قطار المشاعر !!

السلام عليكم ورحمة الله وبركاته

في ميزانيتها السنوية لعام 2009م أعلنت الشركة الصينية المنفذة لقطار المشاعر أن تكلفة المشروع هي 177 مليون دولار ,,

وبضرب المبلغ في 3,75 تكون التكلفة بالريال = 663,75 مليون ريال سعودي

( هذه هي تكلفة المشروع الفعلية ),,

لكن ربعنا ضربوا المبلغ في عشرة وجعلوا التكلفة 6,6 مليار ريال ( وهي التكلفة المعلنة رسميا عندنا ) ,

يعني الفرق 6 مليار ريال .

للتأكد من هذا الكلام هذه قصاصة من ميزانية الشركة ورابط بكامل الميزانية للاطلاع ,, علما بأن المشروع موجود في صفحة 76 من الميزانية :


هذه هي القصاصة :




وهذا هو رابط الميزانية :

http://www.crcc.cn/Portals/4/2009%20Annual%20Report.pdf


[OVERLINE]على ذمة الايميل [/OVERLINE]

الله يرحمنا برحمته , و يغنينا بفضله عن من سوا , و يجعل مطعمنا و ملبسنا حلال .,
صار الأكل بالحرام واضح عينك عينك , و الكل يسرق على قد ما يقدر .,
لدرجة أن الرجال الأمناء صاروا ندرة في هذا الزمن .,,


ألف لا هنت يا ابو مروي ., و منا إلى السلطات تشوف اللازم .

ربعنا يحبون يضخمون مايفعلونه .. ومن زين عاد قطارهم

ولا نعلم هل هذا عدم احترام لعقول الناس وثقافتهم أو شغل (بلطجيه)

اجل ساعة مكة قيمة تكلفتها 3 مليار دولار . هل هذا يعقل

الله يعين

تقبل ودي وتقديري

أصلاً واضحه يابو مروي بدون ، ( قصاصه ) ..!
قطار ( اليابان ) الي مابقى الا ينزل كل واحد عند بيته
قيمته ربع قيمة هالقطار ،
السؤال : . كم راح تكون قيمة ( التذكره ) ..!
مدري ليه أحس ان ( ساحل العاج ) لها يد في اختيار لون القطار

سلمت ودمت

ياخوفي والله يجي يوم ويقولون للحجاج


انزلو دفو خلونا ننتعه


ههههههههههههااي


من يوم شفت لونه وانا غاسل يدي

ياسر مشكور مشكور ياغالي

كل الوود ..

[align=right]



حسبي الله ونعم الوكيل


وابد الكل راح يحاسبه ربي << ياسبحان الله


لا هنت

[/align]

هذا ما عاد هو اختلاس.. هذي فضيحه مدوّيه انتسان ايميل ياسر صادز..

طيب الايميل هذا و غيره من الفضايح هي ما تجي الا لنا حنا يا الشعب؟؟

يعني يمر على الحكومه و الا حده بس ايميلاتنا حنا.؟؟؟؟



عز الله انك سطحت تسبدي يا ابو مروي و هي ما بقي منها غار شليقة ٍ يا دوب تدف العمر قدام ..


قضيت علي يوم الله قضى عليّ..

لا و اللي دابل ٍ تسبدي ان اليوم الوطني بعد يومين... سديت نفسي عن الوطنيه يا ابو مروي

بما انك صدوق اكيد ايميلك صدوق


الله يعين ياياسر

عادي حلالهم وهم حرين فيه .. واحر تسبدي حرااااه بس ..


فساد واضح عيني عينك .. واللي مايشوف من اول الحين بيشوف .. الله يوفق مسؤولينا ويحلون هالكوارث .. عز الله الوضع مايرضي الله ولا عباده الصالحين ..

ابو مروي : رغم حبي لك وتقديري بس موضوعك ذا لعب في حسبتي حسبي الله على العدو .. لاعدمتك

حلو حلو !
ماسرقوا شيء عز الله
ماغير كم مليار يسددون بها فواتيرهم ويعطونها المستحقين لاتحسدون الناس
لكن انت يابو مروي علامك تنصحني سنتين عن العلوم هذي وتجيب المطمه انت ؟
وتراني داخل الموضوع ويوم شفت العنوان قطار المشاعر ، قلت موضوع مصارحات ههه

على طاري قطار المشاعر

( احبك ) !

^

شرحك سرا

قلت مشاعر أكيد موضوع عاطفي : (

لكن يالله من حصـّّل شي ّّ يستاهله << له نسبه في الستـّّه مليار

لاهنت يا ابو مروي ،،

المشاركة الأصلية كتبت بواسطة شفق السريّع

هذا ما عاد هو اختلاس.. هذي فضيحه مدوّيه انتسان ايميل ياسر صادز..

طيب الايميل هذا و غيره من الفضايح هي ما تجي الا لنا حنا يا الشعب؟؟

يعني يمر على الحكومه و الا حده بس ايميلاتنا حنا.؟؟؟؟



عز الله انك سطحت تسبدي يا ابو مروي و هي ما بقي منها غار شليقة ٍ يا دوب تدف العمر قدام ..


قضيت علي يوم الله قضى عليّ..

لا و اللي دابل ٍ تسبدي ان اليوم الوطني بعد يومين... سديت نفسي عن الوطنيه يا ابو مروي

ههههههههههههههههه


يابو مروي
ياحبني لك ولمواضيعك في بداية الأمر

وشفق الله يخليه لنا ويمد في عمره
ماعاد خلا لنا مجال

اللي نقول اللي يعين ..
ويرزق ولاة الأمر البطانه اللي تعين على ماهو مرضاة لله وللعباد

وكل عام والمملكة بخير

،


الاختلاس صار شي روتيني في كل مشروع ، الشي الغريب الان هو وجود مشروع بلا اختلاس
والذمه والضمير مع الخيل يا شقراء ،


حقيقه مؤسفه ، للاسف


ابو مروي ما نقول الا حسبنا الله ونعم الوكيل

هل تعلم بان الشركة الصينية المنفذة للمشروع

أقامت دعوى ضد اعلان المبلغ الذي تم اعلانه من قبل ربعنا

هالحين خل مهايطهم ونصبهم ينفعهم

شي مو غريب عليهم

لاهنت يا خوي ياسر

احترااامي

و
ج
د

الله المستعان ياياسر