تخاف يخلص عندها البترول

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=sp num="0,black""]
هاض الضمير اللي توارد يمه = روابعه قامت تصول تجول

يسرح بفكره فالقصيد وبدعه = يفصله بقياس عرض وطول

يغوص غبات البحر بفكاره = يستخرج المرجان ويا اللول

فكرت بالدنيا ومنهم فيها = نزول حلت في مكان نزول

راحوا عن الدنيا وعن زخرفها = على النقا والطيب وحسن دلول

في وسط قبرٍ باع عرض ذراعي = بيضٍ لفايفهم بدون نعول

الله يرحم ويتجاوز عنهم = يالله عساهم فالجنان دخول

نكبر ويدني حتفنا بقدومه = وفي كل يوم نتوب بكره نقول

الناس مفتونه بحب الدنيا = أبمغريات العالم المجهول

تخاف قل المال ويا العيشه = وتخاف يخلص عندها البترول

لاكن مثل ما قاله أبن زويبن = مثل البهايم تدرج المخيول

ما عاد به دين وحيا يردعها = مخالفين لمنهج الرسول

يفخر بفعل المعصيه بالمجلس = من بعد ستر الله على المبدول

يالأدمي فكر بقبر وظلما = لاقفوا أهلك وضمك المقفول

ترد روحك لا نكير ومنكر = ملايكه تسألك ويش تقول

النفس بالتقوى نصيحه أشبعها = تلقى لعسرات الأمور حلول

والصبر مفتاح الفرج بالشدة = ثلاثة أقسامه كلام عقول

صبرك على الدنيا على بلوها = وصبرك على الطاعه أجر مدبول

وصبرك وبعدك عن معاصي ربك = بينك وبين النار عنك تحول

وأزكى صلاةٍ للنبي صلوها = شفيعنا يوم الحشر والهول[/poem]

الله الله الله

صح لسانك يا ابراهيم ,..

إبداع بدرجة إمتياز
لله درك يا إبراهيم

صح لسانك مدد

..


اللهم صلي وبارك على ارحم خلق الله ..

و .. صحت " قوآفيك " .. يا ابراهيم ..

تمنيآتي لك بالتوفيق ..


..

الله الله صح لسانك ولاهنت

اللهم اصلِ واسلم على سيدنا وحبيبنا محمد وعلى آله وصحبه اجمعين

وصحّ لسانك مدد يا الجذع ولاهنت

قصيده كايفه وطرق كايف

والله لا يجعلنا من من غرته دنياه

وهذه حال منهم بالدنيا:

نزول حلت في مكان نزول

تحيتي

الله الله الله الله ,

صح لسانك مليون ياابراهيم ,

وقصيدة شاعر مبدع ,

وعسى الله لايضرك ,

ودمت بخير ,