غـصـب ٍ عـلى الـمـسكـين والـحـاسـد !!

بسم الله الرحمن الرحيم

السلام عليكم ورحمة الله وبركاته

اخواني اعضاء مرقابنا الوافي والمتألق بوجودكم ، هذه ابيات جرت بيني وبين الشاعر

المعروف / عبدالله بن مقبل العصيمي ، تعبر عن نفسها والمطلوب رضاكم الغالي والتواصل معكم ،

لاعدمتكم ...

[poem=font="Arial,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يابـرد نسنـاس الهـوى والعـيـن ماتبـغـى المـنـام= مـن يـوم عنهـا اقفـت ليـال الوسـم واقبـل ودّهــا
ُودّ العيـون ليااصبحـت والجـو فــي كـبـده غـمـام=والـبـرد نـجـمـع له مـطـالـب رحـلـتـه ونـعـدّهـا
شخصـيـن ولاّ هــم ثـلاثـة كلـهـم ربـــع ٍ حـشــام=وانــــا حــداهــم والـعـلــوم الـغـانـمـات نــودّهــا
مابـيـنـا غــيــر الـمـعــزة والــكــرم والاحــتــرام=والـشـعـر وعــلــوم الــرجــال وكـلـبـونـا قــدّهــا
شلنا على اللـي يبهـج الخاطـر تواصيـف ونظـام=عيـنـه ظــلام اللـيـل تبـجـد حلـكـتـه مـــن حِـدّهــا
وجهـه لياناحـر مقطّـب كـنّ فــي خشـمـه عــرام=وقــفــاه لاقــفـــاّ شــهـــاب ثـنــيــن ولاّ ضــدهـــا
وجنبـه ليـا عـرّض كمـا شقـران يـبـرى للجـهـام=الـبــل تـحــده يــمــة الــروحــه وهــــو يـحـتـدهـا
يوكن موديـل الفيـن مـع سبعـة سـلام الله سـلام=الله عـنــه شـوفــة مـزاغـيــر الـعـيــون يـلـدهــا
حلّـت ليـالـي الرحـلـة الـلـي ننتظـرهـا كــل عــام=نشـرح نفـوس ٍ مــن عـنـا الايــام بـاحـت سـدهـا
سجة عمر يسلـى بهـا الخاطـر مهيـب ايـة كـلام=ذكــــرى ً لـعـودتـهـا نـعـيــش ايـامـنــا ونـعــدهــا
ننسـى صخـب روتيـن بكـره مدرسـه ولا ّ دوام =وعـجـل وهــاك وهــات هـاذيـة وهــاذي ودهــا
نفسك عليك إلهـا حقـوق وتالـي العمـر الصـرام=ودنيـاك منتـب لــو شعـبـك بلـيـس لاحــق عَـدّهـا
الحـر يكـفـخ بالجـنـاح لـيـا شـكـى ضيـقـه وحــام=ولاّ الـحـنـادي فـــي عشايـشـهـا وتــاكــل بــدّهــا
سوات من حوله يحول من < الحريمه > للعمام=نــاس ٍ عـلـى الـدجـه لِحـاهـا كـــل يـــوم تـكـدهـا
ياواصـل ٍ منـي عريـب السـاس محشـوم المـقـام=لَــوّح عـلــى كـــور الـمـراجـل كـلـهـا وإشـتـدهـا
ملـفـاك عـبـدالله حـزامـي يــوم كــل ٍ لــه حـــزام=ساعـة تبيـن وينكشـف لـك مزحـهـا مــن جـدهـا
سلِّم وهو يـدري عـن المكنـون مـن بعـد السـلام=صـديـق عـمـرك عــارف ٍ حاجـتـك قـبــل تـعـدهـا
يـابـو دحـيّـم نحتـريـك الـوقـت طـــرّف والـهـمـام=الـعـمـر يـقـضـي ياصـديـقـي حـاجـتــه مـاسـدهــا
ولِّـم وعـجـل ياوسـيـع الـعـرف والمنـهـاج شــام=ليـن الثغـور اللـي عليـهـا الـبـرج يـزمـي حـدهـا
غصب ٍعلى المسكين والحاسد وملعون الرسـام=والله لـتـبـدع بالـبـيـوت الـعِــرْب وابـــدع ردهـــا
في اجمل بساتين ٍ زهت بالورد وغصون البشام=اقطـف علـى كيفـك زهور الـورد وأروح نَدّهـا
لاتشتكـي الحـيـرة تــراك بخـيـر جعـلـك ماتـضـام=واهــل تهـامـه لاغلبك الـوقـت جــزل ٍ مَـدّهــا[/poem]


وهذا رد الشاعر / عبدالله مقبل


[poem=font="Arial,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الهاجس اللي صرت أنا وياه في شبـه أستـلام =ماهو طرب ميـر الظـروف العارضـه لابدهـا
لا بد مـا حضّـر بنـات الفكـر لـلازم شمـام=الوقـت ضيـق والجمـال موقفـات بشـدهـا
وانا ليا جتني مراسيـل الكريـم ابـن الكـرام=واجب علـي أجاوبـه والجزلـه أكتـب ردهـا
حييت ياجـزل القصيـد وعـاش كتابـك ودام=الشاعر اللـي يعشـق الجزلـة ويوفـي مدهـا
شاعر ليا منه كتب يـروي الهواجيـس الحيـام=والمعرفه ورث الرجال أهل الوفـاء مـن جدهـا
من روس ربعي طيبين الصيت مرويت الحسـام=اللي مواقفهـم يشـوش الـرأس يـوم أعدهـا
عيـال عـم وجدنـا شيـخ لعـلـه للـرحـام=شيخٍ يحل المعضلات ان كـان وصلـت حدهـا
ورفيقي أعـرف رفقتـه وأقـدره تقديـر تـام=ومن لا عـرف قـدر القبيلـه رفقتـه يرتدهـا
وما دام يا عبدالله الموضوع رحلـه وانسجـام=أحسب حسابي وأجمع أغراض المسير وشدهـا
نفسي تتوق لخايعٍ علـه مـن الوسمـي غمـام=من مزنـة يجلـى ظـلام الليـل بـارق خدهـا
أرض قفر من بعد شدتها على الشـاوي حـرام=لو أن عينـه فـي مشاعيـل البـروق يلدهـا
ممساك في روضٍ يعطره الشمطـري والخـزام=تسـوى حيـاة اللـي ملايينـه مغيـر يعدهـا
سجة نفس ماهي حـرام ومـن بغاهـا مايـلام=أخيـر مـن نـاس تكـد وخيّـب الله كـدهـا
تجمع قناطير الذهب وتموت لو ينقـص جـرام=عسـى مبانيهـم عواصيـف الريـاح تهدهـا
وأنته توافقنـي وأنـا أوفقـك رايـك بالتمـام=حث القدم والكلمة اللـي فـي ضميـرك بدهـا
وليا بنيت الرأي لا تخشى عليـه مـن الهـدام=لو هبت الحايه صبـا شهـب الجبـال تصدهـا
والله مـا نحتـار والتكلـه علـى رب الأنــام=دام المراجل يا وسيـع العـرف نقضـب يدهـا
حزنـا جزيـلات المكـارم وأنتغانمهـا أغتنـام=الطيب لوهو مـن ورى سبعـة بحـور نقدهـا
نمشي على وضح النقاء غصباً على النذل الخمام=حتى البحور الهوج نعرف جزرهـا مـن مدهـا
سلاحنـا الايمـان وسيـوفٍ يقصـن العظـام=ورث الجـدود اللـي لحـزات اللـزوم نعدهـا
سيوفنـا اللـي نحتسيهـا للمهمـات الجسـام=عون الصديق وفي رقاب القوم يضـرب حدهـا
وقفاتنا تبقـى سـوات النـور جـلاي الظـلام=نفخربها لو أن بعض أهـل الحسـد مـا ودهـا[/poem]


وسلامتكم ...

1

ولي عوده

صح لسانك ياعبدالله..وصح لسان إبن مقبل

صوت وصدى من شاعرين لهما مع الإبداع تلازُم


تحياتىىىىىى لك

الله الله

رديّه وافيه وكافيه

صح لسانك ولسان سميّك ولاهنت

تحيّاتي لك

[align=center] صوت رائع .. وصدى لا يقل روعه

عبدالله الهديريس
صحت السنتكم ولا هنتم

ابدعتم[/align]

رااائعه

صوت وصدى لا اروع

صح لسااانك ياصاحبي وصح لسان عبدالله

اخوووك

[align=center][align=center]الله الله


بيت عبدالله الهديريس

الحـر يكفـخ بالجـنـاح لـيـا شـكـى ضيـقـه وحــام
ولاّ الـحـنـادي فـــي عشايـشـهـا وتـاكــل بـدّهــا

-------------------------

بيت عبدالله المقبل

حـزنــا جـزيــلات الـمـكـارم وأنتغانـمـهـا أغـتـنـام
الطـيـب لـوهـو مــن ورى سبـعـة بـحـور نـقـدهـا


صوت وصدى رائعاان

من شعار قصائدهم جزله

صح لسانك ولسان عبدالله مقبل

لك فائق الاحترام والتقدير

تحياتي[/align][/align]

وعليكم السلام ورحمة الله وبركاته
هلا اخوي عبدالله
صحت السنتكم لاهنتو
صوت وصدى روعه

الله الله الله الله الله الله

عبدالله الهديريس

ياسلام الله عليك وعلى الجزاله ..

وسلام الله على سمييّك

صح السانك ولسانه مدد ،،

دمتم بخير

صح لسانك يالهديريس


وصح لسان العصيمي


بدع ورد


وافي


لا هنت وتحيتي لك

صوت راااااااااااااااااائع

ياعبد الله وصداه مثله

صح لسانك انت وابن مقبل واعتلا شانكم

ابداع × ابداع عسى الله لايفرقكم

تقبل تحياتي ومروري يا مبدع

الله الله


يا سلاااااااااااام على الصوت والصدي


عمالقه ومبدعين


صحت ألسنتكم جميعا


مودتي

[align=center]عبدآلله آلهديريس .. عبدآلله مقبل

صوت وصدى ولا أروع ..

وعزآلله أبدعتم أبدعتم أبدعتم .. و عزالله من نوآدر مآ قريت ..

لا هنتو على كل حآل .. و صح آلله ألسنتكم ..

تقبل مني فآئق آلود . [/align]

عبدالرزاق الذيابي


مرورك وجحزك شرف


بانتظارك يالقرم

عبدالرزاق الذيابي


مرحبا بعودتك

يسعدني تواصلك وتشريفك يالقرم


صح بدنك لاهنت


لاعدمت تواصلك

مرحبا ومسهلا يا بوعابد

ومساجلة محترفين شعر فعلا

بارك الله فيك وفي الاخ عبدالله بن مقبل
وصح لسانك ولسانه

مع صادق الموده ،


..

عبدالله

صح لسانك ولسان عبد الله مقبل

ابداع وامتاع وجزالة صوت وصدى

تحيتي وتقديري

صح لسانك ياعبدالله انت وابن مقبل


عزالله شعار كبار


قمه


تقبل مروري


ولاهنت يالذيب

بدر العتيبي

صح بدنك يالجزل ولاهنت

اشكر تواصلك المشرف

لاعدمتك

جابر الثبيتي

لاهنت يالقرم علىا تواصلك ومرورك

صح بدنك


لاعدمتك

ياسلام
ياسلام
ياسلام





عبدالله الهديريس

ماشاء الله تبارك الرحمن
صوت وصدى في غاية الروعة
صحة السنتكم
تقبل مروري

-



شعار كبار .. وبدع ورد ما شاء الله تبارك الله



لله دركم يا شعار



صح لسانك يا عبدالله ولسان ابو مقبل



ولا هنتو