قلبك تغير

مصافحه أولى

أفتحوا قلوبكم لها ،، وأقبلوها بتواضعها

، ، ، ، ، ، ، ، ، ، ، ، ، ، ، ، ، ، ، ، ، ،

عمري أبد في دنيتي ، ماتصورّت
أن الوفاء ، ماعاد له أي قيمه


يالي نسيت الحب ، مدري تنكّرت !
ترى الجفا فالحب ، مثل الجريمه


قلبك تغير ،، وآنت مثله تغيرّت
ذبحت فرحه في حياتي يتيمه


مدامك أصلا فالعلاقه ، تكبرّت !
ياصاحبي نيتك ، ماهي سليمه


ياما نصحتك ياحبيبي ، وحذرّت
ترى التعالي ، له عواقب وخيمه


تطعن وآنا صابر، ولا قد تذمرّت
لي نفس في بعض المواقف حليمه


معقوله يعني ، ماطرالك وفكرّت !
أني حسبت حساب عشره قديمه !



من ينفعك ياصاحبي ، لو تهورّت ؟
ماظن عندك للمواجه ، عزيمه


وقت ٍ مضى لامن طرالي ، تكدرّت
باسباب ذكرى ، فالمواجع أليمه



غلبتني ،، وآنا ترى ماتعثرّت
مافاز من لاذاق ، طعم الهزيمه


وان كانها بالصد ، لا ماتحسرّت
ترى الجفا فالحب ، ماهو غنيمه

وسلامتكم

متعب الثقيل

mm.-.ff@hotmail.com

وان كانها بالصد ، لا ماتحسرّت
ترى الجفا فالحب ، ماهو غنيمه


ياسلام ياسلام

مبدع .. مبدع