قصيدة رائعة للشيخ عبد الرحمن بن ماجد بن ربيعان

هذه القصيدة للشيخ عبد الرحمن بن ربيعان وهي من اجمل القصائد [poet font="Simplified Arabic,4,black,normal,normal" bkcolor="transparent" bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=""]
يالله ياللي ماسألك احد وخاب =ياواحد فوقالخلايق معتلي
اسالك بالقران وبام الكتاب =وبحب عبد منك جانا مرسلي
وبحب آله فيك وبحب الصحاب = وبأني ما أتخذت من دونك ولي
أسألك تهديني طريق اهل الصواب = أبي بكر وعمر وعثمان وعلي
وأسألك توفيق به اقض الصعاب =والعافيه والخير والمخرج ملي
واسألك ياللي عنك ماغيب يغاب =تفرج بلطف منك يامولاي إلي
يقوله اللي من صروف الوقت شاب =وعينه تعاف النوم لانام الخلي
ماهوب والله من هوى تلع الرقاب =لو إنني منهن اصبت بمقتلي
يوم الهوى قايم وأنا اطرد لي سراب =والليل مهما طال لازم ينجلي
بيدت رجليني وبيدت الركاب =حراير تهذل .... وضار يهذلي
أحيان آطى لي على حية وداب =وأحيان لا والله زل ومخملي
وأحيان اروح ماتوارت بالحجاب =واحيان ارد قبل القطا للمنهلي
الله ياعصر مضى لي بالشباب = يازين سلمى بالزمان الأولي
عذرا طروب .. ومع بشاشتها كعاب = عود الأراكة في أديم ممتلي
أحلام ليلٍ كنها مر السحاب =سيان يادنيا ادبري او فـ اقبلي
دنيا نعمرها وتاليها خراب = احد بها راحل والآخر ينزلي
واحد على ماراد طابت له وطاب =واحد بالأبهر خجته بمشنشلي
العلم والله يوم اوارى بالتراب =وخلوني اصحابي وخلوني هلي
ياربي اعوذ إبك من سو العذاب =من ذا سواك ... لا إله إلا انت لي
أعوذبك وألوذ وإليك المآب =ما خاب من لك ياإلهي يسألي


[/poet]

محمد البيضاني


صح بدنك وصح بدن الشاعر



ولله درك والله لا يهينك

مناجاه رااائعه

اختيااار جميل
فعلا قصيده تستحق الحفظ

محمد تقبل كاامل التقدير

اخي محمد عايش

اخي ناصر بن تراحيب


شكرا لمروركم الكريم على هذه المشاركة

التي تستحق الاعجاب ولا غرابة فهي لشاعر كبير

وشكرا