ألك التأمل والتألم ليّه ....

التلاقي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازين التلاقي من بعد فرقة الخلان=وياشين التجافي عقب طيب ووفا الاحباب
يطيب التلاقي بالفرح في ضمير انسان=ويسعد عقب جور الليالي بليا اسباب
وتجري له الانهار ويخضّر البستان=ويفرح به الغالي من اقراب والا اصحاب
هذا وجه تشبيه التلاقي وانا طربان=على شوف من عنّي حدته الليال وغاب[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياابوي وانت ادرى لو اتطول السنين=لابد تفنى هالحياه الفانيه
دنيا دنيه مابها شي" ثمين=الا بطاعة خالق الإنسانيه
لو عمر الإنسان يتدبل مرتين=يجي لها ويروح مثل الثانيه[/poem]

السلام عليكم



مر علي موقف طريف هذا اليوم


وهو دق جوالي (( رقم غريب )) ورديت عليه


------------------------------------

الووووو


!!!! صوت بنت <<<< الاخ ماهو متعود


مرحبا

كيف الحال


الحمدلله


توصل مشاوير داخل منطقة جدة



؟؟؟!!! لا ليه <<<< لخبط الأخ




لقيت رقمك في النت توصيل مشاوير



لالا غلطانه


--------------------------------------


جيت عند صاحبي واخي الشاعر تراحيب بن حميد المطيري


بعد ماانسجمنا في السوالف


قلت

دقت علي تقول عندك ليموزين


قال من ؟؟؟!!! واستدرك قال هذا شطر قصيده


ضحكت وقلت ايه وعلمته بالسالفه


قال مكمل الشطر


قلت ايه مير ضروفنا مشغلتنا



وبدأنا شطر عنده وشطر عندي من باب التسليه وخرجنا بهذا النص البسيط


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

دقت علي تقول عندك ليموزين=قلت ايه مير اظروفنا مشغلتنا
والا على شيلتك بالحيل شفقين=لكن ظروف ايامنا حاكمتنا
لا يالغزال اللي يساوي ملايين=شوفتك طب وهمستك عذبتنا
حنا على الشدات بالحيل قاسين=شوفي ملاهيب الزمن واسمتنا
ذقنا من الايام طعم الأمريّن=شباب وضروف الزمن شيبتنا[/poem]

العميد مشعل بن سويلم النفيعي رجل كفؤ وشهم


طلبت منه نقل من وحدة لأخرى بنص شعري وكان عنده مواضيع نقل لأقاربه وأخبرني بذلك قلت أنا أخر شخص من اللي عندك إذا أنجزت مواضيع أقاربك أنجز موضوعي قال ابشر ومرّ على الموضوع سنه كامله وارسلت له نص أخر رغم اني على علم بإهتمامه بموضوعي ولكن من باب التذكير :



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البكره اللي زينها كاسي ظهرها والسنام=غذيتها لين انها صارت بخير وناميه
دربتها لين اصبحت تمشي على حسب النظام=وجهتها للعد مزبان الرجال الساميه
وردتها للعد مع زمل" تعدا قبل عام=والزمل صادر من سنه والا المطيه ظاميه
لو انها شربت من العد المسمى ياسلام=والا لقينا العد جاذب كان ماينلاميه
لكنه العد الذي يعناله الزمل الحيام=وكبودها من ماحصل فالوقت تقطر داميه
سلام يالعد القراح الصافي العذب المرام=مزبان ربعه يوم بقعا بالمياسم حاميه
مشعل سويلم بلسم جروح اللحم فوق العظام=يحل وضع اللي زبن من شرق والا شاميه
عميد فالرتبه وفي جاهه فريق ابن الحشام=سليل قوم" فاللقا تظيم ماتنظاميه
ياابن سويلم عجل بموضوعنا والعلم هام=همي ثقل كبرالجبال الطايلات الزاميه
تكفى نصيتك لاترد العلم يانسل الكرام=وانته كفو تقدر تلم اطرافي المترامية[/poem]

ياسلام عليك ياعادل

ركن عذب وطريف وجزل ومجتمع فيه كل اغراض الشعر


اسمح لي بالجلوس بين احرفه


وصح الله السانك على كل حرف



متابع


ودي وتقديري

ياهلا والله ومرحبا باابن سبهان


الركن يفخر بمن مثلك وشرواك


وشهادتك وسام شرف


ياهلا بك يالغالي

مرثية في وليد رحمه الله ابن عمي الشاعر غويزي بن عريمط الأسعدي


الله يبطي بالشر عنا وعن اخواننا المسلمين




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياالله يارب ياقيوم وانت المطاع=ياعالم" عن خفايا احوالنا فالزمن
ياحافظ الجن والإنسان في هالبقاع=من طاعك بعزتك يرقا سما ماطمن
الناس من دون جودك ياإلهي جياع=انت الذي ترزق العالم بقوت وسكن
الادمي تخلقه طفل" بسن الرضاع=يمشي برحلة عمر وسنينه يدرهمن
يمر باحوال واجد ياسنع ياضياع=من فكر بعقل غيره مايحصل رسن
بيوم" به الناس جوعا مايحصل شباع=الا من اكثر من الحسنات وقت المحن
يمر وقته بسرعه لين وقت الوداع=ويروح من عالم الدنيا بقطعة كفن
والبارحه جفني اللي رافض الإنصياع=للنوم بافكاري اللي فالخيال سبحن
من يوم جاني خبر جا للضمير انفجاع=بعد الشعور ارتجف خيم علي الحزن
ذكرت عمي زبون الطيب في كل باع=مبرك وانا لاذكرته صاب كبدي وسن
وذكرت ابن عم غالي حيل والقلب ماع= ودموع عيني على فرقا وليد ذرفن
ضحا بنفسه تقدم حي هالإنطباع=من دون اخوه يتقدم والمنايا دنن
وياابو وليد احتسب مادام راح الشجاع=مدري بعد بكره نعزي بعضنا فمن[/poem]



** للتنويه فقط مبرك بن عويد ولد عم ابوي توفى قبل اكثر من عامين ولن أنساه ماحييت