اهدا لبروفيسور الشعر /سداح العتيبي

اهـــــداء لبروفيسور الشعر وان رد سداح هذا يعتبر تشجيع وشكرا



[poem=font="Tahoma,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

يانعنبو هالحب كان الهوى ذل=ذل النفوس الطيبات العفيفه
توي عرفت اهل المحبه مهبل =هم يحسبون الحب مثل الوظيفه
اليا بغا ينقل يقدم وينقل =وان زان جوه جالسن في مضيفه
وان كان تبغا الصدق والعلم والحل =لابو وليفن مايقدر وليفه
وان كان ياسداح في خاطرك حل =لهل الغنج واهل القلوب الرهيفه
ياجعل كل الحب ياخوك ينشل =والله مافالحب نيه نضيفه
وانا اخبرنك راعي الطيب والبل =راع العلوم الطيبات الشريفه
مالك ومال النقص ياخوك وزل =واهل العقول الساذجه والضعيفه
وان كان في قلبك نزل غصب واحتل =لابو وليفن مايقدر وليفه [/poem]

لابــــو ولـيــفــن مـايــقــدر ولـيــفــه



نياف / صح لسانك

الله الله

اي والله انك صدقت يا نياف

صحّ لسانك طال عمرك

ولفت انتباهي هالشطر ..( وانـا اخبرنـك راعــي الطـيـب والـبـل )
في كلمة (اخبرنك) اتضحت لي الصوره منك طال عمرك وكتابتها تكون كذا ( اخبر انّك ) افضل

والأكيد نصّ جزل وشاعر مبدع

اتمنى لك التوفيق ونشوفك بيننا في المرقاب الشعبي

لاهنت

تحياتي وتقديري

..

صح لسانك لين ترضى ..
وبانتظار رد " د. سداح " ..
موفق خير يا اخوي ان شاء الله ..

تقديري

..

صح لسانك



قصيده رائعه


انت شاعر عذب



تقديري

الله الله يا نياف العضياني
حياك الله ومرحبا ومسهلا وصح لسانك قبل كل شي

والحقيقه الغزل مدري من وين اجيه
لكن اللي مثلك نجاريه ولنا الشرف واقبل هالممازحه غير الشعريّه ابدااا

يا اللي شكيت من المحبه تمهل
الوقت موحش والليالي مخيفه

ترا عذاب الحب ضافي على الكل
أهل العيون المبصره والكفيفه

أن كان ما تزحف من الشمس للظل
أصبر على لفح الهبوب الكليفه

مثلك عزيز النفس ما يقبل الذل
مواكره روس الجبال المنيفه

لكنّ لا تدعي على الحب بالسل
قلبك مورّا مير نفسك معيفه

ما ينسرق غير الحلال المهمل
و اللي تحوفه تآخذه بالنصيفه

وقلبي بعد كبّ المحبّه تجمل
وابشرك عايش على كيف كيفه

لا خاطر ٍ يكسر ولا دمع ٍ يهل
خسرت لكن الخساير طفيفه

واليوم يا نياف دمّي سوبر شل
ثقيل مير محركاته .. خفيفه

والله يحييك يا نياف وشكرا لاهتمامك وانا اخوك ،

صح لسانك ولسان الدكتور سداح ولاهنتوو

صح لسااااانك يانياف واسندت لك على علم ,,,

اما انت ياسداح هذي مكانه الشعبي الله يحييك لانها دره ولايفوزبها الا انت ,,

أن كان ما تزحف من الشمس للظل
أصبر على لفح الهبوب الكليفه

الله الله الله

ما ينسرق غير الحلال المهمل
و اللي تحوفه تآخذه بالنصيفه

وقلبي بعد كبّ المحبّه تجمل
وابشرك عايش على كيف كيفه

لا خاطر ٍ يكسر ولا دمع ٍ يهل
خسرت لكن الخساير طفيفه

هذا والله الصحيح لله درك يادكتور ,,,

واليوم يا نياف دمّي سوبر شل
ثقيل مير محركاته .. خفيفه

والقفله هنااااا والله انها عن قصيده لحالها ,,

تقبل اعجابي بكل ماهو جديد ومتابعي المستمره ,,

تـوي عـرفـت اهــل المحـبـه مهـبـل
هم يحسبـون الحـب مثـل الوظيفـه














لا هنت

،،


ياسلام يانياف صح لسانك

..
واليوم يا نياف دمّي سوبر شل
ثقيل مير محركاته .. خفيفه



ههههههههههههههه




صح لسانك يادكتور
ابدعتو جميعا ً






،،

نياف صح لسآآنك مليووون

والله يعينك على الحب..

وصح لسان شاعرنا سداح وماقصر..

كل الود..

الله الله الله
صح لسانك يا نياف
وصح لسان الدكتور سداح