الشجرة المغروسة !!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خطَة العشَاق ماهي خطَةٍ مدروسة = في دروب الحب يحكمها الزَمان القاسي
كمَ محبَة جات من مدَت نظر محسوسة = واعتلت من فوق عرش النَابض الحسَاسي
يا غصين البان ولا اقول يالبسبوسة = التفاكير الكثيرة شيَبت لي راسي
والخطر دقَ الفراق المنتَظر ناقوسه = ساعةٍ فيها العباير تكتم الانفاسي
والسَموحة ناوي ارحل عنك يالمحَروسة = ما بقالي في ربوع اوطانكم مجلاسي
من وانا توَي صغير المسَتحيل ادوسه = ولا خبرت اني شكيت إلواحد (ا)من النَاسي
لين كبَرني جهادي للزمن وادروسه = ولين خلَتني غرابيله قوّي الباسي
والله انَي ما حسدت المغتني بفلوسه = دام في بنك القناعة ما شكيت افلاسي
ومدرك ان الضَرس لا وصلت جماه السَوسة = ماله الا القلع وانشد قالع الاضراسي
قبل لا يوجعك راسك والصَداع يحوسه = وقبل لا يطرحك لا زاد الوجع متواسي
والخريف ايراودك يالشجَرة المغروسة = لو تلاعب فالربيع اغصانك النسناسي
اه واحرَ الخفوق وعلَته ملموسة = وقع همَه فوق عرقه مثل ضرب الفاسي
والجروح المزمنة جلبابه وملبوسة = مرهف الاحساس وانتي تجرحين احساسي
مير هونك والدَهر يكشف لك المدسوسة = والبحر ماينومن ومكّذب الغطَاسي [/poem]

هزاع الشيباني