شطحات شاعر ...

ما اقرب الشعر من الجنون ..

وأنت يا صديقي ...أعذرني إن أنا لم اتحملك ... لإني في لحظات أنا لا استطيع ان اتحمّل نفسي ... وعذري منك .. انني لا اعلم لماذا .

[poem=font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أن إذا هنّقت ما نيب صاحي = شكلي صحيح وعلّتي باطنيّه
يجتاحني جيش الهموم اجتياحي = ويصيبني منه اختلاف وأذيه
مانيب أميّز في مغبّه صلاحي = دون السلامه .. محريٍ بالمنيّه
وانته .. رفيتسي فالمجي .. والمراحي = منته بشاره يا رفيتسي عليّه
[/poem]

ولكن .. يرضيك منّي ما سوف تراني به في عدا تلك الحاله.

وأقول .. لمن ذكرته .. ولم يذكرني .. ما قلته من قبل ...

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الزمان اللي مضى لي ما يعوّد = والرفيق اللي ذكرته ما ذكرني

ولّ يا وقتٍ صروفه ما تهوّد = اجبر اصحابي على البعد وجبرني[/poem]

ولا عذر لي لمن ذكرني .. ولم اذكره ....... ( جلّ من لا ينسى ).

العجيب .. ان ذالك الصديق .. هو نفسه من قلت فيه سابقاً ...

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من نسى في زحمة الدنيا رفيقه = قلت له عندي رفيقٍ ما نساني

لو يطول البعد ويطوّل طريقة = أدري انه لو يطول البعد ( داني )

بيني وبينه على العشره وثيقة = إن بديته بالوفاء وإلا بداني

صرت عنده بالغلا حسبة شقيقه = وهو بعد غالي ومن حسبة خواني[/poem]

سبحان مغيّر الأحوال ......... الدنيا تجارب ومفارقات عجيبه.

إقبلي عذري

على ما كان منّي

يافتاةَ الجودِ ... واجتازي ملامي

لستٌ في درب الهوى ... أخشى التمنّي

غيرَ أني فيهِ ... ما كنتُ عِصامي

لا تظني المكرَ .. إيقاعي ... وفنّي

أعزفُ الصِدقَ

بفعلي

وكلامي

إقبلي عذري (.....) بالصفح عنّي

واقبلي في آآآآآآآآآآآآآخر الأمرِ


سلاااااااااااااامي

في البدايات .. وكانت لإثبات الشاعرية لبعض المشككين


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياهيه انا شاعر وعارف مقامي = ما همّني هرج القرود المقاريد
شامخ بحرفي فالقصيد وكلامي =مثل الثمار اليانعه فالعناقيد
لي هاجسٍ في حضرة الشعر حامي = وش حامد الفيصل ووش خالد الزيد
واللي سواتك في العرب ما يلامي= ما يبخص البيداء ولا يعرف الصيد
[/poem]



ويمتد يد إعتذاري إلى المذكورين أعلاه

العذر السمين


[poem=font="Simplified Arabic,4,blue,bold,normal" bkcolor="burlywood" bkimage="" border="none,4,gray" type=2 line=0 align=center use=ex num="0,black""]
إن كان ما جيتك ترى عندي ظروف = وإن كان ما حدّتني ظروفي .. بجي

مشكور ومجمّل ومسعاك مخلوف = في هقوة الهاقي .. ورجوى المرتجي

ياراعي الخوّه ويا ريف الضيوف = يشهد لك الطباخ قبل .... القهوجي[/poem]

سيرت أنا وابو سلطان على بن معروف في وقت متأخر .. وعلى اساس اننا متعشين .. وجاب شاهيه المعتاد ( ابو عطره ) .. وبعد السمره سرينا .. يوم اصبحت ارسلت له هالبيتين اقول :

[poem=font="Simplified Arabic,4,darkred,bold,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black""]
البارحه واحد عزمنا على ( ماش ) = ومع ماش ، شاهي تارس ابوه سكّر
ليته عطاناها قبل ناصله ( كاش ) = مافيه مطعم يوم جينا مسكّر
لكنّ هذي عاده لشيخ ( الاوباش ) = دايم بتوهيقة خويّه يفكّر[/poem]


ورد الداهيه يقول:
[poem=font="Simplified Arabic,4,darkblue,bold,normal" bkcolor="coral" bkimage="" border="none,4,gray" type=2 line=0 align=center use=ex num="0,black""]
لي صاحبٍ نصّاب دولي و ( بكاش ) = لو كان بالشكل اللطيف يتنكّر
لا واعدك عن ركبته وين ( تنحاش )! = وليته مع الركبه يجي لك مبكّر
وإن كان عاتبته وجا هرج و( نقاش )= العذر والم يبدعه ما تذكّر[/poem]

ابن معروف = كبيرنا الذي ورّطنا بالشعر .

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيت يحداني على جمعة بني عمّي حميّا = ما حسبت إلا آآآآخر حسابات قدري واعتباري
جيت لو كان الفرص ندره .. وعيّت لا تهيّا = عيب لو ما جيت مع ربعي ولا شبيت ناري
مار شفت السالفه ماهيب في الواقع كذيّا = والوجار اللي تشب النار ابه ماهو وجاري
وأكتشفت إني .. هناك هناك .. وهنيّا هنيّا = والخطر على تجارة هيبتي وأسهم وقاري[/poem]

في حالة أكتمالها .. الوعد الشعبي

[poem=font="Simplified Arabic,4,black,bold,normal" bkcolor="transparent" bkimage="backgrounds/13.gif" border="none,4,gray" type=1 line=0 align=center use=ex num="0,black""]
ياصاحبي ما كل جرحٍ يداوى = ولا ينفع المجروح . طيب ، ولا باس
الرجل لو بالله تجبّر وقاوى = كلّه ولا جرح المشاعر والاحساس[/poem]

كتبت إلى الأعلامي ( سعد بن متلع العتيبي ) في دولة قطر بيتين .. وجاراها الشاعر ( فيصل بن محمد )...

وأنا أقول ...

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مادام أبن عمّي حزامي وش عليّ من الغريب = وفي كل دار من الديار المسلمه عندي حزام
لنّي عتيبي والعتيبي ما يردّيه النصيب = إليا افلس من أهل الوفاء ، ما أفلس من عيال العمام[/poem]

وجاراها فيصل يقول ...

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لقيت أبن عمك وأبن عمك يزيد الطيب الطيب = وإلا أنت راجع لا ذلول ولا شداد ولا خطام
لقيت أبن متلع سعد ..سِعدك .. عمى عين الحريب= نسل الكرام ابن الكرام ابن الكرام ابن الكرام[/poem]

ولا تهون القبايل .. أنا أشهد ان كلٍ ماخذ من الطيب حقّه.

[poem=font="Simplified Arabic,5,purple,bold,normal" bkcolor="transparent" bkimage="backgrounds/8.gif" border="none,4,gray" type=2 line=0 align=center use=ex num="0,black""]
هذا انتي بداخل خفوقي لحالك =وصلك ربيع وهجرك اقسى من البرد
تعالي ودفّي شتاي بوَ صالك= حتـى يذوب الثلج ويفتّح الــورد[/poem]

مسج

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقلّ شوقك لي ويا كثر شوقي = يازين ما صارت ولاهيب حاله

أسهر ونار الحب تحتي وفوقي = وأنته تمنن بإتصال ورساله

جاتك حقوقك بس باقي حقوقي= جبها وانا اسميك راع الجماله

حبك حقنته يالغلا في عروقي = وادمنت صحواته ونشوة هباله[/poem]

انتبه !!!!!

[poem=font="Simplified Arabic,4,purple,bold,normal" bkcolor="silver" bkimage="" border="solid,4,gray" type=2 line=0 align=center use=ex num="0,black""]

معاد يُلزم خايب النيّه العقد = لو كل سكان البسيطه شهوده

يظهر بصورة ناقد .. بدافع الحقد = وأدناة ما فجّر علينا سدوده

ما أشريه بالآجل .. ولا آبيعه بنقد = ولاهوب مشحنّي بنقصه وزوده

[/poem]

جمع الشباب في العمل في أسبوع اكثر من ثلاث قطات لأغراض مختلفة منها ماتفرضة الزمالة ومنها ماتفرضه روح الهياط ،، ولسوء حظ أبن فايح وهيف أنهم هم اللي مسؤولين عن القطة .. وقلت بهذي المناسبة .

[poem=font="Simplified Arabic,4,darkred,bold,normal" bkcolor="burlywood" bkimage="" border="none,4,gray" type=2 line=0 align=center use=ex num="0,black""]
كثرت القطات والراتب قليل = ما بقى لي فالحساب ولا ريال
بين ابن فايح و هيف اتلى الحصيل = عندهم طفسه ، وعندي راس مال
الوكيل الله ولا غيره وكيل = كل ما جاء طاري وجالي مجال
الشهر باقي منه عشرين ليل = والسلف ذلٍ على روس الرجال[/poem]

احتجت لفزعة أحد الشعراء وأحد النقاد المعروفين بشكل واسع في الساحة الشعبية والظاهر انكم تعرفونه كلكم من خلال بعض المسابقات والبرامج ... وحصلت على جواله من احد الزملاء .. والرجال معروف بالعلوم الغانمة ولكن المراجل على ماقالوا تغيب وتحضر .. المهم اتصلت عليه عدة مرات ولم يرد .. يدق يدق لين ينقطع ما يرد .. وأرسلت له الابيات التالية:.

[poem=font="Arial,5,black,bold,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black""]
تطنيشة الهاتف مثل ردّة الباب = واهل المكارم.. بابها ما تردّه
وأنته مقدّر شان ومعرّب أنساب = منته مقصّر في وجاهه ومدّه
صحيح ما حنا رفاقة ولا اقراب = لكنّ تجمعنا سلوم ومودّه
عليك حدتني يا بوخالد اسباب = ولاهان من يمّك ضروفه تحدّه[/poem]

وبعد يومين أتصلت عليه ولكنّه للاسف واصل على تطنيشة ... وانا مالي عليه أي حق .. ولكن خاب فيه الظن.

آآآآآخر الكلام
[poem=font="Simplified Arabic,5,deeppink,bold,normal" bkcolor="silver" bkimage="" border="none,4,gray" type=2 line=0 align=center use=ex num="0,black""]
اقفيت عنّي وإلا انا عنك ما اقفيت = جيتك وصال ورحت عنّي قطيعة
ياليتني ما طعت قلبي ولا جيت = فالموقف اللي خنت فيه الوديعة[/poem]

كتبت بلسان حال أرواح جمهور النصر اليائسة والمتعطشة للبطولات .. ولكن دون جدوى

[poem=font="Simplified Arabic,4,royalblue,bold,normal" bkcolor="white" bkimage="" border="double,4,blue" type=2 line=0 align=center use=ex num="0,black""]
كلٍ له من اسمه نصيب= إلا انت يا نادي النصر

معاد به شيٍ غريب = إلا انك تحقق نصر

شيبتنا قبل المشيب = وعصرت فرحتنا عصر

لين انقلب حبك نحيب = ودمرتنا .. بالمختصر

قلنا بعد خابت .. تصيب = والعيد بيّن من عصر[/poem]

مزحةٍ رزحة

[poem=font="Traditional Arabic,6,darkblue,bold,normal" bkcolor="silver" bkimage="" border="none,4,gray" type=0 line=0 align=center use=ex num="0,black""]
ابوعمر ما يفتكرنا وهو جاي = في سكّته بصحين فول وتميسه

يونّ من بخله مثل ونّة الناي = ياكل على اللحيين من غير كيسه

الله يخلي لي عن الناس مخباي = وإلا حياتي كلبوها كبيسه
[/poem]

الكواااااااسه

[poem=font="Simplified Arabic,4,red,bold,normal" bkcolor="skyblue" bkimage="" border="none,4,gray" type=1 line=0 align=center use=ex num="0,black""]
خلّك كويّس تشوف إن الحياه كويّسه = آآآآآه لو عشت الكواسه ما نسيت احساسها

الكويّس كل ميلات الزمن ما تيّسه = وأكوس الناس يتمتّع بالحياه وناسها[/poem]

غلطة الغالي

[poem=font="Simplified Arabic,5,darkblue,bold,normal" bkcolor="silver" bkimage="" border="none,4,gray" type=2 line=0 align=center use=ex num="0,black""]
إن كانها غلطة .. بلا عذر ..مسموح = لو كنت أعاني من صلفها واجدها

وإن كانها من باب ضحكات ومزوح = إن جات لك فرصة من الوقت .. عدها[/poem]

على رؤوس الأشهاد


قصيدة أعتذار لــ صديقي العزيز / معيض بن سلطان العصيمي .. ... لعلمي أن الشجاعة في الأعتذار وليست في الخطأ.....وجل من لا يخطئ سبحانه وتعالى .


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياصاحبي دونك معاذيري هزال = وانت اكبر من العذر قبل الخطيّه

لو يدمح الزله كلامٍ بينقال = ترضيك نص حروفنا الابجديه

لكنها ياصاحبي خوّة رجال = تجبّ مابين الخويّ وخويّه

يضفي بها الطيّب على الطيّب سبال = من طيب ذات وحشمه ومقدريه

يرفئ بها نقصه عن القيل والقال = وتجيبه لدمحة خطاه الحميّه

وانته يابو سلطان في كل الاحوال = محفوظ قدرك قبل هذي وذيّه

ماهيب بالشكه وتصريف الافعال = والا بتقليب النوايا الرديه

سميت عن غيرك بمنطوق و افعال = وبالفكر وادراك الامور الخفيه

حتى نظرك ابعد من حدود الآمال = وبالكاد تلحقها عيون البريه

ماللردى في ادنى جوانحك مدخال = مناهجك بيضاء ونفسك وفيّه

عزالله انك وافي علوم وخصال = وتنومس اللي منه والا انت حيّه

أخذت من خالك نجر سلم الابطال = ومن جود ماطر كفّه الحاتميه

روس الرجال اللي لها يضحك الفال = وتهون مع وقفاتهم كل هيّه

والمدح ما يوفي مزاياك لو طال = والهرج له زبدة كلامٍ طريّه

لو يدمح الزله كلامٍ بينقال = ترضيك نص حروفنا الابجديه[/poem]

مقطع من قصيدة لها سبب .. وأتت كما هي ولم يكن لي الخيار فيها.


[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهاجسي مابين غيض وفيض = طمّ الفجوج الجرد واغرقها
ثلاث من بين الليالي بيض = لو لونها الاسود مغمّقها
السايبة ما تقبل الترويض = وتلقى لها خبلٍ يسابقها
صورة وشفناها بلا تحميض = لو للمحمض قدره أحرقها
وانا اكبر من اللمز والتحريض=ولي قمّةٍ محدٍ بلاحقها
لو هامها بعضٌ من التبعيض= وإن جيت اجمعها وافرقها
سنافرٍ عند الرضاء والغيض = تقلب مذاهبها ومنطقها
في شسع نعل كليب جت تعويض= من هامة اعقلها إلى اخرقها
تمشي مع الوادي إلين عريض=دايم مربعةٍ مناطقها
فضلت عن عوراتها التغميض = وسد الآذاني عن تناهقها[/poem]