ياك ...!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سلام ياعد صباحه وردناك= اليوم ماعينت لي ورد جاكا
ياعد وين اللي طراته لياجاك =اللي ليا جيتك يجيني علاكا
اللي ليا جيتك يجيني على ماك =واليوم لاجاني ولاجا يباكا
في ما مضى تدهل وروده ضماياك= واليوم من ورده خلي جال ماكا
اليوم خلاني وقفا وخلاك =خلاك واخلا ورد ماك وجفاكا
عد جفيت سهيف الروح يجفاك =واهمه علاك الهم منول مداكا
ياعل همال السحاب يتعداك =شيءٍ يحي دونك وشيءٍ وراكا
لالاك ماشد اريش العين لالاك =لكن حاديه الضما من ضماكا
وعساك تسقى يوم حنا نزلناك= من جاهزٍ خيل علاك وسقاكا
وعساك تمحل واصبح المزن لاسقاك =لالاك ما صار التفرق لالاكا
يازين ياللي عني البعد ينحاك =البعد ينحاني وعني نحاكا
خليتني واقفيت واقفت رعاياك =واقفت خطاي وعني اقفت خطاكا
يازين عطني حبة من شفاياك= لو مير ابا اخذ لي عليك ادعاك
ياذاك يالطف الخواصير ياذاك= والله ما اعلم بك ولا اقول ذاكا
من خوف هرجٍ يقتفيني ويقفاك= ابا اتحصن عن قفاي وقفاكا
اقفيت ماعلمتني ويش نياك= لا اقول شح ولا تجود بعطاكا
دايم على روهاج قلبي تحراك= لين انسقم حالي وانا في رجاكا
لا ايست منك ولا عرفنا نواياك= ولا قلت مطلوبٍ رخص في فداكا
مدحت لي مدك وجودك وعطواك =وانته عطاك قريبٍ من رداكا
ليتك تعلمني بغيبك ومعناك لين =اني اعرف ويش غيب مناكا
مدري تماري لي باالامزاح مناك= والا علي مغل مثلي علاكا
عطني عطاك الله ومد الك واعطاك= لاتقصر المعروف مني الياكا
ان جاز لي لاماك جالي بلا ماك =وان جزت عني جاز حالي بلاكا
والله مع اهل الجود مد الك واعطاك= واقبل ومن غيري تباه ويباكا
ياجادلٍ ون جيت اوصفك واقداك =لاعبج لا عريان عذبٍ لماكا
لا خوخ لا رمان ما اعرف حلاياك =عن كل هذا عايزاةٍ حلاكا
ولاعنق ريمي الجوازي ليا صاك =ان شاف له ذيره وزيله نصاكا
ولا ضيمران وساقي العين ياطاك =وعلاه للفي الظليل انفراكا
ياعنبرٍ من عالي الوجن مجناك =ما كل رقايٍ ليا جا رقاكا
ولا محمل الشامي ولا كنه اياك =ولا انته بمثل له ولاهوكماكا
ولا من هل الغربي ولا التهم مرباك =ولا من هل الخبت الحتون الحكاكا
الشرق مربى لك ودارك ومشهاك= دارك وديرة حيك اللي رباكا
وجدي على قربك وهرجك ولاماك =لاماك ياغروٍعلى مستواكا
لاماك لو امشي واقارن با لاملاك =مافي يدي الا عصاي وعصاكا
لاكن من دونك حدوني دناياك= دونك حدوني وابعدوني ولاكا
ان جيت ارودك يا اريش العين وابغاك= دونك حداني واحدٍ ثم حداكا
يالله ياللي كل عين ترجاك =ياللي جميع الخلق تطلب رجاكا
انك تديره يامديرٍ بالافلاك =يالله ياللي لا اله سواكا
يارب دعوة مسخرٍ منك ولياك يبغاك=تطلق له هذ من هذاكا
اطلق شبك من منشبه عسر الاشباك =يا الله يامطلق قوي الشباكا
من منشبه عسر الشبك كيف ينحاك =ينحاك لو مايحسبنه يحاكا
ويا رب يوم اطلبك واسألك وانخاك =انك لتقبل دعوة اللي دعاكا
كان اني امشي في مطوعتك وارضاك= ماذي ولا استاذي واعاين رضاكا
واهوه مواذيني وحتى انت يعصاك =ملعونٍ ايواذي العرب ويعصاكا
وانك تحته من لزايمك وعراك= يارب حته من لزايم عراكا
وانك تجيه بحيتن من حياياك= والا تجيه بمرودٍ من سماكا
حديتني عنهم عسى الويل يحداك= عن شف بالي لا رحم والداكا
ويومني انخا الله يضرك بدنياك= ابغا عساه يفكني من غثاكا
لاشك قلبي مجحرٍ منك واشاك= لاشاك في حالٍ وحالٍ اشاكا
لا شاك في حالٍ وفي حال شكاك= شكٍ بد حويرثين حشاكا
وياقلب يوم انصحك واعذلك وانهاك= عييت تقبل دعوة اللي دعاكا
اقول تبعك للغنادير عناك عناك= ياقلب العنا من عناكا
يلعب بك اطراق الهوى لين غواك= واليوم ميز رشدكا من غواكا
لاعاد تعناني وانا عاد ما اعناك= من يوم منحلاً عليهم رواكا
ما احلاك يا قافن على ياك ما احلاك =انصح بك اللي ياللحون انتقاكا
يلعب بك الشاعر على قد معناك= وعلى هدف معناك يطرح بناكا
ستين بيتٍ كلهنه على ياك =يازين ترتيبي على قاف ياكا
[/poem]

لــ/ عبد المعين بن عقل العتيبي

يبيلها قرايه مره ومرتين

لكن تسلم ياسلطان

وصح لسان عبدالمعين

غيمار

مايحتاج



قصيده من يوم انا صغير وانا اسمعها










بيض الله وجهك على الإيراد

صح الله لسان شاعرها ولا هنت على نقلها يا سلطان

هلا يا غيمار

مرحبا بك في اي وقت
ولاهنت

سنجار

لاهنت
ولاعدمتك ولا عدمت حضورك
تحيتي

بدر ناصر

لاهنت يا ابو ناصر ولاعدمت هالحضوور
تحيتي

عز الله كايفه
وفيها تمكّن وشاعرية جميلة


سلطان .. لا هنت دائماً تأتي بالمفيد


تحياتي

الله على هذه القصيدة


لكن يا سلطان هو الشاعر العلم / عبدالمعين الثعلي رحمه الله والا غيره ؟


لاهنت ،

محمد بلال

صح كلك ولاهنت
حضورك فخر لاعدمتك

هلا يا دكتور سداح
مرحبا بك وبحضورك

وهو بعينه الله يعطيه الجنه ويبقي راسك