يابوي.... مصافحه ثالثه.

السلام عليكم ورحمة الله وبركاته


مساء الخير لجميع الاعضاء والزوار الكرام..

مصافحه ثالثه نجدد بها التواصل.لعلها ترتقي للذائقه الشعريه..

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]




يابوي دورلي من البيض مخراج=مادام قلبي من ورا البيض مخجوج
يلوعني رمحه على القلب ميلاج=يوم الروابع قيدت كل منتوج
والشور مثل النور بالعتم ينباج=اليا تعتم .فوق الاعيان دالوج
بحر الهوى مافيه مرسا ولاساج=وانا غريقٍ مير نجابي الموج
قلبي من الهجران جاء فيه لجلاج=واليا تهادا كنها طبلة زنوج
هموم قلبٍ كلها زوغ وازراج=وانا بلايه من ورا قايد الغوج
السهم دونه يابيض الوجه ينعاج=يوم السهم!يرتد بضلوعي العوج
ومسامعي عيت على كل هراج=واليا سمعنا صافي القول ,مسموج
وشوف الخلايق مابها طب وعلاج=والفكر عن قول المخاليق مصنوج
كني مضيع نقطتين من الزاج=على سوادٍ دونها يرخص الحوج
لابو زمانٍ خلت القلب يحتاج=ولابو زمانٍ خلت الوجه مسهوج
ياليتني ماني على الدرب نهاج=ولالمحت اللي به الغنج مدموج
ام العيون اللي بها لمعة الصاج=وام الخدود اللي به التوت ممزوج
ومبوسمٍ ثغره ,وثغره من العاج=ومجدول كنه فوق الامتان منسوج
ذيل اشقرٍ كنه كما وصف ديباج=يوم السبايا راحت امراج وفجوج
لو عرضن بيض العماهيج بافواج=احكمت قلبي في مسامير وزلوج
شاحت عليه يوم قلبي بها هاج=هوج الرياح اللي بها صوت وزعوج[/poem]

مودتي وتقديري عرار الحربي .

harar41@hotmail.com

يا سلام



ابداع يا عرار وقريحة تستحق المتابعة

صح لسااااانك مدد وسلمت

يا مرحبا بك يا عرار الحربي

صحّ لسانك

و لاهنت

تحياتي لك

مرحبابك يا عرار الحربي

وصح لسانك على هذا النص الجميل والمفردات الجزله .

عرار الحربي

حضور ( رائع ) وتواصل بديع
كل التقدير لك