خذيت من روحي لروحـي فوايـد (عبدالهادي بن راجس)

[align=center]من قصائد الشاعر الكبير/ عبدالهادي بن راجس (ت 1428هـ) رحمه الله:[/align]

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خذيت من روحي لروحـي فوايـد=ثــلاث جـــزلات شـــويٍ عـددهــا

الاولـه حـبـي دخــول المسـاجـد=والبعد عن من طاعـة الله فقدهـا

والثانـيـة حـبـي لحـفـظ العـوايـد=والبعـد عـن نـاسٍ كثيـر حسـدهـا

والثالـثـة حـبـي لنـظـم القصـايـد=لامـرت الرجـل الحمـيـد يحمـدهـا

وزودتهـا مـن روح روحــي زوايــد=الـــوذ فـيـهـا لا بـلـيــت بـنـكـدهـا

احـــب رجـــلٍ بالمـهـمـات كـايــد=لا قلت لـه ذيـك المهمـة قصدهـا

لاجــا نـهـارٍ فـيـه نـاقــص وزايـــد=يحلـهـا لــو كـثـروا فــي عـقـدهـا

وأحــب زيـنــات الـبـكـار الـنـوايـد=علـط الرقـاب اليـا توفـر سعـدهـا

خطو الفتاة اللي ظهرها امتعايـد=لا اوحت ضباب الـوِرد نـارت وحدهـا

صفـراً عليهـا مـن وبـرهـا شـرايـد=مثل الهنوف اللي تنقض جعدهـا

تلعـب نـهـار العـيـد والعـيـد عـايـد=بيـن الصـفـوف بخيـزرانـن بيـدهـا

تنقض جديل الرأس فوق القلايـد=وتشوف من حبه بداخل جسدها

لاضـاق صـدري والليالـي شدايـد=نصيـت لـي صـفـراً تــدرج ولـدهـا

صـفـراً لبنـهـا للنـشـامـى بـرايــد=في دكةٍ مـن جـاء ييبيهـا وجدهـا

وأحب ممشاً بيـن هـدب الجرايـد=غـيــدٍ ثـمـرهـا نـادرٍفــي بـلـدهــا

وأحـب ممشـاً بالفيـاض الجدايـد=بيـن البيـوت اللـي رفـاع عمـدهـا

وأحـب اخـيـل مـرزمـات الرعـايـد=دعم السحاب اللي ثقيل رعدهـا

تضفـي عـلـى دار تـضـم البـدايـد=يـرتـاح بـالـي لا مشـيـت برثـدهـا

برفقـه مشاكيـل وســاع البنـايـد=شقر الحرار اللي ينومس هددها

هـذا هـواي وباقـي العـمـر بـايـد=ولا دامـت الدنيـا لمنهـو رصـدهـا [/poem]

[align=center]وسلااااااااااامتكم[/align]

الله يسكنه جنان النعيم

شاعر علم رحمه الله

ولاهنت يا بداح على استذكار نوادره هنا ،


..

يامال العافيه

يابو فهد

عودتنا على كل الامور الطيبه

والله يرحم الشاعر عبد الهادي بن راجس

"

رحمة الله عليه


عز الله شااعر يطرب كل من سمع له ,,


قصيدة لازالت فالذهن

بداح السبيعي

لاهنت

هلا اخوي بداح
الف شكر على هالنقل الرائع
والله يرحم الشاعر عبدالهادي بن راجس

هذا هـواي وباقـي العمـر بايـد . . ولا دامت الدنيـا لمنهـو رصدهـا


صدق ، رحمه الله رحمةً واسعه ، كان شاعر ورجل خير نحسبه كذلك ولانزكي على الله أحد ..



بداح ..

الحقيقه كلمة شكراً لا تفيك جزء من قدرك وقدر جهدك في المرقاب

نسأل الله أن يعينك على كل خير ..


لعلك تلاحظ معي ثاني بيت وبالتحديد شطره الأول حيث وردت كلمة " المساجد " مكتوبة باللغه العربيه

وإلاّ كان الشاعر رحمه الله ينطقها بالعامّي " المسايد " جمع مسـيد ، وهو مايثبته تناسق قافية الصدر ..




والسلام’ عليكم

الله يرحمه ويسكنه الجنه

ابن راجس

شاعر من اعلام الشعر

لاهنت يابو فهد على هالايراد الرائع

تحياتي لك

..

الله يرحمة رحمه واسعه ويسكنه فسيح جناته


شاعر علم , ورجل مذكور بالخير ,


لاهنت يابداح

ياسلام

نص لا يكتبه إلا شاعر كبير

لاهنت على النقل يا بداح على النقل الرائع

الله يرحم الحي والميت من المسلمين


أشكرك شكر جزيل يابداح


قمـّـه

هذا هـواي وباقـي العمـر بايـد
ولا دامت الدنيـا لمنهـو رصدهـا


صحيح .. هذا والله المغزى والمكسب .!


الله يرحم شاعرنا
ويجزاك خير

الله واكبر

رحمة الله على الشاعر عبدالهادي بن راجس

لاهنت يابداح

مشكور على تزويدنا بهذه الدره

محبتي واحترامي

اخوك

الله يرحم الشاعر عبدالهادي بن راجس

وعزالله انها من عيون الشعر

لا هنت يا بو فهد

السلام عليكم ورحمة الله وبركاته.


قصيدة رائعة رحم الله شاعرها.


تقديري.


السلام عليكم ورحمة الله وبركاته.