مــراسـلة

السلام عليكم ورحمة الله وبركاته

في البداية اعتذر من كل مرقابي على الغياب الناتج عن ظروف أجبرتنا على ذلك ولكن نهديكم هالقصيدة ومردودهاوالتي جرت بيني وبين الشاعر/ عايض بن مطر العضياني
والتي آمل أن تحوز على بعضٍ من رضاكم

[POEM="font="Simplified Arabic,4,black,normal,normal" bkcolor="transparent" bkimage="./images/backgrounds/8.gif" border="none,4,gray" type=2 line=0 align=center use=ex num="0,black""]بديت بإسم الوالي منزّل الغيث = سبحانه المعبود جلّ عزازه
ربٍ خلق فالكون بحر وعثاعيث = مجري سفينة نوح وإبلا هزازه
سبحانه المعبود منش البراغيث = منشيه بالدنيا من أول بزازه
سبحان دفاع البلاء بالنوافيث = محيي عظامٍ خارثه بالجنازه
واللي بعدها أرسلت خط ومباعيث = فيه العلوم الغانمه والمفازه
للي على الطالات مافيه ترييث = عايض مطر اللي بعيدٍ مرازه
فيه الحكي يا خوك مثل العسل ديث = نظمت لك قافه وأنقي غزازه
ياذخر منهم يحتمون المواريث = كعم العدى لاجاء في الوقت بازه
يا أبو مطر شفنا في الوقت تغثيث = شفت النكاله والغثا واللزازه
شفت الذي ياخوك يصح اللوابيث = ويريع منهو ما يعرف الهزازه
من مدّعين العرف هاك المطاميث = طمث العيون اللي كحلتها الجزازه
ناسٍ على الهزلات دايم حثاحيث = ومخالفين العرف ويّا ركازه
لا جيت واحدهم مدح فيك يالليث = ولا أقفيت من عنده يشغّل جهازه
يقول فيك يقول ويقول من حيث = شذّاب للمقفين والعيب حازه
ناسٍ بوقتٍ شفت فيه التغاثيث = ووقتٍ على ما قيل ضم الخنازه
من واقعٍ ياخوك عاث البشر عيث = أوردت لك نبذه ونبذة ميازه
لكنّ أنا بنشدك عن هالمماكيث = اللي لهم في عالم البدو عازه
من وقت مولدهم موتى مجاثيث = موتى ولكن شالوا إلهم جنازه
إن جيت أوصّفهم رجالٍ مثاليث = ثلاثةٍ حجزوا وثيق الحجازه
وأعدادهم تقسم تسع بالتثاليث = هاذي وصوف اللي لغزته لغازه
هذا وأنا ياخوك ما أرضى التراييث = هات الحلول اليوم لو هي رمازه[/POEM]

ورد الشاعر / عايض بن مطر العضياني
يقول

[POEM="font="Simplified Arabic,4,black,normal,normal" bkcolor="transparent" bkimage="./images/backgrounds/8.gif" border="none,4,gray" type=2 line=0 align=center use=ex num="0,black""]يالله يالمعبود يالله يامغيث = يامنقذٍ يونس نهار احتجازه
أطلبك من فضلك خيرٍ هذاهيث = يضفي علينا ياقوي العزازه
من بعدها جاني جوابٍ على إيث = منتوج منهو عالي الطيب هازه
رجلٍ على الطولات ماهو مغيثيث = كل الفعول الطيّبه بإحتيازه
ورحبت بالمكتوب ترحيبة الغيث = إليا نشا من يم ظلع المحازه
أهلاً هلا عداد من يسكن الليث = وأعداد من يسكن علاوي حجازه
ومضمون خطه واضح بلا تلابيث = وفيه إختبار وفيه شكوى اللمازه
يشكي زمانٍ فيه كثر البلاعيث = وجا للمصايب فيه إلها نزازه
وقبلك ترى عانيت منها المغاثيث = نقـّـالت النمّات وأهل الحزازه
ولهم مقاصد من وراها التنابيث = نبش العلوم الخافية إلهم إمجازه
لكن لا لا تستمع للنغابيث = خلّه يبربر لين يقطع إعازه
خلّه يولي جعل يجيله لوابيث = عن ماتبي نفسه يجيها لكازه
اسمع كلام مجرب زمان التلاويث = جوّه مغبّر كن مفكوك غازه
وإن كان تنشد عن الرجال المثاليث = اللي لهم عند البداوين عازه
ذولاك من وردة على جمّة الهيث = ويعانقون الخيل يوم المغازه
هذي بيوتي جات من دون ترييث = صفيتهن صف الذهب فالقزازه
وصخّرت لك شرد البيوت العثاعيث = تصخير صيدٍ معطيٍ له محازه
لين إخضعن ثم جن جموع ومباثيث = ورتبتهن ترتيب بأفضل ميازه
كله على شانك نهوز البراعيث = وناطا الخطر لأجلك بليا إهتزازه
نرضيك لو نبدع كبر ظلع تثليث = حيثك عزيز ولا يجيلك لبازه[/POEM]

وسلامتكم،،،،،

يا أبو مطر شفنا في الوقت تغثيث
شفـت النكالـه والغثـا واللـزازه
شفت الذي ياخوك يصح اللوابيـث
ويريع منهو ما يعـرف الهـزازه


الله الله يابو حمود ,, ابداع ,, صح لسانك ولسان ابو مطر ,,

تحياتي

واللي بعدها أرسلت خط ومباعيـث
فيـه العلـوم الغانمـه والمفـازه
للي على الطالات مافيـه ترييـث
عايض مطر اللـي بعيـدٍ مـرازه
صح لسانك

وصح لسان ابو مطر
ولاهنتوا

ناسٍ على الهزلات دايم حثاحيـث
ومخالفين العـرف ويّـا ركـازه
لا جيت واحدهم مدح فيك يالليـث
ولا أقفيت من عنده يشغّل جهـازه


الشاعر // عايض مطر ..


صح لسانك مليون وسلمت علي الطيبه ياجزل



كله على شانك نهـوز البراعيـث
وناطا الخطر لأجلك بليا إهتـزازه
نرضيك لو نبدع كبر ظلع تثليـث
حيثك عزيـز ولا يجيلـك لبـازه


ياسلام عليك ..






دمت مبدع . تحيتي !

*****

صح لسانك ولسان عايض


الإثنين مبدعين ومتألقين


لك خالص اعجابي


ودمت بود

*****

يا سلام عليك يا عبدالمعين


عزالله انها سبك وحبك



وصح الله لسانك ولسان ابو مطر


ودمتو

عبد المعين

صح لسانك

وصح لسان عايض

وبيض الله وجيهكم

الأخ الشاعر / مرزوق الروقي

صح بدنك طال عمرك مرورك بحد ذاته وسام للشاعر

احترامي

مطلق المطيري

صح بدنك والله لايهينك على المرور طال عمرك

احترامي

صح السانك
:
وافي إلى وافي
:
محبكم: ماجد بن سليمان

صلاح بن شريم

اشكرك على المرور

دمت كما تحب

صح لسانك ولسان أبو مطر

ولله دركما

تقبل كل الود والف شكر على ايراد المساجلة الثمينة

مع أجمل تحية

أخوك