ملف قصائد عبد الله بن زويبن ،،، يحتوي قصائد جديدة

[grade="00008B FF1493 008000 4B0082"]بسم الله الرحمن الرحيم

اخواني في منتديات المرقاب
السلام عليكم ورحمة الله وبركاته

هذه مجموعة جديدة من قصائد الشاعر الكبير عبد الله بن زويبن المعمري الحربي ،،، وقد طلب مني بعض الاخوان أن يكون هناك ملف خاص لقصائدة .

لذلك تجدون بعد هذه القصائد عدة روابط لبعض قصائده في منتدى المرقاب الشعبي كنت قد وضعتها هناك ايام بداية تسجيلي في المرقاب .

وكذلك ستجدون روابط بعض قصائده في هذا المنتدى .

والآن إليكم قصائده الجديدة . جديدة في المنتدى وليست في الإنتاج : [/grade]

القصيدة الأولى ( قال المثل ما من ورى طلع بيشة )

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياراكب اللي يوم تسمع وشيشه = وشيش رقطاً ذيلها بالعصاء نيش
قامت تحك جنوبها مستهيشة = وتبين أنيابٍ سوات المناقيش
يمرج مع البيدا إمراج الخريشة = إلى أمرجت بين الوحش والنواحيش
من عقب ماهي للمنايا وليشة = بين الصقور ومبهمات النواتيش
حيت حياة اللي بتالي الحشيشة = عقب الدرك شرب القراح النقاريش
جمسٍ يربح كل من حط شيشة = يتعب بتعبيته طوال الخراطيش
إلى وقف يكوي الكبود الغشيشة = وإلى مشى ما يلحقه مومي الريش
برقٍ من العارض جذبني رعيشه = يوم يتلالا بالمزون المراهيش
وأثره ما يسقي الكبود العطيشة = يبرق ويرعد مير مدري على ويش
لا تحتزم باللي ضلوعه هشيشة = اللي ليا سمع النداء صد تطنيش
لا تحتزم به لو تحيزم بخيشة = ما يقطع الدِيان ركض الأكاديش
وبيتٍ بليا ساس مثل العريشة = يطيح لو لمع ببويه و ورنيش
وجرد السهال الخاليات الوحيشة = اللي تطوى في شجرها الحنافيش
أخير من ضله ،،، وبعض المعيشة = يعافها الطيب ،، ويفرح بها الديش
وقال المثل : ( مامن ورى طلع بيشة = عيشة ) وراس الضبي ما به عراميش[/poem]



القصيدة الثانية : ( إبليس لولاه كل الناس بالجنة )




[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا مل قلبٍ هواجيسه يسجنه = سج النضا بالمطارق والمشاعيبي
هن ودهن كل روضٍ زين يرعنه = وهم ودهم المساء عن المعازيبي
يوم انتهاء كل ما بالخرج والشنة = تواعدوا بيت نطاح المواجيبي
شيخٍ صدى صوت نجره كل ما دنه = يقنب بروس النوازي قنبة الذيبي
يرخص خروفه ولا يبخل على بنه = ويشكر ويذكر ليا عدوا هل الطيبي
تريحن وأمرحن يومنهن جنه = وأنا الهواجيس تسرحبي وتسريبي
راحن بقلبي ولا أدري وين ودنه = أخذت في جوهن غفوة وتغييبي
سجيت معهن على فلمٍ يعرضنه = عن غيب بعض القرايب والأصاحيبي
ابليس لولاه كل الناس بالجنة = لاكن يلعبنا راع التلاعيبي
يا شين بعض الأوادم لو ضحك سنه = يضحك بوجهي ويشذب في عراقيبي
واللي ليا غبت غوجه للطرد عنه = وجرد سيوفه عطيبات المضاريبي
هجرت كل الدروب اللي يمرنه = أخير لي من مجيه ، عنه تجنيبي
ولو ما أقتدي في كتاب الله والسنة = خليت كلٍ على دينه يصلي بي [/poem]



القصيدة الثالثة ( اشوي وإلا لمست الشمس بيديّه )


ي[poem=font="Simplified Arabic,5,deeppink,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا سيد الاحباب زحت الهم عن بالي = عندك بكسب الحبايب دبلوماسية
لك فرصة تجمع الغالي مع الغالي = من غير موعد تجي وتروح عفوية
أخذتني من معاصير أشهب اللالي = ورمستني رمس بـ أجواك الرومانسية
غطيت وجه السماء بغيوم وخيالي = والأرض غطيتها بورود سحرية
متشابكٍ نبتها من كل الأشكالي = من كل الأشكال تقل انقوش زولية
وصممت طيارةٍ تصميمها عالي = ما صممتها الولايات المريكية
من غير كبتن تجول فوق الأطلالي = وغمزت زر المحرك وأقلعت فيّه
طارت عن الأرض مليارات الأميالي = شوي وإلا لمست الشمس بيدية
وتحطمت بالمضامي والخلاء الخالي = جيعان ضميان لا هذي ولا ذية
متعلقٍ في عمود الياس بحبالي = متلولحٍ ما تطب الأرض رجلية
جميع ما شفت بس أشياً تهيالي = أفكار وضنون وأوهامٍ خيالية
يا سيد الأحباب تضرب فيك الأمثالي = من سابق الكون لك حسنة ولك سية
حسنتك تجمع لك أجيالٍ مع أجيالي = العالم الميته والعالم الحية
وسيتك تدفن بوايق كل ختالي = من السباع الضوراي والحرامية [/poem]


القصيدة الرابعة
على هذا الرابط :
مثل مايطق الطار في قصر الأفراحي


القصيدة الخامسة :
على هذا الرابط :
ويل أمها

القصيدة السادسة :
على هذا الرابط :
انقفل الراس عنها لا يبرمجها

القصيدة السابعة : )
وهي على هذا الرابط :

بين حي الجامعة والمرسلاتي

القصيدة الثامنة :

وهي على هذا الرابط : إلى اقبلت قام يتكفكف دجى الليل


كذلك يوجد ثلاث قصائد على هذا الرابط :

http://montada.mergab.com/showthread.php?t=18306


أخواني في منتديات المرقاب

أرجو ان أكون قد وفقت في اختيار ما يرضيكم وأعدكم بالمزيد لكل ما أحصل عليه من قصائد لأي شاعر تستحق أن أنقلها لكم وتقبلوا تحياتي


أخوكم محمد البيضاني

يامحمد
جهد تشكر عليه عزالله

والشاعر / عبدالله بن زويبن شاعر لايشق له غبار


بارك الله فيك وبيض الله وجهك

وتقبل تحياتي

محمد البيضاني
جهد تشكر عليه

والشاعر / عبدالله بن زويبن شاعر لايشق له غبار


بارك الله فيك وبيض الله وجهك

ودمت
في احسن حال
اخوووك

محمد البيضااني

ونقل .. متميّز ,, لروااائع شاااعر .. من أجزل الشعراء

ابن زويبن

شااعر كبير وقدير .. ومن كل حرف نقرأه له نتعلم الكثير والكثير

لك كل التقدير .. ودمت غالياً ولك كل الاحتراام

الأخ الفاضل محمد البيضاني

(( موضوعك متحف لكل جميل ))

جهد رائع منك

وشاعر علم نحب أن نقرا له ونتعلم

كل الشكر لك والتقدير


تحياتي

بيض الله وجهك

على حفظ قصايد هذا المبدع

هذا الشعر اللي يصحي من النوم



بيض الله وجهك يا محمد

الله يبيض وجهك يا محمد البيضاني

وعز الله انك امتعتنا بالشعر الحقيقي .. الجزل .. الصح


ولازلنا نطالبك بالمزيد .. فلا تبخل علينا ..




اخوك ومغليك /

أخي سعود النفيعي


شكرا لمروك الكريم

وكلماتك المشجعة وتقبل تحياتي

الله يجزاااك بالخار يابو سعود

قل آميــن .


عبدالله بن زويبن ,,

شااااعر من الوزن الثقيل >>> على قولة البدو نتسره


وهو كالكثيرين من امثاله من الشعراء المجهولون، لم يحظى بما يستحقه من إعلامنا العزيز

لكن مانقول الا عساك في الوجود يابوسعووود



تسوا لك اذاعةٍ كامله ’

اخوووكم

اخي ناصر تراحيب

شكرا لمرورك الكريم و\انا في خدمة المرقاب

وتقبل تحياتي

الاخت سراب

شكرا للمرور الكريم على المشاركة

تشرفت


وشكرا للجميع