حمد العيباني

تطيح ! ، قدام عيني ( أُمنية ، أُمنية )
مثل مطيح المدامع ، من عيونْ الفحل

الحُب في داخلي / ، يحتاج لـ التنمية
ردمت ! كـل المشاعرْ يوم قلبه رحل

والشوُق / في داخلي يحتاج لـ التغذية
والثوب ، ما هو بثوبي لَنْ جسمي نحل

والجرح ، في داخلي يحتاج لـ التوعية
اللّي جْرحك إجرحه لو كان راعي محل

( أنـا ) غريب الشعوُر بـ عالم التقنية
يا ودي أهاجر العالم ، وأعيش بزحل !


.................................................. ........................

تستحي مني , وذابــحك الخجل
يوم تسئلني وانا عيوني تجيب


ايه انا عاشقك من غيري اجل ؟؟
يعشقك ‘ لو ماله بقربك نصيب


الزمــــن خـلاك في (ذمة رجل)
بس ما خلاك عن بالي تغيــــب


ما نسيت عيونك السود النجل
اذكر فراقك ليا حــــان المغيب


ليه تبطي وانت بالفرقا عجــل
ليه تجرح ؟؟ وانت لـ جروحي طبيب


نعمة النسيان من عزا واجل
النعًم ، ما دام جرحك ما يطيب


لا طريت اضيق واسوق الرجل
وانت مثل ليل بعيون الغريب


ما زرعت الحب في قلبك لجل
يقطفه انسان غيري يا الحبيب !!


من وفا بالحب وأفاه الاجل
البشر عيت مع الطيًب تطيب



.................................................. ..............


ميت الروح .... لو جسمي ما ضم القبر
اذبحتني عنودٍ ما خذت بالها


الشعر صوت قلبي يوم نبضي حبر
ايه غنيت يوم الحب غنالها


اوزن البيت لاكن خاطري ما انجبر
اكسرتني (بصح لسان من قالها)


اتجاهل احاسيسي........... عناد وكبر
طايشة من شرب بالحب فنجالها


هي ملاذ القصيد ولا ترد الخبر
همها بس كشختها و جوالها


طايشة علمتني ويش معنى الصبر ؟؟
ليتها يوم قفت .. قفت لحالها


ما خذت حلم بعيون المحبه كبر
كم مهرة تشوم لعين خيالها


حلمي اسمر .. وحظي من عرفته غبر
لين عودت نفسي تخسر امالها


ازرعيني تجارب واحصديني عبر
حالة تخوف العشاق من حالها


ميت الروح .... لو جسمي ما ضم القبر
اذبحتني عنودٍ ما خذت بالها