قصايد × قصايد .. ( 2 ) ,

لا زال للشعر سلطة على قلوبنا ..

وها نحن نفرد له صفحات جديدة ..

فدعونا نترك بصمات الآخرين هنا ..

نقرأ لهم .. ونختار غيرهم ..

فينشأ بين قلوبنا رابط جديد اسمه ( تواصل )



فلـ نتواصل






واملي ان نبتعد عن التكرار .. كي لا نملّ الجمال



*


*




اختار مطر العضياني

وهذه مطر العضياني

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامل قلب من عنا الوقت عايف=قامت ملاهيب الليالي تشوعه
قلب كفخ بين الضلوع النحايف=سودالليالي باليالي تروعه
الهم والشكوا لقلبي ولايف=بقعا بمشهاب المحبه تلوعه
لوهو من الأيام ماهوب خايف=هذي طبوع القلب هذي طبوعه
تكفين يم معسلات الشفايف=قلب يحبك لاتزيدين جوعــــــه
روفي بحال اللي حياته كسايف=وش عاد لونفسه لعزه بتوعه
قلب علاشوفك همومه ردايف=الناراكلته والحطب من ضلوعه
حتى السماكدرتها بالحسايف=شوفي سحاب الصيف هلت دموعه
اقبل علادارك دموعه ذرايف=تبكي مفاريده وتبكي اجموعه
واقفيت لاشايف ولانيب عايف=ولاعاديومن مايذري اسبوعه[/poem]


عطونا لكلاش

لـ إمْتِدادٍ من ريِاضٍ مَحفُوفَة الجَمال ..؛
جَاءتْ القُطوف يَانِعة الكَمال .!
نَتنَفسُ مِنهَا النُورَ قوَافِي مُختَزِلة ... مِن خَزائن الذاكرة مُنتَشِلة
عَبَر سَاحاَت الَنقَاء ... والتِي أشرَقَتْ بِذَاتِ الِفكرِ والعَطاء ... دارين
لكِ فَجرٌ مِلُؤه الشُكر
يُرَتِلُ الرُضوَان مِن سَنا الشِعرِ ألَوان ,,,



؛

ومن عقود المُبدع كلاش
إخترت " أربع ورود "

المشاركة الأصلية كتبت بواسطة راشد العتيبي

السلام عليكم ورحمة الله وبركاته

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الشوق عمره طويل ولا علـى الصبـر زود = وان طال عمر الجفاء جف القلـم والكـلام
اخايـل الشعـر وبروقـه حديـث الرعـود = ويسمي الخيـر وجروحـي حديـث الظـلام
ما اقول صدري هو اضيق صدر في هالوجود = لكني احس بيـن ضلـوع صـدري غـرام
لو للمقادير مـع وجـه البـن ادم وعـود = ان كـان مـرت مصايبنـا مـرور الكـرام
لقيت عمر الفرح ينقص وحـــزني يزود = وانا على ايات حـال اعامــله باحتــرام
طبيعتي لا انكشف ستر الزمن عن جــحود = امد له غصــن زيتـون وحمامة ســـلام
القلب بستان طيبه والــعواذل حـــشود = تغانموني لحم واستكثروني عظـــــام
ان عرضوا لي سموم الهرج هبّـــيت نود = وان طمنوا روســهم راسي خوي الغمـام
من رحمة الله ما نقرا عيون الحســـود = ولا نشوف المغطّى في صدور الآنــــام
ولاّ كثر ما تشيل العــالم قلــوب سـود = ماعاد يبقى على الدنــيا خـوال وعمــام
اعيش جو السعاده بالدعــاء فالــسجود = لاطرّف اللــيل ثلثينه وعــز المـــنام
الله يخلـي لقلبـي ضحكـة اربــع ورود = ويقر عيني بشـــوف النور عقب العتـام
ياليت شعري ,, الا ليـت الليالـي تعـوود = يـوم التجافـي دقيقـه كنـه فـراق عـام
اسألك باللـي جعـل كلـك رهـاوة عـدود = لا تبطـي عروق قلبي من قراحك حـيـام
من يم دمعي حدر والضيق يرقى سنــود = لو قلت لك طــيب وكلش على مايــرام!!
صدقنـي انـي فقدتـك والجوارح شهـود = ارجـوك لا تعتبـر بعـدك سبيـل انتـقـام
أي والله اخطيت في حقـك وجيـت مهدود = اشيل عذري لــعل العذر قـد المـقـام
اخطيت والبعد يوجعنـي ولا انت محـدود = تحـط بينـي وبينـك فالمحـبـه نـظـام
لو الخطاء بين خلـق الله جزاه الصــدود = ماعاش في هالزمــان الاّ عيــال الحرام
عشت الغلا فـي شبابـه لا تخليـه عـود! = والعود ما يطلـب الله غيـر حسن الختـام

[/POEM]

ومن خزائن أسد المرقاب
وننظر الإختيار ,,,

لـ ( فارس العصيمي )


؛

دارين سلسلة موضوعك الجميل اتمنى ان تستمر اكثر واكثر



وتسلمين والله



اما اسد المرقاب فـ يقوول :

المشاركة الأصلية كتبت بواسطة فارس العصيمي

أتمنى أن تعجبكم



[POEM="font="Simplified Arabic,5,black,normal,normal" bkcolor="transparent" bkimage="" border="double,4,black" type=2 line=0 align=center use=ex num="0,black""]

دام النوايا سود وأهدافها جرد = نوحي على غصن الندم ياحمامه

يا اللي زرعت الشوك ماتقطف الورد = لوتسقي أشجاره ليوم القيامه

العمر لويشفع لوجهة نظر فرد = قبلك شفع لأبليس عود الندامه

واللي خلق يوسف خلق قبله القرد = يا الله عليك العافيه والسلامه

لاتحسب إن المرجله طاولة نرد = حظك نصيبك طيب وإلا رخامه

لو إنها تشحن على الباخره طرد = كل ٍ شرى له من طرفها عمامه

عشقة حليف الجود ومصخّر الشّرد = حرٍ يموت ولاتموت الكرامه

ولا أقول أنا اللي حارد ٍ خامها حرد = أنا فهيم وغيري أكثر فهامه

من لايشب النار مايطرد البرد = يدفن وبرده جامد ٍ في عظامه

ونهاية الموضوع لو طوّل السّرد = حقي على وجه الزمان إبتسامه[/POEM]

نبي الله لا يهينكم لمرزوق العتيبي

وهذي من ابداعات مرزوق العتيبي

المشاركة الأصلية كتبت بواسطة مرزوق العتيبي

مشاعر مستعجله
.
.
.


[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ما غيّب الموت حي ولا حيوا ميتين=لو انهم في الحياه أحيا جسدهم كفن
كم مندفن في الثرى ذكره وصيته يبين=وكم حي فوق الثرى ذكره وصيته دفن
ذكر الحيا ما يغيب وطاري الطيبين=والحي يحييك والميت يزيدك غبن
والموت ما غيّب الشامخ كريم الجبين=لو غاب عنا جسد معنا تبقّى وطن
عليه منا السلام ودعوة المسلمين=وجزاه ربي عن الدنيا بجنة عدن
ومْرافق الأنبيا ومْجاور الصالحين=في يوم يكرم به المؤمن وغيره يهن
وحنا لنا الصبر في ( جابر ) وربي يعين=لو ان فرقاه فوق الصبر مهما يكن
والدمع لو جف ما جف الغلا والحنين=لو هي تطول المسافه ويتمادى الزمن
والوقت ما هو بشرط انه علاج الحزين=واكبر دليل الشجن لا زال هو الشجن
والحزن ما هو بثوب اسود ولا دمعتين=الحزن لا من بكى قلبك هذاك الحزن
واللّي زرع في القلوب من الوفا ياسمين=جنى من الياسمين قلوب فيها سكن
واللّي بنى في الصدور من المشاعر عرين=هذي سنه والصدور تْسدّدْ لْه الثمن
يطري علينا مْنين وننتمي له مْنين=من طيبه ومن وفاه وْوقفته في المحن
راهن على قلوبنا حتى استباح الكنين=وانا اشهد انه ربح شعب وكسب له رهن
في كل مبنى نشوفه ساعدٍ ما يلين=شموخ ماله وصيف وفن من فكر فن
وفي كل شارع نشوفه من يسار ويمين=انجاز واعجاز ودْروب ونجاح وركن
كل الشوارع عليه تْودي وكل عين=يسكن بها نون وتْغطيه رمش وجفن
والله لْيبقى على طول المدى والسنين=في العين والقلب واذكاره تْراود ذهن[/POEM]

.

.

.



عبدالله الرقيب

يقول ناصر تراحيب

يا هاجس القلب الحزين إشتقت لطروق الغرام
اللي بها الملتاع يلقـى راحتـه ..وكفايتـه
لو غنت الورقا ..على غصن المحبة للسلام
لابـارك الله فالغـرام .. ولذتـه وحكايتـه
ابدايته وردة غلا .. ونهايته ضربـة حسـام
واليا بدأه اللي عشق قربت عليـه ..نهايتـه
لو كان .. مهما كان فيه من التآلف والئـام
دمع الوداع ينسـي الملتـاع كـل روايتـه
والعيطموس النادرة ذات المكانـه والمقـام
يوم إن كلٍ له مثيل البـدر هـي .. مرآيتـه
ياليل وصلّها الرسالـة ثـم بلّغهـا السـلام
حاول تذكرها الغرام اللـي شهـدت بدايتـه
لعلّها تذكـر نسيـم الليـل وجنـاح الظـلام
اللي سرى ذاك المساء والحب رفّـت رايتـه
والورده اللي حركت سحر المعاني والكـلام
وأحلامنا اللي غردت للحب تحـت رعايتـه
وياليل قـدام المـوادع والنهايـه والختـام
إنقل لها حال الحزيـن اللـي شـدا بغنايتـه
لو طال وقت الانتظار ابـانتظرها كـل عـام
هذي وسيلة قلبـي اللـي بررتهـا غايتـه



نبي من ابداع سلطان الهاجري

هنا بر الامهات للهاجري سلطان !

المشاركة الأصلية كتبت بواسطة سلطان الهاجري

للتواصل ..




[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لبيه ياصوتٍ ليا مر الأسماع=كل الصموت من الغلا يستثيره
أعوي لشوفه عوية الذيب لاجاع=واتوق له توق الوحش من جريره
وافز له فزّة محبٍ ومطواع=وأجعل له النفس الكبيره صغيره
هذي مرابيعه هنا بين الأضلاع=روض الحشا قفرٍ من الناس غيره
لعلني حذوة رجيله عن القاع=في جلسته في وقفته في مسيره
ولعل حالي بينه وبين الأوجاع=واشيل عنه المعضلات الضريره[/POEM]




...

نبي للشاعر !

عبد ربه وشرط يكون غزل

..

محمد بن مصوي


صعبتها علينا

دورت غزليه ولا لقيت

لكن لقيت السبب






يقول عبد ربه

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله ياربٍ بما .. فالكون علاّم وخبير=ياسامعٍ حتى دبيب .. النمل في جوف الدجى
أنت الغنيّ .. وكل مخلوقٍ لمرضاتك فقير=وأنت الملاذ لمن لجا .. بحماك وأنت الملتجا
أطلبك واسع رحمتك .. وأطمع بعفوك يابصير=وأخشى عذابك .. والعباده كلها .. خوف ورجا
وأسالك التثبيت لا .. قابلت منكر مع نكير=في ساعةٍ فيها الفصيح .. يلخبط حروف الهجا
والفوز بالجنه تراه .. الفوز الأول والأخير=والنار شرٍ مستطير .. ومن نجا منها .. نجا
وأنا ذنوبي ماتعدّد .. من صغير ومن كبير=أشيل في وضح النهار .. ولا ضوا الليل وسجا
يارب كنْ لْي لا بغيت .. أنهض وأفكّر فالمسير=المتن الأيمن شايلٍ .. سلمى .. والأيسر شال أجا
يارب ماغيرك على .. تنزيلها عني قدير=جيت الْك لاجي وأنت ما .. خيّبت من يمك لجا
جيت الْك خايف .. منصدم .. مذهول .. وجناحي كسير=عفت الحياه ولذة .. الدنيا وحبٍّ يرتجا
ماعاد أفكّر فالهنوف .. أم الذهب .. وأم الحرير=لو قرنها يشرب به .. الظميان من قاعة سجا !
انصب تفكيري على .. يوم القيامه وش يصير؟=يوم إن لا ظلٍ سوى ظلّك يظل .. ولا حَجَا
والناس قسمٍ فالنعيم .. وقسم في جوف السعير=بين الفريقين القضاء .. عادل ولا فيه احججا
يالله عساني مع فريقٍ مايطب الزمهرير=هذا رجاي .. وفيك يارحمن ماخاب الرجا
وتمّت بيوتٍ قلتها .. والسبّه الرد المثير=قصيدةٍ لاهيب مدح .. ولا غرام .. ولا هجا[/poem]






اختار حمد الوذيناني

[align=center]شكرا يادارين على الموضوع المميز

ويقول حمد الوذيناني:[/align]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تـو الغـلا يامعـذب القلـب تـوه=توه بدا من بين الاضـلاع ينسـاب
توه بـدا وسـط الضمايـر بقـوه=عاداه حزب ووقفت صفـه احـزاب
اشتقتلك مزنـن ليـا شفـت نـوه=كنك تشوف امن الغلا سيد الاحباب
شوقن صطا في داخل القلـب جـوه=واظفى عليه امن الغلا ستر واحجاب
واقول كل اللي يبـا التـرف سـوه=صحيح من قال الهوى دوم غـلاب
يسمو غلا واليا سما مـن سمـوه=تزهر بساتين الفرح شوق واعتـاب
اليا صفا مثل البحـر فـي هـدوه=واليا تكدر تسهر اهـداب واهـداب
حتى الرجال اهل الفخـر والحمـوه=ياما شكو من حب تلعات الارقـاب
ياما شكو ظيمـه وهجـره وسـوه=واكبر مثل ماسوته نـوت لعقـاب
صارو مثل معـروف هيـه وهـوه=لاهل الهوى والغي صادق وكـذاب [/poem]


[align=center]اختار لمحمد مشوط[/align]

يقول محمد مشوط !

المشاركة الأصلية كتبت بواسطة محمد مشوط

متواضعةٌ مثل سابقاتُها
.
/
\



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
رحمة اللهُُ عليكَ ياحُسين=كُلما شعَّت نجوم الفرقدين
كُلّما وَكُلّما وَكُلّما=هلّت العبراتُ في موت الحُسين
قد غلوا جهل الخلائقُ عندما=ظُن قولاً ملجئ المستضعفين
ظُن قولاً نافعٌ وربما=وسطُ الضريح مُحاسبٌ للمارقين
خذلوك لمّا طالبوا في عُقرهم=تخلف أباكَ في شؤون المسلمين
لا أنت بالحُكم المناطُ خليفةٌ = خيرٌ وأبقى من شرور الغاصبين
قالوا وقالوا واستهانوا بغيّهم = حتى قُتلتَ ، في رياض الرافدين
واليوم في ذكرى قتالك ولولوا =ندماً على ما جاء من فعلٌ مشين
يرجون عفّوَك والتقرّب تارةٌ = أنتَ الإلآهُ وأنتَ ربُ المؤمنين!!
شُجّت رؤوسٌ بالضلالةِ دائمه =حتى اراقوها دماءٌ باليمين
لبسوا السوادَ بحزنهم وسوادهم =بين السواعدِ والعُريّ المستكين
ظلموا بسيدة النساءِ واسرفوا = بُهتٍ وعدواً في رجالٌ صالحين
افتوا جوازاً بالحرامِ وحلّلو = ما دامَ حرفٌ ، للخليقةِ ناصحين
كذبوا وربُ البيت يعلمُ ما بهم= خرجوا على أمر الولايةُ غاضبين
الحق حق ٌوالسماحةُ رحمةٌ =والدين يسرٌ للعباد المدركين
والجهل في أمر الشريعةٌ خارقٌ=فجزاءها في قُعر ويلٌٌ خالدين
من كان حُب محمدٌ وحبيبهُ =يعمل بما يأمره رب العالمين
قد نال من فوق السماءِ مكانةٌ = أوآه !! ماذا قد جنينا من سنين ؟[/poem]
.
\
/
وسلامٌ على من اتّبع الهدى ، ، ،

نبي من درر استاذنا الكبير

تراحيب بن سويلم !

..
.

يقول الأستاذ تراحيب بن سويلم


[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إسمها عندي كريمه وأهلها من كرم = ولبسها ملبوس حشمه وتركب ( مركني)
قالت من أهل المدينه وقلت الها نعم = وقدّمت لي كأس زمزم وقالت لي هني
قلت مانعدم وجودك وأنا أول من عزم = قالت الرحله ( سما ) تحت كاب الكبتني
وروّحت تمشي وحدها بسوقٍ مزدحم = واكثر الزوّار حرب ورشيدي وجهني
وفيه من كل القبائل ومن حضر وعجم = والفقير اللي على دربها يصبح غني
ما احدٍ يعرف لحنها من ايّات الأمم = قلت لإهل السوق منهي وقالوا من بني ..
واشّرت بإشارة صابهم منها طرم = والتزام الصمت مثل السكوت المزمني
عندها كل العذارى طويلتهن قزم = ماينوشن كفّها الاّ بعد ما تنحني
مالي الاّ استغفر الله واصلي فالحرم = قبل ما ارحل مملك الاّ ذنوبي وكفني [/poem]


[align=center]وأنا أبي للدكتور والدكتور يجوز تكرير طلب قصائده ![/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاشاب راسي وقافي شاب = شبـّـبـت قافــي علـى راسي



ولبّـسته امن القريض اثياب=وجـريّــتــه وقــلت .. لاباسي


لو كنـت مـن جرّته منصاب= وبلشــان فــي جرّة أنفاسي



كــم ليلـةٍ جيت لــه مرتاب= شاكيــه مــن وقتــي وناسي



وخليـّـتـه يعــديّ المرقاب = ودفـيـّـتـــه وطـــاح متواسي



وعــوّد عليّـه بشلفـا ذياب = وسمـحت لـه يطعن أحساسي



مـن ميـزة الشاعـر الكذاب=يصــدق قصيـــده مـع الناسي



دوبـك على الـنار ياشباب= مــاوديّ أضـحــــك لمقبـاسي



صحيـح ما يزعـــل الحطاب= الاّ .. علــــى طابـــخ الفاسي



مفتــوح قلبـي ولا لــه باب=كـم فيــه طرقــي وعسّاسي



ياصاحبي يوم كنّا أصحاب= لـ الحـــبّ دقيــّت الأجــراسي



اصيـح لـك والهـــوى غلاب= وجوارحـي تضرس اضراسي



سمـيّـتـك اسطورة الأحباب =يا الناعـــم اللـيّـــن القــاسي



ياما كتبتك غزل وإعجاب=وش ذنـب حبري وقرطاسي



وأسقيتني سمّ ناب الداب= وعروقي الخضـــر يبّاسي



محبـّـتــك ..فصّ ملح وذاب = وذكــراك ما طوّعت باسي



لاحلّ هجري وطيفي غاب=عسـاك ما تونس اوناسي



ميــر البـلا ريحــة الأحباب =تهبّ وتذكـّـــر الناسي ![/poem]




سمعونا .. محمد المسعري

وهذي للمبدع
/
\

المشاركة الأصلية كتبت بواسطة محمد المسعري

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]وين انت مبطي عنك يا قرة العين=ياويّ يا وقتٍ مضى معك ياويّ



المشكله ماهيب وينك وانا وين=المشكله في ردّت يدينك إيديّ



كتبت فيك امن القصايد لهالحين=خمسين فارع كلها مستوى ذيّ



معقول ما غنّو عليك المغنّين=منها ولا جاك الخبر بأنها ليّ



ما شفت منك الا الغرابيل والبين=مع كل هذا إمحبتك ..مثل ماهيّ



يا غايتي عطيتك امن الهوى لين=مليت قلبك حب وتشوفه شويّ ؟



ارخصت لك قلب وعروق وشرايين=لكن خذاك الكبر والطيش والغيّ



كنت احسبنّا غير .. بالشين والزين=ونعشق بعض مادمت عايش وانا حيّ



سبحان من تقلب يديه الموازين=اللي يبدّل عتمة الليل بالضيّ



اسخف موادع في سجل المحبّين=حطوه بإسمي والسبب فعلتك فيّ



نبني محبتنا لنا شهور وسنين=وننهي محبتنا بتامر على شيّ ؟



يا ليت عند اهل المحبّه قوانين=ما كان جرحك كيّ واعلاجه الكيّ[/POEM]

وتمّت

وسمعونا للمبدع / بدر العتيبي

..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بعد كثرت الألقاب يا سيّد الألقاب = سلامن يزيدك قدر مع كبر فـ عيوني
أنا يوم تطري لي العلاقات والأحباب = طيوفك تغنّج لي وتلعب على متوني
وأغنّي على طاريك في عالي المرقاب = وأزيد فـ جفا ناسٍ بغوني وحبوني
وتبي تعرف أنت امن أنت و وش يردف الأعجاب = تسمّع وقل لـ اللي يعذلون يوحوني
حبيبي هوى بالي دوا خافقٍ منصاب = غرامي ومطلوبي وشفّي ومضنوني
نصيبي صحيبي كان جاب النصيب أصحاب = أمعقّد لي حجاجي ... أمضحك لي سنوني
حلالي وغالي طلبتي يوم أجي طلاّب = على مبدأ "أصونك" أمشيّد لك ركوني
قصيدي جديدي يوم أغنيك جرحي طاب = قديمي نديمي سلوتي سبّة شجوني
أنوّخ ركايب لأجل قربك وأشدّ إرِكاب = أمشطّني الله معك يا سبّة شطوني
فتحت ألك باب العشق أدخل وصك الباب = بـ أعرضك صدري طالبك وسّع طعوني
وإذا شاعرك يا زين عن وصف زينك غاب = ترا اللي مأخرني أجدد لك لحوني
وعدواني إن كثروّ علي ماني بـ مرتاب = قصيدي مشاغلهم لو أنهم تناسوني
على الله يطيح سهيل وألا الجدي ينجاب = هذي هي سوالفهم ليامن تحدّوني
وعصا سيّدي موسى لو تطقّ شلفا ذياب = تبا تنكسر شلفاه وأبليس ملعوني
لكنّ يا زعيم الدعج وأمتلّع الأرقاب = لا تسمع لـ عذالي وترتاح من دوني[/poem]


نبي لـ .. وجـد

استلم

المشاركة الأصلية كتبت بواسطة وجــد

[align=center]صباحكم شعر

متواضعه للتواصل [/align]

[poem=font="Traditional Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أموت بك 00وأموت لك 00وأموت فيك 00ولا أموت = إلا بأحاسيـس الغـلا لامـن بـدت فـي ناظـرك
أخْضع لها وأبادل الإحسـاس فـي صـدق وقنـوت = وأجْمع بقايا فرحتـي وأشْـري رضـاك وخاطـرك
ياللي من بنوك الغـلا تسْحـب ولا عنـدك كـروت = هونـك علـى قلـب العنـا لا تـورّده مقـابـرك
ارفْق عليـه ولاطْفـه قبـل النـدم لايْفـوت فـوت = ما ينفعك كثـر البكـا ماحـد(ن) بفعلـك جابـرك
ما دامني جيتك ورضّخت الهوى لأمرك (سكوووت ) = مابي سـوى همْـس الحنايـا لا طغـت مشاعـرك
ناظر بعيني واستلم عذْب الحكـي معْنـى وصـوت = دين(ن) عليْ ل تْقول يـا طـول المسافـه عابـرك
ملّـت مشاعـر خافقـي تكْبـت وعذّبهـا الكبـوت = يا نعنبوا حـي الغـلا أغليـك لـو مـا أجاهـرك
تكْرم لعينك دنيتـي حتـى ولـو طاحـت بشـوت = تامر على عـرْق الخفـوق وتشْلعـه لـو قاهـرك
إنت الذي بنيت لـك فـي داخلـي قصْـر وبيـوت = روّضـت قيفـان الغـلا ليـن انْحنـت لأوامـرك
إعرف بأني لو طغـا وقتـك وخـوّن بـك ثبـوت = لا مايْتزعْـزع هـ الغـلا مـا دام قلبـي عــاذرك
وأبيك تعـرف لا نطقـت أمـوت فيـك ولا أمـوت = إنـي أمـوت بطلّتـك وأحيـا وأمـوت بنـاظـرك[/poem]
[align=center]وسلامتكم[/align]

نبي للشاعر / ناصر الفراعنه

..

و صباحكم و مساءكم شعر

لن تتوقف احبارنا ما دمنا نتوق للشعر



يقول ناصر الفراعنه
في ( ارجوزة شمس اليقين في الدفاع عن سيد المرسلين )


الله يـا نـور مـن جبـال فــاران
بـان وتـروع منـه عبـاد الاوثـان
نور الهدى يا معشر الإنـس والجـان
نورٍ تـلالا واهـل مكـة يشوفـون

فيـضٍ مـن النـور الإلهـي تـلالا
أيــات ربٍّ للخـلايـق تـتـالـى
بأمـره تعالـى صـوت حـق تعالـى
وقريش في ميت صنمهـم يصيحـون

له من قبل يولـد علامـات ورمـوز
رؤيا ملوك الفرس فـي يـوم نيـروز
ومنها اصطفاق الما على رملـة القـوز
وشمشون ما هو مثله الأمس شمشـون

ساعة ظهر نجـم احمـدٍ مـا تـوارى
منـه اليهـود استنوقـوا والنصـارى
يوم اقفوا من الغيظ مثـل السكـارى
كل على كبده مـن الغـل طاعـون

نجمٍ ظهر للعين مـن مطلـع الشـرق
بينه وبيـن نجومهـا الطالعـه فـرق
ساعة ظهر غنّت على عشهـا الـورق
ترقب جموع الناس مـن أيـن يأتـون

وصار استراق السمع ما هوب جايـز
وتحركـت وسـط القبـور الجنايـز
وتلمسـن لصـدورهـن العجـايـز
واهل الكتاب من القهر مـا يريحـون

ورؤيا ربيعة نصر عمـرو بـن عامـر
قـبـل ولادة أحـمـد والعـوامـر
منها رمـت فرسانهـا كـلّ ضامـر
ما هيب مثل اضغاث الاحلام وظنـون

يـا حمـةٍ فـي ظلمـةٍ فـي تهـامـه
علـم بهـا (التبّـع ربيعـه) عمامـه
وعنها الف قامه ناشدوا والف هامـه
من جن وانس واهل الاخبار يـروون

طفل وهو مـن قبـل يكبـر وينمـو
له في السما كل كوكبٍ بـان يزمـو
الناس تنزل تحـت والطفـل يسمـو
طفلٍ غبطه العـز موسـى وهـارون

(سطيح) فسرهـا و (شـقٍ) كذلـك
إن الممـالـك تنتـهـي للمهـالـك
ويسودها ابنٍ لإبن فهـر بـن مالـك
عقب اربع قرونٍ تلتها اربـع قـرون

وحلمٍ رواه العبد عمـرو بـن مـرة
عن كوكبٍ يضفي على بطـن حـرة
وصوتٍ يقول اطمر ورا كـلّ جـره
للي لكم من غاديات الدهـر جـون

ساعة ولادته اشرف الشمس ابو وهب
ليلٍ ولا اخطت شياطينهـا الشهـب
الخوف خلى كاهنٍ مـن بنـي لهـب
يؤمن عقب شاف اسفل العرش مصيون

ساعة ظهر نجمه كمـا قـال حسـان
كل اليهـود موقفيـن علـى شـان
نجمٍ يزلزل حومـة الشـرك مـن دان
وابن اخطبٍ كنه علـى راس حجـون

وفي ارتجاس إيوان كسـرى علامـات
طيحة وثنهم مع سقـوط الشرافـات
ورؤيا رآها الموبـذان وهـل الـلات
دلالـةٍ منهـا لحـق ربهـم هــون

وفي خبر (قسّ بـن سعـد الإيـادي)
وزيد بن عمـرو واعتـراض المبـادي
واربع رجالٍ من مضـر مـا تقـادي
بإسم احمدٍ لأطرف ولدهـم يسمـون

في عام تسع ميـه وواحـد وسبعيـن
تاسع ربيع اول وفـي صبـح الاثنيـن
ميلاد اكرم من وطى القاع يا حسيـن
طفـلٍ عليـه الله وخلقـه يصلـون

يوم انجبته امه عقـب طـول مسـرى
من نور وجهه شافت قصـور بصـرى
وتحطمت صلبـان قيصـر وكسـرى
واصبح هرم فرعون ما سـر فرعـون

قالـوا ملائكـة السمـا يـا أمينـه
سمـي ولـدك احمـد وحبـي يمينـه
وعيذيه بالله مـن حسـد حاسدينـه
(إنا سنجعل منـه مصبـاح للكـون)

هـذا النبـي الهاشـمـي الـنـزاري
فجرٍ سنا صبحـه يبـوج الغـداري
نـور النبـوه فـي محيـاه جــاري
مصباح أهل الأرض يا اهل الصنم عون

في يوم ميـلاده توفـوا هـل الفيـل
وكاهن هل البصره وكاهن هل النيـل
وشافوا هل الساحل طواقي هل الغيل
من نور وجهه والقمـر دون فـي دون

في مولده يا حسين من ضمن الايـات
من أبطن الاصنام يخرجـن الاصـوات
من هاتفـات الجـن وكـل آتـيٍ آت
ياللي تعاتـب عنـد دمّـون دمّـون

تقول_فاطم بنت عاص أمّ عثمـان_:
ليلـة ولادة أحمـدٍ شانـهـا شــان
يكاد نـورٍ منـه يذهـب بالاعيـان
وخفت الكواكب فوق راسي يطيحون

لا جيت الفه باللحاف انقلـب عنـه
كن الكواكب فـوق تبغـى تعاينـه
وصارت اواني البيت مثل الذهب منـه
وشفت الوسايد يزحفن له على هـون

يـا فاطمـه هـذا النبـي المسـمـى
باكر يجيك الصبح بـ(إقرأ) و (عمّـا)
أمـا مـن استكبـر فـ(نـارٌ) وأمّـا
من اهتـدى فيبشـر بتيـن وزيتـون

مـا جـا مـن سفـاحٍ ولا قالـه الله
جاء من نكاحٍ حسـب مـا سنـه الله
يوم العرب في ملكـة الشـرع قلـه
واغلب مناكحهم زنـا لـو يعـودون

هـذا بـن عبـدالله نسـل الأكـارم
والجد عبـد المطلـب إبـن هاشـم
ابـن منـاف ابـن قصـيّ المغـانـم
ابن كلاب الخيـر والخيـر مضمـون

وكلاب بن مره ومـره إبـن كعْـب
ابن لؤيّ الحرّ ابـن غالـب الصعْـب
وغالب إبن فهرٍ وفهـر مهـو لعْـب
وفهرٍ لقبـه قريـش ياللـي تعـدون

بن مالك بـن النضـر آبـن كنانـه
ابـن خزيمـة إبـن مـدرك زمانـه
اللـي ثنـى دون الضعينـه حصانـه
منه اهل وادي الحمض والخمض يخشون

ومدرك هو بن الياس بن عالي الشـان:
مُضر هو اول من حدا قدم الأظعـان
ابن نـزار ابـن معـدّ بـن عدنـان
وعدنان في اسماعيل بعد اربـع بطـون

ابـن براهيـم الخلـيـل بــن آزر
أهـل المقـام المرتضـى والمـيـازر
خلْ عنك حكي أولاد بطرس وعـازر
ما هم بحوله في الشرف لـو يطولـون

واتـرك يهـود الدونمـا والخـزريـا
لو حاولـوا بأصلـه يحولـون الأريـا
إن مـا سقينـا كلبهـم مـرّ شريـا
والا ترانا مثل ابـو الهـول ملعـون

ابـن الذبيحيـن احمـدٍ لـو تعالـوا
ياللي علـى جحـدة محمـد تمالـوا
تعالوا إلـى كلمـةٍ سـواءٍ تعـالـوا
وحاذور عن شمـس الحقيقـه تميلـون؟

يا اهل الكتـاب الله عطاكـم كتابـه
واسم محمـد فيـه مـا هـو تشابـه
ولا زال باقٍ عنـه بعض الكتابـة
غير اللـي اخفيتـوه عنـا وتـدرون

يـا ليتهـم جهالكـم بـسّ تـدري
باللي فعلوتـه أول الوقـت بـدري
ان كان قدني منكم اشفيـت صـدري
واظهرت باطلكم لكم لـو تروغـون

بأذكر بعض ما عندكـم عـن محمـد
في كتبكم يا اهل الصليـب المصمّـد
بتوراتكـم وانجيلكـم عـن تعمّـد
اخفيتوا اسم احمد مع اولاد صهيـون

اغواكم ابليـس بتحريـف الآيـات
كتمتـم الآيـات كتمـان الامـوات
ما مات شيء فات يـا ناقـد الـذات
الحـق باقـي منـه حلـق ولغنـون

يا اهل الكتاب اللي حرفتـم حروفـه
تحريفكـم خلـى عيونه بجـوفـه
وتزويركـم كـلٍّ بعينـه يشـوفـه
وشلون تخفونه عن النـاس وش لـون

احمـد عرفتـوه بعلامـات جسمـه
وبكتابكـم مذكـور بإسمـه ورسمـه
والخاتم اللـي بيـن الاكتـاف وسمـه
شفتوه شوف العين وش عـاد تبغـون

حـق البكوريـة كتمـتـوه عـنـاّ
وسقتوه لأنفسكم بـلا ذنـب منـا
غصـبٍ عليـنـا إنّ بـالأمـر (إنَّ)
وهذاالصحيح وقولوا اللـي تقولـون

يا أمة التـوراة واصحـاب الانجيـل
أحمد ذكـر فيهـا بـأدق التفاصيـل
يا مقرطسين الصبح فـي ظلمـة الليـل
أدلتـي جتكـم عساكـم تـوحّـون

في سفر (حجّي) من ثنيـنٍ لـسبعـه
جاء ذكر احمد واهل الاسـلام ربعـه
وفي لفظ (حمْدَهْ) فـي ثلاثيـن طبعـه
لكنكم عـن كفركـم مـا تتوبـون

وفي سفر (دنيالٍ) بسابع فصـل منـه
حلمٍ تحلم بـه وطـار الكـرى عنـه
حلـمٍ يـأول منـه ظاهـرْه باطنْـه
ما هو حكـي ولادةٍ وبـن زيـدون

يوم ايحلم (دنيـال) بأربـع عواصـف
في وجه بحـرٍ مـا يوصّفـه واصـف
موجه عليه اربـع وحـوش تراصـف
متساويات اعيون واظهـور وبطـون

ليـثٍ مجنـح مثـل مـا تذكرونـه
ودبًّ ثلاث ضلـوع حسبـة سنونـه
ونمـرٍ بأربـع أجنحـه تاصفـونـه
واربع رؤوسٍ بـلا كراعيـن ومتـون

ووحشً قرونـه أربـع فـوق راسـه
ثم يظهر الحادي عشـر مـع أساسـه
ويكسر ثلاث قرون مـن قـوّ باسـه
ويصير مثـل الآدمـي فـمّ وعيـون

وبالكفـر والالحـاد يبـدا يتـفـوه
تـوه بـدا وبغايـة الشـرك تــوه
قرنٍ براس الوحـش شكلـه مشـوه
كنه شرب من خمرة الـراس جالـون

وفجأة يجي الله فوق عرشٍ مـن النـور
عرشٍ سنا نـوره تقـل فـت بلّـور
قدمه يرى نهـرٍ مـن النـور منثـور
حوله ملائكـة السمـاوات يمشـون

ثم يفتحون الكتب مـن كـل خانـه
والوحش ابو قرون احترق في مكانـه
كله يمـوت الا هـك القـرن عانـه
يدعو خلفهم للكفـر ليـن يدعـون

يدعون من جات السحايـب تشيلـه
يمثـل أمـام الله ويرخـي شليـلـه
ويعطيه ملـكِ مـا يوصـف مثيلـه
وتخضع له الدنيا اجمـعٍ روس وقـرون

هو احمد الخاتم وهـو ابـن الانسـان
في لفظ (برناشا) لو انْ فيكـم اذهـان
وتفسيرها في كتبكـم خيـر برهـان
إنه محمـد , لـو تروحـون وتجـون

وما قال فيه اكبر كهنـة آل كلـدان
(دافيد بنجامين) قـسّ اهـل ايـران
اكبر دليـلٍ لـه يزوغـنّ الاذهـان
والا على ويش اهتدي هـو وخاتـون

قال :بن الانسان أحمدٍ ما تبـي شـو
روالقرن قسطنطين لآبـوه مـن ثـور
اللـي بـدا التثليـث دورا ورا دور
وصرتوا معـه باللـي ينـادي تنـادون

وابليس منكم لبّس اثنـا عشـر قـس
ثوب الخزى ما هو حريـرٍ وسنـدس
يا ليت فيكـم بـسّ مثـل المقوقـس
يحفـظ لسانـه مـن علـومٍ تجيبـون

وفي سفر (شعيا) فصل ثاني وعشريـن
صفة محمد مع هـل الخـف والقيـن
وجبال مكـه والحجـر والحجازيـن
لكنكم عـن مكركـم مـا تجـوزون

وفي سفر (عوبديا) وفي سفر (حزقيـل)
وفي سفر حبقوقٍ وفي سفر (صمويـل)
واربع طعش سفرٍ عدا كل مـا قيـل
فيها احمد مذكور بالشكـل واللـون

واما وفـي العهـد الجديـدُ لديهـم
فـي كتبهـم ألفيـن شاهـد عليهـم
وماجائنـا منهـم سيرجـع إليـهـم
وقسيسهم من أكله السحت مبطـون

في سفر (يوحنا) و (لوقـا) و (متّـى)
وفي سفر (مرقس) والروايـات شتّـى
عن احمدٍ مـا يثلـج الصـدر حتّـى
ينام طيـب حـال والوجـه ميمـون

أحمد هو الطفل اليتيـم اللـي اخفـوا
ذكره, وهم في عهدة الرب ما اوفـوا
لله طفـلٍ ساعـة النـصـر يعـفـو
طفـلٍ وهـو لمدوّرالعـون ماعـون

هاك اليتيم اللي على جانـب العـرش
مكتوبٍ اسمه بأمر من يحيـي الطـرش
منجي غريق الموج من عضة القـرش
فـي غبـةٍ سباحهـا مـا يعـومـون

وقولة (بحيرى) عنـه لأقـرب عمامـه
عـن شـأن طفـلٍ ظللتـه الغمامـه
عليـه شـاف مـن النبـوّة علامـه
وقال اجنبوا به من قبـل لا تضيعـون

اللي لقت فـي قربـه امـه حليمـه
غنيمـة يـا كبرهـا مـن غنيـمـة
وهي قبل قربـه لاش خيمـه وغيمـه
عيالهـا مـن شـدة الجـوع يبكـون

طفل ملائكـة السمـا فـي فـؤاده
حطوا له الثلجـه عـوض للسـواده
شقوا صديـره وهـو طفـل وعـاده
صغير ما يدري عـن اللـي يحطـون

هاك اليتيم اللي غشت وجهها الشمس
ومشاعره خطرٍ عليهـا مـن الهمـس
وبرغم ذا ما حشموها عـن اللمـس
لمسة رماح ابنا عمامه لـدى الكـون

وبالرغم مـن هـذا ترضـى عليهـم
وتحمـل اكبـر غلطـةٍ مـن بنيهـم
ولا طاوعه ضامـره يدعـي عليهـم
ولو دعى راحـوا كمـا راح قـارون

هـاك اليتيـم اللـي عيونـه تقاطـر
رحمـه لقومـه كالمـزون المـواطـر
لعيونهـم شـال الأذى والمخـاطـر
ما كنْ بلقبه مـن أذى سبهـم لـون

في ذمتي ما فـي انبيـا الـربّ مثلـه
شال الأذى من لابتـه وسـط حثلـه
حباً وهم بالشيـن كـلٍّ بعـث لـه
ورعٍ يضيق خاطـره كيـف يرضـون

يا ويل قلبـي كيـف يرضـون سبـه
ومثـل هـذا مـا تجـيـه المسـبّـه
للرحمـه انشـا حبّـةٍ فقـو حـبّـه
وخلى عجمها مع عربهـا يتخـاوون

ما به نبـي الا ودعـى بمـوت قومـه
وهو ما لقى ما قد لقى احمـد بقومـه
على كثر مـا شينـوا مـن علومـه
دعـى لهـم بالخيـر فيمـا يريـدون

آذوه في نفسـه وهـو مـا أذاهـم
يـا كثـر والله مـا تحمـل خطاهـم
إليـن ربـي لأجـل أحمـد هداهـم
لكنهـم جحـادة مــا يـوفـون

ربي من الرحمـه خلـق جسـم أحمـد
بثلجـةٍ فـي واقـر الصـدر تجمـد
منهـا عيـون مـدور الشـر ترمـد
لا سلـم الله عيـن نـاس يتعامـون

لبعثتـه يشهـد سـواد بـن قـارب
ومشـارق الايـام قبـل المـغـارب
وحمـر النجـوم كلابهـا والعقـارب
واسقف اهل نجران والكذب مركـون

وهرقل والعبد بـن نوفـل وعاتـك
والجن يا هاتـف خريـم بـن فاتـك
يـا مـدوّر جـرة بعيـرك وشاتـك
الخير قدمك في احمـدٍ سيـد الكـون

وعباس بـن مـرداس وراع النعامـه
وذباب بن حـارث وسـادن حرامـه
وشيخ الجزيره يـوم يكـد كلامـه
وقيصر وراع الأسكندريـه وقيمـون

وهذا مخيريـق اليهـودي شهـد لـه
وحبر اليهود بـن سـلام قعـد لـه
وعيضا وابن صـورٍ كنانـه وجعلـه
في النار يوم اجنب عن الحق مشحـون

في عصمته قد جاء ضمن الأحاديـث
ما ينجي السرحان من سطوة الليـث
وما يروي الظميان من ساقـي الغيـث
وما يوقد الجمره علـى راس غليـون

ربي عصمه من الحمايـا وابـو جهْـل
بمجرّد مـا هـو مجـرّد بنـي سهْـل
غضنفرٍ بيديه محض الصعـب سهْـل
عند المشاعر واهـل مكـه يراعـون

والله عصم عبده وهو داخـل الغـار
بالخيط خيـط العنكبـوت امّ عمـار
وانثى حمامٍ فرخهـا مـا بعـد طـار
وقريش حوله فـي الفـلاة يتعاشـون

وفي هجرته حاميه واليـه مـن قـرب
بالقرم ابن عمه علـي سيّـد العـرب
واعمى له ابصار الملاعين فـي الـدرب
عن جرته وقريشـه جنبـه يطوفـون

وابـو لهـب تبّـت يدينـه وتبّـت
حرمته يوم ان جمرة نارها منـه شبّـت
جت عند ابو بكر وهاجـت وسبّـت
ما تدري انه جنب ابو بكـر محصـون

سبحـان ربٍ عنـه اعمـى بصرهـا
وقريش عند الحجـر هـدت عفرهـا
وفي حجرهـا ربـي رماهـا بحجرهـا
شافوه واقفـوا جعلهـم مـا يثنـون

عطـاه ربـي هيبـةٍ فـي القلـوبـي
من روعها تـزول الأمـم والشعوبـي
ومنها تهـاوت كـل دولـه ولوبـي
هذي نبي الله وابـا الشيـن مشيـون

ومن نضر بـن الحارثـه ربـي انجـاه
في ثنيـة الحجـون يـوم الله اعمـاه
لين التراب مـن المهانـه مـلا فـاه
بأسود حيايـاً أقـرعٍ يـوم يلقـون

وربي حماه مـن ائتمـار بـن عثمـان
شيبه وهم بأسفل حنين أهـل سلفـان
بشوظ نارٍ من خـلاف آبـو سفيـان
كأنـه البـرق الـذي يستخيـلـون

وفي يوم أحد حلمه بكبـش الكتيبـه
وسهومهم من صوبـه ازرت تصيبـه
كما قال بن وقّـاص راعـي النجيبـه
حديث اعجب من حديـثٍ يحفظـون

ومن أهـل مكـه وحربـة سراقـة
ربـي عصمـه بـلا جـوادٍ وناقـه
ثـم بشـره بالخيـل تاطـا عـراقـه
وكنوز بابل مـن قواريـر وصحـون

هذا الذي قـال البـراء بـن عـازب
شفناه شوف العين ما هـوب كـاذب
يا اهل العروش الباذخـه والمواكـب
هذا حديث احمد والانـذال يخسـون

والله عصم عبده من الهيـس الاربـد
قيسٍ ومن راسٍ مثـل راس الاسـود
ابن الطفيل وكل مـن ضـاع ينشـد
سيفه بغمده واعـور العيـن مدهـون

حقـق دعـاه الله بجنـح المـلائـك
والوضع من مكر اعور العيـن شائـك
والمؤمنيـن أحيـاء فـوق الأرائـك
ولو شفتهم فـوق الأسنـه يموتـون

والله عصم عبـده مـن اولاد مخـزوم
وابن المغيره بأملـح السيـف ملطـوم
يوم الكلاب استنهضت كنهـا البـوم
احمد هو القايـم وهـم مـا يقومـون

ومن مرتزق قومٍ تجهّـز مـع قريـش
ربى عصم عبده من الخيـل والجيـش
اقفى كما ذايـر نعـامٍ مـع الحيـش
خبلٍ يحسب ان الوغى فلـم كرتـون

وعلى يهود الغـدر ابنـا النضيـري
ربي نصـر عبـده ونعـم النصيـري
اهـل الجـدار الله عليهـم بصيـري
وجدارهم جا فوقهـم قبـل يرقـون

وربي عصم عبده مـن يهـود خيبـر
لـو انهـم مثـل البراغيـث واكثـر
ولو شاتهم مـن سمهـا حلوهـا مـر
اهل المكر في مكرهـم مـا يسـرون

وفي القبة الحمرا بقول ابـن الاكـوع
راع الفرس سيفـه بكفـه تسلـوع
يسقيك يا راع الخنـا كـاس خـروع
لو كان بأيدك مرهف الحـد مسنـون

ومـن بنـي ميـة قبـل يسلمـونـي
ربـي عصـم عبـده بتـوده وهونـي
يوم اصبحوا مـن هولهـا يركضونـي
دون الصفا من خوفهـم مـا يثـارون

ومن غدر ابو سفيـان هـو وبدويـه
الله حفـظ لـك يالبـريـه نبـيـه
ربـي حمـاه وصـاحـت الهاشمـيـه
لشوفة اللي شوفتـه تطـرب النـون

ومن الشجـاع معمـر بـن يزيـدي
ربـي حمـاه وكـل صايـح يهيـدي
جاله على رمضـا حصاهـا فديـدي
وقومه معه من روعهـم مـا يلـدون

ومنافقيـن القـوم غـزوة تبـوكـي
في رقة مـا بيـن عوشـز وشوكـي
اقفى فحلهم مـن وحمهـا يكوكـي
يوم ان حذيفـه والصحابـه يسالـون

والله عصمـه مـن الهـوام وعملهـا
ومن السباع وما دنـى مـن اجلهـا
ومـن السبايـا يـوم تركـز سبلهـا
من روحوا من ضربهـا مـا يعـودون

وعـن دعاواتـه وسرعـة لإجـابـه
ربـي عطـاه مـن الدعـا والمهابـه
ما لو درابـه ثعلـبٍ وسـط غابـه
جا لأجل يدعي له على كل محيون

منهـا دعـاؤه للكـرام آل جعفـر
اهل الحراب الحمـر رمـح ومغفـر
يوم ازدحام النـاس والقـاع يصفـر
اضحو من المـال اغنيـاءٍ بـلا لـون

ومنها دعـاؤه للجريـر بـن عبـده
ودعاه للـي صلفـط الجـوع كبـده
ولا بن زيد وملحـة القـول زبـده
بدعا رسوله صار قاضـي وملسـون

ومنها دعاؤه لابن ابـي طالـب الفـذ
علي وهو لا ضاقـت النفـس منقـذ
قال اللهم اجعلهُ على الحـق جهبـذ
الين صـار اقضـى قضـاة يعدلـون

ويوم ان علي امتد طول الوجـع بـه
سهّل دعاؤه كـل عسـره وصعبـه
واشتد فـي قلـب المعاديـن رعبـه
الين صار اسطى هل السيف شامـون

واصبحت علي لا ضيقت قائد الحـرد
واصبح خلاصة سادة السرد والشـرد
وعنه اذهب الله وعكة الحـر والبـرد
ابا الحسن به فـي الحـروب يتتقـون

وفي دعوته للعبد أنـس بـن مالـك
بالمال مـع كثـر الولـد والمسالـك
يـروي لنـا التاريـخ تأكيـد ذلـك
حسبي على مـن للحقايـق يكنـون

ولا بن هشام بـل وزوجتـه زينـب
من فقرهم كانوا على كـور جنـدب
وصار بيديهم مجدب الأرض مخصـب
بيديهم الدرهم غـدا اليـوم مليـون

وللحر بن عوف بساعـة دعـى لـه
حدر العياله يـوم تبكـي عيـالـه
اغنـت يمينـه بالدراهـم شمـالـه
واصبح على بيت من الفقـر مامـون

ومنها الثنيـن اللـي تفـرّق ظعنهـم
بدعا رسولـه عـودوا فـي وطنهـم
روت لنـا الأخبـار منهـم وعنهـم
سوالفٍ يسعد لهـا كـل مشحـون

واللي من الانصـار يطلـب حرامـه
كمـا روى فـي قولـه آبـو امامـه
خلاه مـن أهـل التقـى والامامـه
وعاف الزنا واللـي عليـه يتلاقـون

وسهم سعد مـا يخطـي الـراس لله
وأويس ما تخطـي أبـد دعـوةٍ لـه
ولعمروٍ بـن الحمـق فـي شبـةٍ لـه
ما شيف شيبـه ليـن مـرت ثمانـون

وللعود ابو طلحـه وزوجتـه أيضـا
مـات الغـلام ورايـة الحـق بيضـا
واصبح لهم مع غيضة القيـظ فيضـا
ويبشـرون بتسعـةٍ مـا يحـاكـون

ولابـن قيـس يـوم كـدر مزاجـه
طول المرض ما احدٍ قدر فـي علاجـه
بدعـا رسـول الله تبهلـل حجاجـه
وقمز كما الضرغام مـا منـه مخبـون

ونابغ بني جعده بساعـة دعـى لـه
من شان قـافٍ حـزة العصـر قالـه
ما طـاح سـنٍ منـه بايـات حالـه
وعمره على المائة سنـه زاد عشـرو
ن
وابو هريره صار احفظ هـل الحفـظ
قدره رفعه الله عـن الجـر والخفـض
ما همنا مـا يزعمونـه هـل الرفـض
واسلافهم تشهد لابن دوس مـن دون

ومنها دعـاؤه للزبيـب بـن ثعلـب
والشاهد آبن عمرو سمـره وأغلـب
اهل السريـه بيـن حالـب ومحلـب
حسامه اقـوى ضـرب ممـا يظنون

وعـن ام ابـان بنـت وازع وابيهـا
عن جدها الواقف وشاهدهـا اخيهـا
يوم ابنها اصبـح مـن نـوادر بنيهـا
من عقب ما هو قبل ساعـات مجنـون

وللقرم ابو حفـص دعـى بالشهـاده
لين الله اعلـى فـي الخلايـق عمـاده
من رمـح ابـو لولـو شهيـد وزاده
حب الرسول ومنكر الحـق ملعـون

ومنهـا دعـاؤه للعمـى فـي نظيـره
يوم اشهـب الايـام أعمـى بصيـره
شاف الصغيـره والوسـط والكبيـره
بدعا الرسول يشوف ما لا يشوفـون

وبن ضمـرةٍ ثعلـبٍ بقـولٍ يقولـه
الله حمـى روحـه بدعـوة رسـولـه
كم فوق سـرج عبيّتـه دش ضولـه
ويسلم وغيره فـي غسقهـا يصابـون

ومصعب ولد شيبه روى عـن أبيهـي
خاف ان هوازن تغلب ابنـا أخيهـي
دون الرسول اصبح سوات البليهـي
فزعه فقط, ما هو بالاسـلام مفتـون

وبدعـا رسـول الله بوقعـة حنينـي
جا للرسول اقـرب مـن الاقربينـي
مسلـم عقيـدة كنـه المسلميـنـي
ما هو من اللي للرسـول يتعـدوون

ولا بن حنيفٍ سهل من عيـن اصابتـه
من اعين الخلـق الله اشفـى ذؤابتـه
بدعا رسـول الله مـا عـاد شابتـه
عيونهـم لـو كلهـم لـه يعينـون

وفـي دعـاه لمـازن بـن العضوبـه
ومازن عليهم مـن صنمهـم عقوبـة
عقب الطرب وملاعبـه كـلْ لعوبـه
غير آي ربـه مـا سمـع مـا يغنـون

وعثمان بن العـاص فيمـا رووا لـه
نهـار ينسـى كـل شـيء يقـولـه
رجـع لـه الله ذاكرتـه محمـولـه
ما عـاد ينسـى والمخاليـق ينسـون

وبدعاه بن رواحـه ارتـاح ضرسـه
والبارقي عروه ومـن مـات غرسـه
ولزيد بـن ثابـت يراعـه وطرسـه
صاروا من الصحه على راس صعنـون

ولعتبـةٍ فـي فتـح مكـه ومعتـب
أمرٍ له اقصـى خاثـر الـدمّ يلتـب
عن معجزاته لـو بنكتـب ونكتـب
والله فلا نملـى مـن البيـر جالـون

وما قاله الفضـل بـن عبـاس عنـه
أن الجبـان بدعوتـه صـار جُنـه
بيـن الأسـنـه دايــمٍ والأعـنـه
ومبطي يموت ان شاف قـومٍ يغيـرون

ومنهـا دعـاؤه للصحابـي حذيفـه
وعلى هـل الـرده بـوادي حنيفـه
ولشعاب يثرب ليـن صـارت مريفـه
من دعوته ناش الحيا اوراق وغصـون

ومهرة جعيل الأشجعي مـن فلاهـا
بدعـا رسولـه بــارك الله نمـاهـا
وبثنا عشـر ألـفٍ وألـفٍ سواهـا
بيعت وهي قبل اقصر الخيـل عرنـون

ولا بـن قرفـه وابـو عـزه وغيـره
وللوليـد الثـانـي بــن المغـيـره
بدعاه صار اللي شكـوا منـه خيـره
والحنظله صارت مـن الخيـر ليمـون

وعن ابن مخمر إبـن عـمّ النجاشـي
ساعة غدت نوقـه ومعهـا المواشـي
بدعـاه عـادت جلهـا والحواشـي
واحيى عليهـا الله رجـال يشـدون

وعن قتلة الساحر وعن فعل جنـدب
أخبر وهندب يا ابيض القلب هنـدب
من سور بغـداد الـى بـاب منـدب
بدعاه مشيون امس هاليـوم مزيـون

وعن بن عنفـوة الشقـي وارتـداده
اخبر وعن راعـي الجمـل والمـزاده
وعن وقعـة الحـره وعـام الرمـاده
اخبر هلـه واللـي عليـه يتواصـون

وإبـن سلمـه عامـرٍ مـن دعـاؤهخ
لـى ثمـام ابـن أثــالٍ ورائــه
بأبيض حسـام مـا تدنـس نسائـه
راحوا منه مثـل السكـارى يهيمـون

ودعـاه أن لا تعبـد النـاس قـبـره
ولوفد بن مره عقـب طـال صبـره
يوم الظما يقصر مـن الكـف شبـره
اخضر ورقهـم والسحايـب يهلـون

ودعا رسـول الله لزوجـة جليبيـب
يوم انها من جورهـا شقـت الجيـب
يوم المنايـا تخطـي العبـد وتصيـب
يحيـى جليبيـب وغيـره يمـوتـون

وبدعاه مزق ربنـا عـرش كسـرى
وتخاطفتـه البيـن يمنـى ويـسـرى
وبدعوته يصبح مـع العسـر يسـرا
ويصيـر للعوصـا ملحـى وعثنـون

وعلى أهل مكـه بدعوتـه بالقحـط
ما منهم اللي ما شحطه الفقر شحـط
تسمع لسوط الوقت في وجيههم محـط
ومنهم لحق كرباجه كتـوف ومتـون

وعلـى أبـي رثـوان عاقـر تميمـي
يوم انه اعـرض راحـلٍ مـا يقيمـي
اصبـح مـع الايـام مثـل الهتيمـي
بقعـا تغنـي لـه بدلعـون دلعـون

ثم مكنـه ربـه مـن العبـد نبهـان
واخبر قبل عن حال زيد بن صوحـان
وعن كمّ شيطانٍ لبس ثـوب إنسـان
قال لمعـاذٍ وابـن صخـر يتحـرون

ونويفـل بـن خويلـدٍ مـن دعـاءه
نجـى ولا ينجـى دعـاء ســواءه
وابـن معيـط عقبـةٍ مـن هجـاؤه
ما صاد خير وراح في الوقت مديـون

وفي بن قمئـة وابـن وقـاص عتبـه
دعاه صار وكـل حـيّ شمـت بـه
وما روّحت به سود الايام جـت بـه
في بيضهـا للنـاس مهمـا يكونـون

وعلى قشير في حديـث بـن حيـده
ربي جعله من الدهـر يقلـب ايـده
سيفه ولو هو مـن حديـده جريـده
من دعوته اقبل من العجـز موهـون

وعلـى عتيبـه سلـط الله اســوده
في صحصحٍ بيضه تجي مثـل سـوده
بدعا رسولـه يـوم نامـوا جنـوده
تناوشتـه سباعهـا يـوم يغـفـون

وعلى الشقـي محلـم آبـن جثامـه
قامت طيـور الجـو تنهـش عظامـه
هـذا جـزا مـن لا يثمـن كلامـه
عن عنتر ما اغنى ولا شـيء شيبـون

ومنهـا دعـاه لخيثمـه بالشـهـاده
وعكل وعرينه عقب ما هم بـسـاده
اضحوا عبيد شلوهـم فـي الحمـاده
تلعب به العقبـان لعـب ام ميسـون

ومنها دعاه لـذروة المجـد الاشـرف
في قتلة الملعون كعـب بـن أشـرف
اللي بهت اصحابـه الغـر واسـرف
لين اقتفى راسه من السيـف شاطـون

ومنهـا دعـاه لثابـت فـي رجولـه
عقب العرج يقمـز بهـا فـي ذلولـه
وبنت الخطيم الذيب منها رمـوا لـهك
راع ثـم ذراع وجنـوب ومتـون

ومعاويه ذو الـراي والـراي فطنـه
دعـى بـأن لا يشبـع الله بطـنـه
وابن الجموح ولو على العيـن قطنـه
بدعـاه صـار أول شهيـدٍ يطـرون

وتلـك العجـوز سبيعـه الاسلميـه
راحت سبب دعوتـه قـش صلبيـه
وابـن سنـان رافــعٍ والصبـيـه
وقيلـة بنـي شيبـان يالـلي تعرفـون

والآن ندخـل فـي ذكـر معجزاتـه
باللي حصل منها وهـو فـي حياتـه
وباللي لقينـا عقـب ساعـة وفاتـه
بالحـق مـا للحـق بـاب وكيلـون

الشمس تحبس له على شـان فرضـه
والجذع له حنْ قبل تاكلـه الارضـه
وصار العسيب حسام طوله وعرضـه
ومصباحهم يوم السرى عود عرجـون

وانشق له وجه القمر في السما فـوق
نصفين كالغرنوق في وجـه غرنـوق
بعثته والساعه كمـا العنـق والطـوق
راعي المقـام اللـي مقامـه يغبطـون

اسرى به الله يم الاقصـى مـن ادنـى
واصبح عن الربْ قاب قوسين وادنـى
لـو فيـه قلنـا ثـم عدنـا وزدنـا
من بعض حقه مـا عطينـاه عربـون

اللي وقف عن سدرة المنتهـى خلـف
ما خاشره في ذاك واحـد ولا ألـف
عند احتدام القاع من وابـل الشلـف
له معجزاتٍ تذهـل اللـي يراعـون

سبح بسم ربه وهو لـم يـزل طفـلي
سوع بشر به وموسـى وذوالكفـل
في البيت الاقصى صار للأنبيـا حفـل
ساعة لفاهم وهْـم خلفـه يصلـون

من شانه الأبكم نطـق مـع لسانـه:
إنه رسـول, وجاهـل فـي الحضانـه
ناغـاه مصبـاح القمـر فـي مكانـه
في المهد واعمامـه لشوفـه يويقـون

كم راهـب شـاف الغمامـه تظلـه
والناس عـز القيـظ والقيـظ علـه
طفل حبيبـات الحصـى سبحـن لـه
ما هـي خرافـة أو علـومٍ يجيبـون

اسم لقتـه قريـش فـوق المقامـي
منقـوش نقـش اغريقهـا للرخامـي
وعصاة ابو عبس انورت في الظلامـي
من نور احمـد أنـورت لونهـا لـون

وابن الحضير اسيد اضـاءت عصاتـه
واضاءت اصابـع حمـزةٍ فـي فلاتـه
والليل مـن فوقـه مضفـي عباتـه
كل اصبع خطرٍ بـه النـاس يسـرون

ورمياته اللي تصيـب دايـم هدفهـا
يوم السيـوف مـن العلابـي علفهـا
كم صخره بإيـده تزعـزع صلفهـا
ثابت وهـم مثـل النعـام يتعـادون

وجبـل ثبيـر يـوم حـرك سكونـه
مشيه بحـرف منـه زلـزل ركونـه
وحرا وأحد كل لـه ارخـى متونـه
له من عظيم الوجد خطرات يمشـون

والسدره اللي مرهـا وافتحـت لـه
والشجره اللي في الطريق اسجدت له
مانيب الوم الشجره اللي عـدت لـه
وكل كائنات الأرض لو جوه يسعـون

يا ظبية فـي وادي الـراك صاحـت
بسم احمد من وجدهـا ليـن طاحـت
ولجفرها راحت وجت عقب راحـت
باحمـد ولا مثـل احمـد لـو يمـارون

له من ملائكـة السمـاوات عـزوه
قاموا معه في حـول عشريـن غـزوه
وكم من طعين به من الرمـح نـزوه
بإيـده لمسـه وراح ماتقـل مطعـون

وبكا الجمل والحجـر ساعـة يسلـم
عليه واغصـان الشجـر لـه تكلـم
اكرم نبي له في سمـا العـرش سلـم
واهل الصليب اللـي تسبـه يعقبـون

شهـد لـه الجنـي بنـور النـبـوة
واسـلام ابـو ذر بمـا قـد تـفـوه
واشفاء كـفٍّ لابـو بكـر ٍ تشـوه
من لدغ ديبان لـدى الغـار يدبـون

وسدّانة الكعبـة بنـي شيبـة الحمـد
بدعاه صاروا هم وهي سيف في غمـد
مفتاحها بيدنهـم عمـد عـن عمـد
الين خلق الله على الحـوض يـردون

يرى بعينه كـل مـا لا يـرى الغيـر
وصوته بلغ ما لا بلغ في الفضا الطيـر
بايدينه احيي حول خمسة عشـر بيـر
ماهن قراح عذب ماهـوب ماسـون

مماتـه اوقــظ نـومـة النايميـنـا
واهـل القـبـور وروّع الغافليـنـا
وناحت عليه النوق فـي طـور سينـا
وكل الملائـك بأحمـدٍ جـو يعـزون

ومن معجزاته صـاد هـي والمعـارج
واخباره بقتلة علي للخـوارج
وذكر بعض ما غـاب دارج وعـارج
فيما اطلعه ربه مـن الغيـب بعيـون

ومن معجزاته فـي حديـث الذبابـه
ما اثبت العلم وعجـز عـن جوابـه
كـل كافـر مـا ينتـداوى صوابـه
لا القول معقول ولا الهـرج مـوزون

عن فتحنا المقـدس وبلـدان فـارس
اخبر وفتح الشام فـي شهـر مـارس
من عاد يجحدها وان ابن آبـو فـارس
شيء حصل كل العرب لـه يعيشـون

وعن فتح مصـر واليمـن والمدائـن
اخبر ومـا قالـه هـو اليـوم كائـن
ياكـم مررناهـن صباحـاً مـسـاءً
من غيـر مـن فيهـا عشـاءً يمـرون

أخبـر بنيـة خمـة مــن جهيـنـة
وما حكى حاطـب بسـوق الظعينـه
وبمـا نـووه اصحـاب مكـه بحينـه
وحلت صلاة الخوف ساعـة يخافـون

وعن الشقي قزمان يـوم القتـر ثـار
اخبر بأنـه رغـم فزعتـه فـي النـار
وفعلا قتل نفسه على اتفه سبب صـار
يالله دخيلـك مـن رجـال يخـورون

وعن ابن الاكوع عامر سيـد القـوم
أخبـر بأنـه ميـت ذلـك الـيـوم
وفعلا غدا في ذلـك اليـوم مرحـوم
يـا عـل قبـره روض وردٍ وينسـون

وعن اهل موته وخيـرة مـن قرابتـه
أخبـر بموتتهـم أجلـة صحابـتـه
وعن من استشهد وهـو فـي جنابتـه
اخبر وعن من فـي بحرهـا بيغرقـون

عمر الخلافـه يـا حسيـن الحقيقـي
احصاه في عشـر وعشـر بالطريقـي
مع عشر فيها يصيـر مـا لا يليقـي
يـا فتنـةٍ اطرافهـا مـا يسـبـون

وهيي خلافـة الاربـعـه الطاهـريـني
عمر وابو بكـر وعلـي نـور عينـي
وعثمـان بـن عفـان نـاد الجبينـي
بطيبهـم لازالـوا النـاس يحـكـون

وعن هلاك ثنيـن مـن جملـة النـاس
بسبة علي اخبـر علـي مـن الـراس
اللـي يسبونـه وهـم ارذل النـاس
واللي تقدس لـه وهـم مثلهـم دون

ياللي تسب حسيـن وتسب ابـو بكـر
ثنينهـم منـا لـه الحمـد والشكـر
لكنكـم نـاس بهايـم واهـل مكـر
فـي الجاهليـه كنكـم لا تـزالـون

خلوا كـلام اهـل العبـي والعمايـم
واستذكروا التاريخ مـا انتـم بهايـم
اهل العمـم خلـوا نساكـم غنايـم
واهل العبي للكره والبغـض يدعـون

واحد يكفر يحسب الدين حقه
وواحد عطى بعض البشر فوق حقه
مالي مع الاثنين زمل وحقه
ماغير دايم في بعضهم يسبون

وعن الحسـن واصلاحهـا الفرقتيـ
ناخبـر وانه خيـرهـم أجمعيـنـي
عن قتلهـم فـي كربـلا للحسينـي
اخبر واخبـر عـن مزقـرة الافيـون

وعـن ثنيـن مـن ثقيـف بالاذكـار
هـذاك كـذاب وهـذاك جـبـار
مختارهـم غـار وحجاجهـم نــار
وثنينهـم فـي النـار فيمـا يعـدون

ويوم رقاب العيـس مثـل العسـاوه
وعيون اهـل مكـه عليهـا غشـاوه
انـزل عليهـم مـن إلاهـه تـلاوه
آي بهـا كـل المخاليـق يـقـرون

آي تعجـز كـل كاتـب وشاعـر
تذهل عقول اهـل البقـر والأباعـر
قرآنـه المقـروء عـنـد المشـاعـر
دلاائل الاعجـاز بـه لـو تـأنـون

يشفي من الوسواس من ظنهـم ظـن
واللي سدح راسه على يابـس الشـن
ويشفى به اللي فيه مـس مـن الجـن
تلاوته تذهـب حـزم كـل محـزون

ستر من اهل السحر واهـل الكهانـه
واهل السيوف الغشم واهل البطانـه
واهل العيون الشهب واهـل اللعانـه
والحسد واهل الحسد واللي يكيـدون

هـذا نـبـي الله زيــن الـمـواري
اكـرم عبـاد الله طريـا وطــاري
تبكي عليـه وحوشهـا والضـواري
وفيه اهل صنعا لأهل بصرى يعـزون

اشرف شريفٍ عاش فـوق البسيطـه
في الوقـع المؤالـم ووسـط الخريطـه
عليه ثوبي بأحمر الدمع اخيطـه
حسبي على من لابن هاشـم يسيئـون

هذا محمـد سيـد الإنـس والجـان
واخير من عاشوا على الارض من دان
منقذ بني الانسان من ظلـم الانسـان
والجن مـن فضلـه عليهـم يحجـون

اكرم بنـي الانسـان جـدٍّ ووالـد
وذكره مدام الناس حييـن خالـد
ولا يسبـه الا ضايعـيـن المتـالـد
رباتة الخنزير وابليـس ملعـون
اختصـه الله بالرسـالـه وزكــاه
ليـثٍ كـأن البـدر طلعـة محـيـاه
أنقذ هل الناقه وأنقـذ هـل الشـاه
وحثالةٍ من حـول الاصنـام يومون

يا شيب عيني كيـف مثلـه يعـادى
ويا كيف مثله في الوعر مـا يشـادى
وكيف بن عم القرد كيـف يتمـاد
في سبه احمد قدمنا يـا هـل الشـون

هـاك النبـي الله يـكـرم مقـامـه
راع المـقـام المنتظر والمقـامـه
يا عابـد الخنزيـر مـا مـن كرامـه
ملعون واللي مـا يعاديـك ملعـون

وسبـك لأحمـد مـا ينـزل سمـوه
يرفع مقامـه وانـت مثـل المشـوه
احمـد يعرفـه فيكـم اهـل المـروه
والا انت ما تسوى ثمن كيس صابـون

يبقى محمد فوق مـن فوقكـم فـوق
والعود باباكم من الضيـم مصفـوق
حاخام خلاكم لكـل شيـن رقـروق
لا هـز راسـه معـه قمتـم تهـزون

هـذا نهايـة أول الـلـي كتبـتـه
في سيرة أطهـر سائـر الخلـق نبتـه
واللي غدت به سود الايام جـت بـه
لا ابو رياجيـل عـن الحـق ينحـون

أبديت مـا أملـى ضميـري عليـه
فـي اول بيـوت السيـرة الهاشمـيـة
الله يجازيـنـي بشفـاعـة نـبـيـه
لامي ولي وابـوي فـي يـوم يلفـون

يا كثر ما قصـرت فـي حـق ربـي
طرد الهوى عن درب ربي لعـب بـي
مالـي سـوى ربـي ولا غيـر ربـي
ينجيني اليا صرت للمـوت مرهـون

يا كثـر مـن ملـوا مقابـل بهيجـه
وغيـدا وصافينـاز مـدري خديجـه
وملـوا كثـر سجاتهـم يـا فريجـه
من باب بلقيس إلـى سـور سيمـون

هـذا كـلام قلـت فيمـا اريـدي
وان كان انا زليت ما هـوب بإيـدي
ماني مـورخ كـل حكيـه وكيـدي
مانيب ابن خاقان والا بـن خلـدون

وصلى الله الوالى علـى احمـد وآلـه
اهـل العلـوم الطاهـره والشكالـه
عـداد مـا تمطـر سحايـب خيالـه
وعداد من فـي بيـت ربـي يلبـون




اختار اخت من طاع الله

ولازال للشعر بقية



يقول خالد الذيابي



كل ما ناظرت بعيونك يجيني = من بلا الاشواق شيٍ يعتريني
كن بعيونك جيوشٍ مستبده= باطشه تمشي بخطة موسليني
أشعل الاشواق في وصلك فديتك = أبك قلبي معك يالدر الثميني
كيف أخذته من ورا حدب المحاني = لين صرت أحس به بينك وبيني
العيون الذابله تفعل بلاوي = وأنت عينك في بحرها تحتويني
شف هدبها كيف بالاحكام جاير = كنه يخيرك بإحدي حاجتيني
ياتعيش العمر مجروحٍ سببها = والله لتبطي وجرحك ما يزيني
أو تجر الصوت بأسباب النواعس = تكتب المسحوب وتجر الهجيني
الوكاد أني سببها رحت فيها = كنها للضيم والقتل تحديني
ساعةٍ تقول للاحساس قرّب = وساعةٍ تقول كنها ما تبيني
يالطيف الروح خاف الله فيه = لاتهور خابرك عقلك رزيني
دامك اللي ساكنٍ عيني وقلبي = وش ورا مسكنك في قلبي وعيني
أن بغيت أنصفك بإحساس المشاعر = يقصر الاحساس يابهجة سنيني
والقصيد يضيع بأسبابك ولكن = حط كفك لو تكرم في يديني
خل كفيني علي كفك تكلم = خلها تنبيك عن شعلة حنيني
وعن كثير الهرج أبغرق وسط عينك = وأستمح منها فقط في كلمتيني
أنت مجرم بالغياب وبالتواصل = والدليل أنظر لحالي مبتليني
ما يطفي لوعتي لحظة وصولك = غير ضمك من يساري لايميني
ويش أسوي دامني مخنوق وانته = عاطر انفاسك بها كل اكسجيني
كنت أضمك في خيالي قبل أشوفك = وصرت أشوفك وأتخيل ما تجيني
طالبك بسم المحبه ياحبيبي = لاتغيب أرجوك خاف الله فيني



اختار خالد السويكت

المشاركة الأصلية كتبت بواسطة خالد السويكت

[POEM="font="Arial,5,firebrick,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] ابكي على خلٍٍ بكى حب غيري=واعشق حبيبٍٍ حب له شخص ثاني
اللي هويته ماانكتب في مصيري=واللي بكيته للأسف مابكاني
ياليت قلبي ميتٍٍ مع ظميري=ماكان قلبي للمهالك خذاني
والا ياليت القلب صلف وبصيري=على الاقل ماكان حبه عماني
ياناس انا حالي عجيب وخطيري=مومن واعود للجحر لا كواني
فالعشق انا دكتور عشق وخبيري=اداوي اللي من فراغه يعاني
وفاللعب لا والله قلبي صغيري=اللعبه ان حلت تلخبط كياني
اليا عشقت اموت وافدى عشيري=واقول شفني في حناياك كاني
واليا هويت آتوق واقطع جريري=واحط في عيني سهيل اليماني
ارقى بعشقي كل راسٍٍ عسيري=واقول لاحباب المظاهر تراني
فالقمه العليا مطبق خفيري=حياالله اللي لجل شخصي بغاني
ودي اعرف اكره واداوي مريري=بس البلا ان صدقي فكذبه رماني
ودي اعرف احقر غرامٍٍ حقيري=ودي اعرف انسى حبيبٍٍ نساني
بس البلا ان ما كل مطلب يصيري=وماكل شخصٍٍ لا هويته هواني
كني انا وخلي مثل ((توم و جيري))= ابيه.....رغم ان الظروف تحداني
اللي كتبته في جداول مسيري=كتب حبيبه وبسهوله محاني
استاهل اللي ماسمعت الشويري=ان اتظايق من غرامه واعاني
مادامني حبيت من حب غيري=ماني متعجب لاهوى شخص ثاني[/POEM]

وسلامتكم

نبي لصاحبة الفكره

الرائعه / دارين !


..
.

من إبداعات / دارين

المشاركة الأصلية كتبت بواسطة دارين

قصيدة اتمنى ان تقبلوها .. لتصل لقلوبكم ..و تحظى برضاكم ..


[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يضحك عليّ الحب والله حسيبه = من هقوة الخاطر و بعد الحبايب
ما ضرني كثر الجروح العطيبه = دفنتها وضلوع صدري نصايب
ماغير جرحه حي محدٍ دري به = الجرح غاير بس ناره لهايب
والقلب يشرب من عذابه غصيبه = معتاد طعم الكايده فـالنوايب
اصبر على الزلات حبا و طيبه = مابه حبيبٍ مادفع له ضرايب
ابعد هواجيس الظنون المريبه = والظن تايه بين مخطي وصايب
اضحك على نفسي وحالي صعيبه = دمعي مطر والعين سود السحايب
اقول ياقلبي ( نسى ) ..وش تبي به = اترك وهم دنياه .. شد الركايب
ماعاد تنفع ( ليت ربي يجيبه = ويمد لي من ظل عذره سبايب )
زايمت حظي بعد ماقنع نصيبه = قال الرجا مقطوع حبله و خايب
ياليت مابه لا حبيب وحبيبه = لو الهوى جلاب كرب ومصايب
وش صار لو اني فقدته ..؟ مصيبه..؟= قبله فقدت اخوان واهل وقرايب
لو يدري الغايب عواقب مغيبه = ماكان لين الحين مبطي و غايب
لو فاز قلبي في هوى يانصيبه = كان الهوى سداد وقت النشايب
اثر الغرام اللي كواني لهيبه = ما جاب لي غير الشقا والطلايب
خلاص عفته كثر صدّه و عيبه= القلب من عشق المقفين تايب
[/POEM]

نبي لــ عفاس بن حرباش

من قصائد الشاعر
عفاس بن حرباش

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
مافاد شور العباد ولاتفيد الدموع = في ساعتن طعت نفسي لين دهويتها
دورت درب الرجوع ولاحصلي رجوع= من حيرة الوضع نفسي كاثرن ليتها
يوم اذكر السالفه قلبي يهز الضلوع =يبغى يفارق.. وهاذي قد تمنيتها
ماعاد يقبل وجوده عقب ذل الخضوع =والنفس ماعاد ترضى لو ترضيتها
واحالي الي تردى عقب نطح الجموع=وش صار حالي وحالك بعد ماخطيتها...؟
الفرصه الي سناها غير ضوء الشموع =قمة طموحي ولاكن ماتماديتها
سجيت رجلي عدال وصار دربي قطوع =مافاد رجلي تعبها يوم سجيتها
واليوم همي صلاتي واكتمال الخشوع=والله يقبل صلاتي يوم صليتها
وان كان جا فالخميس الي بغيته ربوع=قلت اله فرصه سعيده ثم خليتها
وش عاد تنفع دروعك يوم جبت الدروع..؟ =طعنات وقتي بقلبي ماتناسيتها[/poem]بغيت للشاعر . عوض ابوفقايا

وهذي من روائع عــوض

المشاركة الأصلية كتبت بواسطة عوض ابو فقايا

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] بسم الله الرحمن الرحيم

السلام عليكم ومبارك عليكم الشهر وكل عام والجميع بالف خير

ياهادي اليامي وياعبدربه=ياسامعين الصوت من غير ترتيب
سلام ماهب الهبوب بمهبه=لاهل السلوم الوافيه والمواجيب
وسلام ياصرح عسير مذبه=من خاطرٍ مايعرف الشك والريب
جات الوصاه وجيت اربه واربه=ياتي مجيي طيب يامنقع الطيب
شبحي على صوت المنادي تنبه=من حشمة اللي يرسلون المناديب
ماغبت يوم اغيب من دون سبه=لاوالله الا من ظروف وتسابيب
ولو نفرض ان طول البطا له مغبه=سهيل وهو سهيل لو يطلع يغيب
وحتى ولو غبنا وغابوا الاحبه=تبقى الموارد صافيات المشاريب
مانختلف على النقا والمحبه=لو نختلف في طرحنا والاساليب
وحنا ضيوف اللي كرمهم مصبه=مصب نهر النيل فعل وتراحيب
محلهم من يوم قمنا نربه=من طيبهم صرنا ضيوف ومعازيب
عوايد لاهل الوفا مستحبه=مواهب في الناس من عالم الغيب
واللي لوافين الطبوع إيتشبه=يبي يشرف عاليات المراقيب
إليا قسى وجه الزمن نص حبه=يفرق نباح الكلب عن عوية الذيب
الطبع في الانسان ماهوب جبه=يلبس ويخلع مثل خلع الجلابيب
يابو عتيق اوضاعنا مستتبه=إلا انه قد جا في الليالي تجاريب
وانتوا وحنا من نوانا نجبه=ولارمينا بالرصاص المكاذيب
اذنت يوم اذنت في راس قبه=وانا رجمت ابو لهب رجمة مصيب
اقولها من غير زود ومسبه=لاعند اجانيب ولاعند اصاحيب
وان اعترض لي في طريقي مطبه=ماللمطبه غير تعشيقة الجيب
الشعر بحر له سواحل وغبه=هذاك ويش يجيب هذا وش إيجيب
والادمي لوجاد من جود ربه=لايحسب انه قو باس ومكاسيب
وسلامة الجميع[/POEM]

جيبوا لنا .. للاستاذ / المسرّي