس(ن) ودي به
وافي واحب اللــــــي ســواتي وافي


صحيب وافي مايبيع صحيبه
مواقفه وقت الطلب تــــنـــشافـــــي



ان جيت يمه يعجبك ترحيبه
وان غبت مايرضــــى عليــك خلافي



وسلامتكم جميعا

:

وصفة شعريه فاخرة

على طبق من فكر وشعر
سُكت بأنامل شاعرٌ تدثر الحكمة
ليبلغ مرام العلو وبهمه

حمد الشموخ والأنفه ولأبعد حـــــد !!

والقاف لامن زان لي ترتيبة
ارد على العد القراح الصــافــي



اودي المعنى كذا واجيبة
مثل الذهب من عملة الصرافــي



ابيع به قاف الغلا واشريبه
والعارفة تشهد لها العرافـــــــي



حتى الهدف لامن رميتة اصيبة
والعز والناموس ضمن اهدافـي



صح السانك

درة


سلاسة وتلقائية قلّ ما ترى



صح لسانك وفكرك يا حمد



اعجابي

الاخ الشاعر

حمد الوذيناني

كفو كفو كفو

صح لسانك والله

بيض الله وجهك على هالقصيده

راقت لي بالحيل

تحياتي

.
.
حمد : قصيده شامخه ياشامخ
صح لسانك يامبدع