انت وينك

البارحه ياقلب ما عدت بخير*
احتجت ميقافك معي ( انت وينك؟)
حنت على البيدا خلوج المغاتير*
حنين يدرا الضيق ما هو حنينك
ضدي وقف للثار خمسة طوابير*
اقربهم اللي حال بيني وبينك**
كل شي توقعته من العالم يصير*
الا انهم على النوايا تدينك
قبل انفض غبار الورق والتعابير*
تعال بوح الحرف باقي رهينك
وليا نشبت وجرجرتك المقادير*
ومافكك لسانك تفكك يدينك *
ما برت بي لا زلت لاسراري البير*
الله على كثرت همومي يعينك
اخر خبر قطعت وصلك مع الغير*
تقهو عذري قبل تاكل سمينك*
عيب علي ارمي بدربي مسامير*
وعيب عليك تلد لي بنص عينك*
مكاسبي ما جنبتك المخاسير*
ومكاسبك ما سددت نص دينك
على ضفاف الحاجه ازريت لا اسير*
اسير للحاجه ومدة يمينك*
سنابل اوجاعي ذره للعصافير*
ميعادنا وقت الحصاد و جرينك
اسامحك والا تسوق المعاذير*
شينك بدا ما عاد يغطاه زينك
اما رفعتك مع قروم مناعير*
والا دعيت الله يقصر سنينك
*
*
*

*

الله الله
ياسلام سلم
صح لسانك
نص جميل ومعاني جزله من جزل

ابدعت

لاهنت