وصفه طبيّه

السلام عليكم ،،


أخذ العهد منّي وهات السواليف
الصوت وصفة طب تصرف لـ مجروح


سلوى وراحة بال بين المواليف
ووش عاده يسوّي ليا صار مبحوح !


يذوب سمعي ذوبة النار لليف
جمره وجمره تحتها حروفك تفوح


ليه الهجر والصد ياحيف ياحيف
وانت أقرب لـ نفسي عليّه من الروح


لن كاني مكلّف فدتك التكاليف
مالي وراء بعض التكاليف مصلوح


لن غبت فـ غيابك يكفّيني الطيف
أسامره وابني من أمالي صروح


صادق معي وبعيد عن عالم الزيف
لكن عيبه ماله إلسان للبوح

عيبه يوصف كامل الجسم توصيف
الوجه والأرداف والصدر بوضوح


لاتحسبن زولك ليا غبت ما شيف
شف غيرها وين أنت من عيني تروح


لكن سولف لطّف الجو تلطيف
خل السحاب يهل وبروقه تلوح


وينبت به الوادي ويزهر به الريف
وحمامته الأغصان تطرب بعد نوح


خمرك مزاجي منه روّق من الكيف
الكيف حالي ذوق والزين مملوح


وشهوله أسافر لـ باريس وجنيف
لو رحت ماني في خطايه بـ مسموح


ياصيفي اللي ماش بعدك ولاصيف
ميّت عليك .. وجوٌك يرّجع الروح !!


وسلامتكم ،،

الكثير من القصائد تأتي كـ/ردة فعل مباشره
لـ/يخرج الشاعر مافي جعبتة من مشاعر
ملتهبه ..فـ/يرمي ما في وسعه كـ/قذيفه
شعريه تعتبر الخطوط الحمراء التي

بها..بلسم..
..



قاتل الله الحب

..تحيّاتي..

لكن سولف لطّف الجو تلطيف
خل السحاب يهل وبروقه تلوح


وينبت به الوادي ويزهر به الريف
وحمامته الأغصان تطرب بعد نوح


خمرك مزاجي منه روّق من الكيف
الكيف حالي ذوق والزين مملوح


وشهوله أسافر لـ باريس وجنيف
لو رحت ماني في خطايه بـ مسموح


ياصيفي اللي ماش بعدك ولاصيف
ميّت عليك .. وجوٌك يرّجع الروح !!

صح السانك يالقرم

جمال منير

رائع هذا النص

دمت ودام ألقك

،،،،،،،،،،