فمان الله يالغالي

z5112008@hotmail.com

السلام عليكم ورحمة الله وبركاته

اتمنى ان تنال اعجابكم

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
خلاص ابرحل فمان الله يالغالي=دام النتيجه خساره ليش اكررها
جيتك مع الشوق وأثر الشوق غربالي=جيتك مغمض عيوني وانت ناظرها
جيتك اشوفك جميع الناس في بالي=والناس غابت مدامك منت حاضرها
أعطيتك القلب دون شعور مابالي=وأعطيتك العين تنهاها وتآمرها
وأعطيتك الروح والتفكير والمالي=وش عاد باقي تبيها لك واحضرها
من شان حبك غديت بحال يرثالي=ترسل عيوبك وانا فالحال ابررها
شهرين مرت وهذا الحال هو حالي=ومادام زادت عن الشهرين مقدرها
شهرين صابر اطور وابني آمالي=لكن عذابك بدون اسباب دمرها
دمرت قلبن تولع فيك بأهبالي=قلبن يعيشك وكل الناس قابرها
قلبن تركني وجاك يقول ويلالي=وهذي جزاته جروحه منك ماكثرها
تدري وش اللي نكبني يابعد حالي=لا تعشق الناس من شوفة مضاهرها
يازين يومك تروح وخاطرك سالي=تضحك مع الناس والدنيا تسايرها
لانته بعاشق ولنت مفارقن غالي=ولابه ليالي جريحه لو تذكرها
لكن خساره وقع بي حظي التالي=خلا حياتي كثير العشق غامرها
وليته رماني بحب اللي يبى اقبالي=يمكن يريح عيوني من مساهرها
لكن رماني بحب المقفي البالي=وأكد على الروح في حبه وجابرها
لكن بفارق يجوز فراقه اشوالي=والروح ربي خلقها هو يدبرها
بعلن رحيلي فمان الله يالغالي=روحي تحبك لكن الله يصبرها[/poem]

وسلامتكم

،


صح لسانك ولاهنت يا زيد ، حضور جمييييييل .


تقديري

جيتك مع الشوق وأثر الشوق غربالي
جيتك مغمض عيوني وانت ناظرهـا

الله الله الله

صح لساانك مدد ,,,, تقبل مرووري

وعليكم السلام ورحمة الله وبركاته

صح لسانك مدد .. وحياك الله في المرقاب
كلماتك تحمل الإحساس الراقي والمعاني الجزلة .. لا شلّت يمناك


تحياتي

صح لسانك ولا هنت

ياسلام ياسلام

صح لسانك يازيد

•

من شان حبك غديت بحـال يرثالـي
ترسل عيوبك وانا فالحـال ابررهـا

الله الله الله

مرحبآبك يآ زيد
وصح لسآنك مليون

مرحبا بك

مصافحه راقيه يازيد

صح لسانك ولاهنت ياغالي

وبالتوفيق ان شاء الله