ديوان للقصائد ذات القافيه الصعبه

بسم الله

اخواني واخواتي

اسعد الله اوقاتكم بكل خير وعافيه

فكره وارجو ان تنال اعجابكم

والفكره هي ان يكتب كل عضوء او عضوه من اعضاء هذا الصرح الشامخ

قصيده من قوله او من منقوله مذيله باسم الشاعر او الشاعره

والقصيده يشترط ان تكون اصعب قافيه كتب عليها الشاعر او سمع بها

بمعنى اوضح اريد ان يكون هذا المتصفح

ديوان للقصائد ذات القافيه الصعبه

ولا يمنع ان يشترك العضوء او العضوه اكثر من مره بشرط الا تزيد عن 100 مره


واللي عنده اقتراح او فكره تخدم الشعر واهله وتخدم المتلقي والقارء

لا يبخل علينا


اخوكم الصغير
عبد الله القثامي

جميل جدااا اخوي عبدالله

والله لا يهينك

تحياتي وتقديري

والله يا عبدالله ان عليك افكااار عجيبه




على العموووم انا فانتظار المشااركات اما انا يا خوك يالله اكتب قصيده مقفّااه خل عاد اقعد اتفنن فالقوافي





لا هنت

[ALIGN=CENTER]

الاخ

عبدالله القثامي



بدايةً .. جهودك تستحق الشكر والثناء




اما بالنسبة للقوافي الصعبة وكتّابها .. ودامك فتحت المجال اجل بنجيب لك قصيد الدبل وبن علوش كله



بس في قصيدة مجنونة وقافيتها غريبة بادورها واجيبها لكم مع اسم شاعرها


انشالله القاها بس


على الود نلتقي

اختك

البندري[/ALIGN]

هلا ياعبد الله

جهد رائع وفكره ولا احلى

بانتظار الشعار

تحياتي

[ALIGN=CENTER]هلا يبو سلمان...وماقصرت[/ALIGN]

الفكرة رائعة....


هذي قصيدة ولايحظ صعوبة العجز للشاعر ضيف الله بن سويلم في مدح المرقاب...



الشعر فن ومن هل الفن قالـــــــوه
_________ ومن راد يحصيــهم تبهـــــذل تبهـــــــذال

إن جيت أصوغ القاف كم ناس صاغوه
_________ ولو أذكــــر الأسماء ذكرت ابن هـــــذال

والا ذكرنا دايم السيف وأخــــــــوه
________ والاّ الســــديري والزلامي و بــــــــــذال

ابا أتحدى القاف ممن تحـــــــدوه
________ وسخّــرت شطر القاف الآخـــر على ذال

يا عاذلين القلب خلــوه خلــــــوه
_______ قــلب العنا ما يســتمــع قول عــــــــــذال

ما يسمع العذال من غير مزلـــــوه
_________ ويرتاح لإن عـــدا طويلات الاقــــــــذال

في مرقبٍ رؤوس الرياجيل زاروه
_________ ومخصـــــوص للابطال من دون الانــذال

المرقب اللي بعض الاشكال ما جوه
_________ اللي على شــذب القفا يهذل إهــذال

الكـــــــذب والبهتان ودَوه ردَوه
_________ وهذي صفــه موجـــودةٍ عند الأرذال

يحكي بناسٍ بالمراجل تعــــــــدوه
_________ وعن فعلهم قاصــر وقف وقفة الــذال

ما ينقص الطيب حكي كل معتــوه
_________ ولا تذرب الصــــفوه مناقيــــد الأوذال

يا سايقين الكيف مروا وعدوه
_________ وخلوه يشـــعر بالمهونه والاخــــــــذال

وعلى هل المعروف والجود مدوه
__________ أهل الثناء وأهل الشجاعه والإبــذال

[ALIGN=CENTER]ابو سلمان وهذي مشاركة ثانية
وباقي لي 98[/ALIGN]

هذي قصيدة مربوطه بحرف الذال في الصدر والعجز بين الاميرين خالد الفيصل ومحمد الاحمد السديري وهي كما ذكرنا في قسم مرقاب الامير محمد الاحمد درس في كيفية التعامل مع القافية الصعبة


[poet font="Simplified Arabic,4,red,bold,normal" bkcolor="burlywood" bkimage="" border="double,4,seagreen" type=2 line=200% align=center use=ex length=0 char="" num="0,black" filter=""]
ياقلبي اللي من هوى البيض معتاذ=واليوم اشوف الوجد والشوق بذه
حسبي على اللي للمواصيل جذاذ=حبل الوصل من بيننا البعد جذه
يسقي منازل لين العود رذاذ=يلقى بها ظبي الطعاميس لذه
الصاحب اللي عن هوى القلب مالاذ=لاقلت دوك القلب يازين غذّه
ولانيب من هرجه كثير وهذاذّ=ماشاف في ليله نهاره يهذّه
عساك تأتي لي يابو زيد نفاذ=قلب تحذى الشور ياخوك حذه
[/poet]

الامير خالد الفيصل


[poet font="Simplified Arabic,4,blue,bold,normal" bkcolor="silver" bkimage="" border="double,4,seagreen" type=2 line=200% align=center use=ex length=0 char="" num="0,black" filter=""]
أسهر طوال الليل واغضي على الحاذ=وعن الصديق القلب ما فيه شذه
شكواك خلت بسرة القلب تخاذ=ولا عاد في قلبي من الصبر فذّه
اللي يا بو بندر جعل قلبك افلاذ=مشربك ياممدوح الأفعال عذّه
طفل سهم عينه بالاعماق نفاذ=والحق عليك بقذة عقب قذّه
ان كان مالك فيه مدخل ومنفاذ=له الشبك في مدهل الصيد بذّه
وإليا دخل وسط الشبك يابن الافذاذ=غوجك لساعات المهمات حذّه
[/poet]

الامير محمد السديري - رحمه الله

سيكون الديواان مثري ومفيد ومميز

مشكووووووور يا عبدالله





المشاركه الاولى واعتبرها اصعب قافيه كتبت عليها



مغثـــــــة القلب


[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يا قناة الفكر بثي والفضاء يا كثر بثه=واضبطي موجة كلامي بالتردد وارسليها

صار فالوقت ارتباكي واختلط جزله وغثه=والحقائق ما تغير لو يجيها ما يجيها

الرجال أشكال فيهم رجل فكر ورجل جثه=وكل خلق الله مشاكلها تجي منها وفيها

فيه رجلٍ عن طريقٍ ناهجه ما أحدٍ يلثه=وفيه رجلٍ كلمةٍ تخلف مفاهيمٍ يبيها

وفيه رجلٍ ما ينال النعم لو أنك تحثه=وفيه رجل طول عمره والمراجل يهتويها

وفيه رجلٍ مشكلة ربعه تجي من فعل عثه=وفيه رجالٍ يحل الشايكات ويحتويها

ووالله انه ما يعل القلب ويزيده مغثه= غير رجلٍ لا نطق له كلمةٍ ما يحتميها

ومن تناقض مع كلامه يا عسى المولى يجثه=ولا يصح الا الحقيقه يا رساله برمجيها

آخر البث الفضائي أستمع قولٍ أبثه=من أصل عين الحقيقه كل كلمة انتقيها

الحياه أيام والدنيا على ما قيل رثه=واجعل التقوى شعارك في حياتك تهتنيها

[/poet]

ياسلام سلّم يابو سلمان





انت علاك افكار ٍ ماهيب بسيطه


بس بالنسبه لـ اخوكم الصغير كثّر لي منها





والله يطوّل في عمرك لما يحبّه ويرضاه




وان شاء الله نبا نجيب قصايد ٍ صعبه لكذا شاعر وان شاء الله انها تعجبكم

هلا والله يابو سلمان

للمشاركه في الموضوع الرائع


ابيات لشااااعر الكبير سعد بن جدلان


[poet font="Simplified Arabic,5,black,normal,normal" bkcolor="transparent" bkimage="backgrounds/47.gif" border="none,4,gray" type=2 line=200% align=center use=ex length=0 char="" num="0,black" filter=""]
ياالله وحنا لك عبيدً ملاكا=والمن يسالك مع رواق السماء فك
يامهلك العزا معز الهلاكا=المبتدا والمنتهى كلها لك
ياواحدً ولال ملكك شراكا=تفرج الجاشً حط فيه الدهر حك
ابغا اتحاكا ماقدرت اتحاكا=من همي الي قاطعً له علي صك
ضيم الدهر منه النشاما تشاكا=التك خلاها دبل والدبل تك
عطا ضعيف النفس ياكا وياكا=والى عزيز النفس مايلحقه شك
[/poet]

تحياتي

اخوك/عبدالله محمد القثامي

السلام عليكم ورحمة الله وبركاته




ها أنا أعود إليكم ... وبقصيده رائعه لـ الشاعر / عبدربّه بن عتيق العازمي




وهي من القصائد الصعبه .. وإليكم القصيده






يقول ابو عيسى







[ALIGN=CENTER]لي صاحبٍ صار في دربي حجر عثره

............................. أزهب له الساكتون .. ويزهب الجثري


ياشين في صاحبه تال الزمن دَثره

................................. لا سانعت معي صعّطني دبل وثري


هو صيفة النار .. وأنا صيفة الجثره

................................. والنار لاجيت أبا أطمر سبّبت عثري


كنت أحسبه مخلصٍ لي ياعرب وأثره

............................... ماهوب حاسب حساب لـْ قلـّي وكثري


يقول عِدّ الحصى فـ طويق وش كثره ؟

............................. لو جبت كثره من أحلى الشعر والنثري


إني لـ أخل الشجاعه تغلب الكثره

.................................... يِهِــب .. جـِعـْل لـْ ثراه الله لا يثري


صح .. الخيانه تخل القوم منتثره

...................... وأنا أبا أجنـّب عن أثرك .. وأنت كب أثري[/ALIGN]






وسلامتكم ..... وصح لسانه

عبدالله



فكره طيبه


والله يعينا عليها عطنا وقت

ولاهنت

عبدالله

هنا لازم نتوج يتيمة الغـــــــــزل للمبدع والعلم عبدالله بن عوون

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامل قلبٍ يسج وفيه دولاجه = من هاجسٍ بالضماير قام يدرجها

فى معزلٍ عن جميع الخلق وازعاجه = مسمع من الناس لو تكثر لجالجها

بالصدر ضيقه ونوم العين هملاجه = عينٍ من العام والسهر متولجها

مغير اهوجس تقول مضيعٍ حاجه = وآخذ واسند على روحى واهرجها

وادوج لو كان مارجلى بدواجه = ادله النفس لين الله يفرجها

ويالله ياللى بيدك الضيق وافراجه = افرج لحالٍ كثير الهم ساهجها

وافرج لعينٍ ليا غضت بسوهاجه = تجهز عليها الطوارى لين تزعجها

عليك ياللى بقلبي كن وهاجه = وهاج نارٍ سنا الغربي يسارجها

يبو ثمانٍ كما الياقوت لعاجه = كن البرد يوم تضحك في مفالجها

قلبٍ يناجيك بسلوم الهوى ناجه = يشكيلك الحال داخلها وخارجها

اما التفتلى وتم الوصل بمواجه = والا بلا عشرةٍ هاذى نتاايجها

وش ينفعك من حنين القلب واخلااجه = وجروحٍ اسبابها انت ولاتعالجها
[/poet]


وايضا قصيدة عبدالمعين ابن ثعلى


[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياعد وين اللى طراتك اليا جاك = اللى ليا جيتك يجيني علاكــــا

اقفى و خلانى وقفا وخلاك = حتى وروده ماتجى جـــــال ماكــــا

يااعد جعل مروزم المزن ياطاك = شيٍ يجى دوونك وشيٍ وراكا

ويااليت البااقى عندى واخرها

كتبتلى تسعين بيتٍ على ااك = واحكمت قفلتها على حرف آآكاااا


[/poet]

السلالام عليكم ورحمة الله وبركاته
فكرة اكثر من رائعه تستحق منا المشاركة
ولو بالشيئ القليل .
والعذر من الجميع كونها أقل من مستوا
سابقاتها لكن اقبلوها كما هي

بسم الله ابدا ـــــــــــــ


[poet font="Simplified Arabic,4,green,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
بسم ربٍ خلقنا والخلايق كلٍ وحظه=مقسم رزقه الوافي وبسمه دايمٍ نعتاظ
بديت ومبتدا قولي بحق الوالي وفرضه=أسبح وأدعي الوالي وما بالصدر فز وهاض
تهيض وأرتكز شيطان فكري هب من أرضه=وجاب اللي بعض ما جال في صدري وزاد وفاض
قوافي جبتها من خاطري طوله على عرضه=بيوتٍ من سمعها يعلن الصرخة ولا يغتاظ
حكيت ومقصدي كلمة بدايتها بعد لحظه=تحسب أحسابها كل البشر والصدر فيه إجهاض
أسيرها على كيفي واجنبها عن القرضه=ديوني دوم أوفيها وأكفيها بدون إعراض
ورجلي دوم أسيرها وأجنبها عن الرمضة=وأسريها واصدرها وأوردها كثير أحياض
ازيح الشوك من دربي وقافي أحتسب نبضه=واعسف المهرة العسرة وأروضها بدون إقراض
وأجنب هرجة التافه وأبو وجهين والمرضه=واعيش بعيد عن درب الردي واللي بشينه خاض
هروج التافه الهافي تجيك بشين مكتضة=تعكر جوك الصافي يصيبك منها أعراض
وهذا مختصر قولي قليل الهرج من بعضه=عسا اللي يستمع يفهم يجنب مسلكي لا غاض


[/poet]

.[HR]

[poet font="Simplified Arabic,4,green,bold,italic" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يقول أبو ناصر ليا من تحاكا=ببيات شعرٍ من ضميره يحيكي
يوم أنتهض وأهتز ثمٍ تراكا=عقب أرتكز شيطان فكرة وشيكي
جر النفس والعقل فيه اشتباكا=ما بين كر وفر خيله دبيكي
يا الله يالي عاليٍ في سماكا=يالي على ملكة بليا شريكي
عبدك وتحت أمرك ويطلب رضاكا=المغفرة والعفو منك وليكي
عبدٍ ضعيف إليا زهمك ورجاكا=مطلوبة الرحمة ودربة شويكي
ذاق المرارة وأعتلكها علاكا=يا نفس مجمول التعب يحتويكي
يا والي النفس الضعيفة تباكا=أخاف من يومٍ أجي به هليكي
بيدك وأمرك والقدر ما خفاكا=يسير وسط الكون هذا وذيكي
والختم غفرانك لعبدٍ عصاكا=يا والي العبد الضعيف الركيكي

[/poet]

بدر ناصر المجلعد العجمي


وسلالالامتكم من كل شر

تحيااتي للجميع اخيكم


العجمـــ بــــدر ـــي.....@@

السلام عليكم . قصيدة بسيطه طريفه كانت موجهه لاحد الشعراء الكبار والذي كان بيني وبينه عدة قصائد ومنها قصيدتي هذه امل ان تحوز على رضاكم.

ياعناد جاك الشعر ياعناد جاكا
............................. شعرٍ بسيط وصعب مرصوص رصا

بدايته ياعـناد قافـــه على اكـا
............................... ومنتهي بالحرف قافـــه على الصا

ماضنتي ياعناد يصعب عـلاكا
......................................حيـثك فـهيم وللمواجــب منصا

بالمعرفه والعلم ربي عطاكــا
..................................وعلى معاني الشعر عقلك تحصا

ياعناد شعري اليوم جاك ودعاكا
................................... اختر حسين القول وخل المعصا

ابا انـشدك ياعناد ماذا دهاكـا
................................. ..عن الهوى والحـب اللي يقصــا

كانك شربته مثل شربك لماكـا
................................. .عــــزالله انك ياصـقر ماتوصـــا

وكانك على ماقيل ماكـاولاكا
..................................ومن الهـــوى ماجاك شيٍ يغصا

امشي وخلك دوم على ولاكــا
.............................خل الــــهــوى والحب للي استقصا

انا بلايه الحب ماهوب بلاكــا
........................... والشــــوق فــي قلـــبي نارٍ تلــصا

وعجل علينا لايطول بطــاكا
............................. وبالرد يابو طراد مــنـته مــــوصــا


وسلامتكم

[ALIGN=CENTER]

عُدنا





هذي القصيدة اللي قلت لكم عنها

الشاعر المعروف ابراهيم الرديعان وجه هذه القصيدة ذات القافية الصعبة للشاعر بدر الحويفي الحربي


[poet font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

يا راكب اللي لا مشى ماتقل ياط=من سرعته خطه دواوير وشخوط
جديد ما حمل به العفش وبساط=الا ولا قالو موضب ومخطروط
مراتبه مخمل والارضيه ابساط=واشعار تويوتا على الخشم محطوط
يطرب ليا منه صرب طلعة الغاط=لا حس لا ونه ولا صوت عرموط
ملفاك بدر ليا هبا كل قناط=قبل تقهوى واجب الضيف مليوط
عطه الكتاب اللي كتب بيد خطاط=كريم سبلأ اللي له القيل مخطوط
قل ليا ضاق صدري جبت للنار ملقاط=وسحبت للي كنهن صيغته بطوط
وفصلتهن تفصيل وزودتهن غاط=حديدهن صافي عن لحام وسقوط
وشبيت نار جرمها من حطب راط=احسن من الصندل ورى سبعة شطوط
جرم جزل ماهو هدب رمث شعواط=وسويت فنجال على الكيف مضبوط
بلكي يبرد واهج بالحشا شاط=يشبه لدافور له الغاز مضغوط
يوم ان كل في حلا نومته غاط=يرقد على طوله كما السدو ممغوط
عيني بحاجرها تقل موس صفاط=وجفنه تقول ملامسه ظفر شبوط
جيت الطبيب وقال لي ويش به حاط=في داخلي عينك دواوير ونقوط
وقلت هذا لها مدة شهر صابها احباط=تسهر ودمعاته تقل وصف لاقوط
اسبابها اللي لفّت الرأس بمشاط=بالمسك والريحان والورد ممشوط
تقول خاطي فيضة ريحها عاط=ريح النفل مع فايح الشيح مخلوط
لاهوب دعبول ولامحزمه غاط=زوله كما البردي ليان وشمحوط
عين الغزال مذيره صوت مخباط=حباله اللي ينقل الملح بمشوط
بطن العسيف ان جهزت قبل الاشواط=الفوز به مضمون في تالي الشوط
ولا شربت البيبسي بكوب وشفاط=تشرب من الشوكه مطعم ومشموط
ولا تلبس الكرته تحزمه بفراط=تلبس لباس اول مفصل ومخيوط
يا بدر حاكيته وانا منه محتاط=وخلان من غيره مكبل ومربوط
هرجة لطيف ما يقاطعك بغلاط=قرض العسل مع صافي الدر مخلوط
الذ من طلع الصويلي بمحباط=توّه من امه للمشاكيل ملقوط
ماهومن اللي هرجته سلك مغاط=يعطي كلام وباقي الهرج منطوط
ما اذكر لنا مثله على عصر الانباط=اللي منازلهم ورا النيل وأسيوط
أقفى وكنه يضرب القلب باسواط=أعطان هرج وتالي الهرج مشروط
علمي بها يابدر في نزلة اشباط=غرب عنه موقق شمال عنه شوط
مدري مع اللي حدروا يمه الشاط=اوهم مع اللي سندوا يمة الغوط
محتاج فزعتكم ترى طحت بوراط=الحال نشت كنها الشن مقروط
حالي من اسبابها بدت تقل مخاط=ومن قبل عرفي له مريح ومبسوط
وصلاة ربي عد من شاف دمياط=على محمد عد من لبس مخيوط
[/poet]

وهذا رد الشاعر بدر الحويفي :

[poet font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يوم المولع واق في راس شمحاط=حوّل علينا من جبل طي بمقوط
حاذيه من حب العماهيج مخباط=اللي بحبهن للعشاشيق زاروط
اللي نباهن للمعاليق معاط=ونظراتهن ترسل عباريد ومشوط
صبن على قلب الرديعان زقلاط=ودارت به المكره على سير مشحوط
واسند على ابيات جزلات وانشاط=مثل الذهب واحد وعشرين مشروط
عملة ذهب ماهي دنانير وانواط=من شاعر ماهو بالامثال خربوط
وسكّر على الطاروق ضبّه وصقاط=حيل الله اقوى كيف با احتال وانوط
حي الجواب اللي محنط تحناط=جا من ابراهيم الرديعان مصفوط
هدّف وتهديفه طريقة تشطاط=واللي عطاه الراي رجّال مضبوط
خطط له الخطه من الناس خطاط=قصده يسدد كل الانفاق ويحوط
وافق وركز له قريحه بحرف اط=وشاور شويره واستشاره وقال اوط
لقط عناقيد القريحه تلقاط=وخلى غصون من الورق بيض وملوط
واخذت دربه على الشوف مشواط=عساي احوز رضاه ويكون مبسوط
وانا معه جندي وهو صف ضباط=تحت الاوامر لو حصل ضغط ضغوط
ما دامها لعبة حويلا ومزقاط=ماني مع الصاحب قصاوي ولابوط
مهما حصل بيننا مزح واغلاط=الحبل ماهو بين الاصحاب ممغوط
عنها ابتعد بعد الجزائر عن ارهاط=ماني مثير اسباب ومعقد اخيوط
هذا وبارسل للرديعان خياط=يخيط قلب من قسى الحب مشعوط
العاشق اللي في بحور الهوى غاط=قلبه ليان ومن كراسيه ممعوط
شايب وقلبه بالولع سلك مغاط=من شوط تيار الغنادير مشلوط
وعشقه خطاالله لا يصلط تصلاط=كيف الغناوي حالته حال مزنوط
مادام له ملفا ومثبأ ومقلاط=عبير نجد وعنبر الشام مخلوط
يلعب على حبلين وافراش واصماط=كلش جديدولا بهن همل واصفوط
ثنتين عنده يعملن كحل وامشاط=عفايفن مالامحن كل شمحوط
لو يسمعنه ولعن فيه شخاط=وتناوبنه بينهن قرص وعروط
قامن عليه وشلطنه تشلاط=ياشينهن عند الزعل موطهن موط
وعيالهن معهن بعصيان واسواط=حتى الصغير اللي على الديد زعطوط
يابوحمد بالك تفرط تفراط=اقنع برزقك وانت رجال مغبوط
خل اهوى للي يفحط تفحاط=يطيح مع دربه كفراط وجنوط
حذف الحصى قفوه تقل حذف نباط=ومن الحيا وجهه مجرد ومقشوط
اللي لا منه شبع بالهوى شاط=عشقه مع الحارات لفات وفحوط
عشقه خيال وفيه رجّه وخراط=عقله نمط سيكل مسامير وبلوط
لو يازنونه ماوزن ربع قيراط=مثل الذي ريشه به ارناق ونقوط
اللي على روس المراقيب نغاط=يطير ويوقع على راس زربوط
والا انت صاحب عرف راوي وفقاط=سباح ببحور العماليق وتغوط
مأنته وغد تعطى حلاوه وشقلاط=العرف له عندك مطارات وهبوط
بالعرف لك قيمه وبالشعر عملاط=وبالطيب منهاجك بالامجاد مربوط
شاعر وعندك ذوق لاشعار الانباط=لا تختبرني مع ملفات وخطوط
خل السوالف بننا بصط وابصاط=العقل كنز وذارف الحب ملقوط
والناس كل له محيط به امحاط=المتزن واللي من العقل مفروط
وترى الثقه بالنفس من خير الاشراط=وكلٍ حسابه في سجله ومفقوط
[/poet]

ودمتم





البندري[/ALIGN]

[ALIGN=CENTER]رائع يا بو عابد ...

هذي مشاركتين من الـ 100 المسموح بها

الأولى :


[poet font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أه وادبـل كبـدي مـن كثيـر المطيـخ
ولعت نار في صـدري شوتنـي شـوي

كل واحـد مسـوي نفسـه اليـوم شيـخ
ويتفاخر لـو إنـه مـا يضـوّي ضـوي

والعرب عن دروب الطّيب راحوا فليـخ
والـردى والقشـر كلّـن عليـه يهـوي

وقتنـا اليـوم مجنـون متجنـن فصيـخ
يالله إعـدل بعدلـك وقتـنـا الملـتـوي



يمكن الذيخ يصبح ذيب , والذيـب ذيـخ
ويطلع الذيـخ مرقـاب الذيـاب يعـوي



ويمكن الصيخ يصبح عطر, والعطر صيخ
والضّعيف يترقـى مـن ضعيـف لقـوي



والمجالـس تعـود كلهـا طيـخ بـيـخ
ينلغي واجـب الخاطـر وحـق الخـوي



والذي عنده مـن المـخ لحسـة مخيـخ
يشرب الماء طريـق المـاء ولايرتـوي



ما انبسط غير مـن تلقـاه قلبـه فضيـخ
خبل والخبـل دايـم خبـل مـا يستـوي
[/poet]


الثانية:


[poet font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جمالٍ جعل في مهجتي فلج وأكبـر فلج
ما أظني لو أدوج الفجوج أوجد علاجـه


جريح الغَنَج ومبيسمٍ فيـه جمـر وثلـج
وجديلٍ كما الجوهر على الجنب مرداجه


تجمّع غلاها في الفـؤاد وولجنـي ولـج
وجهِل من حسب ولج الغلا مثل مخراجه


تجيب خبري من دعج نجل العيـون البِلـج
وأنا رجل ما أجامل في هرجي ولا حاجه


ليا جيتها تجفل ولا جـات جيـت أحلـج
جمد دمّ جوفـي كنـه بجـوف ثلاجـه


وما يجحد جمال الجادل الجازي إلا العلج
جحود الجمايل مزعج النـاس بإزعاجـه





[/poet]






تحيااااااااااااااتي[/ALIGN]

عندي..

12 قصيده..

على قوافي..

صعبه..

وابشر..

راح نجيك...

ونشارك باللي تبيه وحددته..

عزيز وغالي

وانا اقول اصعب قصيده طافت...من اللي فوقي..

حقت البندري...

وشكرالكم..
وهذا راي

(((السلام عليكم ورحمة الله وبركاتة)))

نشكر الاستاذ ابو سليمان..على المجهود الطيب

ومن القوافي الصعبه التي كتبتها هذا القاف(الت)
حسب ما ارى ..؟



اللعنه اللـي خصهـا الله لبليـس
حلت على طبع الردى واستحلـت

حلت على طبع الدنا والدنافيـ
اللي عن اطباع الردى ماتخلـت

ناس لهاعن جمله الخلق تنجيـس
اللي بهرج النـاس دايـم تفلـت

نقالت الهرجات ربع التحاويـس
اهل النميمه ياعـرب ماستذلـت

دنيا الفنا ملت عنـا يامراطيـس
حتى السما بالغيث ماعـاد هلـت

لعنه تحل بكل من كـان بليـس
ولعنه تحل بكـل نفـس تسلـت

ولعنه تحل بعابـدات القراطيـس
اللي بحب المال فيهـا استضلـت

عن واجب الله بالهافى الوساويس
ماهمها عن فرضها اليوم ولـت

هذا الكلام ومابقى فيـه تدريـس
لاهل العقول اللي بها اليوم دلـت

باب العقل ماصك بابه محابيـس
وباب الجهل فاتح له الناس تلـت

الكذب شين وفيه للنفس تحبيـس
والصدق زين ومنه نفسي تملـت

الصمت خير ونعمة فىالمجاليس
لاهل الهروج اللي بها اليوم زلت

بانت لنا فى الوقت مثل الكوابيس
فعول ناس بالـردى مـا تعلـت

وين الرجال اللي تحب النواميـس
اللي على طيب الفعايـل تجلـت

وصلاة ربي ياهل العرف والقيس
على نبي الحق من يـوم طلـت

وسلامتكم........
اخوكم // تراحيب سعود القثامي