( على حاله ) ..!

هلا اختي اخت من طاع الله
صح لسانك لاهنتي
والله يرحم الوالد ويرحم اموات المسلمين اللهم آمين

*

*

غيابك عندنا كوم وَ ألـم فقـدك علينـا كـوم
وبعدك أيّات كلمـة تجـرح الخافـق وتغتالـه

بعدك اسأل مسافات التعب من غبت لين اليـوم
عنك وتبدد أنفاسي ليا قالت {علـى حالـه..!}

الله يرحمه ويسكنه فسيح جناته ويرحم جميع أموات المسلمين
المبدعه \ اخت من طاع الله
صح لسآنك مدد

دمتِ بأطيب حال

المشاركة الأصلية كتبت بواسطة أخت من طاع الله

[align=center]قبل وفاة والدي
كانت هذه المنظومة
والتي تفتقر لكل شيء
عدا حزن اللحظة
وخشية الفقد
من غيابٍ خلفه أسوار وهن ..
،
أتمنى أن تتجاوزوا عن بساطتها .. [/align]

[align=right][/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]{على حاله ..} مكانك يايبه من غبت لين اليوم=وعلى حال المكان أصيح وأذكر ماضي أحواله
كأني به مقر الطيب مثلي يايبه مصدوم=يدور من لقاه الطيب بين الناس مدهاله
يدور فـ العيون اللي تمره عنّك أي علوم=ولايلقى ياكود الدمع مسفوح ٍ على جاله
يبه مرت ثمان شهور بنتك ما أهتنت بالنوم=وأظن أتلى العهد به يوم فقدك حطت إرحاله
على قلب ٍ قصا يا يابتي من حمله المردوم=وضرى به لويثوع الصبر مما ضمت أنحاله
لو إن اعمار خلق الله لها بسوق المنايا سوم=ياكثر اللي يبى يرخص من أجلك حاله وماله
لانك ماكر ٍ فوقه مطاليق الحرار تحوم=لهم درع وحجا لا أبدا الزمن سوّه وغرباله
وإذا فالمتن بان لمضهد اللي يحملون وسوم=جمل لو هو كبير الحمل عنهم كنت تشتاله
قوي عزوم في وقت ٍ يبى مثلك قوي عزوم=على أنه عسر لكنك من أبرز وأطيب رجاله
بذراعك فيه اخذت المشيخه ما خذتها بختوم=أهلها فالرخا " قوم ٍ" لعقد الحبل حلاله
لكّن لو كبرت القاله وعنها أفخت يدين " القوم "=تجي منقادة ٍ عندك وعندك تصغر القاله
يبه يامسندي كيف آصلك بعدك وكيف أقوم=وأنا كلي كسيرة ماسطا من حزن ما أحتاله
ويبه كل الشتات اللي نعيشه كان بك ملموم=وحال قلوبنا يانبضها من غبت يرثاله
خبا كل الضياء والحزن معتم والأمل معدوم=بغير اللي عساه يظلنا وياك بظلاله
غيابك عندنا كوم وَ ألم فقدك علينا كوم=وبعدك أيّات كلمة تجرح الخافق وتغتاله
بعدك اسأل مسافات التعب من غبت لين اليوم=عنك وتبدد أنفاسي ليا قالت {على حاله..!}[/poem]

[align=left][/align]

ثاني نص اقرأه لك بـ نفس نبرة الحزن النبيل ..!

نص قريب للنفس ..! جميل بكل حالاته

صح لساااانك

[align=center]
تركي بن عبدالله
جزاك الله خير يا أخي
وشكراً لك ..
[/align]

[align=center]
" عادل بن محمد "جزاك الله الجنة يا أخي
على دعواتك الطيبة وحضورك الكريم
وشكراً جزيلاً..
[/align]

[align=center]
دمت على عز وطاعة يا أخي " مشعان "
وشكراً جزيلاً لك..،
[/align]

[align=center]
" نواف نايف "
ممتنة لحضورك وَدعواتك التي اسأل الله أن يتقبلها
وَ يجزيك عن كل حرف درجة في الجنة
لاهنت ..،
[/align]

[align=center]
" وجد "
صح بدنك ياعزيزتي
وشكراً جزيلاً لدعواتك وَ كرم حضورك ِ..،
[/align]

كأني به مقر الطيـب مثلـي يايبـه مصـدوم
يدور من لقاه الطيـب بيـن النـاس مدهالـه
يدور فـالعيون اللي تمـره عنّـك أي علـوم
ولايلقى ياكود الدمـع مسفـوح ٍ علـى جالـه

,

الحمدلله الذي لايحمد على مكروه سواه ,

اخت من طاع الله , قصيده فيها من الحزن الشئ الكثير

نسأل الله ان يرحم والدك ويغفر له ويتجاوز عنه

ونسأل الله لك الصبر والسلوان

تقديري

صدق هذا الحزن يجبرنا على الامتثال له مرارا هنا .. والتصفيق لولوجه القلب بلا استئذان ليستفز دمعة تعبر عن كامل الرضا


صح لسانك بلا عدد



وغفر الله لوالدك اخيّة ..



ودي وتقديري ..

{على حاله ..} مكانك يايبه من غبت لين اليوم
وعلى حال المكان أصيح وأذكر ماضي أحواله
كأني به مقر الطيـب مثلـي يايبـه مصـدوم
يدور من لقاه الطيـب بيـن النـاس مدهالـه
يدور فـالعيون اللي تمـره عنّـك أي علـوم
ولايلقى ياكود الدمـع مسفـوح ٍ علـى جالـه


قصيده مليئه بالحزن ..


أخت من طاع الله .. صح السانك ..



ورحم الله والدك وأسكنه فسيح جناته ..

وأبقى راسك
وجعلك ذخر للي تحبين

أبدعتي وأوجعتي يا أخت من طاع الله .. ابدعتي وأوجعتي ..
رحم الله والدك واسكنه فسيح جناته ..
صح لسانك ودمت ِ كما تحبين ..

تحيّتي

الله يجزاك خير يا أخوي "مشاري "
ومتابعتك تشريف لي
لاهنت ِ..،

الله لايهينك يا أخي " محمد "
وجُزيت خيراً على حضورك ِ..،

[align=center]
جزاك الله خير يا أخي " عيسى "
وأدام عليك كل خير ..،
[/align]

اخت من طاع الله



الحمد لله على كل حال .. والله يرحم ابوك ويسكنه فسيح جناته .. وصح لسانك على هالحزينه وانا اخوك



سلامي عليك

،
،
،

اخت من طاع الله

صح لسانك قصيدة معبرة

تقبلي تحياتي

غيابك عندنا كوم وَ ألـم فقـدك علينـا كـوم
وبعدك أيّات كلمـة تجـرح الخافـق وتغتالـه
بعدك اسأل مسافات التعب من غبت لين اليـوم
عنك وتبدد أنفاسي ليا قالت {علـى حالـه..!}


رحم الله والدك وتغمده برحمته .. ورضوانه

أخت من طاع الله

للحزن في كلماتك نبرة .. وللآه في أحرفك باع طويل
صح لسانك .. وعساها آخر الأحزان

تحياتي


..

الله اكبر
الله لايحاسبك

كم هي حزينه وكم عشناها ,,

يقصر الكلام عن شعرك وماتكتبين

اعذريني

[align=center]
جزاك الله خير يا أخي " محمد "
وشكراً جزيلاً لتواجدك ..
[/align]

[align=center]
شكراً لك يا أخي "عفاس"
..
[/align]

[align=center]
اللهم آمين ..،
وعسى الله أن يجزيك بالخير يا أخي " ياسر "

[/align]