يفقده معي انا المسجد ويبد الحداد (( مرثيه في والدي رحمه الله ))

[align=center][frame="7 70"]اخواني واخواتي
استبيحكم بهذه المرثيه في والدي الشيخ / سحمان بن هميل( رحمه الله ) الذي انتقل الى جوار ربه صبيحة 7/3/1429هـ فأأنا اعلم انها لن توفيه حقه
فمهما كتبت ومهما تكلمت لن اوفيه حقه (رحمه الله).
واسأل الله جلت قدرته ان لايوري الجميع مكروه انه سميع مجيب
اخوكم
عوض[/frame]
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعد ابويه طفى فالعين نور البلاد = وابتداء للعنا مشوار ماهو قريب
ادمعي يالعيون وسيلي كل واد = وانحبي يالضلوع وجاهري بالنحيب
بعد شيخاً ترك دنيا العنا والنفاد= يوم سابع ربيع اول تركني غريب
واظلمت عندي الدنيا وغشاها السواد= بعد غاب الكريم اللي بطيبه نطيب
يفقده معي انا المسجد ويبد الحداد= ويفقده من يصل الفرض بعد المغيب
ويفقده ضيفه اللي حاصلله هجاد = ويفقده جاره اللي للوناسه رقيب
ويفقده من يعرفه فالاومور الشداد=ويفقده ولد عمه وان طراله صحيب
لو خسرة الحلال اقول باكر يعاد = والخساره بصلب المال مثل الذهيب
بس شيخاً خسرته فاليال الجداد = مايحس بعذابي كود عقل اللبيب
اشهد ان الخساره في فراقه وكاد=واشهد اني بعد فرقاه انا مستصيب
لاطرالي جفن عيني يعاف الرقاد=كني اللي يعاني سم داب الشعيب
وكني اللي حزامه فارغ من العتاد=وقدم عينه تجلا هتك عرضه غصيب
جعل قبره عليه الغيث وبله يقاد =من صدوق المزون اللي مطرها يصيب
وجعل قبره كما ريضان نبت الحماد=لنتشت بالخضار وغرد العندليب
وجعل اله منزل الفردوس واهل الجهاد=طالبك ياكريم الجود لي تستجيـب
ياكريمٍ عليـم بحـال كـل العبـاد=يارقيب عنه خاف البشر مايغيب[/poem][/align]

:


جعل قبره عليه الغيث وبلـه يقـاد
من صدوق المزون اللي مطرها يصيب

وجعل قبره كما ريضان نبت الحمـاد
لنتشت بالخضار وغـرد العندليـب

وجعل اله منزل الفردوس واهل الجهاد
طالبك ياكريم الجود لـي تستجيـب


اللهم أمين ان شاء الله
الله يجبر عزاك ويسكنه الجنه وكل مسلم وجعلها اخر الاحزان


:

الله يرحمه ويبيحه .. .

صح لسانك ياعوض

احسن الله عزاك في فقيدك .. .

ومابه أصدق من هالمشاعر .. .


لاهنت

بذخ في الجمال
ليس غريباً عليك
أيها الفاضل

فقط سأصمت
في محراب الجمال هذا
لك مني كل الشكر لمشاركتنا برائعتك

اخوك:
وليد العمودي

عوض العتيبي

الله يرحمه ويسكنه فسيح جناته

عظم اجرك واعانكم الله بالصبر والسلوان

صح لسانك

ودمت بخير

اخوك

جابر

الله يرحمه ويغفر له



صح لسانك ولا هنت



لك كل الود