عطني (( قصيده )) ,

..


بسم الله الرحمن الرحيم ..
اخواني واخواتي اعضاء هذا الصرح وزواره ..

:
السلام عليكم ورحمه الله وبركاته ,



كما نعلم جميعاً ..
يوجد في الشعر الشعبي قصايد لو كانت في العصر الجاهلي لـ عُلقت من جمالها وقربها لذوايق الناس ..

هذا المتصفح ماهو الا
تدوين الشعر الجميل الشعبي في هذا العصر لـ شعراء خارج نطاق المرقاب أو لشعراء في العصور الماضيه ,

تتلخص الفكره
في ان يقوم العضور بأختيار اسم الشاعر ..
ويأتي من بعده بقصيده له واختيار غير من الشعراء .. حتى لو لم يجد الا بيتين او ثلاثه ,




:
:

ملاحظه :-
الرجاء الاهتمام بالتنسيق للحفاظ على جمال الموضوع

اول طلب :

للشاعر الراحل



مخلد القثامي

[align=center]فكره بكر ياعفاس
ماشاء الله عليك
تشكرعلى جهودك الملحوضه[/align]


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يا الله يـا ربـي عليـك التسانيـع=وان ضاقت البيبان بابـك وسيعـي
كريم يا برقا نخيلـه وراء الريـع=ونخيلـه بأطـراف وادي النقيعـي
يا راكب اللي من سلايـل مرافيـع=اسداس حيلا ما تلاهـن رضيعـي
قطم السماري ما هوتهـن مراقيـع=تاطا الحثـاث و سبتهنـه متيعـي
إيزوعن إليا بـداء الفجـر تزويـع=ولهـن غـذاي اليتامـى وديـعـي
مـا فوقهـن الا العيـال القواطيـع=طريحهـم بالعـج مالـه منيـعـي
حط البهار ونطـع الليـف تنطيـع=لين السوالف بيـن اهلهـا تريعـي
واخذن من غدران حـاذه قراطيـع=من ماء المطر ما هو بعدا رجيعـي
ويازينهنـه بالسليـلـه مخـاريـع=للحيَهنـه فـي اللواحـي قضيعـي
باطرافهن مثل السبـاع المجاويـع=من ذل اهل ركبـا عليهـم يفيعـي
واليا بدن حلـي كشـب المضابيـع=أدروا عليهن عقب مسـرا شنيعـي
ولازم تشوف الطرش حمرن مراتيع=والا تشوف النـار تلمـع لميعـي
وزع عليهـم ردتـي بالتـوازيـع=وخص العيال وكل قرمـا رفيعـي
ونجل العيون مخوتمات الاصابيـع=هيم البطون وخل عنـك القظيعـي
وان سايلوا عنا بـوادي المرابيـع=اتراب و الخيبـه بهكـاء البقيعـي
صعوطنا القبعـي وعـج المدافيـع=وان ثارت القلـه غدينـا مزيعـي
اخيامنـا مثـل الطيـور المواقيـع=ولا ديرتا زينـه ولا مـن نفيعـي
والحـي لابـده يجـي بالمراجيـع=واللي دعاه الموت يقعـد وضيعـي
[/poem]



[align=center]اما طلبي
قصيده للشاعر والفارس راكان بن حثلين الله يرحمه[/align]

كل الشكر ياعفاس على هالموضوع الرائع

وهذي للشيخ / راكان بن حثلين "رحمه الله"

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياخليف انا قلبـي همومـة تعوقـة=عـزي لقلـب ٍ مولـع جــاه مـاجـاه
قلـبـي كـمـا طـيـر ٍ تتـلـه سبـوقـة=يبي العشاء ومجـوَد الطيـر خـلاه
وجدي علـى ربـع دبشهـا تسوقـة=وجدي عليهم والحق الويل ويلاه
لاقالـوا الصمـان ناضـت بـروقـة=مـن هجـر ناتـي بالمدلـل وترعـاه
بجمـع ضريـر ماضيـات طـروقـة=دايـم طـروقـة مــن قـديـم مـخـلاه
نهـاج جـزلات الجماهـي غبـوقـة=كـم شيـخ قــوم بالمـلاقـاة نـاطـاه
هـواشـم شـبل الضرايـا تعـوقـة=لازم كبـيـر الـقـوم تـكـثـر نـعـايـاه
وقصيرنا الناموس يمشي بسوقة=على الكرامـة ليـن تقفـي رعايـاه
نشيل حمله من عـلاوي وسوقـة=ومن بيننا يقلط على مؤخر الشاه [/poem]

طيب نبي للشاعر / محمد الفيحاني

..

مرحبا بالفكر النير .. والعقل المدبر .. !
عفاس .. مواضيعك قيمة .. ومحسوبة ياغالي .!

.
.

وهذه .. لـ .. محمد الفيحاني . !



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماسمح قلبي يروح ولا يرى =زول محبوبه ولو هو من بعيد.

*اه واويلاه ياليته درى=كيف حبه في حشا روحي يزيد.

*او درى اني منه قد حالي برى=ذايب بالي عقب ماهو حديد.

*وان من الابعاد موحي المقبرى=يحفرونه لي وموقن بالوعيد.

*يا لزيمي قول للي يحفرا=يوسع الملحد علشان اللحيد.

*ويحجز بيني ومابين الثرى=عن عظام ناحلات كالجريد.

*وانت يادفان ياللي تقبرا=يامهيل الترب بالسرعه مجيد.

*يعرفون القبر من جا ينظرا=يعرفونه قبر مذبوح الوديد.

*قبر من صان الموده واسترا=قبر من لاخان عهد للعهيد.

*من صبر للحب حتى بترا=زرع قلبه واودعه حب حصيد.

*تم عامين بجوفي ينسرا=نسر ملهوف الضواري في المصيد.

*كود ليمن جاه علمي يذكرا=وانعتوا قبري لمعلوقي وكيد.

*ياتي لقبري ويذكر ماجرى=يوم انا وياه في الدنيا عضيد.

*ويترحم بالدعا ليمن قرا=يوم خلاني وسط قبري وحيد.

*وان سمح بالدمع ودي ينثرا=فوق قبري عبرة مثل الوليد.

*اه منه لين صد ودبرا=رايح عني وخلاني فريد.

*كيف قلبه ساعته ثم اصيرا=كيف رجله له مشت فوق الصعيد.

*والذي هو غادي دونه ذرا=فدوة عن كل من جاله ضديد.

*كيف اجل لو مات وانا ارى=كان طريت السلب طر عنيد.

*واحترقت وكان قلبي قد ورى =شب نار كنها نار الوعيد.

*تحتطم وسط الضمير وتسعرا=مايبردها لو الثلج الجميد.

*ثم تلقاني على روس الذرى=نايح مع كل قمري يشيد.

*لين غرد طال نوحي واطهرا=وان هجع جريت انا نوحي سهيد.

*وانهمل وانهل دمعي وامطرا=مقلتين العين وادعاها هميد.

*ماهقا اني عقب موته في الورى=عايش الا وانا مثله فقيد.[/poem]



نبي للشيخ/ سعدون العواجي

استلم يافراج

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحه نومي بروس الصعانيـــــــن=طوال ليلي ماتهنيت بمــــــــــــــراح
كبد نعالجها بعوج الغلاويــــــــــــــن=وروابع ماتودع القلب ينســـــــــــاح
بلاي والله يا ملا خابرٍ شيــــــــــــــن=تظهر علينا مرمسات الــــــــــى راح
اللي يكف الخيل كف البعاريــــــــــــن=ويرخص بروحه يوم يغلـون الارواح
خيالنا يوم اكتراب الميازيـــــــــــــــن=ويرعى بظله بالخطر كل مصــــــلاح
حالوا عليه اللي على الموت جسـرين=لاوابعيني مايجاجون ذبــــــــــــــــاح[/poem]

طيب نبي للشاعر / بندر بن سرور

..

وعليكم السلام ورحمة الله وبركاته
هلا اخوي عفاس
الف شكر على هذه الفكره الرائعه

وبالنسبه لطلبك اخوي ياسر للشاعر بندر بن سرور الله يرحمه
اخترت له قصيدتين كنت اعتقد سابقاً انها قصيده واحده


الاولــــى[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

يالله ياجال الامور المهمه =تجلا وهج قلب برا الهم راعيه

البر دجته والبحر رحت يمه =وادرج سبب حظ على الله مساعيه

يوم ان ولد اللاش رزقه على امه= رزقى على اللى ميت القشع يحييه

مانى وانا بندر ابياع دمه= يقطعك يا بياع دمه ومهفيه

اللى يبيع لا بسات الازمه=ثور يبا بيض العما هيج تغنيه

يزعل الياجت ليلةالدور يمه=ويرضى بسوق المال بخوه وف بيه

خطو البخيل اللى يكبر معمه=يقرا الكتاب وواجب الله مخليه

اما هرج لك يا رفيقه بنمه = والاعطا وامه اتضيع هقا ويه [/poem]

الـثــــانيــه[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامل قلـب كـل مامـات همـه= دارت دواليب الدهرثـم تحييـه

فراق شمل النـاس عيـا يلمـه= وقت يشيب الراس من شارة فيه

احد ينام وحـط راسـه بكمـه =واحد تخم النوم عينـه وتخطيـه

واحد يحاول بالردا بنـت عمـه=واحد يحاول ستر عذرا عوانيـه

تخالف الانظـار شـرق ويمـه=كل هدف رايه من الناس مرضيه

انشدك ياللى كـل شـى تتمـه=تقرا الكتاب وكل فرض تصليـه

ويش القليب اللى عميق مجمـه=ما سرغرسه ماه عطشا سوانيـه

سم السبب يا عارف عنه سمـه=سم السبب يا عارفه قبل اسميـه

[/poem]

اطلب الامير الشاعر تركي بن حميد الله يرحمه

ياسلام عليك ياعفاس وعلى افكارك المميّزه

/
/

وهذي لـ /تركي بن حميد :-

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
فكر وناظر يامحمد ترى الحال=نفسي وتاليها مع الله خبرها
العين كن لها عن النوم عذال=تسهر وغادن نومها عن حجرها
والكبد ماتقبل من الحلو فنجال=والمر لو هو عشرقن مانقرها
دنيا هيال ولا لحقنا لها جال=وازريت اميز سهلها من وعرها
كان اقبلت ياحلو هاك التبهلال=وان ادبرت سو على اللي حضرها
ماظن فيها واحدن داله البال=احفظ لدينك وانتبه عن خطرها
تراه مثل الفيَ لابد نزال=والشمس هي ويَا القمر من فكرها
الحق يذكر والتفاخر بالاموال=لاهين في غفلاتهم في دورها
كم فرَقت من دولتن حلَ واجيال=وإليا ومرها الله عطتهم نحرها
فعَال نوَ الخير لاموه الانذال=كثرت تخاليف العرب في صورها
يالله ياعالم خفيات الاحوال=يااللي ذنوب العبد لاشا غفرها
طالبك انا الجنة وحسنى بالاعمال=تقدر تفرَجها إليا جا قدرها
كم واحدن يمشي مع الناس مهذال=يرعى سواة العاذرة من بقرها
لاشاحنه علمن ولا وارده حال=ولا يميز وردها من صدرها
ثوب النقا مايرخصه لبس الاسمال=سلم الرجال اللي تلامع شهرها
إن كان ما انت بـفي معانيك حمَال=عمل الردى يهويك مظلم حفرها
ذا قول من عدل غريبات الامثال=بيوتن عسيرات لمن لاقدرها
انا احمد اللي بدل الشمس بظلال=وهانت مصاعبها ونقطف ثمرها
ماهمَني دنيا ولا همني مال=الرزق ياتي مثل هاتف مطرها
شفَي ومقصودي من الخيل مشوال=شقرا نواصيها كثيرن شعرها
شفَي عليها كان هو زعزع المال=ومن الهنادي صارمن في ظهرها
وبالكف من غالي المطارق هوى البال=يروى بحزات اللقا من حمرها
ونجرن توالي الليل تسمع له اعوال=ودلال يلقى الكيف من هو نحرها
بريَتن يطرب لها كل شغال=والزعفران مع العويدي ذعرها
تهدى لماضين التجارب والافعال=زيزوم عيرات تعايل جررها
وتهدى لمن يثني نهار التجيوال=مودع جياد الخيل تركب وعرها
والثالث اللي بالقسا يرخص المال=له ربعتن دايم تناطف سفرها
وصدَه عن اللي مع دروب الردى عال=يمناه عن طيب المعاني قصرها
وصلوا على من صار للحق مرسال=عداد ما اخضر الورق من شجرها[/poem]


ونبي لـ شالح بن هدلان

تفضل يافالح .. ,

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذيبٍ عوى وانا على صوته اجيب =ومن ونتي جضَّت ضُواري سِباعه

عز الله اني جاهلٍ ما اعلم الغيب =والغيب يعلم به حفيظ الوداعة

يالله يارزاق عكف المخاليب =يامحصي خلقه ببحره وقاعه

تفرج لمن صابه جروح معاطيب =وقلبه من اللوعات غادٍ وِلاعه

إن ضاق صدري لذت فوق المصاليب =مانيب من يشمت فعايل ذراعه

صار السبب مني على منقع الطيب =ونجمي طمن بالقاع عقب أرتفاعه

ياطول ماهيجتـهن مع لواهيب =ولاني بداري كسرها من ضلاعه

وياطول ما نوَّختها تصرخ النيب =وزن البيوت اللي كبار رباعه

واضوي عليهم كنهم لي معازيب =إليا رمى زين الوسايد قناعه

أضوي عليهم واتخطى الاطانيب =وآخذ مهاوية الجمل باندفاعه

أبا انذر اللي من ربوعي يبا الطيب =لا ياخذ إلا من بيوت الشجاعه

يجي ولدها مذرب ٍ كنّه الذ يب =عزٍّ لبوه وكل ماقال طاعه

وبنت الردي ياتي ولدها كما الهيب =غبنٍ لبُوه وفاشله بالجماعه

يا كبر زُوله عند بيت المعازيب =متحرّيٍ متى يقدم متاعه[/poem]



نبي .. للخلاوي .. !

عفاس .. موضوع
جميل


يقول راشد الخلاوي .

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
اصلي صلاة تمـلا الارض والسمـا=صـلاة وتسليـم مـن الله واجـبـه
على المصطفـى سرالوجـود الـذي=سرى الى حضرة مانالها كود جانبـه
سرى به الى اهـل السمـوات ربنـا=و ادناه رؤيا العين حـق ٍ وخاطبـه
ابديله المكنـون مـن سـر ماخفـى=والعرش والكرسي والاكوان داج بـه
غدا خير مختـار الـى خيـر امـة=واكـرم مخلـوق علـى الله جانبـه
محمد الداعـي الـى الديـن والهـدى=رسول اتى من رب الاربـاب ثايبـه
لـه الجـود والقـدر الجليـل الـذي=جلا دياجي ظلام الشرك والدين قام به
على حبه الله امسك الطيـر بالسمـا=وشق النوى واجرى على الماء مراكبه
حبيب له المعـراج والتـاج واللـواء=وفياض حوض ماشقى قـط شاربـه
ملا الدين والدنيا من النـور والهـدى=وكفـاه بالاحسـان والجـود ساكبـه
شفيع الورى ستر العرا شامخ الـذرى=حبيب ٍ سرى ماحد درى صوب ناجبه
رفع شانه الرحمـن واعـلا مكانـه=في محكـم التنزيـل والله قـال بـه
فـلا عـروة وثقـى لمـن لايـوده=ولو يعبـد البـاري فاياديـه خايبـه
محـا الله قـوم مايحـبـون ذاتــه=واخزى لقـوم حـب طـه مجانبـه
احبه واحـب الله مـن فـوق حبـه=ومحبة حبيـب الله لحشـاي سالبـه
هو شفيع مقبول فـي كـل ماجـرى=وان شبت النيران عنهـا يـلاذ بـه
في موقف عسرٍ شديد ٍ على الـورى=صعب المدى من ذاك الاملاك هايبـه
عيسى نسى مريم وهي حلـوة اللبـن=وموسى نسى هارون عضده ونايبـه
من هـول هـذا اليـوم كـل تعـذر=ولا واحــد الاانيـخـت ركايـبـه
ولاقال نبي غيـر احمـد انـا لهـا=جثـوا كلهـم الا محـمـد يـلاذبـه
تنبه وكن فـي حـب طـه مـلازم=ولياك تازي زي من خـاب جانبـه
كفى مدح رب الكون من سابع السمـا=في حق طه بعض الآيات جـات بـه
بياسين والسبـع المثانـى وغيرهـا=يكفيه مدح رب الاربـاب فـاه بـه
كفى واختصرنـا مـاورا الله مـادح=ومن قال صبت المدح اخطا بصايبـه
[/poem]


وعطني قصيدة ..
للشاعر .. الشيخ / عبيد الرشيد

[align=center]طلبك يابو تراحيب[/align]


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طلبت ربي عالم السر و الغيب=يقبل صلاتي له و يقبل صيامي

و يحعل لنا عرض نزيه عن العيب=و يفكنا من شر سو الاثامي

بن ادم ملفا الخطا و العذاريب=لو ما فعل رميت عليه التهامي

حميت انا نفسي عن الشك و الريب=ولا احسب ان يلقا بعرضي كلامي

ربعي لقوا بي عقب ما شبت انا عيب=تسطير كتب مفسرين الحلامي

قلت اخبروني يا ملا وش ذالعيب=قالوا على ساقة رفيقك اتحامي

قلت ان هذا من قديم لنا عيب=مستارثينه من خوال و عمامي

العيب ترك المعرضه بالمواجيب=والا الرفيق بطاعته ما نلامي

رفيقنا كنه بروس الشخانيب=في راس حد نايف ما يظامي[/poem]


[align=center]طيب نبي قصيده لمريبد بن هنود الحربي[/align]

الخس يقول ..!

,
/

[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بالله ياهل البيت لاتشلعونه=خلو عيوني من حبيبـي تروّى
ثم لاتهوزونه تبي تضربونه=عسى اليدين اللي تطقه تكوّى
جلده حريراً لو تبي تلمسونه=مثل النفل لو تلمسه لمس ذوّى
غرواً نياشين الغلا في عيونه=يضحك ويشرلي على القلب جوّى
يقول هذا لك ولا يقربونه=وابو الذي يزعل بعشرين ضوّى
وانا الذي ترضاه ماجوز دونه=قلبي معه بيديه من حيث ما اوّى
حيث اني افهم ماخفى من ضنونه=وادري بقلبه من قديماً وتوّى
واخشى عليه من العرب ينضلونه=انا اشهد ان اللي مسويه سوّى
نبنوب موزاً مايلاتاً غصونه=عرقه من الجم الزلالي تقوّى
والخد براقاً تكاشف مزونـه=مثل المشاعل في مقاديم نوّى
عنق الغـزال مخلعاتـاً متونه=والثوب من قفوه عليه يتطـوّى
في خاطري مابالبشر مثل لونـه=من ماخلق ربي من آدم وحـوّى
الله على من شد مجمـع قرونـه=واكما عليه وفي رقبتـه تلـوّى [/poem]

عطونا لـ .. سليمان الهويدي

[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
يابوعلي ماني بضامن حياتي=والموت من حاتاه يابو علي مات
عسى مااموت الا كبار بناتي = يمشن سعيداتٍ ولاهن يتيمات
إن مت قبلي صفوة الخلق ماتي = ماتوا مشاكيل وماتن عفيفات
مافات من عمري فلاهوب ياتي=والحي لابدّه يعوّد للأموات
الله على سجّاتنا الأولاتي=هيهات يرجع فايت العمر هيهات
وين الرّجال إللّي عليهم شفاتي=راحوا أهل هاكم وظلّوا أهل هات
أخير ماعشنا على الذكرياتي=وين الطرب وياالصّبا والصّبا فات
من أولٍ لاأمسيت ماني بحاتي=مكفول في كل الأمور الكبيرات
واليوم ضعت وكل فكري شتاتي=بذتني الدنيا وأنا في نوهات
أنا طرب قلبي وغاية مناتي=ربعي اليا التموا علي عقب الأشتات
وشوف الربيع وشوف زين النباتي=وشرب الغدير وريح رمث المسنّات
وأنا قنوع والقناعه صفاتي=اليا أنستر وجهي فلا آبي رصيدات
عاش الفقير وعاش راعي الغناتي=الموت واحد والكفن سبع وارات
يالله ياللي ترزق الحايماتي=رحمتك يارحمان رب السموات
تجعل حياتي خاتمتها حسناتي=والا العمر مخطور في كل الأوقات
والخاتمه باختم كلامي صلاتي=على نبي جاهد الشرك مرّات
والآل والأصحاب والطيّباتي=أهل الصّفات الطيبه والمهمات[/poem]



هاعطونا لـ .. بديوي الوقداني

وهذي لـ بديوي الوقداني

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أيانـا والليـالـي كــم نعاتبـهـا=شابت وشبنا وعفنا بعـض الاحوالـي
تاعـد مواعيـد والعاقـل مكذبـهـا=واللي عرف حدها من همهـا سالـي
ان اقبلت يوم مـا تصفـي مشاربهـا=تقفي وتقبل وما دامـت علـى حالـي
فـي كـل يـوم تورينـا عجايبـهـا=واليوم الاول تراه أحسن مـن التالـي
أيـام فـي غلبهـا وأيـام نغلبـهـا=وأيام فيهـا سـوى والدهـر ميالـي
أعرف حروف الهجاء بالرمز واكتبها=عاقل ومجنون حاوي كـل الاشكالـي
لاشك حظـي ردي والـروح متعبهـا=ما فادني حسن تأديبي مـع أمثالـي
ان جيت ابي حاجة عـزت مطالبهـا=العفو ما حد عن المخلـوق بيسالـي
قومِ ليـا جيتهـا صكـت حواجبهـا=وابدت لي البغض في مقفاي واقبالـي
ياحيف تخفى امـورٍ كنـت حاسبهـا=واللي على بالهم كلـه علـى بالـي
والجار جافـي وكـم قـوم نحاربهـا=والأهل والأصحاب والـدون والعالـي
والروح واش عذرها في ترك واجبها=راح الحسب والنسب في جمع الأموالي
المـال يحـي رجـالٍ لا حيـاة ابهـا=كالسيل يحي الهشيم الدمـدم البالـي
عز الفتى رأس ماله مـن مكاسبهـا=يا مرتضي الهون لا عـزِ ولا مالـي
لا خير في ديرةِ يشقى العزيـز ابهـا=يمشي مع الناس فـي هـمٍ وإذلالـي
دارٍ بها الجـوع دايـم مـا يغايبهـا=والجوع فيها معه من بعض الأحوالي
جوعـا سراحينهـا شبعـا ثعالبهـا=الكلـب والهـر يقـدم كـل ريبالـي
دللت بالروح لين ارخصـت واجبهـا=وانا عتيبي عريـب الجـد والخالـي
قومٍ تدوس الأفاعـي مـع عقاربهـا=لها عزايـم تهـد الشامـخ العالـي
لا تعمـر الـدار والقالـه تخربـهـا=بيع الردي بالخسارة واشتـر الغالـي
دارٍ بــدارٍ وجـيـرانٍ تقـاربـهـا=وأرضٍ بـأرضٍ وأطـلالٍ بأطـلالـي
حـث المطايـا وشرقهـا وغربـهـا=وأقطع بهـا كـل فـجٍ دارسٍ خالـي
واطعن نحور الفيافـي مـع ترابيهـا=وابعد عن الهم تمسي خالـي البالـي
مـع كـل عمليـةٍ تقطـع براكبهـا=فدافـد البيـد در هـامٍ وزرفـالـي
لو مـت فـي ديـرةٍ قفـرٍ جوانبهـا=فيها لوطي السباع القبـس مدهالـي
اخير مـن ديـرةٍ يجفـاك صاحبهـا=كـم ذا الجفـا والتجافـي والتعلالـي
ما قرت الأسد فـي عالـي مراقبهـا=تسعى للأرزاق ما حنـت للأشبالـي
والشمس في برجها والغيـم يحجبهـا=تقفي وتقبـل لهـا بالفلـك مجدالـي
رب السموات يـا محصـي كواكبهـا=يا حافظ السفن في لجـات الاهوالـي
ضاقت بنا الأرض واشتبـت شبايبهـا=والغيث محبوس يا معبود يـا والـي
يالله فـي مزنـةٍ هـبـت هبايبـهـا=رعادها بات له فـي البحـر زلزالـي
ريح العوالي مـن المنشـأ يجاذبهـا=جذب الدلي من جبا مطويـة الجالـي
ديمومـةٍ سبلـت وارخـت ذوايبهـا=وانهل منهـا غزيـر الوبـل همالـي
تسقي ديـارٍ شديـد الوقـت حاربهـا=ما عاد فيها لبعض النـاس منزالـي [/poem]


عطونا للشاعر / مرشد البذال

هذي لمرشد البذال رحمة الله عليه ..

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
شف ماترى ياقلب واكتـم سـدودك=عن واحدٍ ياخذ سـدودك ويشنـاك
خلك على الدنيا تعيـش بسعـودك=مالك غرض في عرف هذا وهذاك
على الخطايـا لاتقـوي جهـودك=العقل زين وسامـح اللـي تحـداك
ترى التسـرع بالخطـا مايـرودك=إلا بفعـل يخلفـك عـن نـوايـاك
لا تخلي الشيطـان دايـم يقـودك=ان طعت راي ابليس للشيـن وداك
خلك من الدنيـا نظيـف جـدودك=محدٍ لسانـه فـي غيابـك تقفـاك
وليا مشيت الحق واجـد شهـودك=وليا هرجت الحـق كـلٍ توحـاك
لا بد مـن يـومٍ تقضـي حـدودك=لا تخلفك دنيـاك والموعـد هنـاك
خلك ليا قضيـت تذكـر عهـودك=لا بد ما ترحـل وتقفـي مطايـاك
خل الذي ينصـى محلـك يـرودك=اليا شكى غيـرك تذكـر سجايـاك
خـل الفهامـه والعدالـه تسـودك=وليا حكمت الحق لا تظلـم إعـداك
بعض المصالح للمعاصـي تقـودك=وبعض المصالح يشهدن في خطاياك [/poem]


ابي لـ الشريف غالب بن منصور بن لؤي رحمة الله عليه

هذي ملحمة للشريف غالب بن منصور بن لؤي

بأبـدي بذكـر الله علـى مايكونـي
قـدام بـدع امثالـهـا واللحـونـي
وأعـدل القيفـان عـدل الغصونـي
من هاجـس عنـا هناديـب الافكـار
وأصب قافـي مثـل صـب الريالـي
وألعب بملحوني علـى شـف بالـي
حيـث المعانـي تستـوي للرجالـي
وأتشوق اهل العرف واصحاب الانظار
وترى القصيد أمجيد يا مستمع فيـه
لا جا من اللي باخـص فـي معانيـه
ويعدل القيفـان مـا هـوب يلويـه
معتاد فـي بـدع الملاحيـن بيطـار
واللعـب لا منـي بغيتـه يجيـنـي
خذت الدفاتـر والقلـم فـي يدينـي
وأسعـره مـن بـاب سعـر مكينـي
وآخذ من الجزلات والزيـن واختـار
وجاني اثنين من الرجـال المفاليـح
واحد خصيم عـن جميـع الفلاليـح
والآخـر اللـي وكلـوه المصالـيـح
أهل البكار اللي رعت عشب الاقفـار
قالوا ترانـا يـوم جينـاك راضيـن
أحكم بحكم يقصـر مناحـس الشيـن
قلت أدعوا والحق ما يرضـي اثنيـن
لو كان انا في حكمكم صرت محتـار
قلت ان كان راعي البل بدا بالخصومه
اركـد ترانـا فـي دوايـر حكومـه
لا تحسب انـك يـم هضبـة يعومـه
تجر صوتك عند اباعرك فـي غـار
قال ابغاك تحكم لـي وتحكـم عليـه
واتشوف منا اللـي جـزع بالخطيـه
وعـودت تلمزنـي بذكـر المطـيـه
احسبك قاضي واثـرك اليـوم عيـار
قلت اقول لك بشويش لا ترفع الصوت
وحط العصا والخنجر اللي ورا الكوت
وذولا المشايخ هايبين مـن المـوت
والبدو هم اللـي مقابيـس الاشـرار
احتـج عنـدي بالكـلام المـقـادي
وكـب اللجايـج والخطـا والعنـادي
ولازم تثبـت حجـتـك بالـوكـادي
هات الصحيح وكب تلفيـق الاعـذار
ثم قال راعي البل لنا حـق وحقـوق
حنا هل الطالات وانـا هـل النـوق
اللي تبعدنا عن المشي فـي السـوق
ولاعندنـا لوكـان غليـن الاسعـار
الـزاد فيهـا والـكـلا والحليـبـي
اليـا لقـت مـع الشقـارا رطيبـي
والا انت تاكل لـك تميـس وزبيبـي
حتى عشاك يخاشـرك فيـه عمـار
ثم قال له راعـي النخـل والفلاحـه
الشكـر لله وسـط غـرس وراحـه
مانـي بمثلـك يـا قليـل الرباحـه
انا مريح وانـت مـن دار فـي دار
لا جا الربيع وحلت بالـذود للعشـب
امـا ورا الصمـان والا ورا كشـب
للعبد يزري يظهر العـذق لا نشـب
اصرم واسعر وانت في زود محـدار
واهل الفلاحه في النخل مستريحيـن
بيـن المكايـن والعنـب والبساتيـن
والبـدو عذبهـم ركـوب البعاريـن
وشديدهم في الليل والصبح ما انطـار
عشرين شده في الضحا كـل يومـي
تقفـي وتقبـل والمظاهيـر تومـي
والقيظ جاكـم والضمـا والسمومـي
مالك ومال اللـي يوديـك الاخطـار
ازين تريـح عـن جميـع البـداوه
وعـن النشايـب والعنـا والشقـاوه
وان كان تبغـى راحتـك والطـراوه
انـزل مـع اللـي نازليـن بجبـار
مع الرجال اهـل الغـروس الظليلـه
قبيـلـة وا ويـهـا مــن قبيـلـه
فكاكـة المرثـي نـهـار الدبيـلـه
لا جا لزلبات الرمـك فيـه معصـار
ثم قال راعي البل ما ابيلـك تدابيـر
عيب على اللي يبدي الشور ما شيـر
شفي قطيـع فيـه رمـس المغاتيـر
حتيش يا غرسك ولـو كـان ثمـار
حتيش لـو يثمـر وتكبـر عذوقـه
وحصيله اللـي ينتجـه مـا يسوقـه
لا جاك راعي الديـن يبغـى حقوقـه
قام يتردد ما خلـص قطعـة امـرار
والا ترى البل فـي ليـال الربيعـي
نشـرب لبنهـا وان بغينـا نبيعـي
خذنا الدراهـم فـي يدينـا جميعـي
محتـاج يالفـلاح والبـدو تـجـار
ثم قال له راعي النخـل لـو تمـاري
مغبون لو عسيـت نقـع الخبـاري
لا احداك عن ام السـرب والمقـاري
لا جيت تبغا لـك حشيـه ومصفـار
هدب الجريد اللي قبـل مـا يروحـي
كبار الشباب اللـي يزيـد الفروحـي
لو كان عنـدك خلفتيـن ومسوحـي
لو بعت ما جـن للمكينـه بمسمـار
يالبـدو عذبكـم شـراب المـلاحـي
وانا نزلت بغرستـي فـي القراحـي
والليـا رقاهـا عبـدهـا بللقـاحـي
ثـم نشـرت يازيـن ذاك التنشـار
ولا جا يعدلها لقاهـا علـى الكيـف
وسع تخاريـص الجريـد المهاديـف
يا زينهـا لا نظفوهـا عـن الليـف
مثل الهنوف اللي تهنصـر تهنصـار
وغرسي رواسي ما يصيبـه جفالـي
ماهـوب يعقـل بالمـرس والحبالـي
يا زين نومي فـي طويـل الظلالـي
في وسط دالـوب حوابيطـه اكبـار
والا انت مـا تعـرف تدبـر حلالـك
في الليل ذودك عازب عـن عيالـك
تمشي مـع الخليـان دايـم لحالـك
وان مـت مـا تلقـا مغسـل وقبـار
لا جا العصير وجت حلول المراويـح
والناس قامـت تذكـر الله بتسبيـح
لينك تعدي فـي المراقيـب وتصيـح
ما كنك الا مـن المجانيـن بشهـار
ثم قال راعي البـل تسمـع جوابـي
لا قـل مـاك ويبـسـن الجـوابـي
ووصل مجـم البيـر حـزم صلابـي
قالـوا تولـم هـات للبيـر حـفـار
ضلـع نكـاز مـاه ماعـاد يـنـاش
وحولـت بالمقـلاع تبغـاه ينهـاش
ويوم الصبي شافه قوي فض وانحاش
وامسيت في هم النخل جعلـك مجـار
ياما جـرا لاهـل النخـل والكـداده
امـن التعايـس والمحـن والزهـاده
تلهيك حتى عـن فـروض العبـاده
عن الصلاه وعن مقامـك بالاسحـار
والا تـرى البـل مستمـر سعدهـا
كم خلفة مـا اصرهـا عـن ولدهـا
واليا ضوت على العرب في وعدهـا
غبقتهم لـو يمتلـي البيـت خطـار
يا ما حلا لا روحت عقـب مسـراح
على فريقي والمطر تـو مـا طـاح
ما غير ندفعها عن العشـب سمـاح
كن الجمل في وسطها يظـرب الطـار
ثم قال له راعي النخـل والزروعـي
ما أسمع كلامك في كبـار الفروعـي
في غرسي اللي في المسيله شروعي
يـا غـردق وأكثـر طلاعـه تبكـار
ما أطيع في سب الجبابير مـا اطيـع
اليـا طلـع مثـل البنـي المفاريـع
وكلـه تبكـر بالعـذوق المهانـيـع
وكانه بعد غير العنب حطوا اشجـار
الغرس كـل اهـل المراجـل تحبـه
قدامنـا ابـن جويريـه مـا يسبـه
واليا طمـع بـه واحـد مـا يسبـه
ما مثل الغـرس فـي كـل الاقطـار
لا جت ليال القيض والبـدو مبطيـن
كبـو جميـع ادباشهـم والمقاطيـن
على العدود ومقعـد فـي المعاطيـن
لو كـان ذودك كـل حيرانـه ابكـار
كبوك لا قالوا ترى اللون قـد شيـف
يبغون مقيـاظ النخـل والمخاريـف
وأكل الرطب امن العذوق المراديـف
وياراعي النوقات ما عـاد لـك كـار
ثم قال راعي البل عسـى الله يعينـي
ومن راح عنـي لازم انـه يجينـي
والله ما اكـب مجروعـات الحنينـي
وانـي لاصـدر عندهـا بـام كـرار
واليـا وردت مطلوحـات العـدودي
امن الشفا والا من اقصـى النفـودي
دليـت لـي دلـو سنـاه القعـودي
لعـرب عليهـا نيهـا كنـه اجـدار
ولا صـدرت مـن عدهـا مستمـره
تبغـا مكـان فـي شواويـه غـره
يا زيـن حـذف اديودهـا للاصـره
في مرقـم جـا للزهـر فيـه نـوار
ورعي النخل خطر من الهم والويـل
لا قالوا الوايـت تعطـل ورا السيـل
ثم قلت شوفوا وش بعـد فالبراميـل
قالوا لنا يوميـن ناخـذ مـن الجـار
ثم اهجـرت كـل المكايـن وقوفـي
وسـط البيـار ملحفـات صفـوفـي
وغرسك تعرض للخطـر والصدوفـي
ولا خير في شئ طعامـه فالامصـار
وان جيت تبغا لـك معاويـد عييـت
حتاك تدري عن خطاك انك اخطيـت
البل تعينـك كلمـا طحـت وازريـت
على النخل تعيـن وافيـن الاشبـار
البـل لهـا عنـد النشامـا محـبـه
ما أخبلك ياللي تلحـق البـل مسبـه
أخير مـن بيـر تبـي منـك صبـه
عاقبـك ربـي بالنخـل والتخـسـار
يـا حبنـي لمقرقـعـات الـتـوادي
اللـي تبعـد عـن وخـام البـلادي
ما أزين جملها في ليالـي الهـدادي
ما ينردع عـن جلهـا كـود بهجـار
ثم قال راعي الغـرس علـم بتوكيـد
ياراعـي البـل مـا نبيلـك معاويـد
بآخذ مكينه مـن الزراعـه بتقصيـد
واسوق بستاني ولو صـار ماصـار
وايضـا حكومتنـا لـنـا مستـعـده
جت بالمكايـن عانهـا وسـط جـده
والبنك فاتـح فيـه مـن كـل عـده
وفي عهد فيصـل للفلاحـة تطـوار
بأقوم فـي غرسـي ولانـي بمليـوم
والله لاجاهد عنـده الصبـح واليـوم
واقومـه بعـزوم واطيـح واقــوم
لو كـان صـرت مـن التعـب فيـه
جضار المرجله ما حد خذاها بهونـي
ولا أحد كسبها بالهـوى والخمونـي
كود الرجـال اللـي قبـل يتعبونـي
وغمر على صكـات الايـام صبـار
ياراعـي البـل ظـن قلبـك هبيلـي
لوكان تمـلا مـن لبنهـا الصميلـي
والغرس ماله فـي المراجـل مثيلـي
ربي جعل في الغرس جنـات وانهـار
ويوم ان مريم جت بعيسـى تشيلـه
جعـل لهـا ربـي نخـلـة ظليـلـه
تسقط عليهـا مـن رطبهـا هليلـه
وهذا دليل الغـرس لـه زود مقـدار
قلت اسمعوا يأهـل الظفـر والحميـه
الكـل منكـم مـا بقـا لـه دعـيـه
يا حبنـي لأهـل الوجيـه الرضيـه
اللي يطيعـون النصيحـه والاشـوار
وانـا بأواسـى بينكـم يالعـوانـي
عنـدي حشـام وكلبوكـم خـوانـي
والصلح خيـر وسيـد كـل المعانـي
واللي يعيي ما يبـي الصلـح بـوار
ياراعي البل مـا لقينـا لـك امثـال
ام الجمايل هـي فـي كـل الاحـوال
وهيه طرات الوقـت والعـز والمـال
اليا رزقها الله مـن الوسـم بامطـار
واما انت ياراعي النخـل والزراعـه
لا جت ليالي القيض عنـدك طماعـه
مخـارف تكتـهـا كــل سـاعـه
لاهل الركاب اللي مـن البعـد ظمـار
وصلاة ربي عـد ماناحـت الـورق
فاقصى الشمال ويمت الشام والشـرق
وعد الرعود وما اختفق لايح البـرق
علـى نبـي عـزه الله عـن النـار
وعدود مـا جـرت لحنهـا الحمامـه
على شفيـع النـاس يـوم القيامـه
يوم ان كـل مـا يبـي الا السلامـه
في موقف نهار شخصـات الابصـار


فكره رايعه يابو حرباش

وطلبي

محمد الاحمد السديري .. الله يرحمه

استلم يابو فهد

[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله من هــم بروحي ســـهجها=بخافى ضميرى فـى كنين الحشا لاج
احـرمن نار تواقــد وهـــجها=منهاخطر روحـى على ســلك ديباج
وعين عسى المولى يعجل فـرجها=يفوح ناظرهـا كما عــين هــداج
استرسلت للدمع من ما رهـــجها=غـــيظ يكظ عبارها مثل الامـواج
كـــم واحــد له غاية ما هرجها=يكنها لو هو للادنـين محــتاج
يخاف من عــوجا طــوال عوجها=هــرجـة قـفا يركض بها كـل هـراج
يقضب عـليك المخطيه من حججها=حلو نباه وقلبه اسود من الصـاج
الله خلق دنيا وسـاع فجــجها=وعن ما يريب القلب لك كم منهاج
والرجل وان شـطت لياليك سجها=عســى تواليها تبشــر بالافـراج[/poem]

عطونا للـشاعر الكبير / عبدالمعين بن ثعلي "رحمه الله"

..

[align=center]مشكور ياعفاس على الموضوع الرائع


فعلا محتاجين الى قصائد قديمه جزله


ذي
للـشاعر الكبير / عبدالمعين بن ثعلي "رحمه الله"

يقول


يابدير ما ازين شبت العصر للنار

لامالت الفيه وحار الظلالي

وهب البراد وسير الجار للجار

وجات السوالف بين غالي وغالي

سوالف بين النشاما لها كار

ليا مشى فنجال بيض الدلالي

ربع لهم مع شبت العصر مسيار

ذولا بني عمي وذولا خوالي

يرجع بهم قلبي لياسج واحتار

وتدله بهم عيني لياضاق بالي

((ولــه في حيـــــــــــاة الباديــــــــــة))

والله لو ان الغرس والقصر والبير

تمشي على ما في هواية وناعي

عن ديرتن فيها تدب الجعارير

وفيها الدجاج وما شبه له يعاعي

لشدوانزل في مرب الخواوير

وامشي مع الحزم السماح الوساعي

ليا اختلط نبت الزهر والنواوير

غزيت في العبلة عمود الشراعي

غربن من النفرة جنوب المخاضير

شرقن من الفيضة شمال الكراعي

ياويل مرباعن بهاك النهابير

وياوي سلفانن بها القلب ياعي

تلقا بها سمر البيوت الدواوير

سمر البيوت مثولثات الرباعي

بأطرافها كنه قصابة جزازير

يفرح بها الطرقي ليا أضرم وجاعي

((ومن قصائـــــــــــــده الغزليـــــة))

يامل قلبن من هوى العذب متلول

تلت رشا ملحا طويلن قليبه

تلة رشا ملحا على السيم مفتول

تقفي وتقبل به تروح وتجيبه

عليك ياللي حط بالقلب نشبول

شبيت لك بأقصى الضماير لهيبة

روحي بروحه طول الايام مشغول

وأرخي بقلبي شي ما ينحكي به

غرو تفاصيله على كل مجمول

شره الحلايا بالعذارا غريبة

مربوع في قيماه بالقصر والطول

هافي حشا كل المناظر عجيبة


((ومن حكمــــــــــــــــــه))

والله اللي يقتضي ممن يريدي

لا تظنه والقدر ما فيه ظنه

ويش بعد الموت من حبل الوريدي

لادنت تلقا المنايا يجذبنه

ما خلقت الا شقي ولا سعيدي

حطك الله بين نار وبين جنه[/align]


[align=center]ابي لشاعر عبدالله بن عـــون[/align]

موضوع رائع ياعفاس

واتمنى تفاااعل الاخوان هنااا


وهذه الفاتنه المشهوره لابن عوون


[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامل قلـب يسـج أوفيـه دولاجـه=من واهج بالضمائر قـام يدرجهـا
مغير أسير تقـول امضيـع حاجـه=واخذ وأسند علي روحي وأهرجهـا
وادوج لو كان ما رجلـي بدواجـه=أدلـه النفـس ليـه الله يفرجـهـا
في معزل عن كثير الخلق وازعاجه=ما سمع من الناس لو تكثر لجالجها
يالله ياللي بيدك الضيـق وافراجـه=ياخالق الخلـق ياقاضـي حوايجهـا
تفرج لعيناً إلـى غفـت بسوهاجـه=تجهز عليها الطواري لين تزعجهـا
بالصدر ضيقه ونوم العين هملاجـه=عيناً من العام والسهـر أمتولجهـا
نومٍ سهرها شديد ونـوج سهاجـه=ونوجٍ تكن الدموع ونـوج تزعجهـا
عليك ياللي بقلبـي كـأن وهاجـه=وهاج نار هـوا الغربـي يسارجهـا
راعي ثماناً كمـا الياقـوت لعاجـه=كن البرد يوم يضحك فـي مفالجهـا
يا روح روحي وزع القلب وانتاجـه=الطف بروح عليك الهـم ساهجهـا
وشي ينفعك من حنين القلب واخلاجه=وجروح أسبابها انـت ولا تعالجهـا
أما التفتله وتـم الوصـل بمواجـه=والا بـلا عشـرةٍ هـاذي نتائجهـا [/poem]



واطلب لــ ( سعدون العواجي )

لااهنت ياعفاس على الموضوع القيّم والمجهود المبذول ,,

وهذي للشيخ سعدون العواجي

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

قـالوا تـحورف قلت يالربع نجاع=قـالو تـقيم وقلت يالربع ما قيم
قالوا علامك قلت من قل الافزاع=صـيحة خلا ما عندي الا الهذاريم
إلـى بغيت الحق من شامخٍ ضاع=يـطرّم عـليّه دايخ الراس تطريم
يـبعد عن القالات طقّه بالاصباع=مـن قـلّة اللي يضربه باللهازيم
لا صار ما توفي عميلك من الصاع=ما ينقعد لك عند حصن النّواهيم
شـبرٍ من البيدا يعوّضك الافزاع=وسـود الليالي يبعدنك عن الضيم[/poem]

،


ابي قصيده لرشيد الزلامي اللي يقول في بدايتها :


يا هل البيت الحجر سكروا بابه
سكروا بيبانك يا عرب عنا
ورعكم يالعب ودنياه لعابه
مادرى انّا قد لعبنا وهونا


ولا هنت يا عفاس ، متصفح جامع للزين والنادر !

.

يالربع لاتنسون هذه الطلب

يالمور اخذ نمرة الخامس من اليمنى */* تحتر تبرد ترى الأخلاق خربانه

لإبن مربح