قصيده ومجاراتها

السلام عليكم ورحمة الله وبركاته



الشاعر الكبير محمد بن سماح الغيداني شاعر معروف وصاحب خبره لا تقل عن ستين سنه في ساحة الشعر في يوم من الايام اهداني نسخة من احد قصائده الرائعه وهي غزليه وعرض علي مجاراتها وهي ثقه من ابو مشعل اشكره عليها

القصيده اعجبتني جدا واعجابا بها حاولة مجاراتها




يقول الشاعر محمد بن سماح الغيداني في قصيدته

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياطبيب القلب قلبي روحت به=جادل ما عقبت للقلب تالي
والجهاز اللي زرعتوه لعبت به=مابقى كود السحر بالصدر خالي
كل ما قلت ارحمي قلبي طوت به=وضحكت في حاجب(ن) مثل الهلالي
العيون تخجّل اللي طالعت به=اختلط فيها الكمال مع الجمالي
اعرضت لي باللباس اللي زهت به=واندهشت وقلت:ألا وابري حالي
فوق عرش الزين قفّت واقبلت به=والنحر مثل القمر نوره يلالي
ما ذبحني مثل رمش(ن) سلهمت به=صرت افكر فيه من حالي بحالي
الكلام لياهرجت به وضحكت به=كن طعمه درّ خلفات(ن) متالي
لو تطاوعني على امري ما عصت به=كان ارددها على روحي تعالي
لين ترتاح العيون اللي شقت به=واهتني في شوفته دايم قبالي
الله اعلم وين قلبي وجهت به=حوّلت به للوطا من راس عالي
شالت القلب المولع وانتحت به=مابقى له لا دقاق ولا جلالي
اتنشد عنه من يوم اختفت به=ما ذكرلي لا جنوب ولا شمالي
ياوجودي وجد منهو لولحت به=وانطلق من فوق مومية الحبالي
طاح قدام السيوف اللي سطت به=الصوايب غامقه والدم سالي
في نهار(ن) كم شجيع(ن) يشتمت به=غابت الاذهان من شد القتالي
طاح بين الخيل ماحد يلتفت به=لو يردد وين حامين التوالي
شاف عجلات المنايا نوخت به=والفرس راحت مع الوضح الغوالي
مثل قلبي والهنوف اللي غدت به=واخرتها لا جواب ولا سوالي
تل قلبي كل ما راحت وجت به=تل غرب فوق درّاج ومحالي
تلته حمر شناح وصدّرت به=يصتفق برشاه من جال(ن) بجالي
آه ياممشى الطريق اللي مشت به=ليتني معها ولد عم(ن) موالي
ودي آقف وسط سوق(ن) وقفت به=لو مالي بالتجارة راس مالي
لو حصل لي شوف وجه(ن) فرّعت به=ما غبط عنتبر وابوزيد الهلالي
عقبها لو ابعدت به وقربت به=المهم يبين عقلي من هبالي [/poem]



صح السان الشاعر محمد الغيداني والحقيقه انها قصيده جزله من شاعر جزل



اما المجاراه

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]


قلب ابو كسار وضحا شلعت به = جادل في قد قوله ما تبالي
والجهاز الي مركب به عثت به = احدثة به في مفاتنها خمالي
اندهش من لبسها يوم عرضت به = وصار عنده من تهملعها اختلالي
اضكة في هرجها ما قصرت به = نسته عمره ونسي ام العيالي
ما تحمل رمشها يوم طرقت به= صاب قلبه من تسلهمها جفالي
ويتمناها لو انها خيرت به = ايتهنا بشوفها حل وحلالي
ويوم من راس الطويله حولت به =قال لاح جروح روحي قلت غالي
مار قلبك يا محمد وش لقت به = يا طبيب القلب قلب العود بالي
المراجل قبلها كد شيبت به = متعبه من قبلها مسرى اليالي
اثر عودك عود والبنت جهلت به=ايتوجد وجد فرسان النزالي
في نهار من تهقواه قعدت به= ولحقو الفرسان مروية السلالي
احتمى فيه المنازل وانتخت به = عزوة ماهي على الجال الهيالي
غيروا مجرى القتال وسجلت به = عام جا با الشمس من عقب الضلالي
وجد ابو مشعل مثل من طوحت به = شاف دمه عقب ما وخذ الحلالي
اشهد ان الحب ناس هبلت به= من طحاطيح الرجال من الجمالي
ما درت با عمارها يوم وقعت به = حين ذكرها لياليها الخوالي
كم شقين يوم بانت جنحت به = والوضيحي للمثال اكبر مثالي
وحال ابو كسار حال دونت به = مار جعله عقبها يمشي عدالي
العصا يمشي وهي ما عتبت به= والعلاج الي معه يملا شوالي
بعد حاله ما قرت به وكتبت به= وراح قلبه مع طريق الزين جالي
العوض با العافيه يوم عرجت به= والمجال ان ما حصل فيه المنالي
ايتعبر با الحياه وما وصلت به= وبعد عرضتها يجي شايب مثالي
وكانها مرت عليه ولا اثرت به = هم لالي هم لالي هم لالي[/poem]

الاخ العزيز خالد الحصني

الله الله ياسلام

صوت وصدى مميز ورائع من عمالقه صحت السنتكم

سلمتو ولاهنتوو

تحياتي

صوت وصدى اكثر من مسمى شعر عادي

صحت السنتكم ولاهنتوا

الله الله
لله درك يـ خالد الحصني يا سلام عليك
صح السانك واعتلا شانك تقبل مروري ومودتي
( )

صوت وصدى ولا اروع..

صحّت الا لسن.. ولاهنتوا..

تحيتي,,,,

المشاركة الأصلية كتبت بواسطة محمد الحمراني

الاخ العزيز خالد الحصني

الله الله ياسلام

صوت وصدى مميز ورائع من عمالقه صحت السنتكم

سلمتو ولاهنتوو

تحياتي

مرحبا بك اخي محمد بارك الله فيك وشاكر حضورك وتشريفك صح بدنك ولا هنت