( فلونزا الخنازير ) .... للشاعر / عبدالمحسن المطوع

قصيده رائعه مواكبه للحدث الابرز على الساحه الطبيه والمجتمع الدولي

للشاعر القدير / عبدالمحسن محمد المطوع

اتمنى ان تنال اعجابكم ,,


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الغرب يدرى الكلب والقط والطير=يعالجونه لين يبرا صوابه
وحنا بلشنا بافلونزا الخنازير=يموت مسلمنا ولا أحدن درا به
ووزارة الصحه تسوق التباشير=من مات قالوا عند ربي ثوابه
وسط الجرايد هرجهم هرج تخدير=وألهى المواطن لين سقمه غدا به
ماحدن يرد الموت ياأصحابنا مير=دكاترتكم ماعليهم رقابه
لا جيتهم قالوا تجينا على خير=أليا ألتهب صدرك وزاد ألتهابه
اليا التهبنا والهبتنا المقادير=طبك يابو العريف وش ينبغى به
ياربعنا هاتوا لنا من عقاقير=قوم بواشنطن سواة الذيابه
أكبر مصايبنا عليهم تياسير=وأصغر مصايبهم ولابه غرابه
أكبر علينا من شمالات والنير=وشي بعض لأحيان ماينحكابه
والله مابه فرق عن ربعنا غير=مسؤولهم لا أخطا شديدٍ عقابه
وحنا نصيفتهم شهادات تزوير=ويداوي العربان حضرة جنابه
عقب الشهاده شاف حشمه وتقدير=وقبل الشهاده كان ريّس عصابه
يجونه المرضى ويكتب تقارير=يدبل مرضهم لأجل يدبل حسابه
همه من العربان جمع الدنانير=والمشكله دكتور كلٍ يهابه
خطاه يودي بالرجال المناعير=للموت وآخرها يجمّع زهابه
ويعطى جوازه مايبي غير تأشير=ثم راح راسه فوق متن السحابه
جا واستغل الناس من دون تبرير=لابوه لابو من سعى له وجابه
لو ان بعضهم ماحصل منه تقصير=يسعى ويشكر جهده اللي سعابه
يداوي العله بحكمه وتدبير=ويراقب اللي مايخيب الرجا به
يالآدمي والحق ماعنه تأخير =والموت تحت أذنك منوخ ركابه
ماهوب هم ولو يجي دون تحذير=الهم فأسبابه اليا أركا حرابه
لو هو يصيبك دون بيض الغنادير=يامرحبا بالموت يامرحبابه
الغبن لا جا بافلونزا الخنازير=ثم راح مسلمنا ولا أحدن درا به
[/poem]


.

ههههههه

ماهوب هم ولو يجي دون تحذير
الهم فأسبابه اليـا أركـا حرابـه
لو هو يصيبك دون بيض الغنادير
يامرحبـا بالمـوت يامرحبـابـه
الغبن لا جا بافلونـزا الخنازيـر
ثم راح مسلمنا ولا أحدن درا بـه



قصيده اخذة من شتى الاساليب حتى الفكاهه .. صح لسان المطوع ولاهنت يا ياسر ..

بس عدل كلمة بيض الغنادير.. انا اقول وش بيص الغنادير ..
احسبها جمع كلمة باص .. واثرها بيض الغنادير ..

الله الله

خطاه يودي بالرجـال المناعيـر
للموت وآخرهـا يجمّـع زهابـه
ويعطى جوازه مايبي غير تأشيـر
ثم راح راسه فوق متن السحابـه
جا واستغل الناس من دون تبرير
لابوه لابو من سعى لـه وجابـه
ياسلام صح السان الشاعر ولاهنت على النقل

ياسلام على النقل المستحق


ابيض وجه ياياسر


وصح لسان عبدالمحسن

غيمار

وسط الجرايد هرجهم هرج تخدير
وألهى المواطن لين سقمه غدا به


صح لسان شاعرها


ولا هنت على هذا النقل



تحياااااااتي

..

يا سلاااام


صح لساااان المبدع/ عبدالمحسن المطوع

فقد صوّر الواقع ببراعه وصدق

ونقول كما قال محمد الماغوط: (أيتها المستشفيات الحكومية، لو كُنتِ فعلاً مُستشفيات، فلماذا يُسافر وزير الصحة إلى الخارج للعلاج)

ألف شكر يا بو مروي على النقل الموفق


تحياتي لك

ابو مروي


صح لسان المطوع

تناول الحدث بشكل جميل

لاهنت على هالنقل

لك فائق احترامي وتقديري ...!!

الله يكفينا الشر عز الله صادق في كل كلمه
ياسلام حرفنه شعريه وابداع الله لا يضرك
صح الله لسان شاعرها ولا هنت يا ناقلها

لك التقدير

ابو هليّل

مرحبا بك ومرحبا بمرورك

لاهنت

أكبر علينا من شمـالات والنيـر
وشي بعض لأحيـان ماينحكابـه
والله مابه فرق عن ربعنـا غيـر
مسؤولهم لا أخطا شديـدٍ عقابـه


صح لسان المطوّع ولاهنت على النقل يا ياسر ،، قصيدهـ بالصميم



تحياتي

صح لسان شاعرها


ولا هنت على هذا النقل

صح لسانه والله

والله لا يهينك على النقل يا ابو مروي

تحيتي واحترامي

اخوك