من اول الصفحة

نهارك شمس/ يادفتر ظلالي/ والنخيل اقلام:
وانا رحال / من برد الغلاف/ ومحترق لفحة

على هون المسا / ماهوب قد الشك /والأوهام:
مدام انك يقين الكون/ واصدق بوصلة صبحه

لك الشعل المنايح والمغيرة/ والحروف اعلام:
لك النصر المظفر/ وارتفع سلمك مية صفحة

دروب الوصل ياروما/كثيرة والسفر قدام:
بغيت احزم حقايب فرصتي/واتغربك فرحه

لقيتك قمةً تغري كثيف الريش حتى حام:
وحالت كسرته /عن طودك اللي هالني سفحه

تساؤل /والظما يحلف عليهم/والقصيد حيام:
سبب فطر مشافرها/ وصاب خفافها القرحه

وتقبل
وتقبل وانت مزنٍ جاد/للمستغفرين اعوام:
تحن العيس / وتسابق عليك ارقابها السمحه

وش اللي ظل؟/ وآيات النفاق اكثر من الأسقام:
إذا المنبر دفن طهر المصلي .واشترى قبحه

على مرأى /ومسمع من بنادقنا غدينا حزام:
تثاقل بالذخيرة . لين صار مكسر الشبحه

أشك انّا /نتيجة مايسمى كذبة الأرحام:
مع انّا ننتسب لابن الوليد/ وجعفر وطلحه

سمات الخير منبرهم يحنّ/ ويحتضنه امام:
وفينا المعتبر/تقصير بشت .وطوّلة سبحه

هنا
هنا صرحٍ /زمرّد قبته. تشخص له الأهرام:
عليه اسند ضريحي/ لا ارتقت روحي إلى سطحه

مقامٍ. لونقش فرعون شعري زينة الأيام:
رمتني للبحر/ والموج رجعني على ملحه

على ملحه. يلبا توبتي عن باقي الآثام:
وعلى خلد اللقا/ ياذبح شرياني . مية ذبحه

مية ذبحه/ وقال الجرح! / أكيد الجرح مايلتام:
وهو ينكا ضماد الصبر/ ويداويه من جرحه

أحبــه
أحبه لين دثرني الحيا/ من عفة الأحلام:
واشووووووفه ./ وانسكب عطر القصيد من اول الصفحة

،

أحمد الويمني .
ورب البيت أن هالنص من أجمل ماقرأت في هالقسم .
نص غريب عجيب ذكي جداً وحتى العنوان صوره جميله ماتكتمل ألا بعد قرأت النص .

أما المطلع حكايه لحاله



نهارك شمس/ يادفتر ظلالي/ والنخيل اقلام:
وانا رحال / من برد الغلاف/ ومحترق لفحة

أنا لو بتكلم عن هالنص وماجاء فيه من أشارات وأسقاطات وصور شعريه ماقضيت من الكلام عنه .

هالنص مع التحيه والتقدير ألى علية القوم في المرقاب .
وفالك العضويه يا أبوحميد .


تحاياي يّ مميز .