(خبر هز جبله حزن واسى واهتزت الاطلال) ......... (شيخ الطلوح)

السلام عليكم ورحمة الله وبركاته


هذه القصيده لشاعر / عبدالله بن عبداللطيف بن صلهام الحنتوشي العتيبي



[poem=font=",5,black,normal,italic" bkcolor="transparent" bkimage="" border="none,4," type=0 line=0 align=center use=ex num="0,black""]
رحل كاسب ثنا الحكام رحل شيخٍ مقامه عال=رحل شيخٍ بكت له نجد..واول مابكاه عداه[/poem]



وهي في الامير / متعب بن تركي بن محيا رحمه الله

شيخ قبائل طلحه من الروقه من عتيبه المحبوب وعمودها الفقري الذي جمع الصفات الكريمه
من شجاعه وكرم ودهاء وحنكه

كان رحمه الله ابً لصغير واخً للكبير


وتعجز الكلمات عن وصف شخصيته وعن مُصاب فقده





^

يظهر ف الصوره الملك فهد رحمه الله وهو يعزي الامير متعب بن محيا في والده الامير تركي بن محيا رحمه الله (امير الفوج السادس عشر )

رحمهم الله جميعا






[poem=font=",5,black,normal,italic" bkcolor="transparent" bkimage="" border="solid,2,black" type=0 line=0 align=center use=ex num="0,black""]
خبر هز جبله حزن واسى واهتزت الاطلال=وخذف وادي الرشا دمع الفراق وجا يكظ ملاه
مالومك يافيافي نجد لوتشكين ضيقة بال=بعد ماانهد صرح شامخ من يدهله ذراه
الاواتاج راس طلوحنا وانجمنا الشعال=الا واهيبة الهيلا بعد متعب كبير الجاه
الا واشيخنا شيخ الطلوح الناقض الفتال=والا واشيخنا اللي كل علم طيبٍ يزهاه
خساره ياعقيد عاقدين براسه براسه الامال=فقيد الطيب واهل الطيب واللي صكته دنياه
رحل كاسب ثنا الحكام رحل شيخ مقامه عال= رحل شيخ بكت له نجد واول مابكاه عداه
رحل متعب ولد تركي سلايل محتمين التال=سلايل ذي محيا اهل النضا يوم الرمك محذاه
رحق شوق العذارا اللي يضيع بصدرها السلسال=رحل عوق الخصيم اللي ليا حول عليه ادماه
رحيلك ياولد تركي خطير يخلف العقال=لالا الايمان ملّو كاظمين الغيظ من فرقاه
وهذا الخطب الفظيع اللي لهوله يبرك الرجال=وتصرم له ضلوع ماتلين ولاتعرف الاه
ولوان القبر يدري من نزيله كان ماينهال=متى كان الكرم والطيب يدفن لولا حكم الله
هدمك الحظر الاقشر ياجبل طلحه بدون جدال=وعسى ماهوب ذنب للقبيله عمها بلواه
وجذيب الجرح الاول عارضه نزف جديد وسال=وعلى الله بعد تقليب المواجع نرفع المشكاه
والاياموت وش لك في عيون حزنها لازال=على شيخ المهابه تركي اللي كايد مرقاه
فجيعه من ألمها عبروا حكامن الابطال=سلاطين العرب حست بفقده واصبحت تنعاه
ووصل سلطان سلطان الكبير ومضرب الامثال=عسى الله يحفظه من كل سوء ولاتشل يداه
يعبر بالاصاله والنيابه زاكي الاعمال=عن الحزن العميق لفقد شيخٍ عالي مجناه
ميت عام قضوها ذي محيا للوفا معدال=مع الحكام والعربان فاقصى دارنا وادنا
ولوغيّبك سهم الموت فعل الطيب ماينزال=نبي نذكرك يامتعب قدم رجله ورى مبداه
نبي نذكرك يامتعب مع اول سوق الفنجال=ونبي نذكرك لاخيل سحاب الوسم من منشاه
نبي نذكرك يامتعب لياجا فيه مس حبال=ونبي نذكرك يامتعب لياوصل الخصيم اقصاه
ونبي نذكرك يامتعب لياجات الحمول ثقال=ونبي نذكرك لاشفنا خلل ولاحدٍ يرفاه
ونبي نذكرك كان القرنه امسينا يحز الجال=ونبي نذكرك يامورد خصيم الحق للمضماه
ونبي نذكرك بالعلم الجميل ودورك الفعال=وفيت ولاهفيت الله يجيرك قد ماتخشاه
ولايامتعبٍ خيل المراجل كاسب الانفال=نبي نذكرك ثم نذكرك لوطال الزمن لاتلاه
كثر حبك لحكام الجزيره طيبين الفال=كثر حبك لسلمان الرياض وكثر ماتبداه
كثر حلك مشاكل عند غيرك مالها حلال= كثر همٍ تشيله لاجل غيرك كثر ماتجلاه
كثر بذلك كثر دعمك كثر هيبتك والاجلال=كثر ماضاع منجوم القوايل كثر ماتقداه
كثر حبه لاهل ساجر كثر مايلطم العيال=كثر حبه لنجد وكثر ماونت على لاماه
كثر ماحط بين السيف ورقبة الغريم المال=كثر ماتبذل اليمنا كثر ماتجهله يسراه
كثر قدحه صليب الراي وان جا فالامور اشكال=كثر ماقادهم يمشون في شوره وطيب ارياه
وانا ماقول مابه غير متعب للحمول جمال=ولوانه قليل اللي يبايمشي على ممشاه
لكن متعب ولدتركي ومتعب فالرجال لحال=طويل ذراع وافي باع ذب الطايلات مناه
وفِي حتى لوانه مع خصيمه يوفي المكيال=وفِي للوطن واهل الوطن لين القدر وافاه
ورفيعات النسب يبطن لويتاومن عيال=تبي تمضي سنين مطوله مامهدن حلياه
وعسى اللي مايعزز ديرته لوان شبره طال=مثل متعب ولد تركي لياهب الهوى يقفاه
والا واعيني اللي لاطرالي دمعت فالحال=وانا اللي كل شيٍ فيه اشوفه كيف عاد انساه
والا ياعين ياللي عقب متعب كن فيك خلال=عزاك الصبر والله مايخيب من لجا بحماه
وتصبر ياغريمٍ في تقا سلمى على الاثقال=ولابيدي ولابيدك على الله عنز المشكاه
وحياة متفيها بالمخادع قاصف الاجال=سعيد الحظ فيها من حفظ دينه قبل دنياه
رحمك الله ياشيخ ليادازت حموله شال=رحمك الله ياشيخ ليااشتد القسا نلقاه
على فقده ذرفنا دمعة تصعب على الرجال=لوان الطيب واجد والبقا لله ثم فابناه
يقولون العرب( مامات من خلف وراه عيال)=وانا اقول ان فيه احرار درّبهم على يمناه
رحل متعب لكن الحمدلله من وراه جبال=جبال ماتهاز ولاتراز وكلهم شرواه
وزمانٍ شَفنا في شّف متعب ماعليه اقبال=مصيبه وقعها فالنفس مؤلم ماحد يكناه
وش اصعب من رحيل اللي لربعه في تقاه ظلال=وش اصعب من بقى اللي لوتوفى مابكته انثاه
لوان اليوم كلٍ في ذرا الدوله طلع خيال=لكن العز والجمعه لها عند العرب مشهاه
والا يابنت يكفى ماحصل بالله ضفِ الشال= ولوغيري لياشاف المفاتن قال يالله
وصحيح انك جميله مالحسنك فالبنات امثال=لكن ياهني من باعك بخير وساعده مولاه
وانا ماعبد وجيه الناس لاصالح ولا بطال=لكنه ضامني هول المصيبه ثم وصلت انعاه
افا وشلون ترضى يستباح حماك ياشوال=اسف يااعيادنا الاثنين وين انتم عن المأساه
هذا لوكان سهم الموت له قدره على الإمهال=وتعالى اللي ليا منه كتب شي علينا اضفاه
عذاب القاف من طيبه بعد ماشاب راس المال=عذاب العلم من عرفه لياطيب البحر ماارهاه
عذاب النفس من عزمه منجب والحبال طوال=عذاب اليوم من صبحه عذاب الليل من مسراه
عذاب الفعل من قوله ليامنه نطق فعال=عذاب الوقت من ذكره عذاب صدورنا مااغلاه
وعذاب البشت عقبك ياولد تركي من الجهال=مسحبت البشوت اللي من هموم العرب معفاه
اعزي بشت غيرك والا بشتك في ظهر رجال=ومكانك له ولد تركي عسى رب البشر ياقاه
اواليد على درب الاماجد تنقل الاحمال=الاياعزتي للي يطاولهم من مسماه
وانا شاعر ولي قدره ولي همه تزيد اشعال=ولالاي اخاف اثير الحزن وصلت الالم لاقصاه
رحمك الله ياشيخ الطلوح الناقض الفتال =رحمك الله ياشيخٍ ليااشتد القسا نلقاه
والا وراعي الحردا الا وانجمنا الشعال=الا واهيبة الهيلا بعد متعب كبير الجاه[/poem]

الله يرحم الشيخ : ابن محيا
شيخ طلحه عزوة الجمعين

وصح لسان الشاعر / عبدالله بن عبداللطيف
وتسلم يمينك على الايراد يـ نواف

صح لسان الشاعر والله

وابن محيا الله يرحمه ويغفر له هو وابوه
عز الله انهم ركون من ركون عتابه




ولاهنت يانواف

بس ياولد الصوره اثرت في تأثير ماهوب صاحي
لي سنتين ماسكتن على الملك فهد الله يرحمه عدد عظامه ويسكنه الجنه

[align=center]
صح لسان الشاعر
شيخ معروف وانسل عوائل كريمه بخلقها ومدها
غفر الله له ولابي وجميع المسلمين
فهيد
[/align]