...في كـل وقـت وكل حـال وكـل حيـن ...

القيت هذه القصيدة بمناسبة مبايعه سمو سيدي ولي العهد حفظه الله
في برنامج سهارى المخصص لمبايعة سموه
[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يادارنا يام الرخاء والعز دار المسلمين =المسلمين المومنين اللي صحيح اسلامها
بالعروه الوثقى على القمة وبالحبل المتين =وقوماً تجوَّد في عُرى الرحمن ماحداً ضامها
مايلحقك ضيق وكدر وانتي بيدين الصالحين =اللي على هدي النبي من شبلها لـ / امامها
تاريخهم باقي على مر الليالي والسنين =ثابت ثبات ارض الوحي برموزها واعلامها
قبل امس قلنا ياكريم انك تعوض الصابرين =اللي تعبهم من رحل روح البلاد وهامها
والله اجاب وعاضنا في فقد ريف المعسرين =والارمله هياء ، لها ربي وعاض ايتامها
مامات سلطان وورى سلطان مطلوق اليمين =نايف عمى عين العدا درع البلد ضرغامها
سيفٍ شطير بسطوته للمعتدين الآثمين =حده بشرع المعتلي من روسها ، لعظامها
اكد بما لاريب بان المفسدين العابثين =ماتنردع عن غيها حتى تعرف احجامها
رحمة وغيث من السماء يبهج كبود المسنيين =وصدراً حفظ لِرْعِيته وقارها واقيامها
نوراً يبدد ظلمة الدار وفنار المهتدين =وصبح النفوس اللي يعشمها بنيل احلامها
لــ / امن البلد ساق العمر كفٍ لعسر وكف لين =وكف العطاء فامن الوطن صعبه نحصْر إسهامها
نشوف دوره والثنا بوجيه كل المحرمين =اللي لوجهه اخلصت مسيرها واحرامها
حتى على ارواحنا والدين صرنا آمنين =ومن الرخا حياتنا ماعد نعد ايامها
ياسيدي سر والوطن خلفك وانا كلي يقين =ان العظايم مالها زيزوم غير عظامها
وان الرجال الساميه بافعالها دنيا ودين =على الجبال النايفه دايم تسير اقدامها
المعرفه كنز الامم والحكمه الحصن الحصين =وعمر الشوامخ مانبنت على كتوف اقزامها
ياسيدي حنا لكم بالدم جنداً مخلصين =حتى ترث ارض الرسل والمؤمنين اقوامها
على كتاب الله وسنة سيدي طه الأمين =نبايعك بيعة وفا ، ياسترها وحزامها
نبايعك في كل وقت وكل حال وكل حين =سلمٍ لمن سالم وسقم عداك ياضرغامها
[/poem]

نـوراً يبـدد ظلمـة الـدار وفنـار المهتديـن

وصبح النفوس اللـي يعشمهـا بنيـل احلامهـا

ياسلام عليك ياسعود

ياسيدي سر والوطن خلفـك وانـا كلـي يقيـن

ان العظايـم مالهـا زيـزوم غيـر عظامهـا

وان الرجـال الساميـه بافعالهـا دنيـا وديـن

علـى الجبـال النايفـه دايـم تسيـر اقدامهـا

ابو بادي انت شاعر جزل ومميز

وللامانه في متابعتي لك من مبطي

وأنا ماتعود أقرالك إلا شي مميز ويثري الذائقة


صح لسانك


وكل عام وانت بخير ~

ابدعت يابوبادي

صح لسانك وابيض وجه

تقبل تحياتي

:

سعود بادي

مجرد وجود هذا الاسم فقط
كفيل بخلق تراجيديا شعريه خاصة بسعود وسعود فقط
في كل أغراض الشعر ..
لايأتي كمن سبقه بل يكون حديث اللاحقين
وهنا .. وطنية ٌ تعانق الشموخ ..!

ببساطة ..

تنبيه ..

(( لقراءة ابن بادي ))

يجب إستحضار كافة الحواس ..!

الله عليك يا بوبادي

صح لسانك وسلمت ابدعت وبيض الله وجهك



اعجاب وتحيه