(( سنام المجد )) للشاعر الكبير/ ناصر عوض المهداني

بسم الله والصلاة والسلام على رسول الله وبعد
هذه القصيدة للشاعر الكبير اسماً وشعراً الاستاذ : ناصر بن عوض ال مهدي

اداء المنشد المبدع : عبدالعزيز الرفيدي



[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بارق ٍ قام يتكشف وسط نوه = حقته عيني وترجمته معاني
شاعرٍ عندي على الجزله جروه=والهزيله ما يقربها لساني
بيني وبين الشعر حلف وعنوه = مثل حلفٍ بين يامي وإقحطاني
فوق عشرين وعشر عشره وخوه = ما مهنته مع تقلاب الزماني
احترم معناه واجهد في سموه = ما هدمت بناه وإن ناديت جاني
ارتكي للقاف واهودي وادوه = لين تكمل فكرتي وانا مكاني
وارتفع عن سقطة الجاهل واموه = لو عناني قلت ما كنه عناني
وش علي من سقطته والا دنوه = حد عرفه شذبة فلان وفلاني
تايهٍ مغرور يعجز ما يتوه = توهوه الي وسيعين البطاني
شغلته لما استوى المجلس تفوه = يهمز ويلمز عريبين المجاني
وإنكشف عن وجهه قناعٍ مشوه = ما وراه الا الضغينه مضغناني
لوله والثانيه ما كف سوه = ابتلا نفسه بنفسه وابتلاني
لا رفق ولا نسب ولا مروه = مثل ما قال المثل شفرة يماني
يوم صكات الزمن ما شب ضوه = ضاريٍ ع الهون راضيٍ بالهواني
اتحاشاء بعض الاشياء وأتئوه = في طرفه رجال في حسبة خواني
كان ماهون فأنا خلفه وتوه = انبري بسيوف صلبٍ هندواني
دون من يوم العرب ضعفٍ وقوه = مثل راس طويق مزبن كل جاني
حن سنام المجد حن عالي علوه = حن مقابيس الوغا يوم الوحاني
حفنا في الجهل معلن عن جلوه = في طرف نجران له منزال ثاني
اما انا فإني انا وان جيت نوه = يكفي ان جدي الوحش واني مهداني[/poem]

الله الله عليك
صح لسان شاعرها وبيض الله وجه منشدها ,

مودتي لك على النقل ياغالي .

..

إبداع وروعة , صح لساان الشاعر آل مهدي

وسلم المؤدي العذبْ عبدالعزيز الرفيدي

وكل الشكر لك عَ هذا الإيراد الجميل والجزل ’

..

ونعم يـ آل مهدي
القصيده والصوت ولا اروووع

لاهنت ياسمي

•

الله الله الله

صح لسآن الشآعر / ناصر بن عوض ال مهدي
وصح صوت المنشد / عبدالعزيز الرفيدي

كل الشكر لك يا عبدالله

عبدالله المهداني

الله عليك الله عليك الله عليك

و الله قصيده قمه و اداء ساحر و اخراج متميز

الف الف شكر على هذا الإهداء ..

استمعت له ثلاث مرات و حفظته لأنه من النوادر..

تحياتي و محبتي

اخوكم

ش. س.

صح لسان شاعرها ولا هنت