ماجاء بالليالي غدت به

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش خانة المقطان لوقيل مااحلاه = صيّور ماجا بالليالي غدت به
يامن لقلبٍ من شديد العرب باه = بوهة غريرٍ بالمظامي رمت به
لا والله الا صار للبدو نوناه = وثوّر عسام الجو مما عفت به
والبيت هدّن الخدم زين مبناه = طوّن ذراه وقينه الزمل جت به
وشالوا على اللي بالمبارك مثناه = ماحط فوق ظهورها زوعت به
مظهورهم كن الطماميع تشعاه = يتلى سلف خيال من قربت به
ياقرب مسراحه وماابعد معشاه = له شدةٍ راعي الغنم تشتمت به
لو صوت الرجال ماتسمع انداه = من لجة المرحول مايلتفت به
مقطانهم امست خلى (ن) ركاياه = تقنب سباعه والذوارى بنت به
وردوا على عدٍ حللهم بمنداه = لين ان كل من مديده لفت به
يوم استخالوا نوض برق بمنشاه = يذكرلهم من راح سيله بنتبه
ياعيني اللي في نظرها مشقاه = تاصل الى مشرافهم واشرفت به
والعين سبر القلب والرجل مغراه = والى ومر قلبي لرجلي مشت به
رجلي على كثر التراديد مشهاه = مامورة والا انها مستعتبة
قلبي ربيعه جية البدو ومناه = ولا احسب البيعات وش صرفت به
العصر يوم ان القصر مالت افياه = في سوقنا الثوب الحمر وقفت به
يجر ثوب الجز واعظم بلواه = لو كان قلبي ممحلٍ ربعت به
ياتل قلبي تلة الغرب لرشاه = على زعازع حايلٍ صدرت به
سواقها عبد ضربها بمحداه = اما امرست برشاه والاوطت به
كنك على سوقه تهمه وتنخاه = لا عود الله ساعةٍ عرفت به
لا اقفى بها كن الطماميع تنحاه = كن الدلو طيرٍ اليا نزعت به
لين أمَزع غربه على حد عرقاه = وجيلان بيره بالمسمْوحْ لعّبت به
[/poem]

لعبد الله بن سبيل الباهلي / من اهالي نفي

وهنا بصوت الاستاذ / ياسر الروقي

::

حيك وحي ما جبت يبو دحيم
وصح لسان بن سبيل .. وهذا والله الوصف والصب الصح ماعندي فالحكي





هاحب لي خشمك يالغالي

لاهنت ياسلطان

نقل رائع ..

شكري لجهدك


اخوكم

الله يرحم ابن سبيل



ومشكور ياسلطان على الإدراج الرائع ...........واذكر اني نزلتها قبل مدها في السديري

لاهنت

من روائع الشعر الشعبي


ومشكور سلطان

سلطان العطاوي

اختيار راقي لاهنت

ودي وتقديري

سلمت يا سلطان
هذه قصيدة كانت اشهر من نار على علم
مع جهل البعض بكاتبها وأنا أحدهم
شكرا لك أخي الفاضل