يا كم خذت امن الرجال الحلاحيل ( مصافحـه اولى )

السلام عليكم ورحمة الله وبركاته هذي قصيده وانا توي مبتدي بالشعر وانا صغير سن
واتمنى ان تحوز على رضا الجميع

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
دنياك هذي يا فهد تفتر الحيل=وانته مجرب زين مر الزماني
يا كم خذت امن الرجال الحلاحيل=ورديها عايش على امن(ن) واماني
ما غير افكر وقت قول التهاليل=وينشل عقلي دايم ٍ في مكاني
اشوف شنو ماضي ٍ لرحاحيل=وعيني تهل الدمع سر وعلاني
لا جيت انا دايم لبعض المداهيل=يا ليت ربي قبل لا اتي نهاني
ادوج في ديرة هل الهجن والخيل=ما به بقايا يا الله المستعاني
تقول يمكن ما نزلها رياجيل=راحت ارسوم اقرون بأربع ثواني
يا عل يسيقها السحاب بهماليل=وياتي ربيع ٍ يقلع اللي كفاني
ما غير اهوجس يا فهد فأول الليل=واشوف شي ٍ وسط قلبي كواني
واقوم واخذ تقل تسعة فناجيل=اذن يركد فكري اللي دهاني
الله من وقت ٍ جربت به غرابيل=تقول ما كنه جرا فالزماني
كله عشان الضيف والبن والهيل=من شان تكريم الذي جاي عاني
وهذول جيل ٍ ما يجي مثلهم جيل=جيل الكرامه راح والوقت شاني
واليا جهلت انشد وتلقا دواليل=بعض العرب يعرف سهيل اليماني
وجيل التطور ميلو الدين تمييل=حرامنا حلال وقت اللياني
يا فهد جعل ايام عمرك تساهيل=وعسا عظامك دايم ٍ للجناني
والله يستر وش يجي فالمقابيل=يا عل في قبري يجاوب لساني[/poem]

اجل خلك على هالمنوال وازود والله لا يضرك \

صح لسانك يا خالد