زياره لـــ المنطقة الشرقية . . .

,

السلام عليكم ورحمة الله وبركاته . . .

وكل عام وانتم بخير . .

قبل تقريبا شهرين من الآن . . . كنا في زياره إلى مدينه الرياض لحضور حفل زواج أخونا

المرقابي :محمد قطن المورقي

الزياره هذي كانت انطلاقتها من مكه المكرمه . . .

برفقه الزملاء : مستور الذويبي , مقبل الحربي , محمد رشيد , تركي عبدالله

عموما مالكم في طول الكلام , تحركنا من مكه . .

وتطبيقا لـــ حديث الرسول صلى الله عليه وسلم(‏أَنَّ رَسُولَ اللَّهِ ‏صَلَّى اللَّهُ عَلَيْهِ وَسَلَّمَ ‏قَالَ ‏: ‏إِذَا خَرَجَ

ثَلَاثَةٌ فِي سَفَرٍ فَلْيُؤَمِّرُوا أَحَدَهُمْ ) . . .

كان الهيكل التنظيمي بالرحله كالتالي :

مقبل الحربي , امير الرحله

مستور الذويبي , النائب

محمد رشيد , المستشار

تركي عبدالله , الماليه و قائد الرحله

نادر العنزي , الشعب

كان التوزيع عادل لأنها انتخابات

قررنا بعد حفلة الزواج ان نذهب للشرقيه , وفعلا يسر الله الأمور ومشينا لكن أخونا مقبل الحربي

كان عنده ظرف ورجع من الرياض لمكه . . .

على كذا تغير الهيكل التنظيمي:

مستور الذويبي ,امير الرحله

محمد رشيد ,النائب اضافه لعمله السابق مستشار

تركي عبدالله,الماليه وقائد الرحله

نادر العنزي , الشعب

الحمد لله ما تغير شي فوز بالأغلبيه . . .

وصلنا الشرقيه المغرب . . .

وكنا في منزل اخونا: محمد السواط وبتواجد الأخ: فيصل السواط والأخ: طلال الجميلي . .

وكان الترحيب والاستقبال الرائع منهم جميعا . . .

بعدها توجهنا وسهرنا عند ابو محارب في منزله . . . كانت ليلة من أجمل الليالي . .



الصوره تحكي لكم واقع السهره . . .
(عيسى الشاطري,خالد السيحاني,تركي عبدالله,نادر العنزي,مستور الذويبي,محمدرشيد,محمدالسواط)



في اليوم الثاني تشرفنا في زيارة مؤسسة ابداعات للشاعر الراقي: فيصل السواط

وبصحبه الشاعر الراقي :مشعان البراق . .

كانت من اجمل الزيارات , وكما هو المعهود استقبال رائع وغير مستغرب منه. . .









مستور عايش دور الأماره




نايم من كثر الإستشارات


قائد الرحلة اللي ولا مره سمع كلام الأمير

ثم اكملنا السهره في منزل فيصل السواط . .

كانت رحلة من اجمل واروع الأيام . . . .

في نفس الجلسه دار الحديث حول تحليل الخطوط ومعلومات عنها . . .

فكتبوا لي جميع من في المجلس ابيات وحللتها لكم لكن ما حددت التحليلات وتركتها لكم . . .

الحضور كان :

ناصر الأحمري , مستور الذويبي , مشعان البراق , فيصل السواط , خالد السيحاني , محمد رشيد ,

محمد السواط , تركي عبدالله . . .

وهذي ابياتهم :


















(( التحليلات غير مرتبه ))

(1)

دقيق بتصرفاته , مهتم بمظهره , جرئ بالتحدث , ماهر في اظهار مواهبه امام الآخرين ,

يهتم كثيرا بالأصوات , يزن كلامه بالتحدث بالعاده , يأخذ قرارات على اساس ما يسمعه ويحلله هو

بنفسه , حذر , صاحب ذاكره قويه , منجز في المهام الموكله لكه على اكمل وجه,لديه تطلعات

مستقبلية,يحب الماضي وسماع القصص الرمزيه متفائل , شخصيه , حساس جدا , بحب

الهدوء,ويحب الأضواء الخافته . .

(2)

اذا عمل العمل يحب ان ينجزه , خجول , الصداقات الحميميه قليله , لا يرضى بتدخل الآخرين

بإموره,حازم على الذات, اناني ودقيق وفيه ذكاء ومكر , عنيد وعجول . .

(3)

اهتمام كبير بالأحاسيس , حازم على الذات , يحب العمل الجماعي , انيس ومحبوب , ينتقم بقوه عن

الغضب مساير للآخرين , لا يقبل النقد المباشر , عصبي , واثق من نفسه. .

(4)

حياء ,خجل , يجامل كثيرا , اهدافه غير واضحه , واضح بتعامله , عصبي

مستمع جيد ,وملاحظ جيد . .

(5)

حازم على ذاته , أهدافه فيها تسويف , عنده رغبة في التغيير , مهتم بالآخرين ,

وشخصية فيها نوع من الدقة , ذكاء , مقصر في التواصل مع الآخرين , حساااااااس

جدا , وثقة , يحب احتواء الآخرين . . .

(6)

زعووول , خيال متسع جدا , كتوم , مقتصد,عند تدفق بالأفكار , خجول , ذكي , انسان عملي

واضح بتعامله , ما يعرف المجامله . .

(7)

حب التحدي , لا يحب قوة الشخصية بالجنس الآخر, يصاب بالملل إذا أصبح كل شي تحت

سيطرته , متردد بالأراء , شخصية كتومه , عنيد,عنده تدفق أفكار , عصبي , لا يحب

الرسميات , دائم التفكير في شي مشغل باله , صريح وحاد في ارائه , يجرح الآخرين في رأيه دون

ان يشعر . .

(8)

لديه استيعاب سريع للأشياء , شخصية يصعب قيادتها , خيال واسع , وعادة ما يمشي على

هواه , يميل للخجل , وايضا كتوم , عادة يغطي إحساسك بالخجل برفع صوته عنده نوع من

الأنانية , يفكر في أكثر من شي بوقت واحد , مخلص في صداقاته , شخصيه يصعب التعرف عليها

بسرعه , شخصية غامضه . .




كانت رحلة من اجمل واروع الأيام , اما عن رفقاء الرحله ما أقدر أقول شي فيهم لكني تذكرت

مقوله لــ خليفه المسلمين عمربن الخطاب

كان عمر ذات يوم جالساً مع أصحابه . . .

فسألهم عن شخص ماتقولون فيه ((وكأنه يريد أن يسند إليه عملا))

فسكت القوم ثم أعاد السؤال

فقام أحدهم وأثنى عليه كثيراً ...

فقال عمر:ياهذا لقد قتلت صاحبك بالمدح

وإني سائلك عن أمور

هل صحبته في الأسفار؟؟ قال الرجل:لا

قال عمر: هل جاورته في القرى والأمصار؟؟ قال الرجل: لا

قال عمر :هل تعاملت معه بالدرهم والدينار ؟؟ قال الرجل: لا

قال عمر:أنت ومن لم يعرفه سواء !!!

وكاد عمر أن يضريه بدرته ....

من هذا الباب وهذي المعادله الرائعه في معرفه الرجال

والله ما اقولها تطبيلا لهم ولا مجامله وبكل اختصار اقول((وملييوووون نعم فيهم,واقسم بالله تشرفت

في رفقتهم)) . . .

وتشرفت بجميع المرقابيين وبشوفتهم والسلام عليهم . . .

كثير من التساؤلات تسأل عن سر التقارب في الصفات بين الجميع وهذا

بسبب اني لا انشر السلبيات , وهذي قناعه عندي وايضا لأن الورقه نفسها ما تكون عندي . .

واعتذر عن كل من راسلني لتحليل الخط ولم يأته رد , ويعلم الله انها خارج عن الإراده . . .

واعتذر من الجميع لو كان هناك خطأ او زلل . . .

والسلام عليكم . . .

,

وعلـيكم السلآم ورحمـة الله وبركآته

وكل عآم وأنت بخــير

مآشآء الله علـيك

توثـيق مصوّر وكتآبـي وكأننـآ معـكم

الله يسـتر علـيكم ويوفقــكم

نآدر لآهنت على هالتغطـية الأكـثر من جمــيلة

وفقّك الله ( وردة )

السلام عليكم ورحمة الله وبركاته ,
العزيز / نادر العنزي .
موضوع رائع وجميل كانت رحلة رائعه موثقه بالصور والتحاليل
جميل جميل جميل والله يانادر . . . . الله يجمعكم على الطيب دائما وأبداً .

مودتي لكم .

حجز ولي عوده

كل عام وانت بخير ياشعب

يامررررررحبا والله ..


والله توثيق رائع للغاية .. وتسلم انامل المصور اللي اعتقد والله اعلم انه ابو محارب .. لان حسه الفني واضح في الصور

الله يجمعكم على الطاعة ولا يفرق بينكم .. المهم لامريتوا الرياض مرة ثانية لاتعدوننا كذا هذاي علمتكم

ودي واعجابي ولاتنسى الوعد يابو مهجع

.







يا مرحبا يا نادر !

هذا اللي يزيد القلوب فرحه

اليا شفنا اخوانا مجتمعين على العز .. واهل الشرقيه مدهال عزالله

والله يجمعكم على طاعته و لا يفرقكم

،

ياسلام عليك يانادر والله توثيق ولا أحلى

واللي أزين منه يوم ألتقينا بكم وشفناكم عن قرب وكانت من أحلى الليالي وعيدوووووها تكفووووون

مع إن فيصل تجاهل قريحتي وذائقتي خخخخخخخخخخخخ

اما بالنسبه لتحليل الخطووووط فأتوقع إني أحسن واحد

لاهنت لاهنت يانادر

وعليكم السلام والرحمة

الله لا يفرقكم لكن ليتك يا نادر مصغر حجم الصور على شان يسهل علينا التصفح


لا هنت على كل حال

والله ونعم الرجال

عسى الله يجمعكم على العز والطاعه

لاهنت يانادر

ما شاء الله تبارك الله
خوّة نشاما ، ومدهال طيب
الله لا يفرقكم ، ويديمكم على العز والطاعه ..






ولي عوده ، لأن الباب يطق عندي ..

ياسلام يا نادر

تغطيه ولا اروع وشعراء مبدعين واحبه
الله لا يغير عليكم


استمتعت بالتغطيه وتفاصيل الرحله الجميله


محبتي وتحيتي للجميع

يامرحبا ومسهلا


يازينكم وياحبي لكم وكم انا فخور بكم


اثركم عقب العرس رحتو للشرقية .. وراكم ماعلمتوني عشان اخاويكم <<< ابوك يالخرطي .


والله انكم ماش


عموماً ماقصرت يانادر تغطية رائعه لاشخاص نحبهم في الله والشاهد الله


واموت انا على الحساس والخجول هههههههه

ياسلام ياسلام

تغطية ولاأجمل لرحلةٍ هي الأجمل وموضوع انتظرناه طويلاً

نادر ماشاء الله عليك

تحليلك خرافي وموهبتك عجيبه

كم تمنيت ان تضع كل رقم امام صاحبه لأن فيه ناس بيستغلون الوضع هذا <-- مايقصد ناصر


من اجمل الايام والله يانادر اسعدتونا بها ، وان شاء الله ستكررونها قريباً

المشاركة الأصلية كتبت بواسطة ناصرالأحمري

ياسلام عليك يانادر والله توثيق ولا أحلى



واللي أزين منه يوم ألتقينا بكم وشفناكم عن قرب وكانت من أحلى الليالي وعيدوووووها تكفووووون



مع إن فيصل تجاهل قريحتي وذائقتي خخخخخخخخخخخخ



اما بالنسبه لتحليل الخطووووط فأتوقع إني أحسن واحد



لاهنت لاهنت يانادر

ايه هيّن ، ترى الورقة السرية للحين محتفظ بها هههههه


ياحبني لك دون كل المخاليق



دم تم / بخير

عليكم السـلام , وكل عام وأنت بخير ,


عسى الله يجمعكم ع طاعته , وع الطيب,

عسى الله لايفرقكم , رحلة جميله , تحمل معاني كثيره ,

أتمنى لكم التوفيق ياحبايب

ماشاء الله تبارك الله،
موضوع في قمة الروعه من الصور الى التحليل
واسامي نحبها ونحب اجتماعها

الف شكر يابو مهجع !

الله الله

رحله غيررر

الله يجمعكم على العز والطاعه

ولايفرقكم الا عليها

كل الوود ..

موضوع جميل يبو مهجع وانتظرناه طويلاً

اجتماع وخوّة وايام لاتنسى

الله يسعد من كان السبب ويرزقه الذريه الصالحه

اما التحليل فالحمدلله ماني منهم

اجتماع لا ينسى
واشوى يابو مهجع انك ما حللت شخصيتي


،

الله الله الله .. كانت زياره ميمونه يانادر

بس باقي من العلوم علوم .. وين صورة العكاز


,,

توثيق رائع رغم إنّه متأخر شهرين

لكن الشخصيه رقم 6 من هو علشان نأخذ إحتياطنا ومانمزح مع الزعووول

تحياتي لكم جميعاً

صراحه انكم شرفتونا بالزياره و بشوفتكم
و الله يبارك لابو قطن ( صاحب مواعيد عرقوب )
اللي جمعنا في ليلة عمره .. و خلانا نشوف
زملانا و اخويانا...

و رحلتكم الى الشرقيه كنت اتمنى لو انني حضرتها..
لكن الظروف حالت و يكفيني شوفتكم في الرياض..


و لدي سؤال أخي ابو مهجع..بعيداً عن التحليل.. لأنك صراحه حللتهم تحليل مضبوط..

من أحلى خط بينهم؟؟

و خاصةً ناصر الأحمري وش رايك في خطه؟؟


الله يجمعكم على الطاعه... و يكفي ان هذه الرحله أدت
الى نتائج كنا نبحث عنها .. و كنت اتمنى لو كنت عنصراً فيها..

تحياتي للجميع

ش. س.

رحله شيقه وممتعه

الله لايفرقكم ليه ما اخذتوني معكم للشرقيه


تصدق يانادر انت والشباب اللي معك



ان زيارتكم للمناطق راحت اكثر من زيارات الملك الله يطول عمره

وراكم ماتزورونا فالقصيم