,, الليل من عادة العين تسهربه ,,

بسم الله الرحمن الرحيم

السلام عليكم :
:
من الأرشيف ,, لعلها تنال ثناء المرقابيين ..
{ والله مدري عن الأملاء / لكن مطر العازمي : يقول منتاز }
:
؛[poem=font="simplified arabic,5,#660033,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي تقول الشعر حدث ألفاظه=الشعر ورث العرب تحفظه عربه
واحد ولكن تتعدد أغراظه=وأجزله ماكان درب السلف دربه
لاخير في حاظرٍ ماحفظ ماظه=نهج السلف مع خلفهم يعبربه
وأطيب معانيه للدين وعاظه=لامات راعيه شعره يذكربه
والمدح مايعيب من عالج أمراظه=خص أبوطنه ومليكه وأولي القربه
وأنا كتبته كرامه لحفاظه=والشاعر اللي من أشعور يشعربه
من نفس مغتاظه أو نفس مهتاظه=سندت به يوم غيري تحدربه
وفي لابتي مابعد حرمه قاظه=أفخربها وأزعج الصوت وأجهربه
وأرد بمدح أبن عمي على أحياظه=بالذات لاصار مقصودي أفخربه
ولاشك فتال معناه نقاظه!!=يالعاشق اللي جفا زاده وشربه
لا ضاق خلك تغزلبه وراظه=لكنك أحرص على ألفاظك الذربه
المسلم إن كان شهرت بـــ ..أعراظه=لابد من يوم عرظك يشهربه
واللي قصيده مافاده ولا عاظه=حي وبلحدٍ بالأكفان يقبربه
اللي برز في مجال الهجاء وخاظه=كم مسلمٍ بعد موته يعيربه
راع الهجاء والهجاء واجب إبغاظه=وإبغاظ من للشواعير يامربه
اللي لنقل السواليف مركاظه=نار المشاكل على الأرض تعمربه
لامات جمر الفتن شغله إيقاظه=يمكر على الله وخلٍ تناصربه
وليا نهظ خير ماكر بمنهاظه=يقدر يعيفه مكره ويمكربه
ويالله ياللي سجدنا له أفراظه=يالواحد المعتلي فارج الكربه
ألطف بنفسٍ من الوقت مغتاظه=بديارها قامت أتحس بالغربه
لاخلت يامتعب أبروق نواظه=في مزن خيرٍ عيوني تباشربه
من غرب كن الهواء زاد نفاظه=وأستاقها شرق عن مَن نصاء غربه
وأمسيت والعين ماهيب غماظه=الليل من عادة العين تسهربه
أسهر أفكر بمزنٍ تقظاظه=من غرب ضرب البلاجيك من ضربه
فـــ ..أطواله ألد وأشوش فـــ ..أعراظه=وأصوغ في وصفه الشعر وأسمربه
والشعر ماضيه حولت ففياظه=يازين شوف الفراش إيتطايربه
وريح الخزامى بعد طش فرياظه=أيرد روح المعناء ويسكربه
(( وهالوقت ياشيب عيني من أرماظه=والكاثح اللي على الرمث غبربه ))
نجد أستوى أشتاه يامتعب أبقاظه=والقلب هاجوس الأفكار سافربه
وعين الحواسيد ماهيب غظاظه=عني وأنا ماقفي دايم أحظربه
عيني كان إنك مالاحظت لحاظه=وتلاحظ اللي عليه نفخ ذربه
أبموقفي ريض وكب مرياظه=وإن عادها ماأستحاء دين لاأكفربه
ردوه ماعاد للضغط خفاظه=عني يمين العرب لاتياسربه
لايصير قدمي بقربته خظاظه=ثم أخلط السمن مع ماه فالقربه[/poem]؛
:
ع ــقاب العتيبي "