ديوان الشاعر عبدالمعين ( رحمه الله )

الشاعرالعلم/ عبد المعين بن عقل بن هذال ابن ثعلي العضياني الروقي العتيبي , غني عن التعريف .
ولد في المحاني عام 1331 هــ وتوفا في مدينة الطائف عام 1428هــ وقد تجاوز عمره التسعين عام ... وهو أحد الشعراء القدامي والمعاصرين في قبيلة عتيبه ...
( أطلقوا عليه لقب شاعر عتيبه )...
وأنا شخصيا ً , احب شعره وأحفظ أغلبه منذ الطفوله .
حيث تخلوا قصايده من التكلف , وتتميز بسلاسة اللفظ وجزالة المعنى .
كان رحمه شاعرا ً مطبوع بالفطره , صادق الحس والاحساس , طرق جميع أغراض الشعر الشعبي فابدع .
لذلك أرى من الواجب علينا فتح متصفح خاص بجمع قصايد شاعرنا العلم في هذا المنتدى الشامخ .

(رحمه الله عبدالمعين , وأسكنه فسيح جناته ) ...


البدايه

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
يابادي المرقاب لا تعتلي فيه = مادام قلبك داله ٍ عن عذابه
من يبدي المرقاب تكثر طواريه=تكثر هواجيسه ويزداد مابه
حول وخله للشقاوي يعديه = على نحى قلبه يكسر حسابه
فيما يرد قلبه مصيبه ومخطيه = والله عليم ٍ به خطاه وصوابه
يالله يامن كل عين ٍ تراعيه = يامن فتح لمدور الخير بابه
يافاتح باب الفرج وأنت راعيه = ماحال دونه واحد ٍ بالنيابه
يامن مفاتيح الفرج بين أياديه=وليا دعاه مدور الخير اجابه
لا طالب ٍ غيرك ولاني براجيه= لا طالب ٍ عفوه ولأرجي ثوابه
أفرج لمن همه على الناس كاميه=يرده ويصدر منه , مأحد ٍ درابه
والنوم ثلث من أول الليل يكفيه = يكفيه ثلث من أوله عن عقابه
وثلثين منه , الثلث الأوسط وتاليه=ياخذ على الجنبين كل أنقلابه
ماميد قلبي يافهد من مواشيه = رزقي على رب العباد اعتنابه
رزقي على رزاق الايتام منطيه = يجيبه الله مايجيني نهابه
لشك مثلك مايبي من يوصيه =حزبك ليا كل ٍ وقف في حزابه
رفيقك الطيب معه لا تخليه=عينك على عينه ودابك لدابه
الحر حر وماكره من مجانيه= ويرجع لمجنى ماكره وأنتسابه
والبوم لو أنك تهده وتدعيه= مدعى الصقور اقصاه لابك ولابه
والقصر لو زخرفت عالي مبانيه=مايرتفع بنيه وساسه خرابه
ورجع ٍ لغير لو عيونك تراعيه = خله يروح ولا تقافا سحابه
خله يروح ولو برق لك تواشيه=خيره لغيرك مالك الا عذابه
والخصم لو لان ألك في أول دعاويه=لا تامنه ياخذ عليك أنقلابه
خله بعيد ٍ عنك والحق يرضيه = والحق سيف لمن يجوَد نصابه
وليا نويت لمنهج الدرب تمشيه=أعزم على درب الخطر لا تهابه
وأحذر من الدرب الخطر يوم تمشيه=حذرك معك والله على مانوابه
الدرب دايم ماتخليه افاعيه=أما ذياب الدرب , وألا كلابه
الذيب ذيب , وعضة الذيب تشفيه=والكلب كلب , ودسعته في القرابه
والكلب والثعلب , له الذيب نافيه=لشك راحن الثعالب , ذيابه
والذيب مخلابه قصر مايعشيه=وتسيطر الثعلب عليه وعدابه
أما رفع راسه ليا النمر قافيه=والا خذا الثعلب عشاه وسرابه
والذيب خادع والفرج عند وأليه=نصره مغير يعض نابه بنابه
ياذيب خادع وأشرب الماء بما فيه=نف العدف , وأصبر عليه بشرابه
أن ماشربت الماء بمره وحاليه=هويت في موج البحر من جلابه
وأختامته فأول كلامي وتاليه=ذكر النبي سيد البشر والصحابه[/poem]

2

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]

عديت مجدار ٍ على كل مجدار = عيطا ً بديت براس عالي وعرها
ماواق في عالي حجاها ألأ الأطيار=والأ السباع ألقا مداهيل أثرها
أكرام عين ٍ تشتهي مد الأنظار=فسحة نظر للعين مدت نظرها
وأن كان في مد النظر خير وأشرار=ننظر لحال وحال عنه أنهجرها
ننظر لدرب الخير نقصر عن الضار=ولا خير في عين ٍ نظرها ضررها
وأقول من زين التماثيل وأختار=وأجنى من أطراف المثايل ثمرها
وما قل دل وكل عود ٍ له أثمار=تثمر وحلو أثمارها من شجرها
والفرق في طلع النوامي والاشجار=من زين تربتها وحسنى مدرها
وحولت منه أمشئ مع الدرب مرار=مريت منزال البيوت وذكرها
قلب ٍ عليهم كن في داخله نار=وعين ٍ عليهم مستمر ٍ سهرها
سج القدم في منزل البيت وأحتار=من صبح لين الشمس طبت بحرها
منزل بيوت ٍ عطرها بن وأبهار=وأشناق حيل ٍ من خبرهم خبرها
سلام يامنزل طويلين الأشبار=لو مامكان أبيوتها ألأ حجرها
منازل اللي تكرم الضيف والجار=ما أحد ٍ يحل بجالها ألأ شكرها
أخذوا لهم قيظه وشتوه ومصفار=ومرباع لين العشبه أقفا زهرها
شافوا لهم برق ٍ على نجد سمار=تحت مطاليع النجوم وقمرها
ذعذع له الغربي وساقه بمحدار=واقفوا على درب البروق ومطرها
شرق ٍ من القبله مطاليع الأنوار=غرب ٍ من العارض ضواحي هجرها
يبون مرباع ٍ من الوشم ويسار=واقفا ربيع العين واقبل دهرها
معهم عشير ٍ هوجر القلب هوجار=هوجار هوجار ٍ بروحي هجرها
روح ٍ عليهم في غرابيل وصيار=يقودها سلك الحرير لخطرها
روحه على روحي تسابيب وأخطار=اسبابها المخطر عقد موتمرها
يشر عليه من الخطر حسب الاضرار=شقر القرون ومابدا من نحرها
تاج ٍ عليه عن العماهيج وأشعار=هي شيخة الخفرات وهنه جبرها
اقفا وقفوا به هل المجد والكار=شرب الدغش مر الكبود وكدرها
وأنا بدار ولين العود من دار=لكنها حجه وكتبت عمرها
قلت النسب قالوا بدا , يدك والحار= أولالها من ربعها اللي حجرها
يالاد روق اللي لكم صيت وأذكار= لاطار عج اغبارها من وبرها
وأن جاء لميدان الرمك عج وأكتار= كم حولوا بمدرع ٍ من ظهرها
تسببوا لي فيه من كل ماصار=أظن عيني يفتح الله بصرها
أما بدفع المال والأ بالأبصار=وألأ بصلب أرياء الرجال وظفرها
مايقطع الفرجات من طاع الأشوار=ولا طوَع الأصعاب من لا وطرها
وألأ هي الدنيا على الضار والبار=من لأ دمر بنيانها , ما عمرها [/poem]

الله يعطيك العافيه يا أخ محمد


وعبدالمعين بن ثعلي رحمه الله شاعر كبير وعلم من أعلام شعرنا الشعبي

ويستحق منّا الكثير

شكراً على القصائد التي أوردتها


وننتظر منك ومن الجميع المزيد من أشعاره

3

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]

لاضاق صدري قلت يا قاسمت خيـر = سج القدم يمشي على غيـر داعـي
عديت للعالـي بعالـي النواضيـر = وادله ليا شفته على الحزم اشاعي
واسهروساهرت النجوم الزواهير = لامايجي للفجرنوروشعاعي
قالولي ابله قلت ياهل التفاكير = هاذي علوم اهل العلوم الضياعي
وانا مغير مولع القلـب يـا بديـر = اشـري وابيـع ومشترايـه وباعـي
والله مغير اصخر القـاف تصخيـر = تصخير مادوب العصا لين اطاعـي
ومن دق به مثلي هجوس وحواشير = تضيق بـه لـو الطريـق اتساعـي
امقابل ٍ خضـر الودايـا المهاجيـر = على حفافـ ٍ بيـن حـره وقاعـي
والله لو ان الغرس والقصر والبيـر = تمشي على مافـي هوايـه وناعـي
عن ديرة ٍ فيهـا تـدب الجعاريـر = وفيها الدجاج وماشبـه لـه يعاعـي
لشد وانزل في مرب الخواوير = وامشي مع الحزم السماح الوساعي
ليااختلط نبت الزهر والنواوير = غزيت في العبله عمود الشراعي
غرب ٍ من النفره جنوب المخاضيـر = شرق ٍ من الفيضه شمال الكراعـي
ياوي مرباعـ ٍ بهـاك النهابيـر = وياوي سلفان ٍ بهـا القلـب ياعـي
تلقا بها سمـر البيـوت الدواويـر = سمر البيـوت مثولثـات الرباعـي
بأطرافهـا كنه قصابـة جزازيـر = يفرح بها الطرقي لياأضرم وجاعـي
واهي بيوتـ متيهييـن المعاشيـر = ألاد روق أهل الطعـون الوساعـي
اللي ابهم شقـح البكـار المغاتيـر = ترعا بهم فالخوف من غير راعـي
تلقابهـا شقـر البنـي الغناديـر = زرع القلوب لكـل قلب ٍ ولاعـي
اللي لهن بمولع القلب تاثير= قسمٍ من البنك الكبيرالزراعي
واللي لهن من طب الامراض تقرير= تقرير طب ٍ للقلوب الوجاعي
اخـذتلي معهـم مصيـر ومشاويـر = ركضة جهل يـوم الهلـع والدلاعـي
واليوم عنه اقفيت لوهن مناحير= حسم ٍ لحل المشكله والنزاعي
واقفيت عنه اقفاي ركب المعاييـر = واخذت من تالي المحبـه وداعـي
الا بحـب اللـي بنـاري مصاييـر = سمرن على جال المنـاره مقاعـي
يازيـن شبـت نارهـا للمسايـيـر = لجالهـم عنـدي عليهـا جتماعـي
اخـذ بهـم زال الحيـاة التعابيـر = والا انهـا ماغيـر عـبر ومتاعـي
واسند عليهم فـي ليـال المعاسيـر = ويروح شبري في محطـة ذراعـي
والاهي الدنيا برح ومخاسير = يومٍ حدور ويم ٍ ألها أرتفاعي
ولا كل طيرن ينتقلـد علـى طيـر = ولا كل من هام الشجاعه شجاعـي
ماينتقلـد بالحـرار العصافـيـر = ولاينتقلـد بالقـرمـب الافـاعـي
لو قلدوا شئ ٍ على شئ تغيير = مايتقلـد بالطبيـعـي صنـاعـي[/poem]

محمد بن عون


انت مبدع وانا متابع للأبداع

متابع

متابع

متابع



لاهنت , , تحيتي لك

الأخوان
بداح فهد السبيعي
عبدالله سعد

مرحبا بكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
أنا كل ماهاجت هواجيس خاطري=تصافق محاملها بعدل وميل
خيـّل عليها الهم من كل ماطرا=ولاأدري مسيل الهم وين يسيل
إن سال في صبخا ً قليل ٍ نباتها=تراها بلع ماها بلا حصيل
ريـّعت عنها سجـّة الرجل وانتقل=والوقت يمضي والضعون تحيل
ومن لارفع رجله ليا منزل الشرف=يبقى بحسرات الزمان ذليل
ابا أرحل ليا واد ٍ فياضه وروضته=تسقي بقوعه من بحور النيل
واد ٍ نزل فيه السديري محمد=محمد الاحمد زبون الحيل
لاهو ولد عمـّي ولاوالله اعرفه=الا بقول الناس بالتفصيل
وأبا امشي مع الخطـّه وماقالوا العرب=ومعطي دروب الناس مايعيل
نشدت عنه أهل العقول وقالوا=وعلوم عقـّال الرجال دليل
ماينتقلد به على غير مثله=ومثله من أبطال الرجال قليل
مثله بليهي ّ ٍ ليا قام وانتهض=بحمله وللحمل الثقيل يشيل
له شاية ٍ ماتـتّـقـي فيه بينه=طويل المناكب والذراع طويل
وله شاية ٍ ماتتقي فيه غيرها=ند الندا من وجنتيه يسيل
وله شاية ٍ ماتتقي فيه ثالثه=بيـته لفتخان اليدين مقيل
بيت ٍ بني ساسه على المجد والثنا=ساسه عزاز ومنظره جميل
بيت ٍ لقطع الجوع في حز ّة الهلع=صميل قيض ٍ ماوراه صميل
بيت ٍ لحاف البرد في حز ّة الشتا=وفي القيض عن لهب السموم ظليل
وله شاية ٍ ماتتقي فيه رابعه=خفيف نفس ليا رسى ثقيل
ليا رسى يرسي كما يرسي الجبل =بتيل ٍ على كل الجبال بتيل
ماهوب غصن ٍ كل ماهز ّه الهوى=من حيث مامال الهوا يميل
عزوم ٍ على الكايد جزوم ٍ على الصخا=صبور ٍ على الكاين محيل مقيل
فضله على من يطلب الفضل يشمله=وشـر ّه لمن شره عليه وبيل
من عامله بالخير بالخير عامله=ومن عامله بالشر له عميل
حصان لردات المعارك ليا جرت=يجيله بميدان الطراد صهيل
ولا شح في دنيا وهي تيمها الفنا=ليا شح في دنياه كل بخيل
مثلث ٍ دنياه من حق واجبه=يباه لليوم الفضيل سبيل
ثلث ٍ لصينية ضيوفه ودلـّـته=وثلث ٍ لمن يبسط يداه يسيل
وثلث ٍ يعبـّر به سبيله وحاجته=وتوكـّل على الله حي هالوكيل
ياخذ بـيوم المجد والعز ساعته=والمجد يبقى والعمار تزيل
من لابة ٍ سم الدهر في سهومها=لاجا نهار ٍ يوصل الحفيل
سدارا ً طويل ٍ سبرها من جدودها=ماهم برخو ين العظام هزيل
حريبهم مايدخل النوم عينه=يسهر ومجروح الفواد عليل
واختامها مني صلاة ٍعلى النبي=عداد مايـرّخ من التسجيل[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
يابدير ما ازين شبت العصـر للنـار=لمالـت الفيـه وحــار الظـلالـي
وهب البراد وسيـر الجـار للجـار=وجات السوالف بين غالـي وغالـي
سوالف ٍ بين النشامـا لهـا كـار=ليـا مشـى فنجـال بيـض الدلالـي
ربعن لهم مع شبت العصـر مسيـار=ذولا بنـي عـمـي وذولا خـوالـي
يرجعبهـم قلبـي لياسـج وحـتـار=وتدلـه بهـم عينـي لياضـاق بالـي
افخربهم واجهربهـم شـق وشعـار=وادحم بهم وازحم بهـم دون حالـي
كم هازهـم رمح ٍ وخلـوه قنطـار=وكم رازهم مـن واحـد ٍ واستقالـي
ياماتقاضـوا مـن عميـل ٍ ليـابـار=قول ٍ لياقلـتـه يـصـدق مقـالـي
جمال التخوت مفـدرت كـل هـدار=فتخـان الايـدي للحمايـل جمـالـي
انـا علـي اكلفلهـا بــن وبـهـار=وانتـه عليـك تقـوم وتشبهـا لـي
في فيّ قصر ٍ يوم ضل العشي حار=لابدنا مـن غيـب سـمـر الليـالـي
لابد مـن يـوم ٍ بـه القصـر ينهـار=والا نموت ويصبـح القصـر خالـي
ويبقى لمن يبقى على طول الاعمـار=وانا نـزل غيـري وحـل ارتحالـي
مرت على غيـري تراديـد ومـرار=لاشـك مامـرت علـيـه لحـالـي
ياربي اغفـر زلتـي وانـت غفـار=بحسنـا جلالـه ياعزيـز الجلالـي
يامن شمل عفوه وعطفه هـل الغـار=ويامن رست بأمـره رواس الجبالـي
يالخالـق البـاري وياالنافـع الضـار=يــاوارث الدنيا علـيـك اتـكـالـي
ماكل ليل ٍ من ليالـي أبـو سـرار=ولادامـت الدنيـا ببسـط وعـدالـي
يوم ٍ لها اقبالن ويوم ٍ لها أدبـار=كم فرقت مـا بيـن غالـي وغالـي
ليا اقبلـت عسلـج زهرهـا بنـوار=رجع ٍ يعلـه كـل يـوم ٍ خيالـي
يامـا قطـف جنايهـا مـن الاثمـار=وياما شـرب منهاالقـراح الزلالـي
عشاقهاتضـرب لـه الزمر والـطـار=وقامـت تزهنقلـه بحسـن وجمالـي
ولياادبـرت عجـل ٍ فلكهالـيـادار =تدرجبـه ادراج الرشـا للمحـالـي
ياماسقت من واحد ٍ كـاس الامـرار=ويامانشـاء فيهـا شبـاب ٍ وزالــي
كم عاش فيها من طويليـن الاشبـار=قوايـد الهيجـا زحـول الرجـالـي
اليوم مامنهـم علـى الحـزم ديـار=هـذي منازلـهـم خلـي ٍ تـلالـي
ماكنهـم كـانـوا ولاصار مـاصـار=راحوا هبـاً منثور تـحـت الرمـالـي
حطولهـم فيهـا عقـارات وامـدار=وهي دامره وعظـام اهلهـا بوالـي
ماكـن فيهـا الهـم منـازل وميثـار=وابـوك دنيـاً مالـك اول وتـالـي
تلـعـب لياليهابعمـيـان الابـصـار=لـوبـرقـت فيها لهلها احـتـيـالـي
يا بدير لا تمشى على همش الاخبـار=تـروح منهـا بيـن سيـن وسوالـي
تـروح منهافـي طويـلات وقصـار=يكفيـك منهـادون الاقصاالمـوالـي
وليا جفاك الدار غيـره ميـة الـدار=مناكب الديـره عراضـن طوالـي
ولاتشتشير ابشار مـن لامعـه شـار=والـعـد لاتــرده بلـيـا مـدالـي
وماقـل دل وكـل شـيـاً بمـقـدار=ماهيـب فوضـه كـل شيـاً يكالـي
الكيـل والمـيـزان لصغار وكـبـار=شـيٍٍ خفيـف وشـي منهـن ثقالـي
ولو مال مع سوق الفضا كلـه هـذار=سولـف وفكلهـا طويـل الحبـالـي
ياخذ بغـفـلات الاجاويـد مـشـوار=يركـض علـى غراتهـم مايبـالـي
حيـال ميـالٍ مـع الهـذر منشـار=همـاز لـمـاز ٍ هـيـال وميـالـي
لوما ينال مـن الشـرف وزن دينـار=كنـه مـن امثـال ابوزيـد الهلالـي
وانا بخبره حايط ٍ كـل الاسـرار=لاهـوب لامكسـب ولا راس مالـي
النـاس توخـذ بالفوايـه والاذكـار=وكل ٍ وما حصل على كل حالـي
تمت وصل الله علـى سيـد الاخيـار=علـى نبـي مرسـل ٍ بالعـدالـي
اعداد مـا ما هلت هماليـل الامطـار=وماهبـت الحايـه جنـوب وشمالـي
وماغرهد القمري على روس الاشجار=وماهل في عرض السما من هلالـي[/poem]

•

رحم الله الشآعرالعلم / عبد المعين بن عقل

ومتصفّح يستحق المتآبعة
ألف شكر يَ " محمد "

عزالله كل موضوع تكتبه يروق لي يامحمد

الله يرحمه / الله يرحمه

متابع لـ مايطرح هنا

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
لاباس يـاروح ٍ بهـا الهـم لابـاس=روح ٍ يشاعفها هجـوس وغرابيـل
روح ٍ بها من كل هـم ٍ وهوجـاس=للهم والهوجـاس فيهـا مداهـيـل
هم وغرابيل وهواجيـس وعمـاس=دايم على روحـي مقافـي مقابيـل
والعين كن ّ الها عن النوم حـراس=تقول هـاو ٍ فـي بردهـا سماليـل
واليا امتلت عين الخناعيس بنعـاس=نومي على كوعي سهـاج وتماليـل
اللي سوالفهم سواليـف الا تعـاس=هرّامة المجلس هل القـال والقيـل
الله على ماخذ ليا الفجـر مجـلاس=مع شولقي ّ ٍ في هروجـه تعاليـل
سوالف ٍ فيهـا عجايـب ونومـاس=طبعـا ً لفتخـان اليديـن البهالـيـل
قالوا ونس قلت الله اعلم بالاونـاس=قولو ولـو قلتـوا بعقلـه دهاويـل
ياناس خلّوني ولـو حسّنـي حـاس=غيري فلا لاحـد ٍ بهمّـي مداخيـل
همّي بقفل ٍ مـال مفتاحـه اجنـاس=ولاكـل مفتـاح ٍ يحـل الصواميـل
قم صب لي يابدير مايقعـد الـراس=مـن ذلقـة الدلّـه ثلاثـة فناجيـل
قد قالها من كل قوله علـى سـاس=قدمي وفازبهـا شجـاع الرياجيـل
انا اشهد ان الحي في طبعه اجنـاس=من كل شي تراث جيل ٍ بعـد جيـل
معنـا سوالفهـم جـديـده ودرّاس=وهـذا علـى مايذكـرون الدواليـل
الجود ورث جدود ناس ٍ بعد نـاس=وهايـب ٍ تعطـى بحـظ وتنافـيـل
ولاطار من عش ابرق الريش قرناس=ولايثمر الحنظـل بعنبـر ولاهيـل [/poem]

الاخ / ناصر الشيباني

الأخت / النيره

هلابكم وبحضوركم .

والله يجزاكم خير ويقبل دعاكم للشاعر بالرحمه .


تحياتي

عزالله أنهن قصايد عملاق ,

الله يرحمه أن شاءالله ,

ولاهنت يامحمد هـ القصايد ,

ودمت بخير ,

[align=right]

جميله هذه الصفحه لشاعر جميل وقصائد جزله ..

صح نقلكَ الرائع والطيب ..

لا تحرمنا من مثل هذه المواضيع ...

طبتَ
[/align]

المشاركة الأصلية كتبت بواسطة مشعان البراق

,


وين أهم قصيده ,

ربعي كما الحيد الطويل النايف ,
أرقى بـ / راسه , وأنسدح في ظله !

هاتراها يابو سطام من الـ 3 , اللي أعلمك بها

لله درّك على هذي الذائقه , ولا أتوقع فيه شاعر يعرف عبدالمعين ولا يروق له ,
الله يرحمه / ويتجاوز عنه ,

يامرحبا يابو محارب .

حضورك تاج على راس أخوك .

وتفضل مع حبة خشم .

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
يابديـر انـا لـي حسّـة ٍ كاميهـا=لاشـك ماتـثّـر عـلـي بعـلـه
اصبـر عليهـا واحتمـي قافيـهـا=عـن جابـة ٍ فيهـا علـي شكلّـه
وان كان جتني زلّـة ٍ مـن ربعـي=زلا ّتهـم ماهيـب عنـدي زلّــه
اخفض لهـم منـي جنـاج الذلـي=لكرامهـم ماهـوب خـوف وذلّـه
وان كان جتني من شجـاع ٍ طيّـب=اشتال زلا ّت الشجاع رضى ً لـه
وانا اعرف الطيب واعرف طبوعه=الطيب طبعه والـردا ضـد ّ ٍ لـه
وان كـان ولّينـه رفيـق ٍ صافـي=انا ولـد عمّـه وانـا عـز ّ ٍ لـه
وان كان عنده حيلـة ٍ فـي حالـي=اخذ حسابـه وانتبـه وافطـن لـه
واقـول يارجـال حـايـد عـنّـي=مالـك ومالـي ياخبيـث المـلـه
واروح في حالي وهو فـي حالـه=وهـذي تراهـا للعفـون جبـلّـه
يعطيك مـن راس اللسـان حـلاوه=حلويـن الالسـن والقلـوب مغلّـه
ولانـي بتبـاع لشـور المقـفـي=ان كان مقفي ليه يـوم اقبـل لـه
يقفي وانا اقفي والديـار وسيعـه=ومن فارق الوجه الغضيب احسن له
خلّـه وانـا عبدالمعـيـن يـولـي=لا ناقـص ٍ منّـي ولا زود ٍ لــه
وان كان جتني من ضعيف ٍخايـب=سترت خلا تـه وانـا ستـر ٍ لـه
سترت خـلا تـه لحشمـة غيـره=ما أبى علـى ربعـي يبايـن خلّـه
ربعي كما الحيد الطويـل النايـف=ارقى براسه وانسـدح فـي ظلـه
قلته وانـا مـن لابـة ٍ مشهـوره=عـز القبيلـه والعـدو سـم ّ ٍ لـه
اليـا بنـوا راي ٍ علـى مقلطهـم=يبنـون بـنـي ٍ مـاحَـد ٍ يفـلّـه
والربعـه اللـي رايهـا يفرقـهـا=لابـد أعـز ّتهـا تـروح اذلّــه
وان كان نقاض الحبـال صميـدع=ليـا نقـض هـذا فــذا يفتـلّـه
ولانيب راعي هرجة ٍ في مجلـس=ولاأشيل خلق الله علـى خلـق الله
الحق يالعـراف عـر ّاف الخـلا=ماهوب فـي كثـر الكـلام وقلّـه
مـاهـوب للهدات فالمـجـالـس=للـي يعالـج مشكـلـه ويحـلّـه
وانا على خصمـي وسيـع ٍ بالـي=آخـذ خصيمـي بالسعـه وامهلّـه
احلم على خصمي بحسن اخلاقـي=وإن كان لي حـق مصيـب أد ّلّـه
امّا طلبت مـن الخصيـم شهـوده=ولا ّ قبلت الـد ّيـن واخلـص بالله
ولا قلطـت بحجتـي وشـهـودي=واخذت حقي مـن خصيمـي كلّـه
وأقـول حقـي وآخـذه باثبـاتـي=والحـق سيـف ٍ للرجـال تسلّـه
وان كان مالي حق أخاصم نفسـي=واقـول مالـي حـق والحمـد الله
وإن كان جاني من يدو ّ ر شـوري=اعطيه من شور الهدى نصـح ٍ لـه
واقـول لاتاكـل حـلال المسـلـم=لكـن خـل الهـوش دون الحّلـه
وان كان جاني من يـدو ّر جاهـي=ماأبخل بجاهـي عنـه وامـري لله
وان كان جاني من يبا مـن مالـي=اعطي واعيّي عنـه مـا أستكملّـه
لابد مـن بيـت ٍ يبـا يبنـى لـي=يبنيـه غيـري واسكنـه واحـلّـه
وان كان لي في هالكلام معـارض=أسيلكـم يـاأهـل المـعـارف بالله
انا معـي حـق ّ ٍ علـى سوالـي=ولا علـي مـن الرجـال ختـلّـه
وختامهـا منّـي صـلاة محـمـد=نبيّنـا الـهـادي ابــن عـبـدالله [/poem]

الأخ عبدالعزيز الجش
الاخت سمو

حضوركم كان أجمل .


تحياتي وتقديري

هلا اخوي محمد

الف شكر على المتصفح المميز بكل مافيه من قصائد مميزه
لشاعر ابدع وتميز الله يرحمها ويغفر له
ولاهنت على الجهود الرائعه

.

عبدالمعين وماأدرآك ماعبدالمعين .. تربطني به قرآبة فهو ( عمي ) الله يرحمه .. وفكرت أسوّي له ديوان في هذا الصرح لكنك سبقتني يابن عون وأنت رآع الأولة في كل شئ .. وحبيت أشاركك في النشر .. وشكراً جزيلاً يَ غآلي ..
.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله مابا الرادو ولا يستويلي = دعني من الرادو ولعب ام كلثوم
كنيت لين ابديت غايت حصيلي = وستقلت العين الشقيه عن النوم
من واحد بيح خفاي وحفيلي = مالي معه وقفت قدم مير مقسوم
اخذت لي عنده مبات ومقيلي = ليل بعد ليل ويوم بعد يوم
وياليت لي عنده زمانن طويلي = مكفي ومن عند اريش العين ماقوم
سريت منه ابليل وشتلت شيلي = واصبحت مثل امضيع الدرب منجوم
ليت البريد الي يجي لنجيلي = يجيب لي منهم مكاتيب وعلوم
اما كتاب مرسل من خليلي = ولا شفاهيا" من الهرج مفهوم
ياراعي العنق الدقاق الطويلي = ارحم سوى غيرك عسى ابوك مرحوم
ارحم ويرحمك الجليل الفضيلي =لا تستغل بواحد منك مسقوم
لا تقتله قتل بليا دليلي = وان كان ماتبتلك الاسباب مضلوم
دائه دوايه منك شي قليلي = طبي مرض روحي معك فيه معلوم
طول النسم كنه شراب الصميلي = من مبسم كن البرد فيه منظوم
او مرقدبين الحشا والجديلي = هافي حشا ضامر تقل بطن مهيوم
لا من مرض لامن سقيم عليلي = لاكن من قدله عن الزاد مضيوم[/poem]
.

.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاوالله الا ّ حـــــل بـالـقـلــب نــونـــاي = نــونــاي بــــدو ٍ فـيّـهــوا بـالـشـديـدي
روّوا وطـــوّوا واقـطـعـوا تــالــي الــــراي = وأصـبـح وصبّحـهـم شـريـق العقـيـدي
وأمـسـت معـاورهـم لـيـا تـلـعـي إلـعــاي = إلعاي ورق ٍ فوق خضر الجريدي
عـلـيـك يـالـلـي جـامــع ٍ داي ودواي = مـاغـيــر يـاخـذنــي عــلـــى مـايــريــدي
لامقـفـي ٍ عـنّــي ولامـقـبـل ٍ جـــاي = قـــريّـــب ٍ مـــنّــــي عــلــيّـــه بــعــيـــدي
جانـي يجـر خـطـاه مشـيـه تـهـد ّاي = تــهـــدي الــعـــروا الـفــريــد الـوحــيــدي
يكـسـر بعـيـن ٍ فــي نظـرهـا تـغــزلاي = خـرسـا ً لـيـا شـبّـت نظـرهـا حـديـدي
وحـار القـدم يمّـه وهـوجـرت ممـشـاي = ممشـى القضيـب الـي برجـلاه قـيـدي
واخـذت لـي وقفـه قـدم شـربـة الـكـاي = اوادعــه واقـفـي عـلــى غـيــر اريـــدي
شدّوا وشالوا فوق فرت ٍ على ياي = شـبّــوا عـــلاه الـنــار واهـــوه جــديــدي
وقفـت أخايـر واضـرب الـراي بـالـراي = وأتـلـفـت روحــــي لان بــيّــدت بــيــدي
والله لـضـاقـتـبـي مـحــاريــف دنـــيـــاي = أمـشـي مــع السلـفـان كـنّــي وحـيــدي
يــانــاس خـلــونــي بـعـمـيــاي وقـــــداي = لايـكــثــر الــــــوارد و يــــــزداد زيــــــدي
قلـتـوا نسـيـك وقـلـت مـاهـوب نـســاي = لــــو راح لابــــد ّه عـلـيـنـا يـعــيــدي
امّـــا تجـيـنـي بـــه حــلامــي ورويــــاي = ولا مـكـاتــيــب ٍ تـــجــــي فـالــبــريــدي
وان بـاد حـب حبيّبـي عقـب الاقفـاي = بــاد الحـديـد وكــل شــي ّ ٍ يبـيـدي[/poem]
.

.

الأخت الفجر البعيد

المتصفح لم يفتح الا لجلكم
وتميزه يكتمل بحضوركم وتفاعلكم

شكرا ً لك .


الأخ حسن الدجيماء

والنعم فيك وفي عمك الله يرحمه

هلا بحضورك ولا تبخل علينا بمالديك من قصايده لا هنت .

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
يامل قلب ٍ من هوى العـذب متلـول=تلـة ً رشـا ملحـا طويل ٍ قليبـه
تلة رشا ملحا على السيـم مفتـول=تقفي وتقبـل بـه تـروح وتجيبـه
عليك ياللي حـط بالقلـب نشبـول=شبيت لك بأقصى الضمايـر لهيبـه
روحي بروحه طول الايام مشغـول=وأرخ َ بقلبي شـي ماينحكـي بـه
غروٍ تفاصيله علـى كـل مجمـول=شـره الحلايـا بالعـذارا غريبـه
مربوع في قيماه بالقصر والطـول=هافي حشا كـل المناظـر عجيبـه
مافطّروه خبوز حضر ٍ علـى فـول=يتلي سهاف الشول يشـرب حليبـه
مايشرب الاّ من لبن عطّف الشـول=عليـه مـن شبّـت شبابـه غذيبـه
وصدر وحصيله بيّن الوسط مفصول=وإن هب ذعـذاع النسيـم يغديبـه
وعنقٍ طويل وقرن أشقر ومجـدول=ذيل أشقر يكسـي الحوافر سبيبـه
وليا تبسّم عن ثمـان ٍ كمـا اللـول=يودع صناديـق الظمايـر حطيبـه
والعين ياعين أشقر الريـش ناجـول=حرٍ علي بـرق الحبـاري مصيبـه
خفاق صفاق خطيرٍ علـى الجـول=أهواي مخلابـه جروحـه عطيبـه
جاني يتهذلف لـه بمقطـع وبلبـول=مقطع حرير وشيلتـه يغتطـي بـه
تهذلف اللي وخرها الريم جهجـول=مـع غبّـة الربـه مسيبـه مغيبـه
يرعى طرف خدٍ من الوسم مسيول=مجهول من غب المطـر ماوطيبـه
خزّت وفزّت شافت الخـد منـزول=خافت وشافت واستـذارت رعيبـه
حازت مع الحزم البراحه عن الغول=تعطي مصاقيـل البـراح وجذيبـه
هذي تفاصيله علـى مثل ماقـول=يفرق على غيره عنـا مـن بليبـه
قالوا لي أنسه قلت ماهوب معقـول=قالوا نسيـك وقلـت لـه مايعيبـه
الحب من بيـن المحبيـن بوصـول=مارضى ولا يرضى علـي الغليبـه
لاسلت عن غيره ولانـي بمسؤل=دايه دوايه طـب روحـي طبيبـه
ان عالج الدا بالـدوا منـه مكفـول=وليـا تحمّـل ذنبـي الله حسيـبـه
عليه باب القلـب مغلـق ومقفـول=ومفتاح باب القلـب لامـى حبيبـه
ارسلت لي يمـه ثلاثيـن مرسـول=مامنهـم اللـي راح ماقـال اجيبـه
اول مراسيلي لهـم قـارع الحـول=واتلااهم امس وكلهم فـي المغيبـه
لاشك مايقض الغرض كل مبـدول=ابطوا ومرسول البطى منـه ريبـه
ولا الرجال اللي صناديد وزحـول=عيّـوا وخطوتهـم عليّـه صعيبـه
وأنا تعرض لـي نشابيـل وشتـول=مـدري نصيبـي فيـه ولانصيبـه[/poem]

متصفح اكثر من رائع

الله يرحم بن ثعلي

وصح لسانه وصح فكرك واختيارك