ابيات بعنوان : الموءوده

اقدم اليكم هذهِ الأبيات وهي من نظمي .... أرجوا ان تجد لديكم ولو القليل من الرضى لأنه كل الرضى عندي

كلمة عين : تقرأ عِينْ : تكون الياء مهمله فلا تنطق

اليكم الابيات

قال من هو شيّع اليومَ القصيـده
،،،،،،،،،،،،،، مهرة ٍ مستعصيه محـد ٍ قناهـا
مع خيول ٍ في صحارينا شِريـده
،،،،،،،،،،،،،، في جزيره للعَرَبْ ذايـع صداهـا
ساقها من غير لا ينقص رصيده
،،،،،،،،،،،،،، تلّها من نجم عالي فـي سماهـا
من بنات الفكْر من عنده ولِيـده
،،،،،،،،،،،،،، بكْر عذرا فكْر فارسهـا حماهـا
نزفة ٍ من دم صافي من وريـده
،،،،،،،،،،،،،، جابها من دون عيب ٍ لايْغشاهـا
نهل ماها نابع ٍ من عين زبيـده
،،،،،،،،،،،،،، نفْثِته من نفْثِ قاري جاء تلاهـا
ساقها في دربها والـدرب سيـده
،،،،،،،،،،،،،، ريحة المسْكِ احْتواهـا وعْتلاهـا
ناثر ٍ بالماس مع دانـه وحيـده
،،،،،،،،،،،،،، فوق ثوب ٍ بالسواد اللي كساهـا
صورة ٍ حاكتْ سمانا هي بعيـده
،،،،،،،،،،،،،، صورة الليل الحزين اللي تباهـا
بالسِّتِر علـى مخاليـق ٍ عديـده
،،،،،،،،،،،،،، جابها في أرضنا فـي محتواهـا
شاعر ٍ لا جاب جـزلات الفريـده
،،،،،،،،،،،،،، شارحه في صدر كلْ من هو قراها
ما تبع له في هواء النفس البليده
،،،،،،،،،،،،،،،،،،،،،، والدّروب اللي تمايل ما مشاهـا
عازف ٍ عن كلْ دعوات المكيـده
،،،،،،،،،،،،،، رافضاً له ناس تسبح في هواهـا
عينهم ما شافت الّا مـا تريـده
،،،،،،،،،،،،،، ديدن ٍ من لا تكـرّم فـي لحاهـا
من طمر في بحْر لاهي ما يفيـده
،،،،،،،،،،،،،، نار فتنه سيّروْهـا مـن وراهـا
علّ يا من شبّها تحرق لهِ ايْـده
،،،،،،،،،،،،،، ليت من يغتاب ناس ٍ في قفاهـا
بالمرض يبلاهِ ربّـي ثـم يزيـده
،،،،،،،،،،،،،، كلّ ما كحّلْ لعينـه سـال ماهـا
كلّ ما تبرى جروحـه زاد ميـده
،،،،،،،،،،،،،، جرح ثاني ما يلاقي لـه دواهـا
داعي ٍ من تاب له توبه .. أََكِيده
،،،،،،،،،،،،،، والضّغينه صفحة ٍ ماض ٍ طواها
يكتب الله كل حياة ٍ لـه سعيـده
،،،،،،،،،،،،،، نخلة ٍ مستلحق ٍ رطـب ٍ جناهـا
من ضروب القاف مثله مستفيده
،،،،،،،،،،،،،، يا حسافة عمر ضايع لي معاهـا
جبتها بنـت ٍ وِدِافنهـا شهيـده
،،،،،،،،،،،،،، وائِـد ٍ في نصفها الثانـي ثراهـا
غيضها مخزون عندي هي جديده
،،،،،،،،،،،،،، كاملـه والكامـل الله لا إلــه
الّا هو ربّ العباد اللي .. أريـده
،،،،،،،،،،،،،، طالبه يغفر ذنـوب ٍ مـا كماهـا

تحياتي العطرة اخوكم
القريقري ( سادن الشوق )

فايز القريقري

حضورك ( جميل ) كل التقدير لك

صحّ لسانك

حضور جميل ويعطيك العافيه

لاهنت

موفق بإذن الله

..

ياعيني عليك ياشيخ
..
نظم من نوع خاص لايتقنه إلا الكبار
..
صح لسآآنك وإن شاء الله نشوفك عمّا قريب هنا
..

حترآآمي

!!