ردٍ على قصيدة الشآعر ابن نيف

السلآم عليكم ورحمة الله وبركآته


/


\



هذه قصيده للشآعر / قاعد سعد بن نيف الديحاني


موجهه لذوي سويلم



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياللي تبا المسيار يالجار يالضيف = فل الحجاج إن عمستك الصلافه
على الشحم والكيف واحلا السواليف = اللي بها بعض القصص والطرافه
اللي منقَّاتن من الكذب والزيف = هي العلوم اللي عليها الحسافه
عند الرجال اهل الوفا والمعاريف = ذوي سويلم طيبين الضيافه
تجي سوالفهم على غاية الكيف = ما شوهتها الفبركه والكلافه
فديتهم بمصفف الهرج تصفيف = اللي يجيب الطهبله والخرافه
تحدني عنهم اضروف وصواديف = ولا المسافه ماحدتني مسافه
أصبح فراغ الوقت عندي تخاطيف = وقتي غدا حفاف شغلي كفافه
يزيدني مجلس هل الطيب تشريف = هذي حقيقة خاطري واعترافه
والمجلس اللي مابصدره عواريف = وصدورهم فيها النقا والنظافه
ماني على وصله كثير التحاسيف = ولا ظنتي فيه الحيا والمخافه
ألقا عن اهل الناقصات المحاريف = للتافهين أترك علومٍ توافه
من لا يورَّا بعض الاحيان ويعيف = يشرب قراطيع الردى ما يعافه
للرجل من نبع الشكاله مغاريف = ولا الردى نقعٍ مصيره جفافه
وكلن على طبعه يدور مواليف = من ساق شوفه يم شرواه شافه
تم الكلام ولا يبيلي مظاريف = نشرتها مثل الخبر فالصحافه
حب ووفا ماهي دعاية وتعريف = اِنقاد لاهل الطيب حرفي وقافه[/poem]


/


\


وهذا ردي على الشآعر / قاعد بن سعد بن نيف




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
رسالة فيها تضيع التواصيف = مضمونها أغلى من بنوك الصرافه
من شافها ينسى الهموم المراديف = تقول مكتوبه بليلة زفافه
من شاعر في بدع الألحان حريف = ان ما مشت له طوع جت له عسافه
تقول شعر هلال والخس وحنيف = وصحن و إبن مبرد وشعر العرافه
ومفرح الضمني والألفين وخليف = وضيدان والعواي واهل الثقافه
ما ياخذون الشعر رفده وتسليف = ولا هم بشعار على الشعر آفه
يابن سعد ياريف ركب مناكيف = ياعيدهم عقب التعب والكسافه
ليا زرتنا تشريف من غير تكليف = الف هلا بالصدق ماهي زهافه
حنا وشيخ مايحسب المصاريف = ماحط لضيوفه صحون الكنافه
دايم على ضيفه وجاره كما الريف = ويقابل اللافي بلين ولطافه
ولاهو غريب الطيب من نجل ابن نيف = خليفة الطيب ونعم الخلافه
شوف العذارى يلعبن الغطاريف = لفعولنا وفعولكم بالكيافه
أهل الأصايل والبكار المشاعيف = هذيك مكسوبه وهذي حيافه
نطاحة الجمع المعادي ليا خيف = وجاء للفشق والملح مثل الطخافه
واهل الصحن والنجر والخيل والسيف = اهل المضيف اللي وساع رفافه
واليوم والله ماعلينا تخاليف = مادام عبد الله علينا لحافه
هو ظلنا عن واهج الحر والصيف = للعرب والإسلام عنده مرافه
وصلو على المختار ماذعذع الهيف = وما طاف بالكعبه وكمل طوافه[/poem]


وسلامتكم


تراحيب بن سويلم

( 1 )

حجز ملكي

2

يا ابو ناصر

كفو كفو كفو كفو
بالجميع



عزالله ونعم الصداقه والمعرفه والجيره


ولايستغرب عليك وعليه العلم الغانم


صحة السنتكم


تقديري

اللهم صلِّ على محمد

ردّ وافي .. وبدع جزل
واثنينكم تستحقون الشكر والمتابعة



صح لسااااااااااااانك مدد
ولا هنت

الجزل جزل


و ابن نيف و ابن سويلم

اغرقونا بجزل شعرهم و ابداعهم


لله دركم جميع و صح لسانك يا ابن نيف و صح لسانك يا ابو ناصر عسى عمرك طويل




تحياتي و اعجابي


شفق السريّع

صح لسانك يابن سويلم وصح لسان ابن نيف قصايد جزله

ولاهو غريب عليكم الطيب

لكم مني كل الود والتقدير

الله الله الله


ياسلام على هالجزاله


شعر اصيل وعريق وشعراء عمالقه


صح لسان ابن نيف ملايين

وصح لسانك يابو ناصر ملايين عز الله انك كفيت ووفيت ولاهي غريبه عليك


وشكرا لك على اطلاعنا بقصائدك الرائعه التي نشفق عليها من حين الى اخر

تحياتي

الله لا يهينكم جميعاً

احترامي

ابو ناصر

صوت وصدى ولااروع

جمع بين الجزالة والمدح اللي في محلة

والحقيقة ابن نيف مدح ذوي سويلم وهم اهلٍ لذلك

ورد ابو ناصر مثل البلسم على الجروح وهي عادتة

والحقيقة لااملك الا ان اقول بيض الله وجيه مهندسي هاالدرتين
الجميلتين ولاهنتو

تقبلو تحياتي جميعاً

شاعرنا القدير تراحيب


ونعم فيكم وفي ابن نيف


صحت السنتكم قصائد قمة الجزاله وتضهر معاني الوفا بين الرجال شرواكم

صح لسانك ولسانه


تحياتي

الله الله الله

مساجله الشعراء الكبار دائماً ما تتسم بالجزاله والابداع

صح لسان ابن نيف الف
وصح لسانك يا بوناصر


معاني ساميه وكرم ورجوله وشعر حقيقي

دمتوا على العز